Connect with us

ದಿನದ ಸುದ್ದಿ

ಬೌದ್ಧ ಕ್ರಾಂತಿಗೆ ಮುನ್ನುಡಿ ಬರೆದ ಮಹಾಪುರುಷ ‘ಪಂಡಿತ ಅಯೋತಿ ಥಾಸ್’..! ಮಿಸ್ ಮಾಡ್ದೆ ಓದಿ

Published

on

  • ವಿಶ್ವನಾಥ ಎಸ್ ಕರಡಿ

ರಡು ಪ್ರತ್ಯೇಕ ಸಮಯ ಮತ್ತು ಸ್ಥಳಗಳಲ್ಲಿ ವಾಸಿಸುತ್ತಿದ್ದ ಇಬ್ಬರು ಮಹಾಪುರುಷರು ಒಂದೇ ಸಮಸ್ಯೆಯ ಬಗ್ಗೆ ಒಂದೇ ತೀರ್ಮಾನಕ್ಕೆ ಬಂದಿರುವ ಆ ಮಹಾ ಮನಸ್ಸುಗಳ ತೀರ್ಮಾನಕ್ಕೆ ನಾವಿನ್ನು ಬದ್ಧರಾಗಿಲ್ಲದೆ ಇರುವುದು ದುರಂತವೇ ಅನಿಸುತ್ತದೆ.

19ನೇ ಶತಮಾನದ ತಮಿಳು ವಿದ್ವಾಂಸ ಪಂಡಿತ ಅಯೋತಿ ಥಾಸ್ ಮತ್ತು 20 ನೇ ಶತಮಾನದ ಪಾಶ್ಚಿಮಾತ್ಯ ವಿದ್ಯಾ ಪಂಡಿತ ಡಾ. ಬಾಬಾಸಾಹೇಬ ಅಂಬೇಡ್ಕರ್ ಈ ಇಬ್ಬರು ಮಹಾಪುರುಷರು ಜಾತಿ ವ್ಯವಸ್ಥೆಯನ್ನು ಸರ್ವನಾಶ ಮಾಡಲು ಏಕೈಕ ಮಾರ್ಗವನ್ನು ಕಂಡುಕೊಂಡರು ಮತ್ತು ತಾವು ಬೌದ್ದ ಧಮ್ಮವನ್ನು ಸ್ವೀಕರಿ ತಮ್ಮ ಅನುಯಾಯಿಗಳು ಸ್ವೀಕರಿಸಲು ಮಾದರಿಯಾದರು.

ಬೌದ್ದ ಧಮ್ಮದ ಪತನದಿಂದ ಹುಟ್ಟಿದ ಜಾತಿಯತೆಯನ್ನು ಬೌದ್ದ ಧಮ್ಮ ಸ್ಥಾಪನೆಯ ಮೂಲಕವೇ ನಿರ್ಮೂಲನೆ ಮಾಡಬೇಕು ಎಂದು ನಂಬಿದ್ದರು ಆದರೆ ನಾವಿಂದು ಆ ಮಹಾಪುರುಷರ ಸೂಚನೆ ಪಾಲಿಸದೇ ಜಾತೀಯತೆಯ ವಿರುದ್ದ ಸುಖಾಸುಮ್ಮನೆ ಹೋರಾಟ ಮಾಡಿ ತೌಡು ಕುಟ್ಟುತ್ತಿದ್ದೇವೆ.

ನಾವು ಬಾಬಾಸಾಹೇಬ ಅಂಬೇಡ್ಕರ್ ಅವರ ಧಮ್ಮ ಕ್ರಾಂತಿಯ ಬಗ್ಗೆ ಕೇಳಿದ್ದೇವೆ ಕೆಲವರು ಅವರಂತೆ ನಾವು ಬೌದ್ಧರಾಗಿದ್ದೇವೆ. ಆದರೆ ಬಾಬಾಸಾಹೇಬರ ಕಿಂತ ಮೊದಲೇ ಪಂಡಿತ ಅಯೋತಿ ಥಾಸ್ ರು ಈ ನೆಲದಲ್ಲಿ ಬೌದ್ದ ಕ್ರಾಂತಿಗೆ ಮುನ್ನುಡಿ ಬರೆದಿದ್ದರು ಬನ್ನಿ ಆ ಮಹಾ ಪುರುಷನ ಬಗ್ಗೆ ತಿಳಿದುಕೊಳ್ಳೋಣ.

ಪಂಡಿತ ಅಯೋತಿ ಥಾಸ್ ರು 1845 ಮೇ 20 ರಂದು ಚೆನೈನ ರಾಯಪೆಟ್ಟಾದ ದಲಿತ ಕುಟುಂಬದಲ್ಲಿ ಜನಿಸಿದರು ಅವರು ಸಿದ್ದ ಔಷದಿ ಕಲೆಯಲ್ಲಿ ಪ್ರಾವೀಣ್ಯತೆ ಪಡೆದಿದ್ದರು ಮತ್ತು ತಮಿಳು ವಿದ್ವಾಂಸರಾಗಿದ್ದರು.

ಅವರು 1870 ರಲ್ಲಿ ಉದಗಮಂಡಲಂ ನಲ್ಲಿ ಅದ್ವೈದಾನಂದ ಸಭೆಯನ್ನು(ಅವರ ಜೀವನದ ಮೊದಲ ಸಂಸ್ಥೆ ಎಂದು ಪರಿಗಣಿಸಲಾಗುತ್ತದೆ) ಸ್ಥಾಪಿಸಿದರು. 1891ರಲ್ಲಿ ಅವರು ದ್ರಾವಿಡ ಮಹಾಜನ ಸಭೆ ಎಂಬ ಸಂಘಟನೆಯನ್ನು ಸ್ಥಾಪಿಸಿದರು. 1891 ಸೆಪ್ಟೆಂಬರ 1 ರಂದು ನೀಲಗಿರಿ ಜಿಲ್ಲೆಯಲ್ಲಿ ಸಭೆಯ ಪರವಾಗಿ ಸಮ್ಮೇಳನವನ್ನು ಆಯೋಜಿಸಿದರು.

ಆ ಸಮ್ಮೇಳನದಲ್ಲಿ…

ಅಸ್ಪೃಶ್ಯರನ್ನು ಅವಮಾನಿಸುವವರನ್ನು ಪರಿಯಾ ಎಂದು ಕರೆಯುವ ಮೂಲಕ ಶಿಕ್ಷಿಸಲು ಅಪರಾಧ ಕಾನೂನು ಜಾರಿಗೆ ತರುವುದು.

  1. ಪ್ರತ್ಯೇಕ ಶಾಲೆಗಳನ್ನು ತೆರೆಯುವುದು.
  2. ಅಸ್ಪೃಶ್ಯ ಮಕ್ಕಳಿಗೆ ಮೆಟ್ರಿಕ್ಯುಲೇಶನ್ ಶಿಕ್ಷಣಕ್ಕಾಗಿ ವಿದ್ಯಾರ್ಥಿ ವೇತನವನ್ನು ನೀಡುವುದು.
  3. ವಿದ್ಯಾವಂತ ಅಸ್ಪೃಶ್ಯರಿಗೆ ಉದ್ಯೋಗ ನೀಡುವುದು.
  4. ಜಿಲ್ಲಾ ಮಂಡಲ ಮತ್ತು ಮುನ್ಸಿಪಲ್ ಮಂಡಲಾಗಳಲ್ಲಿ ಪ್ರಾತಿನಿಧ್ಯ ನೀಡುವುದು.

ಹೀಗೆ ಹಲವು ಬೇಡಿಕೆಗಳ ನಿರ್ಣಯ ತೆಗೆದುಕೊಳ್ಳಲಾಯಿತು(ತಮಿಳನ, ಆಕ್ಟೊಬರ್ 1908) ಈ ನಿರ್ಣಯಗಳನ್ನು 1891 ರ 8 ಡಿಸೆಂಬರ್ 21 ರಂದು ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ಮತ್ತು ಮಹ್ಮದಿಯರ ಸಂಘಕ್ಕೆ ಕಳುಹಿಸಲಾಯಿತು.

1896 ರಲ್ಲಿ ರೇವರೆಂಡ್ ಜಾನ್ ರತ್ನಂ ಮತ್ತು ಅಯೋತಿ ಥಾಸ್ ಜಂಟಿಯಾಗಿ ದ್ರಾವಿಡ್ ಪಾಂಡಿಯನ್ ಎಂಬ ಜರ್ನಲ್ ನ್ನು ಪ್ರಾರಂಭಿಸಿದರು. ಮತ್ತೊಂದು ಕುತೊಹಲಕಾರಿ ಸಂಗತಿ ಎಂದರೇ1882 ರಲ್ಲಿ ರೇವರೆಂಡ್ ಜಾನ್ ರತ್ನಂ ಮತ್ತು ಅಯೋತಿ ಥಾಸರು ದ್ರಾವಿಡ ಕಜಗಂ ಎಂಬ ಹೆಸರಿನ ಒಂದು ಚಳುವಳಿ ಸ್ಥಾಪಿಸಿದರು ( ದಿ ಅಲೋಶಿಯಸ್ ನ್ಯಾಶನಲಿಸಂ ವಿತ್ಹೌಟ್ ಎ ನೇಷನ್ ಇನ್ ಇಂಡಿಯಾ, ಆಕ್ಸಪರ್ಡ್ 2000) ಈ ಸಂಗತಿಯನ್ನು ಮರೆಮಾಡಲಾಗಿದೆ. ದ್ರಾವಿಡ ಚಳುವಳಿಯ ಅಥವಾ ಬ್ರಾಹ್ಮಣ ವಿರೋಧಿ ಚಳುವಳಿಯ ಪ್ರವರ್ತಕನಾಗಿ ಅಯೋತಿ ಥಾಸ್ ಅವರನ್ನು ಈಗ ಯಾರು ನೆನಪಿಸಿಕೊಳ್ಳುವುದಿಲ್ಲ.

ಬೌದ್ದ ಧಮ್ಮಕ್ಕೆ ಮರಳುವುದು

ಜಾತಿ ವ್ಯವಸ್ಥೆಯನ್ನು ಸರ್ವನಾಶ ಮಾಡುವುದಕ್ಕಾಗಿ ದಲಿತರು ಬೌದ್ದ ಧಮ್ಮ ಸ್ವೀಕರಿಸಲು ಕರೆ ನೀಡಿದರು. ಈ ಉದ್ದೇಶಕ್ಕಾಗಿ ಅವರು ತಮಿಳು ಜಾನಪದ ಸಂಪ್ರದಾಯಗಳ ಸಹಾಯದಿಂದ ಪರ್ಯಾಯ ಇತಿಹಾಸವನ್ನು ನಿರ್ಮಿಸಿದರು ಮೂಲ ಬೌದ್ಧರ ಮೇಲೆ ಅಸ್ಪೃಶ್ಯತೆಯನ್ನು ಹೇರಿ ಆಚರಣೆಗೆ ತಂದಿರುವ ಪದ್ಧತಿಗಳನ್ನು ವಿರೋಧಿಸಿದರು. ಭಾರತದ ಇತಿಹಾಸದಲ್ಲಿ ಬೌದ್ದ ಧಮ್ಮವು ಮೊದಲ ಬ್ರಾಹ್ಮಣ ವಿರೋಧಿ ಚಳುವಳಿ ಎಂದು ಅವರು ಪ್ರತಿಪಾದಿಸಿದರು.

1898ರಲ್ಲಿ ಅಯೋತಿ ಥಾಸ್ ಪಂಚಮಾ ಶಾಲೆಯ ಮುಖ್ಯ ಶಿಕ್ಷಕರಾದ ಕೃಷ್ಣಸ್ವಾಮಿ ಅವರೊಂದಿಗೆ ಶ್ರೀಲಂಕಾಕ್ಕೆ ಭೇಟಿ ನೀಡಿದರು ಅಲ್ಲಿ ಅವರು ಬೌದ್ದ ಧಮ್ಮ ಸ್ವೀಕರಿಸಿದರು. ಥಿಯೋಸೋಪಿಸ್ಟ(ಚೆನೈ ಅಡ್ಯಾಕ್ ಮೂಲದ ಥಿಯೊಸೋಪಿಕಲ್ ಸೊಸೈಟಿಯ ಮಾಸಿಕ ಜರ್ನಲ್) ಈ ರೀತಿಯಾಗಿ ಧಾಖಲಿಸಿದೆ.

1898 ರಲ್ಲಿ ಸಿಲೊನ್ ಗೇ ಮದ್ರಾಸನ ಪಂಚಮ ಸಮುದಾಯದ ನಾಯಕರನ್ನು ಬಂತೆ ಸುಮಂಗಲ ಮಹಾ ಥೇರ್ ಅವರು ಬೌದ್ದ ಧಮ್ಮಕ್ಕೆ ಸೇರಿಸಿಕೊಂಡರು. ಮತ್ತು ದಕ್ಷಿಣ ಭಾರತದ ಪಂಚಮರು (ದಲಿತರು) ಇತಿಹಾಸದಲ್ಲಿ ಹೊಸ ಯುಗವನ್ನು ಪ್ರಾರಂಭಿಸಿದರು. ಅವರು ಬೌದ್ದ ಧಮ್ಮವನ್ನು ಸ್ವೀಕರಿಸಿದ ನಂತರ 1898 ರಲ್ಲಿ ಮದ್ರಾಸನ್ ರಾಯಪೆಟ್ಟಾದಲ್ಲಿ “ದಿ ಸಾಕ್ಯ ಬೌದ್ದ ಸಮಾಜ” ಎಂಬ ಸಂಸ್ಥೆಯನ್ನು ಸ್ಥಾಪಿಸಿದರು1907 ರಲ್ಲಿ ಸಂಸ್ಥೆಯಡಿಯಲ್ಲಿ ಒರು ಪೈಸಾ ತಮಿಲನ್ ಎಂಬ ಜರ್ನಲ್ ಅನ್ನು ಪ್ರಾರಂಭಿಸಿದರು.

1907 ರಿಂದ 5 ಮೇ 1914 ರ ವರೆಗೆ ಅವರ ಎಲ್ಲ ಧಾರ್ಮಿಕ ಮತ್ತು ಸಾಮಾಜಿಕ ಚಟುವಟಿಕೆಗಳನ್ನು ಜರ್ನಲ್ ನಲ್ಲಿ ದಾಖಲಿಸಲಾಗಿದೆ. ಅಯೋತಿ ಥಾಸ್ ರವರು ಕರ್ನಲ್ ಹೆನ್ರಿ ಸ್ಟಿಲ್ ಓಲ್ಕಾಟ (ಥಿಯೊಸೋಪಿಕಲ್ ಸೊಸೈಟಿಯನ್ನು ಸ್ಥಾಪಿಸಿದ ಅಮೆರಿಕದ ಮಿಲಿಟರಿ ಅಧಿಕಾರಿ) ಮತ್ತು ಅಡ್ಯಾರನಲ್ಲಿನ ಥಿಯೊಸೋಪಿಕಲ್ ಮೂವಮೆಂಟ ನೊಂದಿಗೆ ನಿಕಟ ಒಡನಾಟವನ್ನು ಹೊಂದಿದ್ದರು ಎಂದು ಕರ್ನಲ್ ಓಲ್ಕಾಟ್ ಬರೆದುಕೊಳ್ಳುತ್ತಾರೆ.

ಸಾಕ್ಯ ಬೌದ್ದ ಸಮಾಜವನ್ನು ತಿರುಪುತ್ತೂರ ಮತ್ತು ವೆಲ್ಲೂರಗಳಲ್ಲಿ ಮಾತ್ರವಲ್ಲದೇ ವಿದೇಶಗಳಲ್ಲಿಯೂ ಸ್ಥಾಪಿಸಲಾಯಿತು ಉದಾಹರಣೆಗೆ: ದಕ್ಷಿಣ ಆಫ್ರಿಕಾದ ನಟಾಲ್, ರಂಗೂನ ಮತ್ತು ಶ್ರೀಲಂಕಾದಲ್ಲಿ ಅದೇರೀತಿ ಚಾಂಪಿಯನ್ ರೀಪ್ಸ್, ಮಾರಿಕುಪ್ಪಂ, ಕೋಲಾರ ಗೋಲ್ಡ್ ಫೀಲ್ಡ್, ಹಾಗೂ ಹುಬ್ಬಳ್ಳಿಯ ರೇಲ್ವೆ ನಿಲ್ದಾಣದ ಹತ್ತಿರ ಶಾಖೆಗಳನ್ನು ಸ್ಥಾಪಿಸಿದರು.

ಸಾಕ್ಯ ಬೌದ್ದ ಸಮಾಜವು ಬುದ್ದ ಧಮ್ಮದ ಬಗ್ಗೆ ಬುದ್ದ ಧಮ್ಮ ಪಿರಸಂಗಮ(ಬೌದ್ದ ಧಮ್ಮದ ಉಪದೇಶ) ಆಯೋಜಿಸಲು ಪ್ರಾರಂಭಿಸಿತು ಈ ಉಪನ್ಯಾಸಗಳು ಮಧ್ಯರಾತ್ರಿಯ ವರೆಗೂ ನಡೆದವು. ಸಾಕ್ಯ ಬೌದ್ದ ಸಮಾಜದ ಕಾರ್ಯಕರ್ತರು ಪ್ರತಿಯೊಬ್ಬರು ತಮ್ಮ ಚಟುವಟಿಕೆಗಳ ಬಗ್ಗೆ ಪ್ರತಿನಿತ್ಯ ತಮಿಲನ್ ನಲ್ಲಿ ವರದಿ ಮಾಡುತ್ತಿದ್ದರು. ಅನೇಕರು ಅಯೋತಿ ದಾಸರ ನೇತೃತ್ವದಲ್ಲಿ ಬುದ್ದ ಧಮ್ಮ ಪ್ರಚಾರ ಮಾಡಲು ತಮ್ಮನ್ನು ತಾವು ತೊಡಗಿಸಿಕೊಂಡರು.

ಹೆಚ್ಚು ಹೆಚ್ಚು ಜನರು ಸಾಂಸ್ಕೃತಿಕ ಕಾರ್ಯಕ್ರಮಗಳಲ್ಲಿ ಭಾಗವಹಿಸ ತೊಡಗಿದರು. ದಲಿತರ ಸಾಂಸ್ಕೃತಿಕ ಜೀವನವು ಬೌದ್ಧಮಯವಾಯಿತು. ಜನನ, ಮರಣ, ಮದುವೆ ಮುಂತಾದ ಧಾರ್ಮಿಕ ವಿಧಿಗಳು ಬೌದ್ದ ಧಮ್ಮದ ಅಡಿಯಲ್ಲಿ ನಡೆಯತೊಡಗಿದವು. ಬೌದ್ದ ಧಮ್ಮಕ್ಕೆ ಧರ್ಮಾಂತರ ಗೊಂಡವರ ಹೆಸರುಗಳನ್ನು ತಮಿಳನ ನಲ್ಲಿ ಪ್ರಕಟಿಸಲಾಯಿತು. (24 ಆಗಸ್ಟ್ 1912) 1911ರಲ್ಲಿ ಮೈಸೂರಿನ ದಶಕದ ಜನಗಣತಿಯಲ್ಲಿ ಬೌದ್ಧರ ಪ್ರತ್ಯೇಕ ವರ್ಗವನ್ನು ವರ್ಗಿಕರಿಸಲಾಯಿತು.

1881ರಲ್ಲಿ ಸರ್ಕಾರವು ಎರಡನೇ ಜನಗಣತಿಯನ್ನು ನಡೆಸಲು ಯೋಜಿಸಿತು, ನೋಂದಣಿ ಅಧಿಕಾರಿಗಳು ಶೋಷಿತರನ್ನು ಹಿಂದೂ ಧರ್ಮದ ಭಾಗವೆಂದು ವರ್ಗಿಕರಿಸಲು ಪ್ರಯತ್ನಿಸಿದರು. ಆದರೆ ಅಯೋತಿ ಥಾಸರು ಬ್ರಿಟಿಷ್ ಸರ್ಕಾರಕ್ಕೆ ಒಂದು ಜ್ಞಾಪಕ ಪತ್ರವನ್ನು ನೀಡಿ ತಮಿಳು ಮಾತನಾಡುವ ಶೋಷಿತರನ್ನು ಆದಿ ತಮಿಳರು ಎಂದು ಪರಿಗಣಿಸಿ ಹಿಂದೂಗಳಂತೆ ಪರಿಗಣಿಸದಿರಲು ಹೇಳಿದರು.

ಅಯೋತಿ ಥಾಸರು ಬೌದ್ದ ಧಮ್ಮವನ್ನು ಅನುಸರಿಸಿದ ಮೂಲನಿವಾಸಿಗಳನ್ನ ಯಥಾರ್ಥ ಬ್ರಾಹ್ಮಣರು(ನಿಜವಾದ ಬ್ರಾಹ್ಮಣರು) ಎಂದು ಕರೆದರು. ಆದರೆ ಆರ್ಯರು ಬೌದ್ಧರ ಆಚರಣೆಗಳನ್ನು ನಕಲಿಸಿದ್ದರು ಮತ್ತು ಸ್ವಾರ್ಥ ಉದ್ದೇಶದಿಂದ ಮೋಸ ಮಾಡಲು ಪ್ರಾರಂಭಿಸಿದರು ಅವರನ್ನು ಅಯೋತಿ ಥಾಸರು ವೇಶಾ ಬ್ರಾಹ್ಮಣರು(ಹುಸಿ ಬ್ರಾಹ್ಮಣರು) ಎಂದು ಕರೆದರು.

‘ಒರು ಪೈಸಾ ತಮಿಳನ’ 3 ಜುಲೈ 1907

1907 ರ ಜೂನ 19 ರಂದು ಒರು ಪೈಸಾ ತಮಿಳನ ಎಂಬ ಹೆಸರನ್ನು ಹೊಂದಿರುವ ತಮಿಳು ವಾರಪತ್ರಿಕೆಯನ್ನು ಪ್ರಾರಂಭಿಸಲಾಯಿತು(ಒಂದು ವರ್ಷದ ನಂತರ ಈ ಹೆಸರನ್ನು ತಮಿಲನ ಎಂದು ಬದಲಿಸಲಾಯಿತು).

ದಲಿತ ಮುದ್ರಣ ಇತಿಹಾಸದಲ್ಲಿ ಅಯೋತಿ ಥಾಸರ ತಮಿಲನ್ ಪತ್ರಿಕೆ ಬಹುಮುಖ್ಯ ಪಾತ್ರ ವಹಿಸಿತ್ತು. ಈ ಪತ್ರಿಕೆಯಲ್ಲಿ ಧಾರ್ಮಿಕ ಮತ್ತು ಸಾಮಾಜಿಕ ವಿಷಯಗಳ ಕುರಿತು ಸರಣಿ ಲೇಖನಗಳು ಪ್ರಕಟವಾಗಿವೆ. ಈ ಪತ್ರಿಕೆಯು ಬೌದ್ದ ಧಮ್ಮವನ್ನು ಪುನರುಜ್ಜೀವನ ಗೊಳಿಸಿ ಪುನರನಿರ್ಮಿಸುವತ್ತ ಗಮನಹರಿಸಿತ್ತು.

ದಲಿತ ವಿಮೋಚಕರ ಸಾಲಿನಲ್ಲಿ ಅಯೋತಿ ಥಾಸರು ಬಹುಮುಖ್ಯರು ಅವರು ಜಾತಿ ರಹಿತ ಸಮಾಜದ ಕನಸು ಕಂಡವರು ಮತ್ತು ಬೌದ್ದ ಧಮ್ಮ ಸರಿಯಾದ ಆಯ್ಕೆ ಎಂದು ಸೈದ್ಧಾಂತಿಕ ತೀರ್ಮಾನಕ್ಕೆ ಬಂದವರು. ಅವರು ಭಾರತದ ಇತಿಹಾಸವನ್ನು ಇಥಿರಾರಡೆಸ್ ಸಾರಿಥಿರಾಮನಲ್ಲಿ ಹೀಗೆ ಬರೆಯುತ್ತಾರೆ ಆರ್ಯರ ಆಕ್ರಮಣಕ್ಕೆ ಮುಂಚಿತವಾಗಿ ಬೌದ್ದ ಧಮ್ಮದ ಸಿದ್ಧಾಂತಗಳನ್ನು ಅನುಸರಿಸಿ ಭಾರತೀಯರು ಶಾಂತಿಯುತವಾಗಿ ಬದುಕಿದ್ದರು ಎಂದು ವಾದಿಸಿದ್ದಾರೆ.

ಕೇವಲ ವೃತ್ತಿ ಆಧಾರದ ಮೇಲೆ ವಿಭಾಗವಿದ್ದವು ಯಾವುದೇ ಶ್ರೇಣೀಕೃತ ಸ್ಥಾನಮಾನವಿರಲಿಲ್ಲ. ಅನಾಗರಿಕ ಆರ್ಯರು ಕೇವಲ ತಮ್ಮ ಹಿತಕ್ಕಾಗಿ ಜಾತಿ ವಿಭಾಗವಾಗಿ ಬದಲಾಯಿಸಿದರು. ಬೌದ್ದ ಧಮ್ಮದ ಅನೇಕ ಆಚರಣೆಗಳು ಮತ್ತು ಸಂಪ್ರದಾಯಗಳನ್ನು ಮರು ವ್ಯಾಖಾನಿಸಿದರು.

ಅಯೋತಿ ಥಾಸ ಅವರನ್ನು ಇಂದು ನೆನಪಿಸಿಕೊಳ್ಳುವುದು ಅವಶ್ಯವೆನಿಡುತ್ತದೆ ಭಾರತೀಯ ಸಮಾಜದ ಆಧುನೀಕರಣದ ನಿರ್ಣಾಯಕ ಸಮಯದಲ್ಲಿ ಪಂಡಿತ ಅಯೋತಿ ಥಾಸ್ ಆಧುನಿಕತೆಯ ಸಾಧನಗಳಲ್ಲಿ ಒಂದಾದ ಮುದ್ರಣ ಮಾದ್ಯಮವನ್ನು ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಲು ವ್ಯವಸ್ಥಿತವಾಗಿ ಬಳಸಿಕೊಂಡರು ಹಾಗೂ ಬೌದ್ದ ಧಮ್ಮದ ಪುನರುಂಜೀವನಕ್ಕಾಗಿ ತಮ್ಮನ್ನು ತಾವು ಸಮರ್ಪಿಸಿಕೊಂಡು ಜಾತಿ ನಿರ್ಮೂಲನೆಗೆ ಬೌದ್ದ ಧಮ್ಮಕ್ಕೆ ಮರಳುವ ಉಪಾಯವನ್ನು ಕೊಟ್ಟು ದಲಿತರನ್ನು ಉದ್ದಾರ ಮಾಡಲು ಶ್ರಮಿಸಿದ ಅವರ ಕಾರ್ಯ ಇಂದಿನ ನಮ್ಮಂತಹ ಯುವಕರಿಗೆ ಸ್ಫೂರ್ತಿಯಾಗಿ ಅವರಂತೆ ನಾವು ಕೂಡ ನಮ್ಮ ಜನರನ್ನು ಬುದ್ದನ ಕಡೆಗೆ ಕರೆದೊಯ್ಯದು ಜಾತಿ ರಹಿತ ಸಮಾಜಕ್ಕಾಗಿ ದುಡಿಯೋಣ.

ದಲಿತರನ್ನು ಜಾಗೃತಗೊಳಿಸಲು ಮುದ್ರಣ ಸಾಧನವನ್ನು ಬಳಸಿಕೊಂಡು ರಾಜಕೀಯ ಪರಿವರ್ತನೆಗಿಂತ ಸಾಮಾಜಿಕ ಮತ್ತು ಧಾರ್ಮಿಕ ಪರಿವರ್ತನೆಗೆ ಒತ್ತು ಕೊಟ್ಟ ಅಯೋತಿ ಥಾಸ್ ಅವರ ವಿಚಾರವನ್ನು ತಮ್ಮ ಮುಂದೆ ಇಟ್ಟು ಅವರಂತೆ ನಾವು ಕೂಡ ಮೊದಲು ಧಮ್ಮ ಕ್ರಾಂತಿ ಮತ್ತು ಸಾಮಾಜಿಕ ಕ್ರಾಂತಿ ಮಾಡೋಣ ಎಂದು ಹೇಳುತ್ತಾ 20 ಮೇ ದಂದು ಅಯೋತಿ ಥಾಸ್ ರವರ ಜನ್ಮ ದಿನಾಚರಣೆ ಇದ್ದು ಆ ಮಹಾಪುರುಷನನ್ನು ನೆನೆಯುತ್ತಾ ತ್ರಿವಾರ ನಮಿಸುವೆ.

ಬುದ್ದ, ಧಮ್ಮ, ಸಂಘದ ಶ್ರೇಷ್ಠ ಸದ್ಗುಣಗಳು ಎಲ್ಲರಿಗೂ ಶಾಂತಿ ನೀಡಲಿ ಎಂದು ಹಾರೈಸುತ್ತಾ ಪಂಡಿತ ಅಯೋತಿ ಥಾಸ್ ರವರ ಜಯಂತಿ ನಿಮಿತ್ಯ ಹಾರ್ಧಿಕ ಶುಭಾಶಯಗಳು.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

ದಿನದ ಸುದ್ದಿ

ಬದುಕು ಬೆತ್ತಲಾದಾಗ ; ಮೋಹದ ಬದುಕಿನೊಳಗೊಂದು ತ್ಯಾಗದ ಉತ್ಸವ | ಮಿಸ್ ಮಾಡ್ದೆ ಈ‌ ಕಾದಂಬರಿ ಓದಿ..!

Published

on

ಅಲ್ಟಿಮೇಟ್ ಮೈಂಡ್ ಬ್ಲೋಯಿಂಗ್ ಕಾದಂಬರಿ ಮ್ಯಾಜಿಕಲ್ 24 ಅಧ್ಯಾಯಗಳು…

ಲ್ಲವೂ ನಾನು ಅಂದುಕೊಂಡ ಹಾಗೆ ಆಗಬೇಕು, ಎಲ್ಲರೂ ನಾನು ಹೇಳಿದ ಹಾಗೆ ಕೇಳಬೇಕು, ಆತುರದ ನಿರ್ಧಾರ ಒಬ್ಬರನ್ನು ಎಲ್ಲಿಗೆ ತೆಗೆದುಕೊಂಡು ಹೋಗುತ್ತದೆ ಎಂಬುದಕ್ಕೆ ‘ಕೀರ್ತಿ’ ಯ ಜೀವನ ಅತ್ಯುತ್ತಮ ಉದಾಹರಣೆಯಾಗಿದೆ. ಹೆಣ್ಣಿಗೆ ಹಟವಿರಬಾರದು ಗಂಡಿಗೆ ಚಟವಿರಬಾರದು ಅನ್ನೋದು ಗಾದೆ ಒಂದು ವೇಳೆ ಹೆಣ್ಣಿಗೆ ಹಟದ ಜೊತೆ ಚಟ ಇದ್ದರೆ ಏನಾಗುತ್ತದೆ.

ಜೀವನದಲ್ಲಿ ಎಲ್ಲವನ್ನು ಪಡೆದುಕೊಂಡೆ ಎಂದುಕೊಂಡ ಕೀರ್ತಿ ಐಷಾರಾಮಿ ಜೀವನವನ್ನು ಕಳೆದು ಕೊನೆಗೆ ತಾನೇ ಪಶ್ಚಾತ್ತಾಪವನ್ನು ಪಡುತ್ತಾಳೆ.ಕೊನೆಯ ಅಧ್ಯಾಯಗಳಲ್ಲಿ ನನಗೆ ಕಣ್ಣಂಚಿನಲ್ಲಿ ನೀರನ್ನು ತರಿಸಿತು.

ಕರೆ ಮಾಡಿ ಪುಸ್ತಕ ಆರ್ಡರ್ ಮಾಡಿ

ಮೊದಲ ಅಧ್ಯಾಯದಿಂದ ಕೊನೆಯ ಅಧ್ಯಾಯದವರೆಗೆ ಓದುಗನನ್ನು ಸೆಳೆಯುವಲ್ಲಿ ಲೇಖಕರ ಬರವಣಿಗೆಯ ಶೈಲಿ ಸಫಲತೆಯನ್ನು ಕಂಡಿದೆ. ತುಂಬಾ ಭಾವನಾತ್ಮಕವಾಗಿ ಲೇಖಕರು ಕಥೆಯನ್ನು ಚಿತ್ರಿಸಿದ್ದಾರೆ. ವಾಸ್ತವ ಪ್ರಪಂಚಕ್ಕೆ ಈ ಕಥೆಯು ತುಂಬಾ ಹತ್ತಿರವಾಗಿದೆ.

ಯುವಜನಾಂಗಕ್ಕೆ ಉತ್ತಮ ಸಂದೇಶವನ್ನು ನೀಡುವುದರಲ್ಲಿ ಲೇಖಕರು
‘ದೇವರಾಜು ಚನ್ನಸಂದ್ರ’ ಸರ್ ಅವರು ಯಶಸ್ವಿಯಾಗಿದ್ದಾರೆ.ನಾನು ನಿಮ್ಮನ್ನ ಶಿಕ್ಷಕರಾಗಿ ಮೋಟಿವೇಶನ್ ಸ್ಪೀಕರ್ ಆಗಿ ನೋಡಿದ್ದೆ ಲೇಖಕರಾಗಿ ನೋಡ್ತಾ ಇರೋದು ಕೂಡ ತುಂಬಾ ಸಂತೋಷದ ವಿಚಾರ.ಇನ್ನೂ ಹೆಚ್ಚಿನ ಸಾಹಿತ್ಯಕೃಷಿ ನಿಮ್ಮಿಂದ ನಡೆಯಲಿ ಅಂತ ನಾನು ಕೇಳಿಕೊಳ್ಳುತ್ತೇನೆ.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ದಿನದ ಸುದ್ದಿ

ಭಾರತದ ಸಂವಿಧಾನ ದಿನದ ಮಹತ್ವ

Published

on

  • ಸಿದ್ದು.ಮಮದಾಪೂರ, ವಿಜಯಪುರ

ಭಾರತದ ಸಂವಿಧಾನ ಇಡೀ ಪ್ರಪಂಚದ ಗಮನವನ್ನೇ ಸೆಳೆದಿರುವುದು ನಮಗೆ ಹೆಮ್ಮೆ ತರುವ ವಿಷಯ. ಸಂವಿಧಾನ ಎಂಬುವುದು ಜೀವನದ ಪ್ರಮುಖ ಘಟ್ಟ, ಸಂವಿಧಾನವನ್ನು ಓದಿ ಅರ್ಥೈಸಿಕೊಳ್ಳುವುದು ಹಾಗೂ ಸಂವಿಧಾನಗಳ ಮೌಲ್ಯಗಳನ್ನು ಜೀವನದಲ್ಲಿ ಅಳವಡಿಸಿಕೊಳ್ಳುವುದು ಮುಖ್ಯ.

ಭಾರತದ ಆಡಳಿತ ವ್ಯವಸ್ಥೆ ಸಂವಿಧಾನದ ಮೇಲೆ ಅವಲಂಬಿತವಾಗಿದ್ದು, ದೇಶ ಅತೀ ವೇಗದಲ್ಲಿ ಆರ್ಥಿಕ, ಶೈಕ್ಷಣಿಕ, ಆರೋಗ್ಯ, ಸಾಮಾಜಿಕ, ಮುಂತಾದ ಎಲ್ಲಾ ರಂಗಗಳಲ್ಲಿಯೂ ಬೆಳೆಯುತ್ತಿರಲು ಸಂವಿಧಾನ ಬಹುಮುಖ್ಯ ಪಾತ್ರ ವಹಿಸುತ್ತಿದೆ.

ಸಂವಿಧಾನದ ಮಹತ್ವದ ತಿಳಿಯಬೇಕು

ಭಾರತ ಸಂವಿಧಾನವು ಜಗತ್ತಿನಲ್ಲಿನ ಅತಿ ದೊಡ್ಡ ಸಂವಿಧಾನ ಎಂದು ಹೇಳಲಾಗುತ್ತದೆ. ಇದು ಸದ್ಯ 448 ವಿಧಿಗಳು 12 ಪರಿಚ್ಛೇದಗಳು 101 ತಿದ್ದುಪಡಿಗಳನ್ನು ಹೊಂದಿದೆ. ಇಂತಹ ಬೃಹತ್ ಸಂವಿಧಾನವು ಜನೆವರಿ 26 1950 ರಂದು ಇದನ್ನು ಜಾರಿಗೆ ತರಲಾಯಿತು. ಆ ದಿನವನ್ನು ಗಣರಾಜ್ಯ ದಿನ ಎಂದು ಗೊಷಿಸಲಾಯಿತು.

ಆದರೆ ಇದಕ್ಕೂ ಮುಂಚೆ ನವಂಬರ್ 26 ರಂದು ಸಂಸತ್ತಿನ ಶಾಸನ ಸಭೆಯಲ್ಲಿ ಅಂಬೇಡ್ಕರರು ಸಂವಿಧಾನವನ್ನು ಮಂಡಿಸಿ ಮಾತನಾಡಿದ ದಿನವನ್ನೇ ಈಗ ಸಂವಿಧಾನದ ದಿನ ಎಂದು ಆಚರಿಸಲಾಗುತ್ತಿದೆ. ಅಂಬೇಡ್ಕರರವರು ಅಂದು ನವಂಬರ್ 26ರಂದು ಶಾಸನ ಸಭೆಯಲ್ಲಿ ಮಾತನಾಡುತ್ತಾ “ಜನವರಿ 26, 1950ರಂದು ನಾವು ವೈರುಧ್ಯಗಳ ಬದುಕಿಗೆ ಕಾಲಿಡಲಿದ್ದೇವೆ.‌

ರಾಜಕೀಯದಲ್ಲಿ, ನಮಗೆ ಸಮಾನತೆಯಿರುತ್ತದೆ ಆದರೆ ಸಾಮಾಜಿಕ ಹಾಗೂ ಆರ್ಥಿಕ ಸಂರಚನೆಗಳಲ್ಲಿ ಅಸಮಾನತೆಯಿರುತ್ತದೆ; ಒಬ್ಬ ಮನುಷ್ಯ ಒಂದು ಮೌಲ್ಯ ಎಂಬ ತತ್ವವನ್ನು ನಿರಾಕರಿಸುತ್ತಲೇ ಹೋಗುತ್ತಿರುತ್ತೇವೆ. ಈ ವೈರುಧ್ಯಗಳ ಬದುಕನ್ನು ಎಷ್ಟು ದಿನ ಹೀಗೇ ಮುಂದುವರೆಸಿಕೊಂಡು ಹೋಗುತ್ತೇವೆ? ನಮ್ಮ ಸಾಮಾಜಿಕ ಮತ್ತು ಆರ್ಥಿಕ ಬದುಕಿನಲ್ಲಿ ಸಮಾನತೆಯ ನಿರಾಕರಣೆಯನ್ನು ಎಷ್ಟು ದಿನ ಹೀಗೇ ಮುಂದುವರೆಸುತ್ತೇವೆ?

ಬಹಳ ಕಾಲ ಹೀಗೇ ಇದು ಮುಂದುವರೆಯಿತೆಂದರೆ ನಾವು ನಮ್ಮ ರಾಜಕೀಯ ಪ್ರಜಾಪ್ರಭುತ್ವವನ್ನೇ ತೊಂದರೆಗೆ ಸಿಲುಕಿಸುತ್ತಿದ್ದೇವೆ ಎಂದೇ ಅರ್ಥ. ನಾವು ಆದಷ್ಟು ಬೇಗನೇ ಈ ವೈರುಧ್ಯವನ್ನು ನಿವಾರಿಸಿಕೊಳ್ಳಬೇಕು. ಇಲ್ಲವಾದರೆ ಅಸಮಾನತೆಯಿಂದ ನರಳುತ್ತಿರುವವರು ಈ ಸಂವಿಧಾನ ರಚನಾ ಸಭೆಯು ಇಷ್ಟು ಶ್ರಮವಹಿಸಿ ಕಟ್ಟಿರುವ ಪ್ರಜಾಪ್ರಭುತ್ವದ ಸೌಧವನ್ನೇ ಪುಡಿಗಟ್ಟಿಬಿಡುತ್ತಾರಷ್ಟೆ” ಎನ್ನುವ ಎಚ್ಚರಿಕೆಯನ್ನು ಅಂಬೇಡ್ಕರ್ ರವರು ಶಾಸನ ಸಭೆಯ ಮುಂದೆ ಇಡುತ್ತಾರೆ.

ಆದ್ದರಿಂದ ಸರ್ಕಾರವು ಈ ದಿನವನ್ನು ಸ್ಮರಣಿಯ ಗೊಳಿಸುವ ಸಲುವಾಗಿ ಭಾರತ ಸರ್ಕಾರವು 2015 ರಲ್ಲಿ ಅಂಬೇಡ್ಕರರ 125ನೇ ಜನ್ಮೊತ್ಸವದ ಆಚರಣೆಯ ಸಂಧರ್ಭದಲ್ಲಿ ನವಂಬರ್ 19 ರಂದು ತನ್ನ ಗೆಜೆಟ್ನಲ್ಲಿ ನವಂಬರ್ 26 ನ್ನು ಸಂವಿಧಾನ ದಿವಸ್ ಎಂದು ಪ್ರಕಟಣೆಯನ್ನು ಹೊರಡಿಸಿತು.ಅಂದಿನಿಂದ ಇದನ್ನು ಸಂವಿಧಾನದ ಮಹತ್ವ ಮತ್ತು ಅಂಬೇಡ್ಕರರ ವಿಚಾರಧಾರೆಗಳನ್ನು ಜನರಲ್ಲಿ ಬಿತ್ತುವ ನಿಟ್ಟಿನಲ್ಲಿ ಈ ದಿನವನ್ನು ಸರ್ಕಾರ ಅಧಿಕೃತವಾಗಿ ಆಚರಿಸುತ್ತಾ ಬರುತ್ತಿದೆ.ಇದಕ್ಕೂ ಮೊದಲು ಈ ದಿನವನ್ನು ಕಾನೂನು ದಿನ ಎಂದು ಸಹ ಆಚರಿಸಲಾಗುತಿತ್ತು.

ಪ್ರಧಾನಿ ಮೋದಿಯವರು 2015 ರ ಅಂಬೇಡ್ಕರ್ ರವರ ವರ್ಷಪೂರ್ತಿ ಆಚರಣೆಗೆ ಚಾಲನೆಯನ್ನು ಮುಂಬೈನ ಅಂದು ಮಿಲ್ಸ್ ಕಂಪೌಂಡ್ ನಲ್ಲಿ ಅವರ ಸ್ಮಾರಕ ನಿರ್ಮಾಣಕ್ಕೆ ಶಂಕುಸ್ಥಾಪನೆ ನೆರವೇರಿಸಿಸುವದರ ಮೂಲಕ ಚಾಲನೆ ನೀಡಿದರು. ಈ ದಿನದಂದು ಸರ್ಕಾರವು ಪ್ರತಿ ಶಾಲಾ ಕಾಲೇಜುಗಳಲ್ಲಿ ಸಂವಿಧಾನದ ಪ್ರಸ್ತಾವನೆಯನ್ನು ವಿಧ್ಯಾರ್ಥಿಗಳಿಗೆ ಓದಿಸಲಾಗುತ್ತದೆ. ಆದರೆ ಈ ವರ್ಷ ಕೋವಿಡ್ 19 ಕೊರೊನಾ ರೋಗದಿಂದ ಇರುವುದರಿಂದ ಸರ್ಕಾರಿ ಇಲಾಖೆಯಲ್ಲಿ ಆಚರಣೆ ಮಾಡಲು ಆದೇಶ ನೀಡಿದೆ…

ಭಾರತ ಸಂವಿಧಾನದ ಸ್ವಾರಸ್ಯಗಳಿವು..!

  • ಭಾರತದಲ್ಲಿ ಸಂವಿಧಾನವನ್ನು 1949ರ ನವೆಂಬರ್ 26ರಂದು ಸ್ವೀಕರಿಸಲಾಯಿತು. ಇದು 1950ರ ಜನವರಿ 26ರಂದು ಅನುಷ್ಠಾನಕ್ಕೆ ಬಂತು.
  • ಭಾರತದ ಸಂವಿಧಾನವು ಟೈಪ್ ಮಾಡಿರುವುದಲ್ಲ ಅಥವಾ ಮುದ್ರಿತವೂ ಅಲ್ಲ. ಅದನ್ನು ಕೈಯಲ್ಲಿ ಬರೆಯಲಾಗಿದ್ದು, ಇಂಗ್ಲಿಷ್ ಮತ್ತು ಹಿಂದಿಯಲ್ಲಿದೆ.
  • ಭಾರತ ಸಂವಿಧಾನದ ಮೂಲ ಪ್ರತಿಗಳನ್ನು ವಿಶೇಷ ಹೀಲಿಯಂ ತುಂಬಿದ ಕವಚಗಳಲ್ಲಿ ಸಂರಕ್ಷಿಸಲಾಗಿದ್ದು, ಇದು ಭಾರತದ ಸಂಸತ್ ಭವನದ ಗ್ರಂಥಾಲಯದಲ್ಲಿದೆ.
  • ಭಾರತ ಸಂವಿಧಾನವನ್ನು ಬೇರೆ ಕಡೆಗಳಿಂದ ಪಡೆದ ಅಂಶಗಳ ಚೀಲ ಎಂದು ಕರೆಯಲಾಗುತ್ತಿದೆ.
  • ಸ್ವಾತಂತ್ರ್ಯ, ಸಮಾನತೆ ಹಾಗೂ ಭ್ರಾತೃತದ ಪರಿಕಲ್ಪನೆಗಳನ್ನು ಫ್ರಾನ್ಸ್ ಸಂವಿಧಾನದಿಂದ ಪಡೆಯಲಾಗಿದೆ.
  • ಪಂಚವಾರ್ಷಿಕ ಯೋಜನೆಯ ಕಲ್ಪನೆಯನ್ನು ಸೋವಿಯತ್ ಒಕ್ಕೂಟದಿಂದ ಪಡೆಯಲಾಗಿದೆ.
  • ರಾಜ್ಯ ನಿರ್ದೇಶನ ತತ್ವಗಳು ಐರ್ಲೆಂಡ್ ಸಂವಿಧಾನದ ಕೊಡುಗೆ
    ಸುಪ್ರೀಂಕೋರ್ಟ್ ಕಾರ್ಯನಿರ್ವಹಣೆಯ ಕಾನೂನನ್ನು ಜಪಾನ್‍ನಿಂದ ಎರವಲು ಪಡೆಯಲಾಗಿದೆ.
  • ಇದು ವಿಶ್ವದ ಯಾವುದೇ ಸ್ವತಂತ್ರ್ಯ ದೇಶಗಳ ಅತಿ ಉದ್ದವಾದ ಸಂವಿಧಾನವಾಗಿದೆ.
  • ಭಾರತದ ಸಂವಿಧಾನದಲ್ಲಿ 448 ವಿಧಿಗಳು, 25 ಭಾಗಗಳು, 12 ಶೆಡ್ಯೂಲ್, 5 ಅನುಬಂಧಗಳಿವೆ.
  • ಸಂವಿಧಾನ ರಚನಾ ಸಮಿತಿಯಲ್ಲಿ 284 ಮಂದಿ ಸದಸ್ಯರಿದ್ದರು. ಅವರಲ್ಲಿ 15 ಮಂದಿ ಮಹಿಳೆಯರು.
  • ಇದರ ಕರಡನ್ನು 1949ರ ನವೆಂಬರ್‍ನಲ್ಲಿ ಸಲ್ಲಿಸಲಾಯಿತು. ಸಲ್ಲಿಕೆ ಬಳಿಕ ಅದನ್ನು ಪೂರ್ಣಗೊಳಿಸಲು ಮೂರು ವರ್ಷ ಬೇಕಾಯಿತು.
  • ಸಂವಿಧಾನ ರಚನಾ ಸಮಿತಿಯಲ್ಲಿದ್ದ ಎಲ್ಲ 284 ಮಂದಿ ಸದಸ್ಯರು 1950ರ ಜನವರಿ 24ರಂದು ಈ ದಾಖಲೆಗೆ ಸಹಿ ಮಾಡಿದರು.
  • 1950ರ ಜನವರಿ 26ರಂದು ಇದು ಅಸ್ತಿತ್ವಕ್ಕೆ (ಜಾರಿಗೆ ) ಬಂತು.ಭಾರತದ ರಾಷ್ಟ್ರಲಾಂಛನವನ್ನೂ ಅದೇ ದಿನ (ಜ.26) ಅಳವಡಿಸಿಕೊಳ್ಳಲಾಯಿತು.
  • ಭಾರತದ ಸಂವಿಧಾನವನ್ನು ವಿಶ್ವದ ಅತ್ಯುತ್ತಮ ಸಂವಿಧಾನಗಳಲ್ಲೊಂದು ಎಂದು ಹೇಳಲಾಗಿದೆ. ಏಕೆಂದರೆ ಇದಕ್ಕೆ ಕಾಲಕಾಲಕ್ಕೆ ತಿದ್ದುಪಡಿ ತರಬಹುದು.

ನಮ್ಮ ದೇಶದಲ್ಲಿ ಅಭಿವೃದ್ಧಿ ಸಾಧಿಸಲು, ನಮ್ಮ ಸಂವಿಧಾನ ಭಾತೃತ್ವ, ಸಹೋದರತೆ, ಸಮಾನತೆಯ ನೆಲೆಯಿಂದ ಕೂಡಿದೆ. ಮಹಿಳೆಯರು, ದಲಿತರು, ಬುಡಕಟ್ಟು ಸಮುದಾಯ ಸೇರಿ ಎಲ್ಲ ವರ್ಗೀಯ ಜನರು ತಲೆ ಎತ್ತಿ ಬದುಕಲು ಸಂವಿಧಾನ ಅವಕಾಶ ಕಲ್ಪಸಿಕೊಟ್ಟಿದೆ.

ಸಂವಿಧಾನ ಧ್ವನಿ ಇರದವರಿಗೆ, ಧ್ವನಿಯಾಗುವ ಮೂಲಕ ಅವರ ಹಕ್ಕುಗಳನ್ನು ತಂದುಕೊಟ್ಟಿದೆ. ಇಂಥ ಸಂವಿಧಾನ ಕೊಡುಗೆಯಾಗಿ ನೀಡಿದ ಡಾ| ಅಂಬೇಡ್ಕರ ಅವರಿಗೆ ಭಾರತೀಯರಾದ ನಾವೆಲ್ಲ ಸದಾ ಋಣಿಯಾಗಿರಬೇಕು. ದೇಶದಲ್ಲಿ ಹಲವಾರು ಜಾತಿ, ಧರ್ಮ, ಮತ, ಪಂಗಡಗಳಿದ್ದರೂ ಪ್ರತಿಯೊಬ್ಬರು ತಮ್ಮ ಜೀವನದಲ್ಲಿ ಸ್ವತಂತ್ರವಾಗಿ ಸಂತಸದಿಂದ ಬದುಕಲು ಸಂವಿಧಾನವೇ ಕಾರಣವಾಗಿವೆ.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ದಿನದ ಸುದ್ದಿ

ಹರಪನಹಳ್ಳಿ | ಮ್ಯಾಸ ಬೇಡರ ಕುಂದುಕೊರೆತಗಳ ಕುರಿತು ಸಭೆ

Published

on

ಸುದ್ದಿದಿನ, ಹರಪನಹಳ್ಳಿ : ಕರ್ನಾಟಕ ಆಂದ್ರ ಗಡಿ ಜಿಲ್ಲೆಗಳಾದ ಬಳ್ಳಾರಿ ಚಿತ್ರದುರ್ಗ, ದಾವಣಗೆರೆ ಜಿಲ್ಲೆಗಳಲ್ಲಿ ನಾಯಕ ಪಂಗಡದವರಾದ ಮ್ಯಾಸ ನಾಯಕ – ಮ್ಯಾಸ ಬೇಡರು ನೆಲೆಸಿರುತ್ತಾವೆ. ನಮ್ಮ ಬುಡಕಟ್ಟಿನಲ್ಲಿ ಮಂದ ನಾಯಕ ಮತ್ತು ಮಲ್ಲ ನಾಯಕ ಎಂಬ ಎರಡು ಗುಂಪುಗಳಿರುತ್ತವೆ. ಮ್ಯಾಸ ಬೇಡರ ಭಾಷೆ ತೆಲುಗು ಭಾಷೆಯ ಉಪ ಭಾಷೆ. ವಿದ್ವಾಂಸರು ಇದನ್ನು “ಮ್ಯಾಸ ಭಾಷೆ “ಎಂದೇ ಕರೆದಿರುತ್ತಾರೆ ಎಂದು ಮ್ಯಾಸ ಬೇಡ (ಮ್ಯಾಸ ನಾಯಕ) ಬುಡಕಟ್ಟು ಸಂಸ್ಕೃತಿ ಸಂರಕ್ಷಣಾ ಸಮಿತಿ ಉಪಧ್ಯಾಕ್ಷ ಎಂ.ಕೆ.ಬೋಸಪ್ಪ ಹೇಳಿದರು.

ಬುಧವಾರ ಹರಪನಹಳ್ಳಿ ಪಟ್ಟಣದಲ್ಲಿ ಮ್ಯಾಸ ಬೇಡರ ಕುಂದುಕೊರೆತಗಳ ಕುರಿತು ಮ್ಯಾಸ ಬೇಡ (ಮ್ಯಾಸ ನಾಯಕ) ಬುಡಕಟ್ಟು ಸಂಸ್ಕೃತಿ ಸಂರಕ್ಷಣಾ ಸಮಿತಿ ವತಿಯಿಂದ ನಡೆಸಿದ ಸಭೆಯಲ್ಲಿ ಅಧ್ಯಕ್ಷತೆವಹಿಸಿ ಕೆ.ಬೋಸಪ್ಪ ಅವರು ಮಾತನಾಡಿದರು.

ನಾವು ಮೂಲತ: ಗೊಂಡವಾನ ಪ್ರದೇಶದ ಬುಡಕಟ್ಟುಗಳಲ್ಲಿ ಒಂದಾದ ‘ಭಿಲ್’ ಬುಡಕಟ್ಟು ಜನಾಂಗದಿಂದ ಬೇರ್ಪಟ್ಟ ‘ನಾಯ್ಕಡ’ ಬುಡಕಟ್ಟಿಗೆ ಸೇರಿರುತ್ತೇವೆ. ಆಂದ್ರದ ಶ್ರೀಶೈಲದ ಮೂಲಕ ಆಂದ್ರ ಕರ್ನಾಟಕ ಗಡಿಭಾದಲ್ಲಿ ಬಂದು ನೆಲೆಸಿರುತ್ತೇವೆ. ನಾಯ್ಕಡ-ನಾಯಕ ಪಂಗಡದವರಾದ ಮ್ಯಾಸ ನಾಯಕ / ಮ್ಯಾಸ ಬೇಡ ಬುಡಕಟ್ಟು ಜನರು ಮೂರ್ತಿ ಪೂಜಕರು ಅಲ್ಲ. ‘ಉದಿ-ಪದಿ’ ಎಂಬ ಬುಡಕಟ್ಟು ಧಾರ್ಮಿಕ ಸಂಪ್ರದಾವನ್ನು ಪಾಲಿಸುತ್ತೇವೆ.

‘ಉದಿ’ ಎಂದರೆ ಪೆಟ್ಟಿಗೆ, ಬುಟ್ಟಿಗಳಲ್ಲಿ ಇಟ್ಟಿರುವ ಪವಿತ್ರ ವಸ್ತುಗಳ ಪುಟ್ಟಿ ಅಥವಾ ಪೆಟ್ಟಿಗೆ ಇವುಗಳನ್ನೇ ದೇವರೆಂದು ಇವರು ಪೂಜಿಸುವುದರಿಂದ ಇವುಗಳನ್ನು ಪೆಟ್ಟಿಗೆ ದೇವರುಗಳೆಂದು ಕರೆಯುತ್ತೇವೆ. ಬಿಲ್ಲು, ಕತ್ತಿ, ಕೋಲು ಮುಂತಾದ ಆಯುಧಗಳನ್ನು ಮತ್ತು ದೇವರ ಎತ್ತುಗಳನ್ನು ಸಹ ಪೂಜಿಸುತ್ತೇವೆ. ಈ ದೇವರ ಎತ್ತುಗಳು ನಮ್ಮ ಪೂರ್ವಿಕರ ಆತ್ಮವನ್ನು ಹೊಂದಿರುವ ಪ್ರಾಣಿಗಳೆಂದು ಪೂಜಿಸುತ್ತೇವೆ ಎಂದರು.

ನಾವು ಪ್ರಾಣಿ ಪೂಜಕರೆ ಹೊರತು, ಮೂರ್ತಿ ಪೂಜಕರಲ್ಲ ಮತ್ತು ವೈಧಿಕ ಸಂಪ್ರದಾಯಗಳನ್ನು ಪಾಲಿಸುವವರಲ್ಲ. ನಾವು ಕೋಳಿ ಮಾಂಸವನ್ನು ತಿನ್ನುವುದಿಲ್ಲ ಮತ್ತು ಕೋಣದ ಮಾಂಸವನ್ನು ಸಮಾನ್ಯವಾಗಿ ಮುಖ್ಯ ಮಾಂಸ ಭೋಜನವಾಗಿ ಉಪಯೋಗಿಸುತ್ತೇವೆ. ಚಿತ್ರದುರ್ಗ ಪಾಳೆಯಗಾರರು ನಮ್ಮ ಮ್ಯಾಸ ಬೇಡ ಬುಡಕಟ್ಟಿನ ಕಾಮಗೇತಿ ಬೆಡಗಿಗೆ ಸೇರಿದ ವೀರರಾಗಿರುತ್ತಾರೆ.

ರಾಜ್ಯದ ಬಳ್ಳಾರಿ ಜಿಲ್ಲೆ, ಚಿತ್ರದುರ್ಗ ಜಿಲ್ಲೆ ಮತ್ತು ಜಗಳೂರು ತಾಲ್ಲೂಕಿನಲ್ಲಿ ನಮ್ಮ ನಾಯಕ ಪಂಗಡ ಮ್ಯಾಸ ಬೇಡರು ಜನ ಸಂಖ್ಯೆಯಲ್ಲಿ ಬಹುಸಂಖ್ಯಾತರಾಗಿರುತ್ತೇವೆ. ಮ್ಯಾಸ ಬೇಡ ಸಮುದಾಯದ ಜನರು ಆರ್ಥಿಕ, ಸಮಾಜಿಕ, ಶೈಕ್ಷಣಿಕವಾಗಿ ತುಂಬಾ ಹಿಂದುಳಿದಿದ್ದೇವೆ ವಿಷಾದ ವ್ಯಕ್ತಪಡಿಸಿದರು.

ಬುಡಕಟ್ಟು ಹಿನ್ನೆಲೆಯನ್ನು ಹೊಂದಿರುವ ಮ್ಯಾಸ ಬೇಡ ಸಮುದಾಯದ ಜನರನ್ನು ಈಗಾಗಲೇ ನಾಯಕ ವಾಲ್ಮೀಕಿ ಎಂಬ ಹೆಸರಿನಲ್ಲಿ ಪರಿಶಿಷ್ಟ ಪಂಗಡಕ್ಕೆ ಸೇರ್ಪಡೆ ಮಾಡಿ ಮೀಸಲಾತಿಯನ್ನು ನೀಡಿ 45ವರ್ಷಗಳೇ ಗತಿಸಿದರು ಸಹ ಈ ಜನರು ಮುಖ್ಯವಾಹಿನಿಗೆ ಬರಲು ಪರದಾಡುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಈ ಮ್ಯಾಸ ಬೇಡ ಸಮುದಾಯವು ನೆಲೆಸಿರುವ ಹಟ್ಟಿಗಳು ಇದುವರೆಗೂ ಕಂದಾಯ ಗ್ರಾಮಗಳು ಆಗಿರುವುದಿಲ್ಲ. ನಮ್ಮ ಬುಡಕಟ್ಟು ಜನಾಂಗದ ಸಾಂಸ್ಕೃತಿಕ ವೀರರ ಹೆಸರಲ್ಲಿ ಮತ್ತು ಮ್ಯಾಸರಹಟ್ಟಿ ಎಂಬ ಹೆಸರಿನಲ್ಲಿ ಊರುಗಳು ಇರುತ್ತವೆ ಎಂದು ಹೇಳಿದರು.

ಕಾರ್ಯದರ್ಶಿ ದೊಡ್ಡಮನಿ ಪ್ರಸಾದ್‌ ಮಾತನಾಡಿ ನಮ್ಮ ಬುಡಕಟ್ಟು ಸಮುದಾಯದ ಧಾರ್ಮಿಕ ನಂಬಿಕೆಯ ಪ್ರತೀಕವಾದ ದೇವರು ಎತ್ತುಗಳು ಇವೆ. ಸುಮಾರು ಗುಡಿಕಟ್ಟೆಯ ದೇವರ ಎತ್ತುಗಳು ದಶಕಗಳಿಂದ ಮೇವು ನೀರಿಲ್ಲದೆ ಸತ್ತುಹೋಗಿರುತ್ತವೆ. ಬಯಲು ಸಿಮೇಯಲ್ಲಿ ಇರುವುದರಿಂದ ಇವುಗಳನ್ನು ಉಳಿಸಿಕೊಳ್ಳಲು ಕಿಲಾರಿಗಳು ತುಂಬಾ ತೊಂದರೆಯನ್ನು ಅನುಭವಿಸುತ್ತಿದ್ದೇವೆ ಎಂದು ಹೇಳಿದರು.

ಇದಕ್ಕೆ ಸಂಬಂಧಿಸಿದಂತೆ ಹಾಲವಾರು ಬಾರಿ ಮಾದ್ಯಮಗಳಲ್ಲಿಯು ವರದಿಯಾಗಿರುತ್ತದೆ. ನಾವು ಹಾಲವಾರು ಬಾರಿ ಕೇಂದ್ರ ಮತ್ತು ರಾಜ್ಯ ಸರ್ಕಾರಕ್ಕೆ ಮನವಿಯನ್ನು ಸಹ ಸಲ್ಲಿಸಲಾಗಿದೆ ಆದರೆ ಯಾವುದೇ ರೀತಿ ಕ್ರಮಕೈಗೊಂಡಿರುವುದಿಲ್ಲ. ಸರ್ಕಾರದಿಂದ ಸಿಗಬೇಕಾದ ಮೂಲಭೂತ ಸೌಲಭ್ಯಗಳು ಮತ್ತು ಅನುಧಾನವು ತಳವಾರ ಪರಿವಾರದವರ ಪಾಲಗುತ್ತಿದೆ. ಮೂಲಭೂತ ಸೌಲಭ್ಯಗಳಿಂದ ವಂಚಿತವಾಗಿರುವುದರಿಂದ ನಿಧಾನವಾಗಿ ನಮ್ಮ ಬುಡಕಟ್ಟು ಸಂಸ್ಕೃತಿಯು ನಾಶವಾಗುವ ಹಂತಕ್ಕೆ ತಲುಪಿರುತ್ತದೆ.

ಈ ಸಮುದಾಯದ ಹಟ್ಟಿಗಳು ಮತ್ತು ಜನರು ಮೂಲ ಸೌಲಭ್ಯಗಳಿಲ್ಲದೆ ಸಂಪೂರ್ಣವಾಗಿ ಅಭಿವೃದ್ದಿಯಿಂದ ವಂಚಿತವಾಗಿದ್ದೇವೆ. ಈ ಸಮುದಾಯದ ಹೆಸರಿನಲ್ಲಿ ಜನಪ್ರತಿ ನಿಧಿಗಳಾಗಿರುವವರು ಮತ್ತು ರಾಜಕೀಯ ಮುಖಂಡರುಗಳು ಮ್ಯಾಸ ಬೇಡರ ಹಕ್ಕುಗಳ ರಕ್ಷಣೆ ಮಾಡುವಲ್ಲಿ ವಿಫಲವಾಗಿದ್ದಾರೆ. ರಾಜಕಾರಣಿಗಳು ಚುನಾವಣೆ ಬಂದಾಗ ಮಾತ್ರ ಮ್ಯಾಸ ನಾಯಕ ಎಂಬುದನ್ನು ನೆನಪು ಮಾಡಿಕೊಳ್ಳುತ್ತಾರೆ ಎಂದರು.

ರಾಜಕೀಯ ಮುಖಂಡರ ಇಚ್ಛಾಶಕ್ತಿಯ
ಕೊರೆತೆಯಿಂದಾಗಿ ಇಂದು ಈ ಸಮುದಾಯ ಜ್ವಾಲಂತ ಸಮಸ್ಯೆಗಳ ಸುಳಿಯಲ್ಲಿ ಸಿಲುಕಿದೆ. ಇದರಿಂದ ನಾವು ಮುಕ್ತಿಯನ್ನು ಪಡೆಯಬೇಕಾದರೆ ಮೊದಲು ನಾವು ಸಂಘಟಿತರಾಗಬೇಕು ನಮ್ಮ ಮ್ಯಾಸ ಮಂಡಲದ ಎಲ್ಲಾ ಹಟ್ಟಿಗಳಲ್ಲಿ ಯುವಕರನ್ನು ಜಾಗೃತಿಗೊಳಿಸಬೇಕು ರಾಜಕಾರಣಿಗಳು ಯಾವುದೇ ಪಕ್ಷಗಳಲ್ಲಿ ಇರಲಿ ನಮ್ಮ ಸಮುದಾಯದ ಅಭಿವೃದ್ದಿ ವಿಚಾರ ಬಂದಾಗ ಪಕ್ಷತೀತವಾಗಿ ಕೆಲಸಮಾಡಬೇಕು ಎಂದು ಕರೆ ನೀಡಿದರು.

ನಮ್ಮ ಸಮುದಾಯದ ಎಲ್ಲಾ ವರ್ಗದ ಜನರನ್ನು ಜಾಗೃತಿಗೊಳಿಸಿ ಮುಂದಿನ ದಿನಗಳಲ್ಲಿ ಆಳುವ ವರ್ಗಕ್ಕೆ ಮ್ಯಾಸ ಬೇಡರ ಶಕ್ತಿಯನ್ನು ತೋರಿಸಬೇಕು. ಸಂವಿಧಾನ ಬದ್ದ ಹಕ್ಕುಗಳನ್ನು ಪಡೆಯಲು ಮುಂದಾಗಬೇಕು. ಈ ಒಂದು ನಿಟ್ಟಿನಲ್ಲಿ ಎಲ್ಲರೂ ಕೆಲಸ ಮಾಡಬೇಕು ಎಂದು ಸಭೆಯಲ್ಲಿ ತೀರ್ಮಾನ ತೆಗೆದುಕೊಳ್ಳಲಾಯಿತು.

ಈ ಸಭೆಯಲ್ಲಿ ಬಳ್ಳಾರಿ, ಕೊಟ್ಟೂರು ಕೂಡ್ಲಿಗಿ ಮೊಳಕಾಲ್ಮೂರು ಜಗಳೂರು ತಾಲ್ಲೂಕುಗಳ ಸಮಿತಿಯ ಮುಖಂಡರು ಭಾಗವಹಿಸಿದ್ದರು.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

Trending