Connect with us

ದಿನದ ಸುದ್ದಿ

ಅಕ್ರಮ ‌ಗಾಂಜಾ ಜಾಲ ಪತ್ತೆ..!

Published

on

ಸುದ್ದಿದಿನ, ದಾವಣಗೆರೆ:   ಡಿಸಿಬಿ ಪೊಲೀಸರು ನಡೆಸಿದ ಕಾರ್ಯಾಚರಣೆಯಲ್ಲಿ ಅಕ್ರಮವಾಗಿ ನಡೆಸುತ್ತಿದ್ದ ಗಾಂಜಾ ಜಾಲ ಪತ್ತೆಯಾಗಿದೆ‌. ಕಳೆದೆರಡು ತಿಂಗಳಿನಿಂದಲು ಕೂಡ ಗಾಂಜ ಮಾರಟದ ಸದ್ದು ಕೇಳಿ ಬರುತ್ತಿತ್ತು .ಇದರ ಬೆನ್ನಲ್ಲೆ ಕಳೆದ ತಿಂಗಳು ಕೂಡ ಚನ್ನಗಿರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು..

ಇಂದು ಕೂಡ ಇಂತದೆ ಪ್ರಕರಣವನ್ನು ಬೇದಿಸಲು ಡಿಸಿಬಿ ಪೋಲಿಸರು ಯಶಸ್ವಿಯಾಗಿದ್ದಾರೆ.
ಡಿಸಿಬಿ ಇಸ್ಸ್ ಪೆಕ್ಟರ್ ದೇವರಾಜ್ ನೇತೃತ್ವದಲ್ಲಿ ದಾಳಿ ನಡೆಸಿ ಆರೋಪಿಯನ್ನು ಬಂದಿಸಿದ್ದಾರೆ‌
ದಾವಣಗೆರೆ ಜಿಲ್ಲೆ ಚನ್ನಗಿರಿ ತಾಲೂಕಿನ ಸಂತೆಬೆನ್ನೂರಿನಲ್ಲಿ ದಾದಾಪೀರ್ (45) ಎಂಬ ಪ್ರಮುಖ ಆರೋಪಿ. ಹಾಗೂ ‌ಇವನ ಬಳಿ ಇದ್ದ 400 ಗ್ರಾಂ ಗಾಂಜಾವನ್ನು ವಶಪಡಿಸಿಕೊಡಿದ್ದಾರೆ.

ಸಂತೆಬೆನ್ನೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲ‌ಮಾಡಲಾಗಿದೆ ‌ಹಾಗೂ ಇನ್ನುಳಿದ ಆರೋಪಿಗಳ ಬಂಧನಕ್ಕಾಗಿ ಕಾರ್ಯಾಚರಣೆ ನಡೆಸಲಾಗುತ್ತಿದೆ.

ಸುದ್ದಿದಿನ.ಕಾಂ|ವಾಟ್ಸಾಪ್|9986715401

ದಿನದ ಸುದ್ದಿ

ಅಂತರ್ರಾಷ್ಟ್ರೀಯ ರೇಬೀಸ್ ದಿನಾಚರಣೆ 2020: ಸಹಯೋಗದೊಂದಿಗೆ ಲಸಿಕೆ ಹಾಕಿಸಿ ತಡೆಗಟ್ಟೋಣ

Published

on

  • ಡಾ||.ಕಮಲೇಶ್ ಕುಮಾರ್ ಕೆ ಎಸ್, ಪಶುವೈದ್ಯಾಧಿಕಾರಿಗಳು, ಶಿವಮೊಗ್ಗ

ರೇಬೀಸ್ (Rabies) ಒಂದು ವೈರಾಣುವಿನಿಂದ (Virus) ಹರಡುವ ಮಾರಕ ಖಾಯಿಲೆಯಾಗಿದ್ದು ಇದರ ತಡೆಗಟ್ಟುವಿಕೆಯ ಬಗ್ಗೆ ಜಾಗೃತಿ ಮೂಡಿಸಲು ಮತ್ತು ಈ ಭಯಾನಕ ರೋಗವನ್ನು ಸೋಲಿಸುವಲ್ಲಿ ಪ್ರಗತಿಯನ್ನು ಸಾಧಿಸಲು ಈ ದಿನವನ್ನು ವಾರ್ಷಿಕವಾಗಿ ಆಚರಿಸಲಾಗುತ್ತದೆ.

ಮೊಟ್ಟ ಮೊದಲ ರೇಬೀಸ್ ಲಸಿಕೆಯನ್ನು ಅಭಿವೃದ್ಧಿಪಡಿಸಿದ ಫ್ರೆಂಚ್ ರಸಾಯನಶಾಸ್ತ್ರಜ್ಞ (Chemist) ಮತ್ತು ಸೂಕ್ಷ್ಮ ಜೀವಶಾಸ್ತ್ರಜ್ಞ (Microbiologist) ಲೂಯಿಸ್ ಪಾಶ್ಚರ್ (Louis Pasteur) ಅವರ ಮರಣದ ವಾರ್ಷಿಕೋತ್ಸವವನ್ನು ಅಂತರ್ರಾಷ್ಟ್ರೀಯ ರೇಬೀಸ್ ದಿನಾಚರಣೆಯನ್ನಾಗಿ ವಿಶ್ವದಾದ್ಯಂತ ಆಚರಿಸಲಾಗುತ್ತದೆ.

ಈ ಬಾರಿ “ಸಹಯೋಗದೊಂದಿಗೆ ಲಸಿಕೆ ಹಾಕಿಸಿ ರೇಬೀಸ್‌ಅನ್ನು ತಡೆಗಟ್ಟೋಣ” (“End rabies collaborate Vaccinate”) ಎಂಬ ವಿಷಯದ ಕುರಿತು ಮಹತ್ವವನ್ನು ನೀಡಲಾಗಿದೆ.

ಇಂದು, ಸುರಕ್ಷಿತ ಮತ್ತು ಪರಿಣಾಮಕಾರಿಯಾದ ಪ್ರಾಣಿ ಮತ್ತು ಮಾನವ ಲಸಿಕೆಗಳು ರೇಬೀಸ್‌ನಿಂದ ಮಾನವ ಹಾಗು ಎಲ್ಲ ಬೆಚ್ಚಗಿನ ರಕ್ತದ ಪ್ರಾಣಿಗಳ ಸಾವುಗಳನ್ನು ತೊಡೆದುಹಾಕಲು ಇರುವ ಪ್ರಮುಖ ಸಾಧನಗಳಾಗಿವೆ, ಆದರೆ ಸಮುದಾಯಗಳು ಪರಿಣಾಮಕಾರಿ ರೇಬೀಸ್ ತಡೆಗಟ್ಟುವಲ್ಲಿ ತೊಡಗಿಸಿಕೊಳ್ಳಲು ಅರಿವು ಪ್ರಮುಖ ಚಾಲಕವಾಗಿದೆ.

ಲಸಿಕೆ ಹಾಕಿಸದೆ ರೇಬೀಸ್ ರೋಗ ಪೀಡಿತವಾಗಿರಿವ ಅಥವಾ ವಾಹಕವಾಗಿರುವ (carrier) ಸಾಕು ಪ್ರಾಣಿಗಳು ಕಚ್ಚುವುದರಿಂದ ಈ ರೋಗ ಅನ್ಯ ಪ್ರಾಣಿಗಳಿಗೆ ಹಾಗು ಮನುಷ್ಯರಿಗೆ ಹರಡುತ್ತದೆ. ಇದನ್ನು ತಡೆಯಲು ಪಶುವೈದ್ಯಕೀಯ ಹಾಗು ಮಾನವ ವೈದ್ಯಕೀಯ ಶಾಸ್ತ್ರದಲ್ಲಿ ಇರುವುದು ಒಂದೇ ಮದ್ದು ಅದುವೇ ರೇಬೀಸ್ ವಿರುದ್ಧ ನಿಮ್ಮ ಹಾಗು ನಿಮ್ಮ ಸಾಕು ಪ್ರಾಣಿಗಳಿಗೆ ಲಸಿಕೆ ಹಾಕಿಸುವುದು. ಈ ರೀತಿ ಮಾಡುವುದರಿಂದ ನಿಮ್ಮ, ಕುಟುಂಬದ ಹಾಗು ನಿಮ್ಮ ಪರಿಸರವನ್ನು ರೇಬೀಸ್ ಮುಕ್ತವನ್ನಾಗಿಸಬಹುದು.

ರೇಬೀಸ್ ವಿರುದ್ಧ ಬೀದಿ ನಾಯಿ ಹಾಗು ಸಾಕು ಪ್ರಾಣಿಗಳನ್ನು ರಕ್ಷಿಸುವುದು ರೇಬೀಸ್ ರೋಗದಿಂದ ನಮ್ಮನ್ನು ಸಂರಕ್ಷಿಸಿಕೊಳ್ಳಲು ಸಹಾಯ ಮಾಡುತ್ತದೆ. ಕೇವಲ 12 ವಾರ ವಯಸ್ಸಿನ ನಾಯಿ ಮರಿಗಳಿಗೆ ಲಸಿಕೆ ಹಾಕಿಸುವ ಕ್ರಮ ಶುರುವಾಗುವುದು, ಹೆಚ್ಚಿನ ಮಾಹಿತಿಗಾಗಿ ಹತ್ತಿರದ ಪಶುವೈದ್ಯರನ್ನು ಸಂಪರ್ಕಿಸಿ ನಿಮ್ಮನ್ನು, ನಿಮ್ಮ ಸಾಕು ಪ್ರಾಣಿಗಳನ್ನು, ನಿಮ್ಮ ಪರಿಸರವನ್ನು ರೇಬೀಸ್ ವಿರುದ್ಧ ರಕ್ಷಿಸಿಕೊಳ್ಳಲು ಕೈ ಜೋಡಿಸಿ.

ಡಾ||.ಕಮಲೇಶ್ ಕುಮಾರ್ ಕೆ ಎಸ್
ಪಶುವೈದ್ಯಾಧಿಕಾರಿಗಳು
ಪಶುಚಿಕಿತ್ಸಾಲಯ, ಮತ್ತೂರು,
ಶಿವಮೊಗ್ಗ.
ಈ ಮೇಲ್ : kskamalesh93@gmail.com
ಫೋನ್ : 9164282969

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ದಿನದ ಸುದ್ದಿ

ಹೊಳಲ್ಕೆರೆ | ಎರಡು ವರ್ಷದ ಕಂದಮ್ಮನ ಹೊಡೆದು ಕೊಂದ ಮಂತ್ರವಾದಿ ; ಅಮಾನವೀಯ ಕೃತ್ಯ ಎಸಗಿದ ಪಾಪಿ..!

Published

on

ಸುದ್ದಿದಿನ,ಹೊಳಲ್ಕೆರೆ: ಅಪ್ಪ,‌ ಅಮ್ಮನ ಮಡಿಲಿನಲ್ಲಿ ಸುಖವಾಗಿದ್ದ ಎರಡು ವರ್ಷದ ಕಂದಮ್ಮ ಮಂತ್ರವಾದಿಯ ಅಮಾನವೀಯ ಕೃತ್ಯಕ್ಕೆ ಬಲಿಯಾಗಿದೆ.

ಎರಡು ವರ್ಷದ ಹೆಣ್ಣು ಮಗುವನ್ನು ಮಂತ್ರವಾದಿ ಕೊಲಿನಿಂದ ಹೊಡೆದು ಸಾಯಿಸಿದ್ದು, ಇಡೀ ಗ್ರಾಮಸ್ಥರೇ ಮಮ್ಮಲ ಮರುಗುವಂತೆ ಮಾಡಿದೆ.
ಹೊಳಲ್ಕೆರೆ ತಾಲೂಕಿನ ಅಜ್ಜಿಕ್ಯಾತನಹಳ್ಳಿ ಗ್ರಾಮ ಈ ಅಮಾನವೀಯ ಕೃತ್ಯಕ್ಕೆ ಸಾಕ್ಷಿಯಾಗಿದೆ. ರಾಕೇಶ್ (19) ಎಂಬ ಮಂತ್ರವಾದಿ ಕಂದಮ್ಮನ ಬಲಿಪಡೆದ ಪಾಪಿ‌ ಮಂತ್ರವಾದಿ.

ಅಜ್ಜಿಕ್ಯಾತನಹಳ್ಳಿ ಗ್ರಾಮದ ಪ್ರವೀಣ್‌ ಹಾಗೂ ಬೇಬಿ ಎಂಬ ದಂಪತಿಗಳ ಎರಡು ವರ್ಷದ ಹೆಣ್ಣು ಮಗು ಪೂರ್ಣಿಕಾಗೆ ಯಾರೋ ಮಾಟ ಮಾಡಿಸಿದ್ದಾರೆ ಎಂಬ‌ ಅನುಮಾನದಿಂದ ಮಂತ್ರವಾದಿ ಬಳಿ ಕರೆದುಕೊಂಡು ಹೋಗಿದ್ದಾರೆ. ಆಗ ಪಾಪಿ ಮಂತ್ರವಾದಿ ರಾಕೇಶ್ ಮಗುವಿನಲ್ಲಿ ದೆವ್ವ ಸೇರಿಕೊಂಡಿದೆ. ದೆವ್ವ ಬಿಡಿಸುದಾಗಿ ಮಗುವಿನ ಪೋಷಕರನ್ನು ನಂಬಿಸಿದ್ದಾನೆ. ನಂತರ ಮಗುವಿಗೆ ಕೋಲಿನಿಂದ ಥಳಿಸಿದ್ದಾನೆ. ಆ ಹೊಡೆತಕ್ಕೆ ಮಗು ತೀವ್ರವಾಗಿ ಗಾಯಗೊಂಡು ಮೃತಪಟ್ಟಿದೆ.

ಮಗುವಿನ ತಂದೆ, ತಾಯಿ ಪೊಲೀಸ್ ಠಾಣೆಗೆ ದೂರು ನೀಡಿದ್ದು, ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಘಟನೆಯಿಂದ ಗ್ರಾಮಸ್ಥರು ಬೆಚ್ಚಿಬಿದ್ದಿದ್ದಾರೆ.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ಅಂತರಂಗ

ಅಬ್ಬಬ್ಬಾ..! ಇದು ಭಾರತೀಯ ಸಾಹಿತ್ಯದಲ್ಲಿಯೇ ವಿಶಿಷ್ಟವಾದ ಕಾದಂಬರಿ

Published

on

  • ರವಿ ಕೃಷ್ಣ ರೆಡ್ಡಿ

ಹಿಂದೂ: ಬದುಕಿನ ಸಮೃದ್ಧ ಅಡಕಲು“. ಇದು ಜ್ಞಾನಪೀಠ ಪ್ರಶಸ್ತಿ ಪುರಸ್ಕೃತ ಮರಾಠಿ ಲೇಖಕ ಡಾ.ಭಾಲಚಂದ್ರ ನೇಮಾಡೆ’ಯವರ 600+ ಪುಟಗಳ ದೀರ್ಘ ಕಾದಂಬರಿ, ಉದ್ಗ್ರಂಥ. ಇದನ್ನು ಕನ್ನಡಕ್ಕೆ ಚಂದ್ರಕಾಂತ ಪೋಕಳೆ‘ಯವರು ಬಹಳ ಶ್ರಮ ಮತ್ತು ಆಸ್ಥೆ ವಹಿಸಿ ಭಾಷಾಂತರಿಸಿದ್ದಾರೆ. ನಾನು ಈಗ ಬಲವಂತದ ಕಡ್ಡಾಯ ಗೃಹಬಂಧನದಲ್ಲಿ ಇರುವುದರಿಂದಾಗಿ ಇದನ್ನು ಓದುವಂತಾಯಿತು. ಹಿಂದೊಮ್ಮೆ ಒಂದೆರಡು ಪುಟ ನೋಡಿ ಇದರ ಭಾಷಾ ವೈಖರಿ ಮತ್ತು ನಿರೂಪಣೆಯ ಕಾರಣಕ್ಕೆ ನನ್ನಿಂದಾಗದು ಎಂದು ಬದಿಗಿಟ್ಟುಬಿಟ್ಟಿದ್ದೆ.

ಆದರೆ ನಾಲ್ಕೈದು ದಿನದ ಹಿಂದೆ ಹಠ ಹಿಡಿದು ಕುಳಿತ ಮೇಲೆ ನಿಧಾನಕ್ಕೆ ರುಚಿಸುತ್ತಾ ಹೋಯಿತು. ಸರಿಯಾದ ಸೂತ್ರವಿಲ್ಲ. ಅಸ್ತವ್ಯಸ್ತ ನಿರೂಪಣೆ. ಎಲ್ಲಿಂದಲೋ ಎಲ್ಲೆಲ್ಲಿಗೋ. ಒಮ್ಮೊಮ್ಮೆ ಕಾಲದೇಶಗಳನ್ನು ಉಲ್ಲಂಘಿಸಿ ಸಾಗುತ್ತದೆ. (60ರ ದಶಕದ ಕಥೆಯಲ್ಲಿ ಕೆಲವೊಮ್ಮೆ 90ರ ದಶಕದ ವಿಚಾರಗಳು ನುಸುಳುತ್ತವೆ.) ಇದರಲ್ಲಿ ಬರುವ ಪಾತ್ರಗಳ ಸಂಖ್ಯೆ ಮಹಾಭಾರತದಲ್ಲಿಯ ಪಾತ್ರಗಳನ್ನೂ ಮೀರಿಸುತ್ತದೆ. ನೂರಾರು ಪಾತ್ರಗಳು ನಾಲ್ಕಾರು ಸಾಲಿಗೆ ಮುಗಿಯುತ್ತವೆ. ಏಳೆಂಟು ಪಾತ್ರಗಳು ಮಾತ್ರ ಒಂದಿಷ್ಟು ವಿಸ್ತಾರ ಪಡೆಯುತ್ತವೆ. ಆದರೆ ಯಾವ ಪಾತ್ರಗಳೂ ಅನುದ್ದಿಶ್ಯ ಎಂದೆನಿಸುವುದಿಲ್ಲ.

ಈ ಕಾದಂಬರಿಯನ್ನು ಅರ್ಧ ಓದಿದ್ದಾಗ ಇದೊಂದು ಹಳೆಯ ತುಂಡುಬಟ್ಟೆಗಳನ್ನು ಹಾಕಿ ಹೊಲಿದ ಕೌದಿಯಂತಿದೆ ಎನಿಸುತ್ತಿತ್ತು ನನಗೆ. ಜೊತೆಗೆ ಅಡಕಲು ಎನ್ನುವ ಪದದ ಅರ್ಥವೂ ಗೊತ್ತಿರಲಿಲ್ಲ. ಕೊನೆಗೆ ಇದರ ಮರಾಠಿ ಪದವನ್ನು ಹುಡುಕಿ ಅದನ್ನು ಗೂಗಲ್ ಭಾಷಾಂತರ ಮಾಡಿದಾಗ ಗೊತ್ತಾಗಿದ್ದು ಅದಕ್ಕೆ ಇಂಗ್ಲೀಷಿನ Junk ಅಥವಾ Llitter ಎನ್ನುವ ಅರ್ಥವಿದೆ ಎಂದು. ಕನ್ನಡದಲ್ಲಿ ಇದಕ್ಕೆ ಕಸಕಡ್ಡಿ, ಚಿಂದಿ, ತ್ಯಾಜ್ಯ, ನಿರುಪಯುಕ್ತ ಎನ್ನುವಂತಹ ಅರ್ಥ ಬರುತ್ತದೆ. ಈ ಪುಸ್ತಕದ ಟ್ಯಾಗ್‌ಲೈನ್’ನ ಇಂಗ್ಲೀಷ್ ಭಾಷಾಂತರ ಮಾತ್ರ ಬಹುಶಃ ಅದರ ಮರಾಠಿ ಭಾವಾರ್ಥಕ್ಕೆ ಹತ್ತಿರವಿದೆ; Rich Junk of Living. ಜೀವನದ ಸಮೃದ್ಧ ಕಸಕಡ್ಡಿ.

ಕೊನೆಗೆ ನನಗೆ ಅನ್ನಿಸಿದ್ದು, ಹಲವು ಶತಮಾನಗಳ ಹಲವು ತಲೆಮಾರುಗಳ ಹಲವು ಕುಟುಂಬಗಳ ಜನರು ಬಳಸಿದ ಬಟ್ಟೆಗಳಿಂದ ಒಂದೊಂದೇ ತುಂಡು ಅಥವಾ ಚಿಂದಿಯನ್ನು ತೆಗೆದುಕೊಂಡು ಅವೆಲ್ಲವುಗಳನ್ನು ಸೇರಿಸಿ ಹೊಲಿದ ಒಂದು ವಿಸ್ತಾರವಾದ ದಪ್ಪಪದರದ ಅಮೂರ್ತ ಚಿತ್ರವಿನ್ಯಾಸದ ಕೌದಿಯಂತೆ ಇದೆ ಈ ಕಾದಂಬರಿ ಎಂದು.

ಇಂದಿನ ಪಾಕಿಸ್ತಾನದ ಮೊಹೆಂಜದಾರೋದಲ್ಲಿ ಐವತ್ತುಅರವತ್ತರ ದಶಕದಲ್ಲಿ ನಡೆದ ಉತ್ಖನನದ ವಿವರಗಳಿಂದ ಆರಂಭವಾಗಿ ಕಳೆದ ಎರಡು ಮೂರು ಶತಮಾನಗಳ ಮಹಾರಾಷ್ಟ್ರದ ಖಾನ್ದೇಶ್ ಪ್ರದೇಶದ ಮೋರಗಾಂವ ಎಂಬ ದೊಡ್ಡ ಹಳ್ಳಿಯಲ್ಲಿಯ ಬದುಕುಗಳೊಂದಿಗೆ ಈ ಕಾದಂಬರಿ ಸುತ್ತಿಕೊಳ್ಳುತ್ತಾ, ತೆರೆದುಕೊಳ್ಳುತ್ತಾ, ಗೋಜಲಾಗುತ್ತಾ ಹೋಗುತ್ತದೆ.

19ನೇ ಶತಮಾನದ ಆರಂಭದಲ್ಲಿ ಬ್ರಿಟಿಷರ ವಿರುದ್ಧ ಮಿಕ್ಕೆಲ್ಲಾ ಮರಾಠ ಸಂಸ್ಥಾನಗಳು ಶರಣಾಗುತ್ತ ಹೋದಾಗ ಯಶವಂತರಾವ್ ಹೋಳ್ಕರ್ ಎಂಬ ಮರಾಠ ದೊರೆ ನಡೆಸುವ ಏಕಾಂಗಿ ಹೋರಾಟದ ದಿನಗಳಲ್ಲಿ ಈ ಭಾಗದ ಗ್ರಾಮೀಣ ಬದುಕು ಹೇಗಿತ್ತು ಎಂದು ನಿರೂಪಿಸುತ್ತಾ, ಆ ಸಮಯದಲ್ಲಿ ತಮ್ಮ ಹಿತವನ್ನು ರಕ್ಷಿಸಿಕೊಳ್ಳಲು ಆ ಭಾಗದ ರೈತಾಪಿ ಜನರು–ಅದರಲ್ಲಿಯೂ ಕಾದಂಬರಿಯ ನಾಯಕ ಖಂಡೇರಾವ್’ನ ಪೂರ್ವಿಕರು–ಯಾವೆಲ್ಲ ತಂತ್ರಗಳನ್ನು ಮಾಡಿದರು.

ತದನಂತರ ಸ್ವಾತಂತ್ರ್ಯ ಸಂಗ್ರಾಮದ ಸಂದರ್ಭದಲ್ಲಿ ಪಾಲ್ಗೊಂಡು ಹುತಾತ್ಮನಾಗುವ ಆತನ ಚಿಕ್ಕಪ್ಪನ ಒಂದಷ್ಟು ಕಥೆ, ಗಾಂಧೀಜಿ ಹತ್ಯೆಯ ಸಂದರ್ಭದಲ್ಲಿ ವಿವಿಧ ಮಹಾರಾಷ್ಟ್ರ ಸಮುದಾಯಗಳ ವರ್ತನೆ, ಮಳೆಯಾಶ್ರಿತ ಕೃಷಿಯಿಂದ ನೀರಾವರಿಗೆ ಹೊರಳುವ ರೈತ, ಅನಿಶ್ಚಿತ ಕೃಷಿಯಿಂದ ಬಿಡುಗಡೆಗೊಂಡು ಶಿಕ್ಷಣ ಮತ್ತು ನೌಕರಿಯ ಮೂಲಕ ನೆಮ್ಮದಿಯ ಜೀವನ ಕಂಡುಕೊಳ್ಳಲು ಗ್ರಾಮೀಣರು ಮಾಡುವ ಪ್ರಯತ್ನ, ಆ ಭಾಗದ ವಾರಕರಿ ಪಂಥದವರ ಸಂಪ್ರದಾಯಗಳು, ಕೂಡುಕುಟುಂಬದ ಲಾಭ-ನಷ್ಟಗಳು, ಅದರಲ್ಲಿಯ ಸಣ್ಣತನ ಕಿರಿಕಿರಿ ಅಸೂಯೆ ಮೋಸ ವಂಚನೆ ಔದಾರ್ಯ ತ್ಯಾಗ ವಿಘಟನೆ ಮುಂತಾದುವುಗಳ ಹಸಿಹಸಿ ಅನಾವರಣ ಇಲ್ಲಿದೆ.

ಸ್ವಾತಂತ್ರ್ಯೋತ್ತರ ಕಾಲದ ರಾಜಕಾರಣ, ಜಾತೀಯತೆ, ವಿಶ್ವವಿದ್ಯಾಲಯಗಳಲ್ಲಿ ನಡೆದ ಜಾತಿವಾದದ ಚರ್ಚೆ, ಕುಟಿಲತೆ, ವಿಶ್ವವಿದ್ಯಾಲಯದ ಶಿಕ್ಷಣ ದಕ್ಕಿಸಿಕೊಳ್ಳಲು ರೈತಾಪಿ ಯುವಕರು ಪಟ್ಟ ಪಡಿಪಾಟಲು, ಅಲ್ಪರು ಪ್ರಾಮಾಣಿಕರಿಗೆ ಮಾಡುವ ಅನ್ಯಾಯ, ಅಂತಹ ಸಂದರ್ಭದಲ್ಲಿಯೂ ವಿವಿಧ ಪ್ರದೇಶಗಳ ಅನ್ಯಜಾತಿಗಳ ವಿದ್ಯಾರ್ಥಿಗಳು ಕೂಡಿ ಕಲಿಯಬೇಕಾದ ಅನಿವಾರ್ಯತೆ ಸೃಷ್ಟಿಸಿದ ಮನೋವೈಶಾಲ್ಯತೆ, ಹೀಗೆ ಹಲವು ಸ್ತರಗಳಲ್ಲಿ ಕಾದಂಬರಿ ಸಾಗುತ್ತದೆ.

ಆರ್ಥಿಕವಾಗಿ ಒಂದಷ್ಟು ಸಬಲರಾದ ರೈತ ಕುಟುಂಬಗಳ ಮಹಿಳೆಯರು ತಮ್ಮ ಮನೆಯ ಹೆಣ್ಣುಮಕ್ಕಳನ್ನು ಯಾವುದೇ ಕಾರಣಕ್ಕೂ ರೈತಾಪಿ ಕೆಲಸ ಮಾಡುವ ಯುವಕರೊಂದಿಗೆ ಮದುವೆ ಮಾಡಿಸಕೂಡದು ಎಂದು ಗಟ್ಟಿಯಾಗಿ ನಿಲ್ಲುವುದು, ಆಸ್ಪತ್ರೆ ಹಾಗೂ ವೈದ್ಯರುಗಳು ಇಲ್ಲದಿದ್ದ ಸಮಯದಲ್ಲಿ ಗ್ರಾಮೀಣ ತಾಯಂದಿರು ತಮ್ಮ ರೋಗಪೀಡಿತ ಮಕ್ಕಳನ್ನು ಉಳಿಸಿಕೊಳ್ಳಲು ಮಾಡುತ್ತಿದ್ದ ಹರಸಾಹಸ, ಹಠ, ತ್ಯಾಗ; ಇಂತಹ ವಿಚಾರಗಳು ಇಲ್ಲಿ ಬಹಳ ಸೃಜನಶೀಲತೆಯಿಂದ ಹೇಳಲ್ಪಟ್ಟಿದೆ.

ಚರಿತ್ರೆಯ ಸಂಗತಿಗಳು ಬಂದಾಗ ಯಾವುದು ನಿಜವಾದದ್ದು, ಯಾವುದು ಕಾಲ್ಪನಿಕ, ದಂತಕಥೆ ಮತ್ತು ಊಹಾಪೋಹಗಳು ಯಾವುದು ಎಂಬೆಲ್ಲಾ ವಿಚಾರಗಳು ನಮ್ಮನ್ನು ಕಾಡುತ್ತವೆ. ಭೂಗೋಳ, ವಿಕಾಸವಾದ, ಪ್ರಾಗೈತಿಕ ಇತಿಹಾಸ, ಸಾಮಾಜಿಕ ಚರಿತ್ರೆ ಮುಂತಾದ ವಿಚಾರಗಳ ಬಗ್ಗೆ ಲೇಖಕರ ಅಪಾರ ಅಧ್ಯಯನ ಮತ್ತು ಜ್ಞಾನ ಕಾದಂಬರಿಯುದ್ದಕ್ಕೂ ನಮ್ಮನ್ನು ಬೆರಗುಗೊಳಿಸುತ್ತದೆ. ಕಳೆದ ಐದುಸಾವಿರ ವರ್ಷಗಳ ಭಾರತದ ಸಾಮಾಜಿಕ ಸಂರಚನೆ ರೂಪುಗೊಂಡ ಬಗೆಯನ್ನು ಅಲ್ಲಲ್ಲಿ ಅಮೂರ್ತವಾಗಿ ತಿಳಿಸಲು ಪ್ರಯತ್ನಿಸುತ್ತದೆ.

ಇನ್ನೂ ಅನೇಕ ವಿಚಾರಗಳನ್ನು ಈ ಕಾದಂಬರಿ ಹೇಳುತ್ತದೆಯಾದರೂ ನಾನು ಅವುಗಳನ್ನು ಇಲ್ಲಿ ವಿವರಿಸಲು ಹೋಗುವುದಿಲ್ಲ. ಅದು ಒಬ್ಬೊಬ್ಬರಿಗೆ ಒಂದೊಂದು ರೀತಿ ಕಾಣಿಸುತ್ತದೆ. ಮತ್ತು ಒಂದು ಓದಿಗೆ ಚೆನ್ನಾಗಿ ಅರ್ಥವಾಗುವುದೂ ಇಲ್ಲ.

ಭಾಲಚಂದ್ರ ನೇಮಾಡೆ’ಯವರು ಕಳೆದ ಅರ್ಧಶತಮಾನದ ಮರಾಠಿ ಸಾಹಿತ್ಯದ ಅತ್ಯಂತ ಪ್ರಭಾವಶಾಲಿ ಮತ್ತು ವಿವಾದಾತ್ಮಕ ಲೇಖಕರು ಎಂದು ಅವರ ಬಗೆಗಿನ ಕೆಲವೊಂದು ಓದು ತಿಳಿಸುತ್ತದೆ. ಇದು ಅವರ ಮಹತ್ವಾಕಾಂಕ್ಷಿ ಕೃತಿಯೂ ಹೌದು. ದೇಸಿವಾದ ಮತ್ತು ದೇಶಭಾಷೆಗಳ ಬಹುದೊಡ್ಡ ಪ್ರತಿಪಾದಕರವರು.

ಭಾರತವು ಬಹಳ ಪ್ರಾಚೀನವಾದ, ವಿಸ್ತಾರವಾದ, ಹಲವು ಸ್ಥಿತ್ಯಂತರಗಳನ್ನು ಕಂಡಂತಹ, ವಿಭಿನ್ನ ಸಂಪ್ರದಾಯ-ಸಂಸ್ಕೃತಿ-ಭಾಷಾ ವೈವಿಧ್ಯತೆಗಳನ್ನು ಹೊಂದಿದ್ದ, ಅಂತಹವು ಎಷ್ಟೋ ನಾಶವಾದ, ಮರುರೂಪಗೊಂಡ, ಹೊಸದನ್ನೇ ರೂಪಿಸಿಕೊಳ್ಳುತ್ತಿರುವ, ಅಲ್ಲಲ್ಲಿಯೇ ಕವಲೊಡೆದ ಸಹಸ್ರಾರು ಭಾಷೆ-ಸಂಸ್ಕೃತಿ-ಸಂಪ್ರದಾಯಗಳ ಬಹುದೊಡ್ಡ ಸಮಾಜ.

ಹಾಗಾಗಿ ಸಹಜವಾಗಿಯೇ ಇಲ್ಲಿ ಕಸವೂ ಇದೆ, ಅಮೂಲ್ಯವೂ ಇದೆ. ದಾರಿದ್ರ್ಯವೂ ಸಮೃದ್ಧವಾಗಿದೆ; ಸಮೃದ್ಧತೆಗೂ ದರಿದ್ರವಿಲ್ಲ. ಆಳದಲ್ಲಿ ಹಿಂಸೆಯೂ ಇದೆ, ಅಹಿಂಸೆಯೂ ಇದೆ. ಶೋಷಣೆಯೂ ಇದೆ, ಅದನ್ನು ಧಿಕ್ಕರಿಸುವ ಪ್ರತಿರೋಧವೂ ಅಂತರ್ಗತವಾಗಿದೆ. ಜ್ಞಾನವೂ ಇದೆ, ಅಜ್ಞಾನವೂ ಇದೆ. ಹೀಗೆ ಇದೊಂದು ವೈರುಧ್ಯಗಳ ಮಿಶ್ರಣ; ಭೂತದಲ್ಲಿ ಮತ್ತು ವರ್ತಮಾನದಲ್ಲಿಯೂ; ಬಹುಶಃ ಭವಿಷ್ಯದಲ್ಲಿಯೂ. ಇಂತಹ ವಿಚಾರಗಳನ್ನು ನಮಗೆ ತೋರಿಸುವ ಕನ್ನಡಿ “ಹಿಂದೂ” ಕಾದಂಬರಿ.

ಇದನ್ನು ಕನ್ನಡಕ್ಕೆ ಅನುವಾದಿಸಿರುವ ಚಂದ್ರಕಾಂತ ಪೋಕಳೆ’ಯವರಿಗೆ ವಿಶೇಷ ಧನ್ಯವಾದಗಳು.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading
Advertisement

Title

ದಿನದ ಸುದ್ದಿ24 mins ago

ಅಂತರ್ರಾಷ್ಟ್ರೀಯ ರೇಬೀಸ್ ದಿನಾಚರಣೆ 2020: ಸಹಯೋಗದೊಂದಿಗೆ ಲಸಿಕೆ ಹಾಕಿಸಿ ತಡೆಗಟ್ಟೋಣ

ಡಾ||.ಕಮಲೇಶ್ ಕುಮಾರ್ ಕೆ ಎಸ್, ಪಶುವೈದ್ಯಾಧಿಕಾರಿಗಳು, ಶಿವಮೊಗ್ಗ ರೇಬೀಸ್ (Rabies) ಒಂದು ವೈರಾಣುವಿನಿಂದ (Virus) ಹರಡುವ ಮಾರಕ ಖಾಯಿಲೆಯಾಗಿದ್ದು ಇದರ ತಡೆಗಟ್ಟುವಿಕೆಯ ಬಗ್ಗೆ ಜಾಗೃತಿ ಮೂಡಿಸಲು ಮತ್ತು...

ದಿನದ ಸುದ್ದಿ5 hours ago

ಹೊಳಲ್ಕೆರೆ | ಎರಡು ವರ್ಷದ ಕಂದಮ್ಮನ ಹೊಡೆದು ಕೊಂದ ಮಂತ್ರವಾದಿ ; ಅಮಾನವೀಯ ಕೃತ್ಯ ಎಸಗಿದ ಪಾಪಿ..!

ಸುದ್ದಿದಿನ,ಹೊಳಲ್ಕೆರೆ: ಅಪ್ಪ,‌ ಅಮ್ಮನ ಮಡಿಲಿನಲ್ಲಿ ಸುಖವಾಗಿದ್ದ ಎರಡು ವರ್ಷದ ಕಂದಮ್ಮ ಮಂತ್ರವಾದಿಯ ಅಮಾನವೀಯ ಕೃತ್ಯಕ್ಕೆ ಬಲಿಯಾಗಿದೆ. ಎರಡು ವರ್ಷದ ಹೆಣ್ಣು ಮಗುವನ್ನು ಮಂತ್ರವಾದಿ ಕೊಲಿನಿಂದ ಹೊಡೆದು ಸಾಯಿಸಿದ್ದು,...

ಅಂತರಂಗ18 hours ago

ಅಬ್ಬಬ್ಬಾ..! ಇದು ಭಾರತೀಯ ಸಾಹಿತ್ಯದಲ್ಲಿಯೇ ವಿಶಿಷ್ಟವಾದ ಕಾದಂಬರಿ

ರವಿ ಕೃಷ್ಣ ರೆಡ್ಡಿ “ಹಿಂದೂ: ಬದುಕಿನ ಸಮೃದ್ಧ ಅಡಕಲು“. ಇದು ಜ್ಞಾನಪೀಠ ಪ್ರಶಸ್ತಿ ಪುರಸ್ಕೃತ ಮರಾಠಿ ಲೇಖಕ ಡಾ.ಭಾಲಚಂದ್ರ ನೇಮಾಡೆ’ಯವರ 600+ ಪುಟಗಳ ದೀರ್ಘ ಕಾದಂಬರಿ, ಉದ್ಗ್ರಂಥ....

ದಿನದ ಸುದ್ದಿ22 hours ago

ನೀಲು ಕಾವ್ಯ

ಪಿ. ಲಂಕೇಶ್ 1 ಹೃದಯದ ಗುಟ್ಟುಗಳನ್ನು ಇನಿಯನಿಗೆ ಕೂಡ ಬಿಟ್ಟುಕೊಡಲಾರದ ನನ್ನ ಕಣ್ಣುಗಳನ್ನು ವಂಚಿಸಿ ನನ್ನ ಲೇಖನಿ ಹಾಡಿ ಕುಣಿಯುವುದು 2 ಪ್ರೀತಿಸುವ ಇಬ್ಬರು ಮೌನವಾಗಿ ಕೂತು...

ದಿನದ ಸುದ್ದಿ1 day ago

‘ಪೈಸಾ ವಸೂಲ್’ ಕಲಾಪ..!

ದಿನೇಶ್ ಅಮಿನ್ ಮಟ್ಟು , ಹಿರಿಯ ಪತ್ರಕರ್ತರು ನಾನು ಕಳೆದ ಏಳು ವರ್ಷಗಳಲ್ಲಿ , ಅದರಲ್ಲಿ ಮುಖ್ಯವಾಗಿ ಮೊದಲ ಐದು ವರ್ಷ ವಿಧಾನಮಂಡಲದ ಕಲಾಪಗಳನ್ನು ಸಮೀಪದಿಂದ ನೋಡಿದ್ದೇನೆ,...

ದಿನದ ಸುದ್ದಿ1 day ago

ಕೆಟಿಜೆ ನಗರದಲ್ಲಿ ಪೊಲೀಸ್ ಉಪಠಾಣೆ ಮಾಡಲು ಮನವಿ

ಸುದ್ದಿದಿನ, ದಾವಣಗೆರೆ : ಜಿಲ್ಲಾ ಕೇಂದ್ರದಲ್ಲಿ ನಡೆಸಲಾಗುತ್ತಿದ್ದ ಪ.ಜಾತಿ. ಪ.ಪಂಗಡದ ಕುಂದುಕೊರತೆ ಸಭೆಯನ್ನು ಉಪವಿಭಾಗ ಮಟ್ಟದಲ್ಲಿ ನಡೆಸಲಾಗುವುದು ಎಂದು ಎಸ್.ಪಿ ಹನುಮಂತರಾಯ ತಿಳಿಸಿದರು. ಶನಿವಾರ ಸಭೆಯ ಪ್ರಾರಂಭದಲ್ಲಿ...

ದಿನದ ಸುದ್ದಿ1 day ago

ಅನಧಿಕೃತ ಮದ್ಯದಂಗಡಿಗಳ ತೆರವಿಗೆ ಕ್ರಮ : ಎಸ್.ಪಿ ಹನುಮಂತರಾಯ

ಸುದ್ದಿದಿನ ದಾವಣಗೆರೆ: ಜಿಲ್ಲಾ ಕೇಂದ್ರದಲ್ಲಿ ನಡೆಸಲಾಗುತ್ತಿದ್ದ ಪ.ಜಾತಿ. ಪ.ಪಂಗಡದ ಕುಂದುಕೊರತೆ ಸಭೆಯನ್ನು ಉಪವಿಭಾಗ ಮಟ್ಟದಲ್ಲಿ ನಡೆಸಲಾಗುವುದು ಎಂದು ಎಸ್.ಪಿ ಹನುಮಂತರಾಯ ತಿಳಿಸಿದರು. ಜಿಲ್ಲಾ ಪೊಲೀಸ್ ವರಿಷ್ಟಾಧಿಕಾರಿಗಳ ಕಚೇರಿಯಲ್ಲಿ...

ದಿನದ ಸುದ್ದಿ1 day ago

ದಾವಣಗೆರೆ | ಕೋವಿಡ್ ಭಯಬೇಡ ಎಚ್ಚರವಿರಲಿ ಜಾಗೃತಿ ಟ್ಯಾಬ್ಲೋಗೆ ಜಿಲ್ಲಾಧಿಕಾರಿ ಚಾಲನೆ

ಸುದ್ದಿದಿನ,ದಾವಣಗೆರೆ : ಶನಿವಾರ ಜಿಲ್ಲಾಡಳಿತ ಭವನದ ಆವರಣದಲ್ಲಿ ಜಿಲ್ಲಾಡಳಿತ, ಜಿಲ್ಲಾ ಪಂಚಾಯತ್ ಹಾಗೂ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಸಹಯೋಗದಲ್ಲಿ ಜಿಲ್ಲೆಯಾದ್ಯಂತ ಕೊರೊನಾ ಬಗ್ಗೆ ಜಾಗೃತಿ...

ದಿನದ ಸುದ್ದಿ1 day ago

ಎಪಿಎಂಸಿ ಕಾಯ್ದೆಗೆ ತಿದ್ದುಪಡಿ | ರಾಜ್ಯ ಸರ್ಕಾರ ರೈತರನ್ನು ಬಂಡವಾಳಶಾಹಿಗಳ ಗುಲಾಮರನ್ನಾಗಿ ಮಾಡಲು ಹೊರಟಿದೆ : ಸಿದ್ದರಾಮಯ್ಯ ಕಿಡಿ

ಸುದ್ದಿದಿನ, ಬೆಂಗಳೂರು : ರಾಜ್ಯ ಸರ್ಕಾರ ಎಪಿಎಂಸಿ ಕಾಯ್ದೆಗೆ ತಿದ್ದುಪಡಿ ತಂದಿರುವುದು ಸ್ವಪ್ರೇರಣೆಯಿಂದಲ್ಲ. ಕೇಂದ್ರ ಸರ್ಕಾರದ ಗೃಹ ಇಲಾಖೆ ಮತ್ತು ಕೃಷಿ ಸಚಿವಾಲಯದ ಒತ್ತಡಕ್ಕೆ ಮಣಿದು ಎಪಿಎಂಸಿ...

ದಿನದ ಸುದ್ದಿ2 days ago

ಭೂ ಸುಧಾರಣೆ ಕಾಯ್ದೆಗೆ ತಿದ್ದುಪಡಿ ; ಇದು ಬಿಜೆಪಿಯು ‘ಭೂತಾಯಿಗೆ ಬಗೆವ ದ್ರೋಹ’ : ಸಿದ್ದರಾಮಯ್ಯ ಆಕ್ರೋಶ

ಸುದ್ದಿದಿನ, ಬೆಂಗಳೂರು: ಉದ್ಯಮಿಗಳು, ಬಹುರಾಷ್ಟ್ರೀಯ ಕಂಪೆನಿಗಳು ಮತ್ತು ರಿಯಲ್ ಎಸ್ಟೇಟ್ ವ್ಯಾಪಾರಿಗಳು ಅಸಹಾಯಕ ರೈತರಿಗೆ ವಂಚಿಸಿ ಸುಲಭದಲ್ಲಿ ಭೂಮಿ ಖರೀದಿ ಮಾಡಲು ನೆರವಾಗುವ ಉದ್ದೇಶದಿಂದಲೇ ಈ ತಿದ್ದುಪಡಿಯನ್ನು...

Trending