Connect with us

ಕ್ರೀಡೆ

ಹಿಮಾದಾಸ್ ಸ್ವಾಗತಕ್ಕೆ ಕಾದಿತ್ತು ವಿಶೇಷ ರೆಡ್ ಕಾರ್ಪೆಟ್

Published

on

ಸುದ್ದಿದಿನ ಡೆಸ್ಕ್: ಏಷ್ಯನ್ ಗೇಮ್ಸ್‍ನಲ್ಲಿ ಒಂದು ಚಿನ್ನ ಹಾಗೂ ಎರಡು ಬೆಳ್ಳಿ ಪದಕ ಗಳಿಸುವ ಮೂಲಕ ದೇಶದ ಕೀರ್ತಿಯನ್ನು ಉತ್ತುಂಗಕ್ಕೆ ಕೊಂಡೊಯ್ದ ಅಥ್ಲಿಟ್ ಹಿಮಾದಾಸ್ ಅವರನ್ನು ಸ್ವಾಗತಿಸಲು ಗುವಹಾಟಿ ವಿಮಾನ ನಿಲ್ದಾಣದಲ್ಲಿ ವಿಶೇಷ ರೆಡ್ ಕಾರ್ಪೆಟ್‍ವೊಂದು ಕಾದಿತ್ತು.
ವಿಮಾನ ನಿಲ್ದಾಣದ ರೆಡ್ ಕಾರ್ಪೆಟ್‍ಅನ್ನು ಸಿಂಥೆಟಿಕ್ ಟ್ರಾಕ್ ಮಾದರಿಯಲ್ಲಿ ಬದಲಿಸಿ ಅದನ್ನು ಹಿಮಾದಾಸ್ ಅವರಿಗೆಂದೇ ಕಾದಿರಿಸಲಾಗಿತ್ತು. ವಿಮಾನ ನಿಲ್ದಾಣಕ್ಕೆ ಬಂದ ಹಿಮಾ ಅವರು ಕಾರ್ಪೆಟ್ ನೋಡಿ ದಂಗಾಗಿಹೋದರು.
ಸ್ವಾಗತಕ್ಕಾಗಿ ಕಾದಿದ್ದ ಅಪ್ಪನನ್ನು ಅಪ್ಪಿ ತಮ್ಮ ಖುಷಿ ವ್ಯಕ್ತಪಡಿಸಿದರು.

ಕ್ರೀಡೆ

ಇಂಗ್ಲೆಂಡಿನ ಆಲ್ ರೌಂಡರ್ ‘ಮೋಯಿನ್ ಅಲಿ’ ಗೆ ಎದುರಾಗಿತ್ತು ಜನಾಂಗೀಯ ನಿಂದನೆ..!

Published

on

 ಆತ್ಮಕಥೆಯಲ್ಲಿ ಹೇಳಿಕೊಂಡಿರುವ ಆಲ್ ರೌಂಡರ್ ಕ್ರಿಕೆಟಿಗ

ಸುದ್ದಿದಿನ ಡೆಸ್ಕ್: ಇಂಗ್ಲೆಂಡ್‌ನ ಆಲ್ ರೌಂಡರ್ ಕ್ರಿಕೆಟಿಗ ಮೊಯೆನ್ ಅಲಿ ತಮಗೆ ಜನಾಂಗೀಯ ನಿಂದನೆ ಮಾಡಲಾಗಿದೆ ಎಂದು ಜೀವನ ಚರಿತ್ರೆಯಲ್ಲಿ ಹೇಳಿಕೊಂಡಿದ್ದಾರೆ. 2015ರಲ್ಲಿ ಕಾರ್ಡಿಫ್ ನಲ್ಲಿ ನಡೆದ ಆಶಿಸ್ ಸರಣಿಯ ಪಂದ್ಯದ ವೇಳೆ ಆಸ್ಟ್ರೇಲಿಯಾದ ಆಟಗಾರನೊಬ್ಬ ಮೊಯಿನ್ ಅಲಿಯನ್ನು ನೀನೊಬ್ಬ ‘ಒಸಾಮಾ’ ಎಂದು ಕರೆದಿದ್ದಾನೆ ಎಂದು ಬಹಿರಂಗ ಪಡಿಸಿದ್ದಾರೆ.

ಭಾರತದ-ಇಂಗ್ಲೆಂಡ್ 5-ಪಂದ್ಯಗಳ ಸರಣಿಯ ನಾಲ್ಕನೆಯ ಟೆಸ್ಟ್‌ನಲ್ಲಿ ಭಾರತೀಯ ಕ್ರಿಕೆಟ್ ತಂಡವನ್ನು ಸೋಲುವಂತೆ ಆಟವಾಡಿದ್ದ ಮೊಯಿನ್ ಆತ್ಮಚರಿತ್ರೆಯಲ್ಲಿ ಬಹಿರಂಗಪಡಿಸಿದ್ದಾರೆ. ಅಲಿಯ ಬಯೋಗ್ರಫಿಯನ್ನು ಲಂಡನ್ನಿನ ದಿ ಟೈಮ್ಸ್ ಪತ್ರಿಕೆಯಲ್ಲಿ ಧಾರಾವಾಹಿಯಾಗಿ ಪ್ರಕಟಿಸುತ್ತಿದೆ.

ಇದರಲ್ಲಿ ಅಲಿ ಹೀಗೆ ಬರೆದಿದ್ದಾರೆ; “ಇದು ನನ್ನ ವೈಯಕ್ತಿಕ ಪ್ರದರ್ಶನದ ದೃಷ್ಟಿಯಿಂದ ಇದೊಂದು ಉತ್ತಮ ಪರೀಕ್ಷೆಯಾಗಿದ್ದರೂ ನನ್ನ ಗಮನವನ್ನು ಒಂದು ಘಟನೆ ವಿಚಲಿತಗೊಳಿಸಿತು. ಅದೇನೆಂದರೆ, ಆಸ್ಟ್ರೇಲಿಯಾದ ಆಟಗಾರನೊಬ್ಬ ಮೈದಾನದಲ್ಲಿ ನನ್ನ ಕಡೆಗೆ ತಿರುಗಿ “ಒಸಾಮಾ ಇದನ್ನು ತೆಗೆದುಕೊ” ಎಂದು ಹೇಳಿದ. ಆದರೆ, ನಾನು ಎಂದಿಗೂ ಕೋಪಗೊಳ್ಳಲಿಲ್ಲ. ಬದಲಿಗೆ ಆಸ್ಟ್ರೇಲಿಯಾದ ಕೋಚ್ ಡ್ಯಾರೆನ್ ಲೆಹ್ಮನ್ ಬಳಿ ಹೇಳಿದೆ. ಇದನ್ನು ಅವರು ಆಟಗಾರನ ಬಳಿ ಕೇಳಿದಾಗ ಇಲ್ಲವೆಂದು ಅಲ್ಲಗಳೆದರು ಎಂದು ಹೇಳಿಕೊಂಡಿದ್ದಾರೆ.

ಸುದ್ದಿದಿನ.ಕಾಂ|ವಾಟ್ಸಾಪ್|9986715401

Continue Reading

ಕ್ರೀಡೆ

ಏಷ್ಯನ್ ಗೇಮ್ಸ್ ನಲ್ಲಿ ಭಾರತದ ಕೀರ್ತಿ ಪತಾಕೆ ಹಾರಿಸಿದ್ದ ಹುಡುಗಿಗೆ ಸಿಗಲಿವೆ ವಿಶೇಷ ಶೂ !

Published

on

ಸುದ್ದಿದಿನ ಡೆಸ್ಕ್: ಇಂಡೋನೇಷಿಯಾದಲ್ಲಿ ನಡೆದ ಏಷ್ಯನ್ ಗೇಮ್ಸ್ ನಲ್ಲಿ ಭಾರತದ ಕೀರ್ತಿ ಪತಾಕೆ ಹಾರಿಸಿದ ಓಟಗಾರ್ತಿ ಸ್ವಪ್ನ ಬರ್ಮನ್ ಅವರಿಗೆ ವಿಶೇಷ ಶೂಗಳು ಸಿಗಲಿವೆ !

ದೇಶಕ್ಕೆ ಚಿನ್ನದ ಪದಕ ತಂದುಕೊಟ್ಟ ಓಟಗಾರ್ತಿ ಸ್ವಪ್ನ ಬರ್ಮನ್ ಅವರಿಗೆ ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಅಡಿಡಾಸ್ ಶೂ ನೀಡಲು ಭಾರತೀಯ ಕ್ರೀಡಾ ಪ್ರಾಧಿಕಾರ ಒಪ್ಪಿಕೊಂಡಿದೆ.

ಸ್ವಪ್ನ ತಮ್ಮ ಎರಡೂ ಕಾಲುಗಳಲ್ಲಿ ಆರು ಬೆರಳುಗಳನ್ನು ಹೊಂದಿದ್ದು, ಅವರಿಗಾಗಿಯೇ ವಿಶೇಷ ಶೂ ನಿರ್ಮಿಸಲು ಅಡಿಡಾಸ್ ಒಪ್ಪಿಕೊಂಡಿದೆ ಎಂದು ಭಾರತೀಯ ಕ್ರೀಡಾ ಪ್ರಾಧಿಕಾರದ ಪ್ರಧಾನ ನಿರ್ದೇಶಕಿ ನೀಲಮ್ ಕಪೂರ್ ಹೇಳಿದ್ದಾರೆ.

Continue Reading

ಕ್ರೀಡೆ

ಸೋತ ಟೀಂ ಇಂಡಿಯಾಗೆ ಧೈರ್ಯ ತುಂಬಿದ ವೀರೇಂದ್ರ ಸೆಹ್ವಾಗ್

Published

on

ಸುದ್ದಿದಿನ ಡೆಸ್ಕ್: ಇಂಗ್ಲೆಂಡ್ ವಿರುದ್ಧದ ಏಕದಿನ ಹಾಗೂ ಟೆಸ್ಟ್ ಸರಣಿಯಲ್ಲಿ ಹೀನಾಯವಾಗಿ ಸೋತ ಟೀಮ್ ಇಂಡಿಯಾಗೆ ಭಾರತ ಕ್ರಿಕೆಟ್ ತಂಡದ ಮಾಜಿ ಆಟಗಾರ ವೀರೇಂದ್ರ ಸೆಹ್ವಾಗ್ ಧೈರ್ಯ ತುಂಬಿದ್ದಾರೆ.

ಈ ಕುರಿತು ಟ್ವೀಟ್ ಮಾಡಿರುವ ಭಾರತ ಕ್ರಿಕೆಟ್ ತಂಡದ ಮಾಜಿ ಆಟಗಾರ ವೀರೇಂದ್ರ ಸೆಹ್ವಾಗ್, ವಿರಾಟ್ ಕೊಹ್ಲಿ
ನೇತ್ರತ್ವದ ಭಾರತ ತಂಡ ಹಲವು ಸರಣಿಯಲ್ಲಿ ಉತ್ತಮ ಪ್ರದರ್ಶನ ನೀಡಿದೆ. ಆದರೆ ಕೆಲವೊಂದು ಸಲ ಬ್ಯಾಟ್ ನಿಂದ ಹೇಳಿಕೊಳ್ಳುವಂತಹ ಪ್ರದರ್ಶನ ಮೂಡಿ ಬರುವುದಿಲ್ಲ. ಜೊತೆಗೆ ವಿದೇಶಿ ಪ್ರವಾಸಕ್ಕೂ ಮುನ್ನ ಅಭ್ಯಾಸ ಮಾಡುವುದು ಅವಶ್ಯಕ ಎಂದು ಧೈರ್ಯದ ಮಾತು ಹೇಳಿದ್ದು, ಟೀಮ್ ಇಂಡಿಯಾ ಆಟಗಾರರಿಗೆ ಆತ್ಮ ಸ್ಥೈರ್ಯ ತುಂಬಿದಂತಾಗಿದೆ.

Continue Reading
Advertisement

Trending