Connect with us

ಸಿನಿ ಸುದ್ದಿ

ದುನಿಯಾ ವಿಜಿ ‘ಖೈದಿ ನಂಬರ್ 9035’..!: ಈ ದಿನದ ಕಂಪ್ಲೀಟ್ ಡೀಟೆಲ್ಸ್ ಇಲ್ಲಿದೆ ಓದಿ

Published

on

ಸುದ್ದಿದಿನ, ಬೆಂಗಳೂರು : ಪರಪ್ಪನ ಆಗ್ರಹಾರ ಜೈಲಿನಲ್ಲಿ ದುನಿಯಾ ವಿಜಿಗೆ ನಂಬರ್ ಖೈದಿ ನಂಬರ್ ಕೊಡಲಾಗಿದೆ. ಜೈಲು ಅಧಿಕಾರಿಗಳಿಂದ ವಿಜಿಗೆ ವಿಚಾರಣಾಧೀನ ಖೈದಿ ಸಂಖ್ಯೆ ಮಂಜೂರು ಮಾಡಿದ್ದಾರೆ. ದುನಿಯಾ ವಿಜಿಗೆ 9035, ಪ್ರಸಾದ್ 9036, ಮಣಿ 9037, ಪ್ರಸಾದ್ 9038. ನಾಲ್ವರು ಆರೋಪಿಗಳಿಗೆ UTP (ಯು.ಟಿ.ಪಿ : ಅಂಡರ್ ಟ್ರಯಲ್ ಪ್ರಿಸನರ್) ಸಂಖ್ಯೆ ನೀಡಿದ ಜೈಲು ಆಧಿಕಾರಿಗಳು.

ಈ ಹಿನ್ನೆಲೆಯಲ್ಲಿ ಜಾಮೀನು ಕೋರಿ ದುನಿಯಾ ವಿಜಯ್ ಕೋರ್ಟ್ ಮೊರೆ ಹೋಗುದ್ದಾರೆ. 8ನೇ ACMM ಕೋರ್ಟ್ಗೆ ಜಾಮೀನು ಕೋರಿ ಅರ್ಜಿ‌ಸಲ್ಲಿಸಿದ್ದಾರೆ. A1 ಪ್ರಸಾದ್, A2 ದುನಿಯಾ ವಿಜಯ್, A3 ಮಣಿ ಇಂದ ಅರ್ಜಿ ಸಲ್ಲಿಸಲಾಗಿದ್ದು, ಮೂವರು ಆರೋಪಿಗಳ ಪರ ವಕೀಲ ಶಿವಕುಮಾರ್ ವಕಾಲತ್ತು ನಡೆಸಲಿದ್ದಾರೆ. ನ್ಯಾ.ಮಹೇಶ್ ಬಾಬು ರಿಂದ ಜಾಮೀನು ಅರ್ಜಿ ವಿಚಾರಣೆ ನಡೆಸಿದ್ದಾರೆ‌. ವಿಚಾರಣೆಗೆ ಬಂದ 3 ಆರೋಪಿಗಳಿಗೆ ಜಾಮೀನು ಅರ್ಜಿ
ನೀಡದಂತೆ ವಾದ ಮಂಡಿಸಲಾಯ್ತು. ಜಾಮೀನು ಅರ್ಜಿಗೆ ಆಕ್ಷೇಪಣೆ ಸಲ್ಲಿಸಲಿರುವ ಸರ್ಕಾರಿ ಅಭಿಯೋಜಕರು.

ದುನಿಯಾ ವಿಜಯ್ ಪತ್ನಿಯರ ಬಡಿದಾಟ ಪ್ರಕರಣ

ಇಬ್ಬರು ಪತ್ನಿಯರ ಹೇಳಿಕೆ ದಾಖಲಿಸಿರುವ ಪೊಲೀಸರು, ಕೀರ್ತಿ ಮನೆಯಲ್ಲಿ ನೆನ್ನೆ ನಡೆದಿದ್ದ ಪತ್ನಿಯರಿಬ್ಬರ ಬಡಿದಾಟ, ಪರಸ್ಪರ ತಳ್ಳಾಡಿ, ಬಡಿದಾಡಿಕೊಂಡು,ಕೈ ಗಳಿಂದ ಹಲ್ಲೆ ಮಾಡಿಕೊಂಡು ಜಗಳ. ದುನಿಯಾ ವಿಜಯ್ ತಂದೆ-ತಾಯಿ ಇಬ್ಬರಿಂದಲೂ ಹೇಳಿಕೆ ದಾಖಲಿಸಿಕೊಂಡಿರುವ ಪೊಲೀಸರು. ಕೀರ್ತಿ ಮತ್ತು ನಾಗರತ್ನ ಗಲಾಟೆಗೆ ಕಾರಣವೇನು ಎಂಬ ಅಂಶಗಳ ಕುರಿತ ಪೊಲೀಸರಿಗೆ ವಿವರಣೆ ಪಡೆಯಲಾಗಿದೆ. ಘಟನೆ ಸಂಪೂರ್ಣ ಚಿತ್ರಣ ಪೊಲೀಸರಿಗೆ ವಿವರಿಸಿರುವ ವಿಜಯ್ ಪೋಷಕರು. ವಿಜಯ್ ಮಕ್ಕಳ ಹೇಳಿಕೆ ದಾಖಲಿಸಲು ಪೊಲೀಸರ ನಿರ್ಧಾರ ಮಾಡಿದ್ದಾರೆ.
ಘಟನೆ ನಡೆದ ವೇಳೆ ಮನೆಯಲ್ಲಿ ಪ್ರತ್ಯಕ್ಷ ದರ್ಶಿಗಳಾಗಿದ್ದ ಮೂವರು ಮಕ್ಕಳ ಹೇಳಿಕೆಯನ್ನು ಸಂಜೆ ದಾಖಲಿಸಲು ನಿರ್ಧರಿಸಿರುವ ಗಿರಿನಗರ ಪೊಲೀಸರು.

ಪರಂ ಮೊರೆ ಹೋದ ಪಾನಿಪೂರಿ‌ಕಿಟ್ಟಿ

ಗೃಹಸಚಿವ ಜಿ. ಪರಮೇಶ್ವರ್ ಮೊರೆ ಹೋದ ಪಾನಿಪುರಿ ಕಿಟ್ಟಿಯು ದುನಿಯಾ ವಿಜಿ ಪ್ರಕರಣವನ್ನು ಸರ್ಕಾರಿ ವಿಶೇಷ ಅಭಿಯೋಜ ಕಾರಗಿ ಶ್ಯಾಂಮ್ ಸುಂದರ್ ಅವರನ್ನು ನೇಮಿಸುವಂತೆ ಮನವಿ ಮಾಡಿದ್ದಾರೆ. ಶ್ಯಾಂಮ್ ಸುಂದರ್ ವಿದ್ವತ್ ಪ್ರಕರಣವನ್ನು ತುಂಬಾ ಚೆನ್ನಾಗಿ ಹ್ಯಾಂಡಲ್ ಮಾಡಿದ್ರು,ಆರೋಪಿಗಳಿಗೆ ತಕ್ಕ ಶಿಕ್ಷೆ ಆಗುವಂತೆ ನೋಡಿಕೊಂಡಿದ್ರು, ಹೀಗಾಗಿ ಅವರನ್ನೆ ನೇಮಕ ಮಾಡಬೇಕೆಂದು ಗೃಹಸಚಿವರ ಬಳಿ ಮನವಿ ಮಾಡಿದ್ದಾರೆ ಕಿಟ್ಟಿ.

ವಿಜಿ ಪತ್ನಿ ನಾಗರತ್ನ ಹೀಗಂದ್ರು

ಪಾನಿಪುರಿ ಕಿಟ್ಟಿ ಒಳ್ಳೆ ಮನುಷ್ಯ. ವಿಜಯ್ ಜೊತೆ ತುಂಬಾ ಚೆನ್ನಾಗೆ ಇದ್ರು. ಪಾನಿಪುರಿ ಕಿಟ್ಟಿ ಅವರ ಮನೆಯಿಂದ ಊಟ ತಂದು ವಿಜಯ್ ಗೆ ಕೊಟ್ತೀದ್ರು. ನನ್ನ ಗಂಡನ ಜೊತೆ ತುಂಬಾ ಚೆನ್ನಾಗಿದ್ರು. ನಮ್ಮ ಮನೆಗೆ ಬಂದು ಹೋಗುತ್ತಿದ್ದರು. ಯಾಕೆ ಗಲಾಟೆ ಆಯಿತು ಅನ್ನೋದು ಗೊತ್ತಿಲ್ಲ ವಿಜಿ ಪತ್ನಿ ನಾಗರತ್ನ ಹೇಳಿಕೆ ನೀಡಿದ್ದಾರೆ. ದುನಿಯಾ ವಿಜಯ್ ತಂದೆ ಅವರೇ ನನ್ನ ಬಗ್ಗೆ ತಪ್ಪು ಮಾಹಿತಿ ನೀಡ್ತೀದ್ದಾರೆ. ನಾಗರತ್ನಗೆ ಆಸ್ತಿ ಕೊಟ್ಟಿದೇವೆ ಅಂತಾ ಹೇಳಿಕೊಂಡು ಓಡಾಡ್ತೀದ್ದಾರೆ. ಅವರೇ ಹಾದಿ ತಪ್ಪಿಸುತ್ತಿದ್ದಾರೆ‌ ಎಂದಿದ್ದಾರೆ. ವಿಜಿ ಎರಡನೇ ಹೆಂಡ್ತಿ ಮೇಲೆ ದೂರು ನೀಡಿದ್ದ ನಾಗರತ್ನ . ನಿನ್ನೆ ದುನಿಯಾ ವಿಜಯ್ ಗಲಾಟೆ ವಿಚಾರ ಟಿವಿಯಲ್ಲಿ ನೋಡ್ದೆ. ಮಗಾ ಸಾಮ್ರಾಟ್ ಕೂಡಾ ವಿಜಯ್ ಜೊತೆ ಇದ್ರು ಅಂತಾ ನೋಡ್ದೆ. ಅದ್ಕೆ ಗಾಬರಿಯಾಗಿ ಕೀರ್ತಿ ಗೌಡ ಮನೆಗೆ ಹೋದೆ.‌ಯಾಕೆ ನನ್ನ ಮಗನನ್ನ ಅಷ್ಟೋತ್ತಿಗೆ ಕಳುಹಿಸಿದ್ರೆ ಅಂತಾ ಕೇಳ್ದೆ. ಆಗ ನಮ್ಮ ಮಾವಾ,ಅತ್ತೆ ಕೀರ್ತಿ ಗೌಡಗೆ ಸರ್ಫೋರ್ಟ್ ಮಾಡಿದ್ರು. ನಂತ್ರ ಮಾತಿಗೆ ಮಾತು ಬೆಳೆದು ಗಲಾಟೆ ಆಯಿತು, ಹೊಡೆದಾಟ ಆಯಿತು. ನಂತ್ರ ಪೊಲೀಸ್ ಠಾಣೆಗೆ ಕಂಪ್ಲೇಟ್ ಕೊಟ್ಟೆ.

ದುನಿಯಾ ವಿಜಯ್ ಗೆ ಬುದ್ಧಿ ಹೇಳೋರು ಯಾರು ಇಲ್ಲ

ಕಳೆದ ಎರಡು ವರ್ಷದಿಂದ ವಿಜಿ ಜೈಲು,ಪೊಲೀಸ್ ಠಾಣೆಗೆ ಹೋಗ್ತಾನೆ ಇದ್ದಾರೆ. ನಾನ್ ಬುದ್ಧಿ ಹೇಳೋಕೆ ಹೋದೆ ನನ್ನನ್ನ ದೂರ ಮಾಡಿದ್ರು. ಈಗ ಅವರು ದುಡ್ಡಿಗಾಗಿ ಬಂದವಳ ಜೊತೆ ಇದ್ದಾರೆ. ಅವ್ಳು ಸ್ವಲ್ಪ ದಿನ ಇರ್ತಾಳೆ ಆಮೇಲೆ ಹೋಗ್ತಾಳೆ. ಅವ್ರೆಲ್ಲ ದುಡ್ಡಿಗೆ ಬರೋರು. ಈಗ ಇವ್ರು ಜೈಲಿಗೆ ಹೋಗಿದ್ದಾರೆ, ನನ್ನ ಮಕ್ಕಳ ಗತಿ ಏನು. ಕೀರ್ತಿ ಗೌಡದು ದಾರಿದ್ರ ಕಾಲು.‌ಅವಳು ಕಾಲು ಇಟ್ಟಿದೆ ತಡ ವಿಜಯ್ ಪೊಲೀಸ್ ಠಾಣೆ ಮೆಟ್ಟಿಲೇರುತ್ತಿದ್ದಾರೆ. ನಾನ್ ಇದಿದ್ರೆ ಸುಮ್ಮನೆ ಇರ್ತಿದ್ನಾ..? ಈಗ ವಿಜಯ್ ಜೈಲಿಗೆ ಹೋಗೋಕ್ಕೆ ಕೀರ್ತಿ ಗೌಡನೇ ಕಾರಣ.

ಪಾನಿಪುರಿ ಕಿಟ್ಟಿ ಹೇಳಿಕೆ

ಮಾರುತಿ ಗೌಡ ಆರೋಗ್ಯ ಇನ್ನು ಚೇತರಿಕೆಯಾಗಿಲ್ಲ. ಎರಡಗಡೆ ಕಣ್ಣು ಸರಿಯಾಗಿ ಕಾಣುತ್ತಿಲ್ಲ ಎನ್ನುತ್ತಿದ್ದಾನೆ ಮಾರುತಿ ಗೌಡ. ರಾತ್ರಿಯೆಲ್ಲಾ ಕತ್ತು ತುಂಬಾ ನೋವು ಎನ್ನುತ್ತಿದ್ದ. ಏನು ತಿಂದರು ಮಾರುತಿ ಗೌಡ ವಾಂತಿ ಮಾಡಿಕೊಳ್ಳುತ್ತಿದ್ದಾನೆ. ಬಾಯಿಗೆ 14 ಹೊಲಿಗೆ ಹಾಕಿದ್ರು ಊತ ಕಡಿಮೆಯಾಗಿಲ್ಲ. ಮಾರುತಿ ಬಾಯಿ ಹಾಗೂ ತುಟಿ ಮತ್ತಷ್ಟು ಊತುಕೊಂಡಂತಿದೆ. ಸಿಟಿ ಸ್ಕ್ಯಾನ್ ರಿಪೋರ್ಟ್ ಗಾಗಿ ಕಾಯುತ್ತಿದ್ದೇವೆ. 9 ಗಂಟೆಗೆ ಸಿಟಿ ಸ್ಕ್ಯಾನ್ ರಿಪೋರ್ಟ್ ಬಂದಿರಬೇಕು.ನಾವು ಡಿಸಿಎಂ ಭೇಟಿ ಗೆ ಬಂದಿದ್ದೇವೆ.‌ ವಿಕ್ರಂ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ ಮಾರುತಿಗೌಡ ಎಂದು ಪಾನಿಪುರಿ ಕಿಟ್ಟಿ ಹೇಳಿದರು.

ಸುದ್ದಿದಿನ.ಕಾಂ|ವಾಟ್ಸಾಪ್|9986715401

ಅಂತರಂಗ

ನಿಂತಾಗ ಬುಗುರಿಯ ಆಟ..!

Published

on

  • ಹಿರಿಯೂರು ಪ್ರಕಾಶ್

ಹೇ..ಸಾವೇ ನೀನೆಂತಹಾ ಕ್ರೂರಿ ! ನೀನು‌ ಕ್ರೂರ, ಘೋರ ಎನ್ನುವುದು ಗೊತ್ತಿತ್ತು. ಆದರೆ‌ ನೀನಿಂಥ ಸ್ವಾರ್ಥಪೂರಿತ ಕ್ರೂರಿಯೆನ್ನುವುದು , ಕಿಂಚಿತ್ತೂ ಕರುಣೆಯಿಲ್ಲದ ಮಾರಿಯೆನ್ನುವುದು ಗೊತ್ತಿರಲಿಲ್ಲ !. ಈ ಪ್ರಪಂಚದಲ್ಲಿ ಜನಿಸಿದ ಪ್ರತೀ ಜೀವಿಯೂ ಅಸುನೀಗಲೇ ಬೇಕು ನಿಜ. ಅದಕ್ಕೆ ಭೇಧ ಭಾವವಿಲ್ಲ.

ಆದರೆ ಈ ನಾಡಿನ ಸಂಗೀತಪ್ರಿಯರೆಲ್ಲರೂ ನಿರ್ವಿವಾದವಾಗಿ, ನಿರುಮ್ಮಳವಾಗಿ, ನಿಷ್ಕಲ್ಮಶವಾಗಿ , ನಿತ್ಯ ನಿರಂತರವಾಗಿ ಪ್ರೀತಿಸುತ್ತಿದ್ದ ಒಂದು ಅಮೂಲ್ಯ ಹಿರಿಯ ಜೀವವನ್ನು ಇನ್ನಷ್ಟು ಕಾಲ ಹೀಗೆ ಪ್ರೀತಿಸುವ ಹೃದಯಗಳ ಎದೆಚಿಪ್ಪಿನಲ್ಲಿ ಉಳಿಸುವ ಒಂದು ಔದಾರ್ಯತೆಯ ಧಾರಾಳತೆ ತೋರಬಹುದಿತ್ತು. ಆದರೆ ಈ ಜಗತ್ತಿನ ಎಲ್ಲಾ ಒಳ್ಳೆಯದನ್ನು, ಒಳ್ಳೆಯ ವ್ಯಕ್ತಿಗಳನ್ನು ಆತುರಾತುರವಾಗಿ‌ ನಿನ್ನಲ್ಲಿ ಲೀನವಾಗಿಸಿಕೊಳ್ಳುವ ನಿನ್ನ ನಿರಂತರ ಕೆಟ್ಟ ಬುದ್ದಿಗೆ ‌ಇಂದು ಗಾನಲೋಕದ ಗಾರುಡಿಗ, ಸ್ವರ ಸಾಮ್ರಾಟ, ಅಜಾತಶತ್ರು, ಕೋಟಿ ಕೋಟಿ ಸಂಗೀತಪ್ರಿಯರ ಮನಸುಗಳಲ್ಲಿ ಸ್ಥಿರವಾಗಿ ನೆಲೆಯೂರಿರುವ , ಭಾಷಾತೀತ, ಸೀಮಾತೀತ ಸಹೃದಯಿ, ಸ್ನೇಹಮಯೊ ಡಾ. ಎಸ್.ಪಿ. ಬಾಲಸುಬ್ರಹ್ಮಣ್ಯಂ ರವರನ್ನೂ ಬಲಿಯಾಗಿಸಿ ರುವುದು ಮಾತ್ರ ಕೋಟಿ ಕೋಟಿ ಸುಮಧುರ ಮನಸುಗಳ ಹೃದಯಕ್ಕೆ ಕೊಳ್ಳಿಯಿಟ್ಟಂತಾಗಿದೆ.

ಶುಕ್ರವಾರ ಮಧ್ಯಾಹ್ನ‌ ಬಂದೆರಗಿದ ಅರಗಿಸಿಕೊಳ್ಳಲಾಗದ‌ ಈ ಸುದ್ದಿ ಅವರನ್ನು ಮೆಚ್ಚುವವರ ಮನಸಿನಾಳದಲ್ಲಿದ್ದ ದುಃಖದ ಮಡುವನ್ನು‌ ಛಿದ್ರಗೊಳಿಸಿ ನೋವಿನಲೆಗಳ ತರಂಗಗಳು ಒತ್ತರಿಸಿ ಹೊರ ಬರುವಂತೆ ಮಾಡಿದೆ. ಹೃದಯಗಳು ಭಾರವೆನಿಸಿ ಕಣ್ಣುಗಳು ಕಂಬನಿಯ ಬಿಂದುಗಳಿಂದ ಅರಳುಗಟ್ಟಿ ಆರ್ದ್ರವಾಗುತ್ತಿವೆ. ಬಾಲುರವರ ನಿರ್ಗಮನದಿಂದ ಉಂಟಾಗಿರುವ ಸಂಗೀತಲೋಕದ ಶೂನ್ಯತೆಯನ್ನು ವರ್ಣಿಸಲು ಈ ಸಂಗೀತದ ನಿರಕ್ಷರಕುಕ್ಷಿಗೆ ಪದಗಳೇ ಹೊಳೆಯುತ್ತಿಲ್ಲ.

ಮನದ‌ ವೇದನೆಯನ್ನು ಅಕ್ಷರಗಳಲ್ಲಿ ಕಟ್ಟಿಕೊಡಲಾಗದಂತೆ ಭಾವನೆಗಳ ಜೊತೆಗೆ ಬೆರಳುಗಳೂ ಮುಷ್ಕರ ಹೂಡಿದಂತಿವೆ. ಹೀಗಾಗಿ ಜಗತ್ತಿನಲ್ಲಿ ಅತಿಯಾಗಿ ಸಂಭ್ರಮಿಸುವ ಘಟನೆಗಳಿಗೆ ಅಥವಾ ಅತಿಯಾಗಿ ದುಃಖಪಡುವ ಸನ್ನಿವೇಶಗಳಿಗೆ ತುತ್ತಾದಾಗ ಮನದಲ್ಲಿ ಉಲ್ಬಣಿಸುವ ಭಾವನೆಗಳಿಗೆ ಅಕ್ಷರರೂಪ ಕೊಡಲಾಗದೇ ಒದ್ದಾಡುತ್ತೇವೆ. ಅಂತಹಾ ವೇದನೆ ತುಂಬಿದ ಶೂನ್ಯತೆಯ ಭಾವದ ವಾತಾವರಣದಲ್ಲಿಂದು ಬಾಲುರವರನ್ನು ಕಳೆದುಕೊಂಡ ಕೋಟಿ ಕೋಟಿ ಸಂಗೀತ ಪ್ರೇಮಿಗಳು ತೊಳಲಾಡುತ್ತಿದ್ದಾರೆ.

ಕಳೆದ ತಿಂಗಳ ಐದನೇ ತಾರೀಖಿನಂದು ಕೋವಿಡ್ ಪಾಸಿಟೀವ್ ಬಂದಿರುವುದರಿಂದ ಆಸ್ಪತ್ರೆಗೆ ದಾಖಲಾಗುತ್ತಿದ್ದೇನೆಂದು, ತಮಗೆ ಕೇವಲ ಶೀತ ಮತ್ತು ಜ್ವರವಿರುವುದರಿಂದ ಆದಷ್ಟು ಶೀಘ್ರವಾಗಿ ಗುಣಮುಖರಾಗಿ ಬರುತ್ತೇನೆಂದು ಫೇಸ್ ಬುಕ್ ನಲ್ಲಿ ಅವರೇ ಹೇಳಿಕೊಂಡು‌ ಚೆನ್ನೈನ‌ ಎಮ್‌ಜಿ ಎಮ್ ಆಸ್ಪತ್ರೆಗೆ ದಾಖಲಾಗಿದ್ದರು. ಅವರು ಹಾಗೆ ಹೇಳುವಾಗ ಅವರ‌ ಮಾತುಗಳಲ್ಲಿ ಮತ್ತೇ ನಮ್ಮನ್ನೆಲ್ಲಾ ಕಾಣುವ ಅದಮ್ಯ ಆತ್ಮವಿಶ್ವಾಸವಿತ್ತು.

ತಾವು ಕೊರೊನಾಗೆ ತುತ್ತಾಗುವ ಮುನ್ನ ಕೊರೋನಾ ಪೀಡಿತರಿಗಾಗಿ ಒಂದೊಂದು ಹಾಡನ್ನು ಹಾಡುವ ಮೂಲಕ ಹಣ ಸಂಗ್ರಹಿಸಿ ಕೊಟ್ಟಿದ್ದ ಹೃದಯವಂತ. ಆಸ್ಪತ್ರೆಗೆ ಸೇರಿದ ಆರಂಭದಲ್ಲಿ ಅವರ ಸ್ಥಿತಿ ತೀರಾ ಬಿಗಡಾಯಿಸಿ ಅವರನ್ನು ICU ಗೆ ಶಿಫ಼್ಟ್ ಮಾಡಿ ಜೀವ ರಕ್ಷಕ ಉಪಕರಣಗಳನ್ನು ಅಳವಡಿಸಿದ್ದರು. ಅಂದಿನಿಂದಲೂ ಅವರ ಆರೋಗ್ಯದ ಕುರಿತಾದ ಅಭೂತಪೂರ್ವ ಕಾಳಜಿ ದೇಶದ ಎಲ್ಲೆಡೆಯಿಂದ ವ್ಯಕ್ತವಾಗಿ ಅವರು ಶೀಘ್ರವಾಗಿ ಗುಣಮುಖರಾಗಲೆಂದು ಲಕ್ಷಾಂತರ ಮಂದಿ ಪ್ರಾರ್ಥಿಸುತ್ತಲೇ ಬಂದಿದ್ದರು.

ಎಲ್ಲ ಸಹೃದಯರ ಪ್ರಾರ್ಥನೆ ಪಲಿಸಿತೋ ಎಂಬಂತೆ ಕಳೆದ ವಾರವಷ್ಟೇ ಬಾಲು ರವರ ಆರೋಗ್ಯದಲ್ಲಿ ಸುಧಾರಣೆ ಕಂಡುಬರುತ್ತಿದೆಯೆಂಬ ಸುದ್ದಿ ನೋಡಿ ಮನಸ್ಸು ಹಗುರವಾಗಿತ್ತು. ಅವರಿಗೆ ಕೊರೋನಾ ನೆಗೆಟೀವ್ ಎಂಬ‌ ಸುದ್ದಿ ನಮ್ಮೆಲ್ಲರ ಮನದಲ್ಲಿ ಮತ್ತಷ್ಟು ಸ್ಪಷ್ಟ ಭರವಸೆಯನ್ನೂ ಮೂಡಿಸಿ ಕೋಟ್ಯಾಂತರ ಅಭಿಮಾನಿಗಳ ಪ್ರಾರ್ಥನೆಯನ್ನು ಭಗವಂತ ಈಡೇರಿಸಿಬಿಟ್ಟ ಎಂಬ‌ ತೃಪ್ತಿಯ ಸೆಲೆಯಲ್ಲೇ ಇದ್ದವರಿಗೆ ಇಂದು ಅವರಿಲ್ಲ ಎಂಬ ಕೆಟ್ಟ ಸುದ್ದಿ ಅರಗಿಸಿಕೊಳ್ಳಲು ಕಷ್ಟವಾಗುತ್ತಿರುವುದಷ್ಟೇ ಅಲ್ಲ, ಅದರಿಂದ ಹೊರಬರಲಿಕ್ಕೂ ಆಗುತ್ತಿಲ್ಲ..!

ಹೌದು… ಈ‌ ವ್ಯಕ್ತಿಯನ್ನು ಜನ ಯಾಕಿಷ್ಟು ಅನ್ ಕಂಡೀಷನಲ್ ಆಗಿ ಪ್ರೀತಿಸುತ್ತಾರೆ ? ತನ್ನ ಬಗೆಗೆ ಒಂದಿನಿತೂ ಅಪಸ್ವರ ಕೇಳದ ಹಾಗೆ ಬಾಳಿ ಬದುಕಿದ ಅವರ ಯಶಸ್ಸಿನ ಗುಟ್ಟಾದರೂ ಏನು ? ಹುಟ್ಟಿದ್ದು ಆಂಧ್ರದ ಚಿತ್ತೂರು, ಮಾತೃಭಾಷೆ ತೆಲುಗಾದರೂ ಭಾಷಾತೀತವಾಗಿ ಇವರ ಸ್ವರ ಮಾಂತ್ರಿಕತೆಯ‌ ಮೋಡಿಗೆ , ಅವರ ವ್ಯಕ್ತಿತ್ವದ ಸಮ್ಮೋಹನಕ್ಕೆ ಕೋಟ್ಯಾಂತರ ಮಂದಿ ಒಳಗಾಗಬೇಕಾದರೆ ಅದೆಂತಹಾ ದಿವ್ಯ ತಪಸ್ಸಿನ ಫಲ ಇವರದು ?

ತಾನು ಹುಟ್ಟಿದ್ದು ತೆಲುಗು ನೆಲದಲ್ಲಾದರೂ ತನಗೆ ಅನ್ನ‌ ನೀಡಿ ” ಕೈ ಹಿಡಿದವರು ಕೈ ಬಿಡದವರು ಕನ್ನಡಿಗರು ” ಎಂದು ಕರುನಾಡನ್ನು ಕನ್ನಡಿಗರನ್ನು ಸದಾ ಎದೆ ತುಂಬುವಂತೆ ಹಾಡಿ ಹೊಗಳಿ ರಂಜಿಸುತ್ತಿದ್ದ ಇವರನ್ನು ಕನ್ನಡಿಗರಲ್ಲ ಎನ್ನಲು ಸಾಧ್ಯವೇ ? ದಕ್ಷಿಣ ಭಾರತದ ಅನೇಕ ಹೀರೋಗಳ ಶರೀರಕ್ಕೆ ಎಸ್.ಪಿ.ಯವರ ಶಾರೀರವೇ ಬೇಕು ! ಅವರಿಲ್ಲದೇ ನಟನೆಯೇ ಇಲ್ಲವೆಂದ ಅನೇಕ ಹೀರೋಗಳೂ ಇದ್ದರು.

ತಾನು ದೇಶವೇ ಮೆಚ್ಚುವ ಪ್ರಸಿದ್ಧಿಯಾದ ಗಾಯಕನಾದರೂ , ಹತ್ತಿರ ಹತ್ತಿರ ಅರ್ಧ ಲಕ್ಷದಷ್ಟು ಹಾಡುಗಳನ್ನು ಎಲ್ಲಾ ಭಾಷೆಗಳಲ್ಲಿ ಹಾಡಿದ್ದ ಸಂಗೀತ ಲೋಕದ ನಿಬ್ಬೆರಗಿನ ಪ್ರತಿಭೆಯ ಕಣಜವಾದರೂ ತಾನು ಶಾಸ್ತ್ರೀಯವಾಗಿ ಸಂಗೀತವನ್ನು ಅಭ್ಯಾಸ ಮಾಡಿಲ್ಲವೆಂದು ವಿನಯಪೂರ್ವಕವಾಗಿಯೇ ಎಲ್ಲರೆದುರು ಒಪ್ಪಿಕೊಳ್ಳುತ್ತಿದ್ದ ಇವರ ಹೃದಯ ವೈಶಾಲ್ಯತೆ ಯಾರಿಗಿರಲು ಸಾಧ್ಯ ?

1979 ರಲ್ಲಿ ಎಸ್ ಪಿ.ಬಿ ಯವರಿಗೆ ಬಾರಿಗೆ ಸಂಗೀತಮಯ ಶಂಕರಾಭರಣಂ ತೆಲುಗು ಚಿತ್ರಕ್ಕಾಗಿ ಮೊಟ್ಟಮೊದಲ ರಾಷ್ಟ್ರ ಪ್ರಶಸ್ತಿ ಬಂದಾಗ ” ತನಗೆ ಕರ್ನಾಟಕ ಸಂಗೀತದ ಬಗ್ಗೆ ಏನೂ ಗೊತ್ತಿಲ್ಲವೆಂದೇ ಮುಕ್ತವಾಗಿ ಹೇಳಿದ್ದರು.

ನಂತರ 1981 ರಲ್ಲಿ ಹಿಂದಿಯ ” ಏಕ್ ದೂಜೆಕೆ ಲಿಯೇ” ಚಿತ್ರಕ್ಕಾಗಿ ಎರಡನೇ ಬಾರಿಗೆ ರಾಷ್ಟ್ರ ಪ್ರಶಸ್ತಿ ಬಂದಾಗ ” ತನಗೆ ಹಿಂದಿ ಭಾಷೆ ಬರುವುದಿಲ್ಲ ಎಂದೇ ವಿನಯ ಹಾಗೂ ಸರಳತೆಯನ್ನು‌ ಮೆರೆದಿದ್ದರು. ಈ ಮಾತುಗಳಲ್ಲಿ ಅವರ ವಿನಯ‌, ವಿಧೇಯತೆಯನ್ನು ಗುರುತಿಸಬಹುದಾಗಿತ್ತು.

ಬಾಲುರವರು ಚಿಕ್ಕ ಮಕ್ಕಳೊಂದಿಗೆ ತಾನೂ ಮಗುವಾಗಿ, ಹೊಸ ಗಾಯಕರ ಪ್ರತಿಭೆಗಳಿಗೆ ಸಾಣೆ ಹಿಡಿಯುವ ಗುರುವಾಗಿ, ವಾದ್ಯವೃಂದದ ನೆಚ್ಚಿನ ಗಾಯಕನಾಗಿ, ಸಹ ಗಾಯಕ ಗಾಯಕಿಯರಿಗೆ ಸ್ಪೂರ್ತಿಯ ಚಿಲುಮೆಯಾಗಿ, ತನ್ನ ಮಕ್ಕಳ ವಯಸ್ಸಿನ ಗಾಯಕರೂ ನಾಚುವಂತಹಾ ಸಿರಿಕಂಠವನ್ನು ಹೊಂದಿ, ಹಿರಿಯರಲ್ಲಿ ಗೌರವ , ಕಿರಿಯರಲ್ಲಿ ಸ್ನೇಹ ಪ್ರೀತಿ ತೋರುತ್ತಿದ್ದ ಸಹೃದಯಿಯಾಗಿ, ಕುಟುಂಬದ ಕಣ್ಮಣಿಯಾಗಿ, ಗುರುವಾಗಿ, ಮಾರ್ಗದರ್ಶಿಯಾಗಿ, ಹಿತೈಷಿಯಾಗಿ, ಸಭ್ಯ ನಾಗರಿಕನಾಗಿ, ಮಾನವೀಯ ಅಂತಃಕರಣ ವುಳ್ಳ ವ್ಯಕ್ತಿಯಾಗಿ, ಸಂಗೀತ ಜ್ಞಾನವಿಲ್ಲದ ನನ್ನಂತಹ ಲಕ್ಷಾಂತರ ಮಂದಿಗೂ ಸಂಗೀತದ ಬಗೆಗೆ ಒಲವು, ಭಾವುಕತೆ ಮೂಡಿಸಿ, ಇಡೀ ಸಂಗೀತ ಬದುಕಿನ ” ಸರಿಗಮಪದನಿಸ” ವನ್ನೇ ರಾಗ ತಾಳ ಪಲ್ಲವಿಯ ಕ್ರಮಬದ್ದತೆಯಿಂದ ಹಾಗೂ ನಾದ ಲಯಗಳ ಲಾಸ್ಯದಿಂದ ಶ್ರುತಿ ಬದ್ಧವಾಗಿ ನುಡಿಸಿ, ನಮಿಸಿ, ಮೆರೆಸಿ- ಹರಸಿದ್ದು ಸಾಮಾನ್ಯವಲ್ಲ.! ಇದು ಸಾಧಾರಣ ವ್ಯಕ್ತಿಯ ಪರಿಧಿಗೆ ನಿಲುಕುವಂತಹದ್ದಲ್ಲ.

ಪ್ರಪಂಚದ ಶ್ರೇಷ್ಠ ಗಾಯಕರಲ್ಲೊಬ್ಬರಾದ
” ಶ್ರೀಪತಿ ಪಂಡಿತಾರಾಧ್ಯುಲ ಬಾಲಸುಬ್ರಹ್ಮಣ್ಯಂ “….. ನಮ್ಮ ನಿಮ್ಮೆಲ್ಲರ ನೆಚ್ಚಿನ SPB, ಅಥವಾ ಪ್ರೀತಿಯ ಬಾಲು ಸರ್ ರವರ ಸಾಧನೆ‌ ಕುರಿತುಬರೆಯಲು ಹೊರಟರೆ ಅದೇ ಒಂದು ಗ್ರಂಥದಂತೆ !

ಅವರು ಹುಟ್ಟಿದ್ದು 04.06.1946 ರಲ್ಲಿ . 74 ವರ್ಷದ ಬದುಕಿನಲ್ಲಿ ಅವರು ಹಾಡಲು ಶುರು ಮಾಡಿದ್ದು ತಮ್ಮ ಇಪ್ಪತ್ತನೆಯ ವಯಸ್ಸಿನಲ್ಲಿ ! ಬಹುಭಾಷಾ ಗಾಯಕ , 40000 ಕ್ಕೂ ಹೆಚ್ಚು ಹಾಡುಗಳ ಒಡೆಯ ! ಅತಿ ಹೆಚ್ಚು ಸಂಗೀತ ನಿರ್ದೇಶಕರೊಡನೆ ಕೆಲಸ ಮಾಡಿದ ದಾಖಲೆ ! ಪದ್ಮಶ್ರೀ- ಪದ್ಮ ವಿಭೂಷಣ, ಸೇರಿದಂತೆ ಅತಿ ಹೆಚ್ಚು ಪ್ರಶಸ್ತಿಗಳನ್ನು ಪಡೆದ ಏಕೈಕ ಗಾಯಕ ! ಒಂದೇ ದಿನದಲ್ಲಿ ಇಪ್ಪತ್ತೊಂದು ಗೀತೆಗಳನ್ನು ಹಾಡಿ ರೆಕಾರ್ಡ್ ಮಾಡಿದ ಗಾನ ಗಾರುಡಿಗ ! ಇಪ್ಪತ್ತೈದಕ್ಕೂ ಹೆಚ್ಚು ಬಾರಿ ಆಂಧ್ರದ ನಂದಿ ಅವಾರ್ಡ್ ಪಡೆದ ಏಕೈಕ ಗಾನ ದಿಗ್ಗಜ.

ಕರ್ನಾಟಕ ಶಾಸ್ತ್ರೀಯ, ಹಿಂದುಸ್ತಾನಿ, ಘಜ಼ಲ್,ಪಾಶ್ಚಾತ್ಯ, ಮೆಲೋಡಿ, ಅಬ್ಬರದ ಸ್ಥಾಯಿಯ ಹಾಡುಗಳು, ಬೇರೆ ಬೇರೇ ನಟರಿಗೆ ಅವರ ಧ್ವನಿಗನುಸಾರವಾಗಿ ಹಾಡುವ ಅಪರೂಪದ Voice Modulation , ಕೇವಲ ಗಾಯನವಲ್ಲದೇ ಅಭಿನಯ, ಸಂಗೀತ ನಿರ್ದೇಶನ, ವಾಯ್ಸ್ ಡಬ್ಬಿಂಗ್, ಚಿತ್ರ ನಿರ್ಮಾಣ, ನಿರ್ದೇಶನ, ಅನೇಕ ರಿಯಾಲಿಟಿ ಷೋ ಗಳಿಗೆ ತೀರ್ಪುಗಾರ, ಗಿನ್ನೆಸ್ ದಾಖಲೆ ನಿರ್ಮಿಸಿದ ಏಕೈಕ ಗಾಯಕ…….. ಮುಖ್ಯವಾಗಿ ಸಮಾಜಮುಖಿ ಚಿಂತಕ….. ಹೀಗೆ ಅವರ ಬಗ್ಗೆ ಹೇಳಲು ಹೊರಟರೆ ಅದಕ್ಕೆ ಆದಿ- ಅಂತ್ಯವೆಂಬುದೇ ಇರುವುದಿಲ್ಲ..!

ಇಂತಹಾ ಒಬ್ಬ ಸಂಗೀತ ಕ್ಷೇತ್ರದ ಯುಗಪುರುಷನ ಗಾಯನವನ್ನೂ ಮೀರಿದ ದೊಡ್ಡತನವೆಂದರೆ ಅದು ಅವರಲ್ಲಿನ ಸಂಸ್ಕಾರ, ಸರಳತೆ, ಸದ್ಗುಣ, ವಿಧೇಯತೆಗಳ ಅದ್ಭುತವಾದ ಮೇರು ವ್ಯಕ್ತಿತ್ವ…. ಎಲ್ಲಕ್ಕಿಂತ ಮುಖ್ಯವಾಗಿ ಕನ್ನಡದ ಮೇಲಿನ ಅವರ ಅತೀವ ಪ್ರೇಮ ಹಾಗೂ ಕನ್ನಡಿಗರ ಬಗೆಗಿನ ಅವರ ಸಾಟಿಯಿಲ್ಲದ ನಿಷ್ಕಲ್ಮಶವಾದ ಪ್ರೀತಿ. ಬಾಲು ಸಾರ್ ಹಿಮಾಲಯದೆತ್ತರದಷ್ಟು ಮೇರು ಪ್ರತಿಭೆಯಾದರೂ ಅವರದು ” ನನಗೇನೂ ಗೊತ್ತಿಲ್ಲ, ನಾನೇನೂ ಕಲಿತಿಲ್ಲ” ಎಂಬ ವಿನೀತ ಭಾವ.

ಅವರ ಇಳಿ ವಯಸ್ಸಿನಲ್ಲೂ ಅವರ ಕಂಚಿನ ಕಂಠದ ಶಕ್ತಿ, ಮುಕ್ಕಾಗದ ಮಾಧುರ್ಯ, ಶ್ರುತಿ ತಪ್ಪದ ಶಾರೀರ, ಶಾರೀರದಂತೆಯೇ ಆಕರ್ಷಕ ಶರೀರ , ಇನ್ನೂ ಇಪ್ಪತ್ತರ ಅವರ ಬತ್ತದ , ಬಾಡದ ಉತ್ಸಾಹ. ಇವೆಲ್ಲವೂ ಎಸ್.ಪಿ.ಬಿ ಯವರನ್ನು ಸಂಗೀತಲೋಕದ ದೇವರಂತೆಯೇ ಭಾಸವಾಗುವಂತೆ ಮಾಡುತ್ತಿದ್ದವು !! ಒಂದೇ ಮಾತಿನಲ್ಲಿ ಹೇಳುವುದಾದರೆ ಬಾಲು ಸರ್, ಸಂಗೀತ ಸರಸ್ವತಿಯ ವರಪುತ್ರ ! ಇಂತಹಾ ಗಾನ ಸಾಮ್ರಾಟನ ಅವಸಾನ ಸಂಗೀತ ಲೋಕಕ್ಕೆ ನಿಜಾರ್ಥದ ಭರಿಸಲಾಗದ ನಷ್ಟ !

ಮರೆಯುವ ಮುನ್ನ

ಬಾಲು ರವರಿಗಿಂತ ಒಳ್ಳೆಯ ಸಂಗೀತಗಾರ, ಹಿನ್ನಲೆ ಗಾಯಕ ನಮ್ಮ ನಡುವೆ ಇದ್ದಿರಬಹುದೇನೋ ಗೊತ್ತಿಲ್ಲ ! ಆದರೆ ಅವರಂತಹ ಸರಳ, ಸದ್ವೀನೀತ,ಸದ್ಗುಣ ಸಂಪನ್ನ, ಸಜ್ಜನ, ಸಂಯಮಿ, ಸಂಗೀತ ಸಾಕಾರ ಮೂರ್ತಿ, ಸಾತ್ವಿಕ. ಮತ್ತೊಬ್ಬರಿರಲು ಖಂಡಿತಾ ಸಾಧ್ಯವಿಲ್ಲವೆಂದರೆ ಅದು ಅತಿಶಯವಲ್ಲ. ಎಸ್.ಪಿ.ಬಿ ಯವರ ಸಂಗೀತ ಬದುಕಿನ ಬಣ್ಣದ ಬುಗುರಿಯ ಆಟ ಇಂದು ನಿಂತಿದೆ. ಆದರೆ ನೆನಪಿರಲಿ , ಇದು ಕೇವಲ ಭೌತಿಕವಾಗಿ ನಿಂತ ಆಟವಷ್ಟೇ !

ತಮ್ಮ ಅಪೂರ್ವವಾದ ಸ್ವರ ಸಂಪತ್ತಿನಿಂದ , ಆಕರ್ಷಕ ವ್ಯಕ್ತಿತ್ವದಿಂದ, ಎಲ್ಲರಲ್ಲೂ ಒಳ್ಳೆಯದನ್ನೇ ಕಾಣುತ್ತಿದ್ದ ಅವರ ಸಹೃದಯ ಸವಿ ಸ್ನೇಹದ ಸಿಂಚನದಿಂದ, ಸಂಗೀತಲೋಕಕ್ಕೆ ನೀಡಿದ ಬೆಲೆಕಟ್ಟಲಾಗದ ಕೊಡುಗೆಯಿಂದ ,ಎಲ್ಲಕ್ಕಿಂತ ಹೆಚ್ಚಾಗಿ ಜನ್ಮ ಜನ್ಮಗಳು ಅಳಿದರೂ ಕಳೆದರೂ ಸದಾ ಉಳಿಯುವಂತಹಾ ಹಾಡುಗಳನ್ನು ಎಲ್ಲಾ ಭಾಷೆಯಲ್ಲೂ ಕಟ್ಟಿಕೊಟ್ಟ ಅಸಾಧಾರಣ ಸೇವೆಯಿಂದ , ಡಾ.ಎಸ್.ಪಿ.ಬಾಲಸುಬ್ರಹ್ಮಣ್ಯಂ ಎಂಬ ಧೀಮಂತ ವ್ಯಕ್ತಿ, ಸಂಗೀತ ಲೋಕದ ಶಕ್ತಿ ನಮ್ಮೆಲ್ಲರ ಹೃನ್ಮನಗಳಲ್ಲಿ ಸದಾ ಅಮರರಾಗಿಯೇ ಇರುತ್ತಾರೆ.

ಹೇ….ವಿಧಿಯೇ… ಬಾಲುವಿನ ದೇಹವನ್ನು ಮಾತ್ರ ನೀನು ಮಣ್ಣಾಗಿಸಬಹುದು, ಕಣ್ಮರೆಯಾಗಿಸಬಹುದು..! ಆದರೆ ಅವರ ಕಂಚಿನ ಕಂಠದಿಂದ ಹೊರಬಂದ ಸಾವಿರ ಸಾವಿರ ಹಾಡುಗಳನ್ನಾಗಲೀ ಅವರ ವ್ಯಕ್ತಿತ್ವವನಾಗಲೀ ಅಥವಾ ಅವರನ್ನು ತಮ್ಮ ಉಸಿರಿರುವತನಕವೂ ಪ್ರೀತಿಸುವ, ಆರಾಧಿಸುವ, ಮೆಚ್ಚುವ ಕೋಟಿ ಕೋಟಿ ಸಂಗೀತ ಪ್ರೇಮಿಗಳ ಹೃದಯದಲ್ಲಿ ಹುದುಗಿರುವ ಅವರ ಬಗೆಗಿನ ಪ್ರೀತ್ಯಾಭಿಮಾನದ, ಎಂದೂ ಬಾಡದ ಭಾವನೆಗಳನ್ನು ಮಣ್ಣಾಗಿಸಲಿಕ್ಕೆ.

ನಿನಗೆ ಸಾಧ್ಯವೇ..? ನೆವರ್….!

ಹೋಗಿ ಬನ್ನಿ ಬಾಲು ಸಾರ್ ! ಮರುಜನ್ಮದಲ್ಲಿ ಕನ್ನಡ ಮಣ್ಣಿನಲ್ಲಿಯೇ ಹುಟ್ಟಬೇಕೆನ್ನುವ ನಿಮ್ಮ ಅದಮ್ಯ ಆಸೆಗೆ ಆರುಕೋಟಿ ಕನ್ನಡಿಗರ ಒತ್ತಾಸೆಯಿದೆ, ಪ್ರಾರ್ಥನೆಯಿದೆ ಹಾಗೂ ಸಹೃದಯರ ಮನದಾಳದ ಆಲಾಪನೆಯ ಆರಾಧನೆಯಿದೆ.

ಅಕ್ಷರಗಳ ಅಶ್ರುತರ್ಪಣದೊಂದಿಗೆ..

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ದಿನದ ಸುದ್ದಿ

ಗಾನ ಗಾರುಡಿಗ ಎಸ್ ಪಿ ಬಿ ಇನ್ನಿಲ್ಲ..!

Published

on

ಸುದ್ದಿದಿನ, ಚೆನೈ :ಗಾನ ಗಾರುಡಿಗ ಎಸ್.ಪಿ.ಬಾಲಸುಬ್ರಹ್ಮಣ್ಯಂ (74) ಅವರು ಚಿಕಿತ್ಸೆ ಲಭಿಸದೆ ಚೆನ್ನೈನ ಎಂಜಿಎಂ ಆಸ್ಪತ್ರೆಯಲ್ಲಿ ಶುಕ್ರವಾರ ನಿಧನರಾದರು ಎಂದು ವೈದ್ಯರು ತಿಳಿಸಿದ್ದಾರೆ.

ಗುರುವಾರ ಸಂಜೆ ಎಂಜಿಎಂ ಆಸ್ಪತ್ರೆಯು ಎಸ್‍ಪಿಬಿಯವರ ಹೆಲ್ತ್ ಬುಲೆಟಿನ್ ಅನ್ನು ಬಿಡುಗಡೆ ಮಾಡಿ ಅವರ ಆರೋಗ್ಯ ಸ್ಥಿತಿ ಗಂಭೀರವಾಗಿದೆ ಎಂದು ಮಾಹಿತಿ ನೀಡಲಾಗಿತ್ತು. ಎಸ್‍.ಪಿ. ಬಾಲಸುಬ್ರಹ್ಮಣ್ಯಂ ಅವರು ಆಗಸ್ಟ್ 5ನೇ ತಾರೀಖಿನಂದು ಕೊರೋನಾ ಪಾಸಿಟಿವ್ ಗೆ ಚಿಕಿತ್ಸೆ ಪಡೆಯಲು ದಾಖಲಾಗಿದ್ದರು. ನಂತರ ಕೊರೋನಾ ನೆಗೆಟಿವ್ ವರದಿ ಬಂದಿತ್ತು. ಅವರು ಹೃದಯ ಸಂಬಂಧಿ ಕಾಯಿಲೆಗೆ ತುತ್ತಾಗಿದ್ದರು.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ದಿನದ ಸುದ್ದಿ

ಕಳೆದ 24ಗಂಟೆಗಳಿಂದ ಎಸ್‍.ಪಿ.ಬಿ ಆರೋಗ್ಯ ಸ್ಥಿತಿ ಮತ್ತಷ್ಟು ಗಂಭೀರ

Published

on

ಸುದ್ದಿದಿನ,ಚೆನ್ನೈ: ಗಾಯಕ ಎಸ್.ಪಿ.ಬಾಲಸುಬ್ರಹ್ಮಣ್ಯಂ ಅವರ ಆರೋಗ್ಯ ಸ್ಥಿತಿ ಮತ್ತಷ್ಟು ಗಂಭೀರವಾಗಿದ್ದು, ಚೆನ್ನೈನ ಎಂಜಿಎಂ ಆಸ್ಪತ್ರೆಯಲ್ಲಿ ಎಸ್‍.ಪಿ.ಬಾಲಸುಬ್ರಹ್ಮಣ್ಯಂ ಅವರಿಗೆ ಚಿಕಿತ್ಸೆ ಮುಂದುವರಿದಿದೆ.

ಗುರುವಾರ ಸಂಜೆ ಎಂಜಿಎಂ ಆಸ್ಪತ್ರೆಯು ಎಸ್‍ಪಿಬಿಯವರ ಹೆಲ್ತ್ ಬುಲೆಟಿನ್ ಅನ್ನು ಬಿಡುಗಡೆ ಮಾಡಿದೆ. ಎಸ್‍.ಪಿ. ಬಾಲಸುಬ್ರಹ್ಮಣ್ಯಂ ಅವರು ಆಗಸ್ಟ್ 5ನೇ ತಾರೀಖಿನಂದು ಕೊರೋನಾ ಪಾಸಿಟಿವ್ ಗೆ ಚಿಕಿತ್ಸೆ ಪಡೆಯಲು ದಾಖಲಾಗಿದ್ದರು. ಅವರಿಗೆ ಎಕ್ಮೋ ಮತ್ತು ಇನ್ನಿತರ ಲೈಫ್ ಸಪೋರ್ಟ್ ಮೇಲೆ ಚಿಕಿತ್ಸೆ ಕೊಡಲಾಗುತ್ತಿದೆ.

ಹೆಲ್ತ್ ಬುಲೆಟಿನ್

ಕಳೆದ 24ಗಂಟೆಗಳಿಂದ ಎಸ್‍.ಪಿ.ಬಾಲಸುಬ್ರಹ್ಮಣ್ಯಂ ಅವರ ಆರೋಗ್ಯ ಕ್ಷೀಣಿಸುತ್ತಿದೆ. ಆ ಕಾರಣಕ್ಕಾಗಿ ಅವರಿಗೆ ಹೆಚ್ಚು ಲೈಫ್ ಸಪೋರ್ಟ್ ಸಾಧನಗಳನ್ನು ಬಳಸಲಾಗುತ್ತಿದೆ. ಎಂಜಿಎಂ ಆಸ್ಪತ್ರೆಯ ವೈದ್ಯರ ತಂಡವು ಎಸ್‍.ಪಿ.ಬಾಲಸುಬ್ರಹ್ಮಣ್ಯಂ ಅವರ ಆರೋಗ್ಯದ ಮೇಲೆ ತೀವ್ರ ನಿಗಾ ಇರಿಸಿ ಚಿಕಿತ್ಸೆ ನೀಡಾಲಗುತ್ತಿದೆ ಎಂದು ಹೇಳಿದೆ.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading
Advertisement

Title

ದಿನದ ಸುದ್ದಿ38 seconds ago

ಚರಗ ಚಲ್ಲುತ್ತಿದ್ದಾರೆ..!

ಸುರೇಶ ಎನ್ ಶಿಕಾರಿಪುರ ಅವಳು ಸಾಕ್ಷಿ ಹೇಳಬಾರದಲ್ಲ? ಅದಕ್ಕೆ, ಅವಳ ನಾಲಗೆ ಕತ್ತರಿಸಿ ಎಸೆದರು. ಅವಳು ತಮ್ಮ ಹೆಸರು ಬರೆಯಬಾರದಲ್ಲ? ಅದಕ್ಕೇ, ಅವಳ ಕೋಮಲ ಕೈಗಳನ್ನು ಲಟಲಟನೆ...

ದಿನದ ಸುದ್ದಿ15 mins ago

ಪೊಲೀಸರಿಂದ ಕಾನೂನಿನ ಅತ್ಯಾಚಾರ

ದಿನೇಶ್ ಅಮಿನ್ ಮಟ್ಟು ಹತ್ರಾಸ್ ನಲ್ಲಿ ಮೇಲ್ಜಾತಿಯ ದುರುಳರಿಂದ ಅತ್ಯಾಚಾರಕ್ಕೊಳಗಾಗಿ ಸಾವಿಗೀಡಾದ ಯುವತಿಯ ಅಂತ್ಯಕ್ರಿಯೆಯನ್ನು ಪೊಲೀಸರು ತಂದೆ-ತಾಯಿಗೆ ಮಗಳ ಮುಖವನ್ನೂ ನೋಡಲು ಅವಕಾಶ ನೀಡದೆ ಅವಸರದಲ್ಲಿ ನಡುರಾತ್ರಿಯೇ...

ದಿನದ ಸುದ್ದಿ1 hour ago

ದಾವಣಗೆರೆ ವಿವಿ 7ನೇ ವಾರ್ಷಿಕ ಘಟಿಕೋತ್ಸವ :56 ಪಿಹೆಚ್‍ಡಿ-62 ಚಿನ್ನದ ಪದಕ

ಸುದ್ದಿದಿನ,ದಾವಣಗೆರೆ : ದಾವಣಗೆರೆ ವಿಶ್ವವಿದ್ಯಾನಿಲಯದ 7ನೇ ವಾರ್ಷಿಕ ಘಟಿಕೋತ್ಸವ ಬುಧವಾರ ಇಲ್ಲಿನ ವಿವಿ ಕ್ಯಾಂಪಸ್‍ನ ಶಿವಗೊಂಗೋತ್ರಿ ಆವರಣದಲ್ಲಿ ಕೋವಿಡ್ ನಿಯಂತ್ರಣ ಮಾರ್ಗಸೂಚಿಯನ್ವಯ ಸರಳವಾಗಿ ನಡೆಯಿತು. ಸಮಾರಂಭದಲ್ಲಿ 56...

ದಿನದ ಸುದ್ದಿ2 hours ago

ಸಿಎಂ ಮಗನ ಭ್ರಷ್ಟಾಚಾರದ ವೃತ್ತಾಂತ : ಪವರ್ ಟಿವಿ ಬಂದ್ ಹಿಂದಿನ ಒಳ ರಾಜಕೀಯ

ದಿನೇಶ್ ಅಮೀನ್ ಮಟ್ಟು ಪವರ್ ಟಿವಿ ಚಾನೆಲ್ ಗೆ ಸಂಬಂಧಿಸಿದ ಬೆಳವಣಿಗೆಗಳಲ್ಲಿ ಎರಡು ಭಾಗಗಳಿವೆ. ಮೊದಲನೆಯದು ಚಾನೆಲ್ ವರದಿ ಮಾಡಿರುವ ಭ್ರಷ್ಟಾಚಾರದ ಹಗರಣ, ಎರಡನೆಯದು ಟಿವಿ ಚಾನೆಲ್...

ದಿನದ ಸುದ್ದಿ4 hours ago

ದಾವಣಗೆರೆ | ಆಗ್ನೇಯ ಪದವೀಧರರ ಕ್ಷೇತ್ರ ಚುನಾವಣೆಗೆ ವೇಳಾಪಟ್ಟಿ ಪ್ರಕಟ

ಸುದ್ದಿದಿನ,ದಾವಣಗೆರೆ: ಕರ್ನಾಟಕ ವಿಧಾನಪರಿಷತ್ತಿನ ಆಗ್ನೇಯ ಪದವೀಧರರ ಕ್ಷೇತ್ರದ ದ್ವೈವಾರ್ಷಿಕ ಚುನಾವಣೆ ಸಂಬಂಧ ವೇಳಾಪಟ್ಟಿಯನ್ನು ಚುನಾವಣಾಧಿಕಾರಿಯೂ ಆಗಿರುವ ಬೆಂಗಳೂರು ವಿಭಾಗದ ಪ್ರಾದೇಶಿಕ ಆಯುಕ್ತರು ಪ್ರಕಟಿಸಿದ್ದಾರೆ. ವಿಧಾನಪರಿಷತ್ತಿನ ಕರ್ನಾಟಕ ಆಗ್ನೇಯ...

ಅಂತರಂಗ4 hours ago

ಮನಿಶಾ : ಅನ್ಯಾಯದ ಘೋರ ಸಾವು

ಡಾ.ಎಚ್.ಎಸ್.ಅನುಪಮಾ ಸಾವಿರ ಕನಸುಗಳಿದ್ದ ತರುಣಿ ಮನಿಶಾಳ ದೇಹದ ಮೇಲೆ ನಡೆದ ಅತಿ ಘೋರ ಹಿಂಸೆ, ಆ ಅನ್ಯಾಯದ ಸಾವು, ಬಡಹೆಣ್ಣುಗಳ ಬಗೆಗೆ ರಕ್ಷಕ ವ್ಯವಸ್ಥೆಗಿರುವ ಕಣ್ಣಿಗೆ ರಾಚುವಂತಹ...

ದಿನದ ಸುದ್ದಿ15 hours ago

ಹೋರಾಟದ ಕಿಚ್ಚು ಈಗಷ್ಟೇ ಆರಂಭವಾಗಿದೆ, ಇದು ಇಲ್ಲಿಗೆ ನಿಲ್ಲುವುದಿಲ್ಲ : ರಾಜ್ಯ ಸರ್ಕಾರಕ್ಕೆ ಸಿದ್ದರಾಮಯ್ಯ ಎಚ್ಚರಿಕೆ

ಸುದ್ದಿದಿನ,ಬೆಂಗಳೂರು : ರಾಜರಾಜೇಶ್ವರಿ ನಗರ ಹಾಗೂ ಶಿರಾ ಉಪಚುನಾವಣೆಯನ್ನು ಎದುರಿಸಲು ಕಾಂಗ್ರೆಸ್ ಪಕ್ಷ ಸಂಪೂರ್ಣ ಸಿದ್ಧತೆ ಮಾಡಿಕೊಂಡಿದೆ. ಈ ಕ್ಷೇತ್ರಗಳಿಗೆ ಪಕ್ಷದ ಪರವಾಗಿ ಪ್ರಬಲ ಅಭ್ಯರ್ಥಿಗಳನ್ನು ಕಣಕ್ಕಿಳಿಸಲಿದ್ದು,...

ದಿನದ ಸುದ್ದಿ17 hours ago

ಕರ್ನಾಟಕ ಅಲೆಮಾರಿ ಮತ್ತು ಅರೆ ಅಲೆಮಾರಿ ಅಭಿವೃದ್ಧಿ ನಿಗಮದಿಂದ ಅರ್ಜಿ ಆಹ್ವಾನ

ಸುದ್ದಿದಿನ,ಮೈಸೂರು : 2020-21ನೇ ಸಾಲಿನಲ್ಲಿ ಅಲೆಮಾರಿ, ಅರೆ ಅಲೆಮಾರಿ ಜನಾಂಗಕ್ಕೆ ಸೇರಿದ ಬೈರಾಗಿ (ಬಾವ), ಬಾಲ ಸಂತೋಷಿ-ಜೋಷಿ, ಬಾಜಿಗರ್, ಭರಡಿ, ಬುಡಬುಡಕಿ, ಜೋಷಿ, ಗೋಂಧಳಿ, ಚಾರ, ಚಿತ್ರಕಥಿ,...

ಅಂತರಂಗ23 hours ago

ಮತ್ತೊಂದು ಜೀವ ಮತ್ತದೇ ಬೇಸರ ಇನ್ನೆಷ್ಟು ದಿನ

 ನಾ ದಿವಾಕರ ಉತ್ತರ ಪ್ರದೇಶ ಭಾರತದ ಅತ್ಯಾಚಾರ ಪ್ರದೇಶ ಆಗಿದೆ. ಯೋಗಿಯ ರಾಮರಾಜ್ಯದಲ್ಲಿ ಸೀತೆಯರಿಗೆ ರಕ್ಷಣೆಯಿಲ್ಲದಂತಾಗಿದೆ. ಈಗ ಮತ್ತೋರ್ವ ಯುವತಿ ಮನೀಷಾ ವಾಲ್ಮೀಕಿ ಅತ್ಯಾಚಾರಕ್ಕೊಳಗಾಗಿ ಹತ್ಯೆಗೀಡಾಗಿದ್ದಾಳೆ. ದಲಿತ...

ದಿನದ ಸುದ್ದಿ1 day ago

ಮನಿಷಾ ಅತ್ಯಚಾರ-ಕೊಲೆ : ಆದಿತ್ಯನಾಥನ ಸರ್ಕಾರದಲ್ಲಿ ಹೆಚ್ಚುತ್ತಿವೆ ಅಪರಾಧಗಳು

ಸುದ್ದಿದಿನ ಡೆಸ್ಕ್ : ಉತ್ತರ ಪ್ರದೇಶದ ಹತ್ರಾಸ್ ನಗರದಲ್ಲಿ 19 ವರ್ಷದ ಮನಿಷಾ ವಾಲ್ಮೀಕಿ ಎಂಬ ಯುವತಿಯ ಮೇಲೆ ನಾಲ್ಕು ಮಂದಿ ಸವರ್ಣೀಯ ಯುವಕರಿಂದ ಅತ್ಯಾಚಾರಕ್ಕೊಳಗಾಗಿದ್ದ ಆಕೆ...

Trending