Connect with us

ಲೈಫ್ ಸ್ಟೈಲ್

ನಿಯಮಿತ ಬಾಳೆಹಣ್ಣು ಸೇವಿಸಿದರೆ ನಿಮ್ಮ ಬಾಳು ಬಂಗಾರ !

Published

on

banana-health-benefits-kannada

ದೇವರ ನೈವೇದ್ಯಕ್ಕೆ ಅರ್ಪಿಸುವ ಹಣ್ಣುಗಳಲ್ಲಿ ಬಾಳೆಹಣ್ಣಿಗೆ (ಬಾಳೆಹಣ್ಣು) ಮೊದಲ ಸ್ಥಾನ. ಬಾಳೆ ಹಣ್ಣು ಎಲ್ಲಾ ಕಾಲಕ್ಕೂ ಎಲ್ಲಾ ಕಡೆ, ಎಲ್ಲಾ ವರ್ಗದವರಿಗೆ ಸುಲಭವಾಗಿ ಸಿಗುವ ಫಲ. ಅದರಂತೆ ನಿಮ್ಮ ಜೀವನ ಕ್ರಮದಲ್ಲಿ ನಿಯಮಿತವಾಗಿ ಬಾಳೆಹಣ್ಣು ಸೇವಿಸಿದರೆ (banana benefits in kannada) ನಿಮ್ಮ ಬಾಳು ಬಂಗಾರ ಆಗುತ್ತದೆ !

ನಾಟಿಬಾಳೆ, ಏಲಕ್ಕಿ ಬಾಳೆ, ರಸಬಾಳೆ, ಪಚ್ಚಬಾಳೆ ಸೇರಿದಂತೆ ಹಲವು ಪ್ರಬೇಧ ಹೊಂದಿರುವ ಬಾಳೆ ಹಣ್ಣಿನಲ್ಲಿ ಹಲವು ಔಷಧೀಯ ಗುಣಗಳಿವೆ. ಬಾಳೆ ನಿಯಮಿತವಾಗಿ ಸೇವಿಸಿದರೆ ಆರೋಗ್ಯ ವೃದ್ಧಿಸುತ್ತದೆ.

ನಿಯಮಿತ ಬಾಳೆಹಣ್ಣು ಸೇವಿಸಿದರೆ ಆರೋಗ್ಯ ವೃದ್ಧಿ ( benefits of banana in kannada )

ಒಂದು ಬಾಳೆಹಣ್ಣು ತಿಂದು ಒಂದು ಕಪ್ಪು ಚಹಾದ ಕಷಾಯ ಸೇವಿಸಿದರೆ ಅತಿಸಾರ ಮತ್ತು ಆಮಶಂಕೆ ವಾಸಿ ಆಗುತ್ತದೆ.(benefits of banana in kannada) ಬಾಳೆಹಣ್ಣಿನ ತಿರುಳನ್ನು ಮಜ್ಜಿಗೆಯಲ್ಲಿ ಚೆನ್ನಾಗಿ ಬೆರೆಸಿ ಸೇವಿಸುವುದರಿಂದ ಕೂಡ ಆಮಶಂಕೆ ಗುಣವಾಗುತ್ತದೆ. ಜತೆಗೆ ಬಾಳೆಹಣ್ಣಿನ ಸಿಪ್ಪೆ ಕಷಾಯ ತಯಾರಿಸಿ ಕುಡಿದರೆ ಆಮಶಂಕೆ ದೂರವಾಗುತ್ತದೆ.

ಪ್ರತಿದಿನ ರಾತ್ರಿ ಮಲುಗುವುದಕ್ಕೂ ಮುಂಚೆ ಸಿಪ್ಪೆ ಸಹಿತ ಒಂದು ಏಲಕ್ಕಿಯನ್ನು ಬಾಳೆಹಣ್ಣಿ ನೊಂದಿಗೆ ತಿನ್ನುವುದರಿಂದ ಮೂಲವ್ಯಾಧಿ ಗುಣವಾಗುತ್ತದೆ. ಬಾಳೆಹಣ್ಣಿನ ತಿರುಳನ್ನು ಹುಳಿ ಮಜ್ಜಿಗೆಯಲ್ಲಿ ಕಿವುಚಿ ದೀರ್ಘಕಾಲ ಸೇವಿಸಿದರೆ ಮೂಲವ್ಯಾಧಿ ಶಮನ ವಾಗುತ್ತದೆ. ಜತೆಗೆ ಒಂದು ಬಟ್ಟಲು ಹಾಲಿನೊಂದಿಗೆ ಬಾಳೆಹಣ್ಣನ್ನು ಕಲಸಿ ದಿನನಿತ್ಯ ಸೇವಿಸಿದರೆ ಕರುಳಿನ ಹುಣ್ಣು ವಾಸಿಯಾಗುತ್ತದೆ.

ದೇಹದ ತೂಕ ಹೆಚ್ಚಿಸಿ ಕೊಳ್ಳಲು ಪ್ರತಿದಿನ ಒಂದು ಬಾಳೆಹಣ್ಣು ಹಾಗೂ ಒಂದು ಮೊಟ್ಟೆ ಸೇವಿಸುವುದು ಉತ್ತಮ ಮಾರ್ಗ. ಮಾಗಿದ ರಸಬಾಳೆ ಹಣ್ಣಿನೊಂದಿಗೆ ಅರ್ಧ ಟಿ ಚಮಚ ಕಾಳೆಮೆಣಸಿನ ಪುಡಿ ಮಿಶ್ರಣ ಮಾಡಿ ಮೂರು ಸಮಭಾಗವಾಗಿ ಮಾಡಿಕೊಂಡು ದಿನಕ್ಕೆ ಮೂರುಬಾರಿ ಸೇವಿಸಿದರೆ ನೆಗಡಿ ಮತ್ತು ಕೆಮ್ಮು ಮಾಯವಾಗುತ್ತದೆ.

ಕುರು ಕಾಣಿಸಿಕೊಂಡರೆ ಬಾಳೆಹಣ್ಣಿನ ತಿರುಳನ್ನು ಚೆನ್ನಾಗಿ ಕಿವುಚಿ ಕುರುವಿನ ಮೇಲೆ ಸೇಪಿಸಿದರೆ ಕುರು ಶೀಘ್ರವಾಗಿ ಒಡೆದುಕೊಂಡು ರಕ್ತ, ಕೀವು ಹೊರಬರುತ್ತದೆ. ಇದರಿಂದ ನೋವು ಬೇಗ ಉಪಶಮನ ಆಗುತ್ತದೆ. ಬಾಳೆಹಣ್ಣಿನ ತಿರುಳನ್ನು ಒಂದು ಬಟ್ಟಲು ಮಜ್ಜಿಗೆಯೊಂದಿಗೆ ಬೆರೆಸಿ ಒಂದು ವಾರಗಳ ಕಾಲ ಸೇವಿಸಿದರೆ ಅಂಗಾಲು, ಅಂಗೈ, ಆಸನಾಗ್ರಹದಲ್ಲಿ ಉಂಟಾದ ಉರಿ ಕಡಿಮೆ ಮಾಡುತ್ತದೆ. ಬಾಳೆಹಣ್ಣು ಸೇವಿಸುವುದರಿಂದ ರಕ್ತ, ಪಿತ್ತ ಹಾಗೂ ವಾಯುವಿಕಾರಗಳು ಕಡಿಮೆ ಆಗುತ್ತವೆ. ಜತೆಗೆ ಪಚನ ಕಾರ್ಯ ಉತ್ತಮವಾಗಲು ಬಾಳೆಹಣ್ಣು ಉತ್ತಮ ಔಷಧಿ.

ಗರ್ಭಿಣಿಯರು ಬಾಳೆಹಣ್ಣನ್ನು ನಿಯಮಿತವಾಗಿ ಸೇವಿಸಿದರೆ ರಕ್ತಪುಷ್ಟಿಯಾಗಿ ಹೆರಿಗೆ ಸುಳಭವಾಗಲು ಅನುಕೂಲ ಮಾಡುತ್ತದೆ. ಜತೆಗೆ ಹಾಲು ಮತ್ತು ಸಕ್ಕೆರೆ ಯೊಂದಿಗೆ ಬಾಳೆಹಣ್ಣು ತಿಂದರೆ ಮಲಬದ್ಧತೆ ನಿವಾರಣೆ ಆಗುತ್ತದೆ. ಪುರುಷರ ವೀರ್ಯ ವೃದ್ಧಿಗೆ ಬಾಳೆಹಣ್ಣಿನ ನಿಯಮಿತ ಸೇವನೆ ಉತ್ತಮ ಮಾರ್ಗ.

ಜೇನುತುಪ್ಪದೊಂದಿಗೆ ಬಾಳೆಹಣ್ಣು ಸೇವಿಸಿದರೆ ಕೆಮ್ಮು ಮತ್ತು ಎದೆನೋವು ಕಡಿಮೆ ಆಗುತ್ತದೆ. ರಾತ್ರಿ ಊಟ ಆದ ನಂತರ ಹಾಲು ಮತ್ತು ಬಾಳೆಹಣ್ಣು ಸೇವಿಸಿದರೆ ಸಂಭೋಗ ಶಕ್ತಿ ವೃದ್ಧಿ ಆಗುತ್ತದೆ.

Read also: ಬೇಸಿಗೆಯಲ್ಲಿ ಉಂಟಾಗುವ ಆರೋಗ್ಯ ಪರಿಣಾಮಗಳು

ಬಹು ಉಪಯೋಗಿ ಬಾಳೆಹಣ್ಣು (benefits of banana in kannada)

  • 1. ಬಾಳೆಹಣ್ಣಿನಿಂದ ರಸಾಯನ ತಯಾರು ಮಾಡುವುದು ವಿಶೇಷ.
  • 2. ಬಾಳೆಹಣ್ಣಿನಿಂದ ಜಾಮ್ ತಯಾರಿಸಲಾಗುತ್ತದೆ. ಇದು ದೊಡ್ಡವರಿಂದ ಚಿಕ್ಕ ಮಕ್ಕಳಿಗೂ ಇಷ್ಟವಾಗುತ್ತದೆ.
  • 3. ದೇವರ ಪೂಜೆಗೆ, ಪಂಚಾಮೃತ ತಯಾರಿಕೆಗೆ ಸಕ್ಕರೆ, ಹಾಲು, ಜೇನು ತುಪ್ಪದೊಂದಿಗೆ ಬಾಳೆ ಹಣ್ಣು ಬೆರೆಸಲಾಗುತ್ತದೆ.
  • 4. ಬಯಲು ಸೀಮೆ ಸೇರಿದಂತೆ ನಾಡಿನ ಹಲವು ಭಾಗಗಳಲ್ಲಿ ಬಾಳೆಹಣ್ಣಿನ ಸೀಕರಣೆ ತಯಾರಿಸಿ ಹೋಳಿಗೆಯೊಂದಿಗೆ ಊಟ ಮಾಡುವುದು ವಾಡಿಕೆ.
  • 5. ಬಾಳೆ ಕಾಯಿ ಹಾಗೂ ಅದರ ದಿಂಡಿನಿಂದ ಕಾಯಿಪಲ್ಯ ತಯಾರಿಸುವುದು ವಿಶೇಷ.

ಬಾಳೆಹಣ್ಣಿನಲ್ಲಿ ಅಡಗಿರುವ ಪೌಷ್ಟಿಕಾಂಶಗಳು (ಪ್ರತಿ ನೂರು ಗ್ರಾಂ) (benefits of banana kannada)

  1. ಬಲ (ಶಕ್ತಿ)          1.16 ಗ್ರಾಂ
  2. ಪ್ರೋಟೀನ್ 1.2 ಗ್ರಾಂ
  3. ಕೊಬ್ಬು  0.2 ಗ್ರಾಂ
  4. ಕಾರ್ಬೋಹೈಡ್ರೇಟ್ಸ್  27 ಗ್ರಾಂ
  5. ಕ್ಯಾಲ್ಸಿಯಂ 17 ಮಿಲಿಗ್ರಾಂ
  6. ಕಬ್ಬಿಣ  9 ಮಿಲಿಗ್ರಾಂ
  7. ಕೆರೋಟೀನ್ 78 ಮಿಲಿ ಗ್ರಾಂ
  8. ಥಿಯಾಮಿನ್ 0.05 ಮಿಲಿ ಗ್ರಾಂ
  9. ರಿಬೋಪ್ಲೇಮಿನ್ 0.08 ಮಿಲಿ ಗ್ರಾಂ
  10. ಸೋಡಿಯಂ  5 ಮಿಲಿ ಗ್ರಾಂ
  11. ನಿಯಾಸಿನ್            0.5 ಮಿಲಿ ಗ್ರಾಂ
  12. ವಿಟಮಿನ್ “ಸಿ” 0.5 ಮಿಲಿ ಗ್ರಾಂ
  13. ಖನಿಜಾಂಶ  6.0 ಗ್ರಾಂ

ಈ ಐದು ಸಮಸ್ಯೆ ನಿವಾರಣೆ ಬಾಳೆಹಣ್ಣು ರಾಮಬಾಣ

  • 1. ಭೇದಿ ನಿಯಂತ್ರಣ
  • 2. ಮಲಬದ್ಧತೆ ನಿವಾರಣೆಗೆ ಬಾಳೆಹಣ್ಣು ಉಪಯುಕ್ತ
  • 3. ಅಲ್ಸರ್ ನಿವಾರಣೆ
  • 4. ಮೂತ್ರ ಕೋಶದ ಕಾಯಿಲೆ ನಿವಾರಣೆಗೆ
  • 5. ಹೃದಯದ ಬೇನೆಗೆ ಬಾಳೆಹಣ್ಣು ಉಪಯುಕ್ತ

ಬಾಳೇಹಣ್ಣನ್ನು ನಿಸರ್ಗದ ಕಾಮಧೇನು ಎಂದು ಕರೆಯಲಾಗುತ್ತದೆ. ಈ ಹಣ್ಣಿನಲ್ಲಿ ಖನಿಜಾಂಶ, ಪೋಷಕಾಂಶ ಹೆಚ್ಚು ಇರುವುದರಿಂದ ಇದು ಹಲವು ರೋಗಗಳಿಗೆ ಮದ್ದಾಗಿ ಕೆಲಸ ಮಾಡುತ್ತದೆ. ಆದ್ದರಿಂದ ಅದರಂತೆ ನಿಮ್ಮ ಜೀವನ ಕ್ರಮದಲ್ಲಿ ನಿಯಮಿತವಾಗಿ ಬಾಳೆಹಣ್ಣು ಸೇವಿಸಿದರೆ ನಿಮ್ಮ ಆರೋಗ್ಯ ವೃದ್ಧಿಸುವುದರಲ್ಲಿ ಅನುಮಾನ ಇಲ್ಲ.

English Summery 

benefits of banana  in kannada

banana is one fruit that is commonly available across the India and even world also. its instant energy booster. it is given much importance where various regional cuisines use it in making sinful desserts. Bananas contain natural sugars. and here we give benefits of banana  in kannada language.
 |

ಲೈಫ್ ಸ್ಟೈಲ್

ಗಣೇಶ ಬಂದ ನೈಲ್ ಆರ್ಟ್ ಅಲ್ಲೂ ಕ್ರಿಯೇಟಿವಿಟಿ ಕಂಡ..!

Published

on

ಗಣೇಶ ಹಬ್ಬದ ಸಡಗರದಲ್ಲಿ ಮೈಮರೆತಿರರುವ ಹೆಂಗಳೆಯರ ಸಂಭ್ರಮ ಕ್ಕೆ ಸಾಥ್ ನೀಡಲು ಈ ಬಾರಿ ವಿಶೇಷ ನೈಲ್ ಆರ್ಟ್ ಒಂದು ಗರಿಗೆದರಿದೆ. ಗಣೇಶ ಹಬ್ಬದ ಸಂಭ್ರಮಾಚರಣೆ ಮತ್ತಷ್ಟು ರಂಗು ತುಂಬಲು”ಗಣೇಶ ನೈಲ್ ಆರ್ಟ್” ಸೋಷಿಯಲ್ ಮೀಡಿಯಾ ದಲ್ಲಿ ವೈರಲ್ ಆಗಿದೆ.

ಪ್ರತಿ ಹಬ್ಬಕ್ಕೂ ಒಂದೊಂದು ಬಗೆಯ ಹೊಸ ಟ್ರೆಂಡ್ ಸೃಷ್ಟಿಸುವ ನೈಲ್ ಆರ್ಟ್ ತಗ್ಙರು, ಗಣೇಶ ಸ್ಟಿಕರ್ ಬಳಸಿ ಹೊಸಾ ನೈಲ್ ಆರ್ಟ್ ಟ್ರೆಂಡ್ ಮಾಡಿದ್ದಾರೆ.

ಮಕ್ಕಳು, ಕಾಲೇಜು ಕನ್ಯೆಯರು, ಮಹಿಳೆಯರು ಸೇರಿದಂತೆ ಎಲ್ಲಾ ವಯೋಮಾನದವರಿಗೂ ಒಪ್ಪುವಂತಿದ್ದು, ಮಾರುಕಟ್ಟೆಯಲ್ಲಿ ಈ ಗಣೇಶ ನೈಲ್ ಆರ್ಟ್ ಭಾರೀ ಬೇಡಿಕೆ ಗಿಟ್ಟಿಸಿಕೊಂಡಿದೆ. ನಿಮ್ಮ ಫೇವರಿಟ್ ನೈಲ್ ಕಲರ್ಗೆ ಮ್ಯಾಚ್ ಆಗುವ ಗಣೇಶ ಸ್ಟಿಕರ್ ಬಳಸಿ ಗಣೇಶ ಚತುರ್ಥಿ ಸಂಭ್ರಮ ಕ್ಕೆ ನಿಮ್ಮ ಕ್ರಿಯಾತ್ಮಕತೆಯ ಲೇಪನ ನೀಡಿ.

ಕೇವಲ ಸ್ಟಿಕರ್ಗಷ್ಟೇ ಸೀಮಿತವಾಗಿರದೆ, ನೈಲ್ ಆರ್ಟ್ ಪೆನ್ ಮೂಲಕ, ವಿಫ್ನ ನಿವಾರಕ  ಗಣೇಶನ ಹಲವಾರು ಭಂಗಿಗಳಲನ್ನು ಕಣ್ಣು ಕೋರೈಸುವ ರೀತಿಯಲ್ಲಿ ರಚಿಸಲಾಗಿದೆ.

ಚಿತ್ರಶ್ರೀ ಹರ್ಷ

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ಲೈಫ್ ಸ್ಟೈಲ್

ಕ್ಷಮೆಯ ಹಬ್ಬ- ಪರ್ಯುಶನ್ ಪರ್ವ

Published

on

ಯಾರೂ ಪರಿಪೂರ್ಣರಲ್ಲ” ಎಂಬುದು ಬಹಳ ಹಳೆಯ ಮಾತು ಮತ್ತು ಈ ಭೂಮಿಯಲ್ಲಿರುವ ಎಲ್ಲರಿಗೂ ಅನ್ವಯಿಸುತ್ತದೆ. ಪ್ರತಿಯೊಂದು ಪ್ರಾಣಿಯು ಕೆಲವು ತಪ್ಪುಗಳನ್ನು ಮಾಡುತ್ತದೆ ಆದರೆ, ಅವರನ್ನು ಕ್ಷಮಿಸುವ ಒಂದು ಮಹಾಶಕ್ತಿ ಬೇಕು, ಅದು ಅವರ ಜೀವನವನ್ನು ಸರಿಯಾದ ಹಾದಿಯಲ್ಲಿ ಸಾಗಿಸಲು ಮತ್ತೊಂದು ಅವಕಾಶವನ್ನು ನೀಡುತ್ತದೆ. ನಾವು, ಮಾನವರು ತಪ್ಪುಗಳನ್ನು ಮಾಡುವ ಸಾಧ್ಯತೆ ಹೆಚ್ಚು. ನಮ್ಮ ಆಲೋಚನೆಗಳು, ಮಾತುಗಳು ಮತ್ತು ಕಾರ್ಯಗಳಿಂದ ನಾವು ಇತರರನ್ನು ನೋಯಿಸುತ್ತೇವೆ. ನಮ್ಮ ಸ್ನೇಹಿತರು ಮತ್ತು ಪ್ರೀತಿಪಾತ್ರರೊಂದಿಗಿನ ವಿವಾದಗಳಿಗೆ ಕಾರಣವಾಗುವ ಮತ್ತೊಂದು ಕಾರಣವೆಂದರೆ ಸ್ವಯಂ ಪ್ರಜ್ಞೆ. ಸ್ವಯಂ ಪ್ರಜ್ಞೆಯು ಕ್ಷಮೆಯನ್ನು ಕೇಳುವುದರಿಂದ ಮತ್ತು ಇತರರನ್ನು ಕ್ಷಮಿಸುವುದರಿಂದ ನಮ್ಮನ್ನು ಹಿಡಿದಿಡುತ್ತದೆ.

ಪರ್ಯುಶನ್ ಪರ್ವವನ್ನು ಪ್ರತಿವರ್ಷ ಜೈನ ಸಮುದಾಯದ ಸದಸ್ಯರು ಆಧ್ಯಾತ್ಮಿಕ ಉನ್ನತಿ ಮತ್ತು ಸ್ವಯಂ ಶುದ್ಧೀಕರಣಕ್ಕಾಗಿ ಆಚರಿಸುತ್ತಾರೆ. ಈ ಹಬ್ಬವು ಅವರ ಇಡೀ ವರ್ಷದ ಅತ್ಯಂತ ಪವಿತ್ರ ಹಬ್ಬವಾಗಿದೆ. ಇನ್ನಷ್ಟು ತಿಳಿಯಲು ಮುಂದೆ ಓದಿ.

*“ಸಂವತ್ಸರಿ”* ಎಂಬುದು ಕ್ಷಮೆಯ ಹಬ್ಬವಾಗಿದೆ, ಇದನ್ನು ಜೈನರು ಪರ್ಯೂಷನ ಕೊನೆಯ ದಿನದಂದು ಆಚರಿಸುತ್ತಾರೆ. ಈ ದಿನವು ‘ಸಂವತ್ಸರ್ / ಪರಿಯುಶನ್’ ಧಾರ್ಮಿಕ ಅವಧಿಯ ನಂತರ ಬರುತ್ತದೆ. ‘ಸಂವತ್ಸರ್’ ಅವಧಿಯು 50 ದಿನಗಳ ನಂತರ ಮತ್ತು ಚತುರ್ಮಾಸ್ [ನಾಲ್ಕು ತಿಂಗಳ] ಅವಧಿ ಮುಗಿಯುವ 70 ದಿನಗಳ ಮೊದಲು ಬರುತ್ತದೆ. ಕೆಲವೊಮ್ಮೆ ‘ಸಂವತ್ಸರ್’ 49 ದಿನಗಳ ನಂತರ ಮತ್ತು ‘ಚತುರ್ಮಾಸ್’ ಮುಚ್ಚುವ 71 ದಿನಗಳ ಮೊದಲು ಬದಲಾಗಬಹುದು.

ಶ್ವೇತಾಂಬರ್ ಜೈನರು ಎಂಟು ದಿನಗಳ ಅವಧಿಯಲ್ಲಿ ಪರಿಯುಶನ್ ಪರ್ವವನ್ನು ಆಚರಿಸುತ್ತಾರೆ ಮತ್ತು ಕೊನೆಯ ದಿನವನ್ನು “ಸಂವತ್ಸರಿ” ಎಂದು ಆಚರಿಸಲಾಗುತ್ತದೆ. ಜೈನರು ಈ ಶುಭ ದಿನದಂದು ವಿಶ್ವದ ಎಲ್ಲಾ ಜೀವಿಗಳಿಂದ ಕ್ಷಮೆ ಕೋರುತ್ತಾರೆ, ಅವರ ಆಲೋಚನೆಗಳಿಂದಾಗಲಿ, ಪದಗಳು ಅಥವಾ ಕ್ರಿಯೆಗಳಿಂದ ಆದ ತಪ್ಪುಗಳಿಗೆ *“ಮಿಚಾಮಿ ದುಕ್ಕಡಮ್”* ಎಂಬ ಮಾತನ್ನು ಉಚ್ಚರಿಸುವ ಮೂಲಕ ಕ್ಷಮೆ ಕೋರುತ್ತಾರೆ . “ಮಿಚಾಮಿ ದುಕ್ಕಡಮ್” ಎಂಬುದು ಪ್ರಾಚೀನ ಪ್ರಕೃತಿ ನುಡಿಗಟ್ಟು, ಇದರ ಅರ್ಥ “ನಾನು ನಿಮ್ಮ ಕ್ಷಮೆ ಯಾಚಿಸುತ್ತೇನೆ”. ಜನರು ತಮ್ಮ ಸ್ನೇಹಿತರು ಮತ್ತು ಸಂಬಂಧಿಕರನ್ನು ಭೇಟಿ ಮಾಡಿ “ಮಿಚಾಮಿ ದುಕ್ಕಡಮ್” ಹೇಳುತ್ತಾರೆ ಮತ್ತು “ಸಂವತ್ಸರಿ” ಯ ಈ ದಿನವನ್ನು ಯಾವುದೇ ಖಾಸಗಿ ವಿವಾದ ಅಥವಾ ಜಗಳವನ್ನು ತೆಗೆದುಕೊಳ್ಳಲಾಗುವುದಿಲ್ಲ ಎಂದು ಪ್ರತಿಜ್ಞೆ ಮಾಡುತ್ತಾರೆ.

ಭಗವಾನ್ ಮಹಾವೀರರು ಹೇಳಿದ್ದಾರೆ

*खामेमि सव्वे जीवा, सव्वे जीवा खमंतु मे।*
*मित्तिमे सव्व भुएस्‌ वैरं ममझं न केणई।*

– ಅಂದರೆ, ನನಗೆ ಎಲ್ಲ ಜೀವಿಗಳೊಂದಿಗೆ ಸ್ನೇಹವಿದೆ, ನಾನು ಯಾರನ್ನೂ ದ್ವೇಷಿಸುವುದಿಲ್ಲ. ಈ ವಾಕ್ಯ ಸಹಜವಾಗಿ ಸಾಂಪ್ರದಾಯಿಕವಾಗಿದೆ, ಆದರೆ ವಿಶೇಷ ಉದ್ದೇಶವನ್ನು ಹೊಂದಿದೆ. ಇದರ ಪ್ರಕಾರ, ಕ್ಷಮೆಯಾಚಿಸುವುದಕ್ಕಿಂತ ಕ್ಷಮೆ ಮುಖ್ಯವಾಗಿದೆ.
ಕೊನೆಯಲ್ಲಿ ನಾನು-

‘ಜೈನ ಸಂವತ್ಸರಿಯ ಈ ಧಾರ್ಮಿಕ ಘಟನೆಯ ಕುರಿತು, ನನ್ನ ಕ್ರಿಯೆ, ನನ್ನ ಮಾತು ಅಥವಾ ನನ್ನ ಆಲೋಚನೆಯಿಂದ ನಾನು ನಿಮಗೆ ಯಾವುದೇ ರೀತಿಯಲ್ಲಿ ತಿಳಿದಿದ್ದು ಅಥವಾ ತಿಳಿಯದೆ ನೋಯಿಸಿದ್ದರೆ ನಾನು ಎಲ್ಲದಕ್ಕೂ ಕ್ಷಮೆಯಾಚಿಸುತ್ತೇನೆ – ಮಿಚಾಮಿ ದುಕ್ಕಡಮ್’.

ಮನನ್ ಜೈನ್
ಸರ್ ಎಂ.ವಿ. ಪಿಯು ಕಾಲೇಜು
ದಾವಣಗೆರೆ

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ಲೈಫ್ ಸ್ಟೈಲ್

ಗಣೇಶ ಚತುರ್ಥಿ

Published

on

ನೇಕ ಜನರು ಗಣೇಶ ಚತುರ್ಥಿಯನ್ನು ಎಲ್ಲೆಡೆ ಪೂರ್ಣ ಬಲದಿಂದ ಮತ್ತು ಸಂತೋಷದಿಂದ ಆಚರಿಸುತ್ತಾರೆ. ಗಣೇಶ ಹಬ್ಬವನ್ನು ಭಾರತದ ಏಕೈಕ ಸಾಮೂಹಿಕ ಹಬ್ಬವು ಬಹಳ ಸಂತೋಷ ಮತ್ತು ಶೌರ್ಯದಿಂದ ಆಚರಿಸಲಾಗುತ್ತದೆ ಎಂದು ಹೇಳಬಹುದು. ಕೆಲವೊಮ್ಮೆ ನಾವು ತಾಂತ್ರಿಕವಾಗಿ ಆಧುನಿಕ ಯುಗದಲ್ಲಿದ್ದೇವೆ ಎಂದು ಕೇಳಿಕೊಳ್ಳುತ್ತೇವೆ ಈ ಎಲ್ಲಾ ಆಚರಣೆಗಳಿಗೆ ವೈಜ್ಞಾನಿಕ ಬೆಂಬಲವಿದೆಯೇ ಅಥವಾ ಇದು ಕೇವಲ ಕುರುಡು ನಂಬಿಕೆಯೇ?

ಸಾಂಸ್ಕೃತಿಕ ನಂಬಿಕೆಗಳು

1.ಗಣೇಶ ಭಗವಂತನು ತನ್ನನ್ನು ಪ್ರಾಮಾಣಿಕವಾಗಿ ಪ್ರಾರ್ಥಿಸುವ ಎಲ್ಲರ ಆಶಯಗಳನ್ನು ಮತ್ತು ಕನಸುಗಳನ್ನು ಈಡೇರಿಸುತ್ತಾನೆ ಎಂದು ನಂಬಲಾಗಿದೆ. ಮನೆಗಳಲ್ಲಿ ಹಣ, ಹೂವುಗಳು ಮತ್ತು ಆಹಾರದ ಸಣ್ಣ ಕೊಡುಗೆಗಳನ್ನು ಗಣೇಶನ ಚಿತ್ರದ ಮುಂದೆ ಇಡುವುದು ಸಾಮಾನ್ಯವಾಗಿದೆ. ಅವನು ಕುಟುಂಬಕ್ಕೆ ಹೆಚ್ಚಿನ ಸಮೃದ್ಧಿ, ಸಂಪತ್ತು ಮತ್ತು ಶಾಂತಿಯನ್ನು ತರುತ್ತಾನೆ.

2.ಗಣೇಶ ವಿಗ್ರಹಗಳನ್ನು ಮಣ್ಣಿನಿಂದ ಮಾತ್ರ ಮಾಡಬೇಕು. ಅರಿಶಿನದಿಂದ ಗಣಪತಿಯನ್ನು ರಚಿಸಲಾಗಿದೆ ಎಂದು ಪುರಾಣಗಳಿಂದ ಉಲ್ಲೇಖಗಳಿವೆ. ಮನುಷ್ಯನು ಮಣ್ಣಿನಿಂದ ಬಂದು ಮಣ್ಣಿಗೆ ಹೋಗುತ್ತಾನೆ ಎಂಬ ಹಳೆಯ ನಂಬಿಕೆಯೂ ಇದೆ, ಆದ್ದರಿಂದ ಕೆಲವರು ಗಣೇಶ ಚತುರ್ಥಿಯನ್ನು 3 ದಿನಗಳವರೆಗೆ ಮಾಡುತ್ತಾರೆ, ಅದರಲ್ಲಿ ಅವರು ದಿನ 1 ಅನ್ನು ಜನ್ಮ (ಮಣ್ಣಿನಿಂದ ಮಾಡಿದ ವಿಗ್ರಹ), ದಿನ 2 ಜೀವನ ಎಂದು ನಂಬುತ್ತಾರೆ (ವಿಗ್ರಹವನ್ನು ಅಲಂಕರಿಸಲಾಗುವುದು ಮತ್ತು ಪ್ರಾರ್ಥನೆಗಳನ್ನು ಅರ್ಪಿಸಲಾಗುತ್ತದೆ) ಮತ್ತು 3 ನೇ ದಿನವನ್ನು ಸಾವು (ವಿಗ್ರಹದ ವಿಸರ್ಜನೆ). ಜನರ ನಂಬಿಕೆಯನ್ನು ಅವಲಂಬಿಸಿ ಇದನ್ನು 3 ಅಥವಾ 6 ಅಥವಾ 9 ಅಥವಾ 12 ದಿನಗಳವರೆಗೆ ಆಚರಿಸಲಾಗುತ್ತದೆ.

“ವಿಶ್ವಾತಿ ಭೂತಂ ಹೃದಯೋಗಿನಂ ವೈ ಪ್ರತ್ಯಚರೂಪೆನಾ ವಿಭಾಠಮೆಕಂ ಸಾಧಾ ನೀರಲಂಭ ಸಮಾಧಿಗಮ್ಯಂ ತಮೇಕಧಾಂಥಂ ಶರಣಂ ವ್ರಜಮಾ ”

ಗಣೇಶನ ಸಂಕೇತಗಳು

ದೊಡ್ಡ ತಲೆ: ಹೆಚ್ಚು ಯೋಚಿಸಿ

ದೊಡ್ಡ ಹೊಟ್ಟೆ: ಜೀವನದಲ್ಲಿ ಒಳ್ಳೆಯದು ಮತ್ತು ಕೆಟ್ಟದ್ದನ್ನು ಜೀರ್ಣಿಸಿಕೊಳ್ಳುವ ಅವರ ದೊಡ್ಡ ಸಾಮರ್ಥ್ಯವನ್ನು ಪ್ರತಿನಿಧಿಸುತ್ತದೆ.

ಸಣ್ಣ ಕಾಲುಗಳು: ಸಹಿಷ್ಣು ಶಕ್ತಿಯನ್ನು

ಸಂಕೇತಿಸುತ್ತದೆ. ದೊಡ್ಡ ಕಿವಿಗಳು: ಕೇಳುವ ಭಕ್ತರನ್ನು ಸೂಚಿಸುತ್ತದೆ. ಸಣ್ಣ ಕಣ್ಣುಗಳು: ಹೆಚ್ಚಿನ ಸಾಂದ್ರತೆಯ ಶಕ್ತಿಯನ್ನು ಹೊಂದಿರುವುದನ್ನು ಸೂಚಿಸುತ್ತದೆ.

ವಾಹನವಾಗಿ ಮೂಷಕ: ಆಸೆಗಳನ್ನು ನಿಯಂತ್ರಿಸುವ ದೇವತೆಯನ್ನು ಪ್ರತಿನಿಧಿಸುತ್ತದೆ.

ದೊಡ್ಡ ಹಣೆ: ಉತ್ತಮ ಬುದ್ಧಿವಂತಿಕೆಯನ್ನು ತೋರುತ್ತದೆ.

ಉದ್ದವಾದ ಸೊಂಡಿಲು: ಒಳ್ಳೆಯದನ್ನು ಉಳಿಸಿಕೊಳ್ಳುತ್ತದೆ ಮತ್ತು ಕೆಟ್ಟದ್ದನ್ನು ಎಸೆಯುತ್ತದೆ. ಹೆಚ್ಚಿನ ದಕ್ಷತೆ ಮತ್ತು ಹೊಂದಾಣಿಕೆಯನ್ನು ಪ್ರತಿನಿಧಿಸುತ್ತದೆ.

ಗಣೇಶ ಚತುರ್ಥಿಯ ಶುಭಾಶಯಗಳು

ಮನನ್ ಜೈನ್

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading
Advertisement

Trending