Connect with us

ಲೈಫ್ ಸ್ಟೈಲ್

ಪಕ್ಷಿಗಳ ತಾಣ ಈ ‘ಶುಕವನ’ದಲ್ಲೊಂದು ಸುತ್ತು..!

Published

on

ಮೈಸೂರಿನಲ್ಲಿರುವ 'ಶುಕವನ'

ಮೈಸೂರು ಎಂದರೆ ನಮಗೆ ನೆನಪಿಗೆ ಬರುವುದು ಚಾಮುಂಡಿ ಬೆಟ್ಟ, ಅರಮನೆ,ಕಾರಂಜಿ ಕೆರೆ,ಕುಕ್ಕರಳ್ಳಿ ಕೆರೆ, ಮೃಗಾಲಯ ಹೀಗೆ ಇನ್ನೂ ಹಲವು. ಹಾಗೆ ಇಲ್ಲಿನ ಅವಧೂತ ಪೀಠವು ಕೂಡಾ ಒಂದು. ಈ ಸ್ಥಳವು ಎಷ್ಟೋ ಜನರಿಗೆ ತಿಳಿದಿಲ್ಲ. ಈ ಅವಧೂತ ಪೀಠವು ಚಾಮುಂಡಿ ಬೆಟ್ಟಕ್ಕೆ ಹೋಗುವ ಸಾಲು ಮೆಟ್ಟಿಲುಗಳ ದಾರಿಯಲ್ಲಿದೆ.

ಈ ಅವಧೂತ ಪೀಠದಲ್ಲಿ ಶ್ರೀ ಗಣಪತಿ ಸಚ್ಚಿದಾನಂದ ಸ್ವಾಮೀಜಿಯವರು ನಿರ್ಮಿಸಿರುವ ಒಂದು ಶುಕವನ’ ಮತ್ತು ಬ್ನೊಸಾಯಿ ಉದ್ಯಾನವಿದೆ. ಈ ವನವನ್ನು 2012 ರಲ್ಲಿ ಆರಂಭಿಸಲಾಯಿತು. ಒಂದು ಎಕರೆ ಜಾಗವನ್ನು ಇದಕ್ಕಾಗಿ ಬಳಸಲಾಗಿದೆ .

ಶುಕವನ

‘ಶುಕವನ’ ಆಶ್ರಮದ ಆವರಣದೊಳಗಿನ ಗಿಣಿಗಳ ಉದ್ಯಾನ. ಪಕ್ಷಿಗಳ ಪುನರ್ವಸತಿ ಕೇಂದ್ರ. ಜಗತ್ತಿನಾದ್ಯಂತದ ಅದೆಷ್ಟೋ ಜಾತಿಯ ಬಣ್ಣಬಣ್ಣದ ಗಿಳಿಗಳಿಗೆ ಇಲ್ಲಿ ನೆಲೆಯಾಗಿದೆ. ಗಿಣಿಗಳು ಮಾತ್ರವಲ್ಲದೆ ಬೇರೆ ಬೇರೆ ಜಾತಿಯ ಪಕ್ಷಿಗಳನ್ನೂ ಇಲ್ಲಿ ವಿಶೇಷ ಆರೈಕೆ ನೀಡಿ ಪೋಷಿಸಲಾಗುತ್ತದೆ. ಸ್ವತಃ ಸ್ವಾಮೀಜಿಯವರೇ ಇವುಗಳ ಆರೈಕೆಗೆ ನಿಲ್ಲುತ್ತಾರೆಂಬುದು ವಿಶೇಷ. ಪಕ್ಷಿಗಳ ಸಂಗದಲ್ಲಿ ಗಿಣಿಗಳಿಗೆ ವಿಶೇಷ ಬಗೆಯಲ್ಲಿ ಮಾತನಾಡುವುದನ್ನೂ ಕಲಿಸಿದ ಹೆಗ್ಗಳಿಕೆ ಸ್ವಾಮೀಜಿಯವರದ್ದು.

470ಕ್ಕೂ ಹೆಚ್ಚು ಅಪರೂಪದ ಪ್ರಭೇದದ 2 ಸಾವಿರಕ್ಕೂ ಪಕ್ಷಿಗಳಿಗೆ ಆಶ್ರಯ ಕಲ್ಪಿಸಿರುವ ಶುಕವನ ಗಿನ್ನಿಸ್ ಪುಸ್ತಕದಲ್ಲೂ ದಾಖಲಾಗಿದೆ. ಎಲ್ಲಾ ಹಕ್ಕಿಗಳ ಚಿಲಿಪಿಲಿ, ವಿವಿಧ ರೀತಿಯ ಕೂಗುಗಳು ಕೇಳಲು ಮನಸ್ಸಿಗೆ ತುಂಬ ಸಂತೋಷವನ್ನು ನೀಡುತ್ತದೆ.ಅಲ್ಲಿ ಇರುವ ಎಲ್ಲಾ ಪಕ್ಷಿಗಳಿಗು ಹೆಸರು ಇದೇ. ಕೆಲವೊಂದು ಪಕ್ಷಿಗಳು ನಾವು ಮಾತನಾಡಿಸಿದಾಗ ಪ್ರತಿಕ್ರಿಯೆ ತೋರಿಸುತ್ತವೆ.

ಈ ಜಾಗದಲ್ಲಿ ಸಾಮಾನ್ಯ ಜನಗಳಿಗೆ ಪಕ್ಷಿಗಳ ಜೊತೆ ಬೆರೆತು ಆನಂದವನ್ನು ಹೊಂದಲು ಹಾಗೂ ಪೋಟೋ ತೆಗಿಸಿ ಕೊಳ್ಳಲು ಒಂದು ಅನುಕೂಲ ಮಾಡಿದಾರೆ. ನಮ್ಮ ಕೈಯಲ್ಲಿ ಹಣ್ಣಿನ ಚೂರಿರುವ ತಟ್ಟೆ ಕೊಡುತ್ತಾರೆ,ಅದನ್ನು ಹಿಡಿದು ಒಳ ಹೊಗುತ್ತಿದಂತೆ ಪಕ್ಷಿಗಳು ನಮ್ಮ ಮೇಲೆ ಹಾಗೂ ನಾವು ಹಿಡಿದಿರುವ ತಟ್ಟೆಯ ಮೇಲೆ ಬಂದು ಕುಳಿತ್ತುಕೊಳುತ್ತವೆ. ಆ ಕ್ಷಣ ಎಲ್ಲರಿಗೂ ತುಂಬ ಖುಷಿ ಯನ್ನು ಕೊಡುತ್ತದೆ.

ಮೆಕಾವ್(ಸ್ಕಾರ್ಲೆಟ್ ಮೆಕಾವ್, ಮಿಲಿಟರಿ ಮೆಕಾವ್, ಶಮ್ ರಾಕ್ ಮೆಕಾವ್), ಲಾರಿಕೀಟ್ , ಕಾಂಗೊ ಆಫ್ರಿಕನ್ ಗ್ರೇ ಗಿಳಿ, ಮಿಚೆಲ್ ಕೊಕಾಟೂ…ಇನ್ನೂ ಹಲವು ಬಗೆಯ ಪಕ್ಷಿಗಳು ತಮ್ಮ ಗಾತ್ರ, ವಿವಿಧ ಬಣ್ಣ, ಕೊಕ್ಕು, ಅವು ಮಾಡುವ ಕಲರವ ಎಲ್ಲರ ಗಮನ ಸೆಳೆಯುತ್ತದೆ. ಈ ಗಿಳಿಗಳು ಸಾಮಾನ್ಯವಾಗಿ 25-50 ವರ್ಷಗಳವರೆಗೆ ಬದುಕುತ್ತವೆ. ಇದುವರೆಗೆ ಸತ್ತ ಹಕ್ಕಿಗಳಲ್ಲಿ ಅತ್ಯಂತ ಮುದಿಯಾದ ಹಕ್ಕಿ 83 ವರ್ಷ ಬದುಕಿತ್ತು ಎನ್ನುವ ಮಾಹಿತಿಯು ಇದೆ.

ಪಕ್ಷಿಗಳಿಗೆ ಪ್ರತಿದಿನವೂ ಬೀಜಗಳು, ಕಾಳುಗಳು, ಹಣ್ಣುಗಳನ್ನು ಕೊಡುತ್ತಾರೆ. ಹಗಲಿನಲ್ಲಿ ಹಕ್ಕಿಗಳನ್ನು ಗೂಡಿನಿಂದ ವನದಲ್ಲೆ ಹಾರಾಡಲು ಬಿಡುತ್ತಾರೆ, ಅವು ಹಾರಾಡಿದ ನಂತರ ತಮ್ಮ ಗೂಡಿಗೆ ತಾವಾಗಿಯೇ ಮರಳುತ್ತವೆಂತೆ, ದಾರಿ ತಪ್ಪಿದವುಗಳನ್ನು ಸಿಬ್ಬಂದಿ ಗೂಡಿಗೆ ಮರಳಿಸುತ್ತಾರೆ.

ಬೋನ್ಸಾಯ್ ಉದ್ಯಾನ

ಶುಕವನದ ಪಕ್ಕದಲ್ಲೇ ಕುಬ್ಜವಾಗಿ ಬೆಳೆಸಿದ ಮರಗಳು ಹಾಗೂ ಗಿಡಗಳನ್ನು ಈ ಬೋನ್ಸಾಯ್ ಉದ್ಯಾನದಲ್ಲಿ ನೋಡ ಬಹುದಾಗಿದೆ. ಈ ಉದ್ಯಾನವನ್ನು 2005ರಲ್ಲಿ ತೆರೆಯಲಾಯಿತು. ಇಲ್ಲಿ ಬೆಳೆಸಿರುವ ವಿವಿಧ ಬೋನ್ಸಾಯ್ ಗಿಡಗಳಿಂದ ಈ ಉದ್ಯಾನವನ ಗಿನ್ನಿಸ್ ಪುಸ್ತಕದ ದಾಖಲೆಗಳಲ್ಲಿ ಸೇರಿದೆ.

ಇಲ್ಲಿ ಅಶ್ವತ್ಥ , ವಟವೃಕ್ಷ , ಬಿಲ್ವ, ಅಶೋಕ ವೃಕ್ಷಗಳು, ಸಪೋಟ, ಕಿತ್ತಳೆ, ನಿಂಬೆ, ಸೀತಫಲ, ಇನ್ನೂ ಹಲವು ವೃಕ್ಷ ಹಾಗು ಹಣ್ಣುಗಳ ಕುಬ್ಜ ಗಿಡಗಳನ್ನು ನಾವು ನೋಡ ಬಹುದು. ಸುತ್ತ ಮುತ್ತ ಹಲವು ಕೊಳಗಳು ಹಾಗೂ ಕಾರಂಜಿಗಳು ಇವೇ. ಹಾಗೂ ಜೊತೆಗೆ ಕೆಲವು ಆಲಂಕಾರಿಕ ಮತ್ತು ಔಷಧೀಯ ಗಿಡಗಳನ್ನು ಕಾಣಬಹುದು. ಪ್ಲಾಸ್ಟಿಕ್ ಫ್ರೀ ಜಾಗವಾಗಿದೆ. ಮೈಸೂರಿಗೆ ಹೋದವರು ನೋಡಲೇ ಬೇಕಾದ ಜಾಗವಿದು.

ಸೌಮ್ಯ ಅಶೋಕ್
ಬೆಂಗಳೂರು

ಸುದ್ದಿದಿನ.ಕಾಂ|ವಾಟ್ಸಾಪ್|9986715401

ಲೈಫ್ ಸ್ಟೈಲ್

ಕಾರ್ನ್ ಉಪ್ಪಿಟ್ಟು : ರೆಸ್ಟೋರೆಂಟ್ ಸ್ಟೈಲ್

Published

on

 

ಚಾತುರ್ಮಾಸ ವ್ರತ ಅಡಿಗೆ
ವ್ರತದ ಅಡಿಗೆ – 1

ನಮಸ್ಕಾರ ರಿ ಎಲ್ಲರಿಗೂ, ಇದು ಪರಮ ಸಾತ್ವಿಕ್ ತಿಂಡಿ, ಚಾತುರ್ಮಾಸ ಅಡಿಗೆ ಹೇಳಿಕೊಡಿ ಅಂತ ಭಾಳ ಜನ ಕೆಳಿದಕ್ಕ ಹಾಕಾಕತಿನಿ,ಶಾಕ ವ್ರತ ಮಾಡೋರಿಗೆ ಬಹಳ ಅನುಕೂಲ ಇದು, ಯಾವುದೇ ಖಾರ ಹುಳಿ ಮಸಾಲೆ ತರಕಾರಿ ನಿಷೇದ ಇರೋ ವ್ರತಕ್ಕೆ ಹಿಂಗೆ ಮಾಡ್ಕೋ ಬಹುದು, ಬ್ಯಾರೆ ಅವರು ನಿಮಗ ತಿಳಿದ ತರಕಾರಿ ಹಾಕಿ ಮಾಡ್ರಿ ಅಡ್ಡಿ ಇಲ್ಲ

ಬರ್ರಿ ವ್ರತದ ಕಾರ್ನ್ ಉಪ್ಪಿಟ್ಟು ಹೆಂಗ ಅಂತ ನೊಡೋಣ.

ಮೊದಲು ಅಮೇರಿಕನ್ ಕಾರ್ನ್/ಮೆಕ್ಕೆ ಜೋಳ ತೊಳೆದು ಕುಕ್ಕರ್ ಅಲ್ಲಿ ನೀರು ಹಾಕಿ ಚಂದ್ ಬೇಯಿಸಿ ಇಡಿರಿ.

ತಣ್ಣಗ ಆದ ಮ್ಯಾಲ ಜೋಳ ಬಿಡಿಸಿ ಇಡಿರಿ, ಅದರ ಕಟ್ಟು(ಸ್ಟಾಕ್) ತೆಗೆದು ಇದ ರಿ ಸಾರು,ಮಾಡ್ಕೊಳಿಕ್ಕೆ ಬರ್ತದ

ಪಾತ್ರೆ ಬಿಸಿ ಮಾಡಿ ಒಂದು ಕಪ್ ಶುದ್ದ ಬೊಂಬಾಯಿ ರವ 1 ಸ್ಪೂನ್ ಜೀರಿಗೆ, 2ಸ್ಪೂನ್ ಎಣ್ಣೆ ಹಾಕಿ ಚಂದ್ ಹೂರಿರಿ (ಐತಲಗ ಜೀರಿಗೆ ಯಾಕ ಹಾಕೋದು ಗೊತ್ತಾತು ಅಲ್ಲ, ಹೌದ್ರಿ ರವ ಜೊತೆ ಜೀರಿಗೆ ಹುರಿದ್ರ ಮಸ್ತ್ ವಾಸನಿ ಕೊಡ್ತದ ಉಪ್ಪಿಟ್ಟು ಗ)ಘಮ ಬಂದಾಗ ತೆಗೆದು ಬಿಡ್ರಿ

ಸಣ್ಣ ಗುಂಡು ಕಲ್ಲಿನಾಗ ಚೂರು ಒಣಗಿದ ಮಾವಿನ ಕಾಯಿ ತೊಗತಿ (ಸಿಪ್ಪೆ) ಇಲ್ಲ ಅಂದ್ರ ಬಿಡ್ರಿ ಅಮ್ಚೂರ್ ಪೌಡರ್ ಹಾಕಿ, 1/4 ಸ್ಪೂನ್ ಜೀರಿಗೆ, 1/4 ಸ್ಪೂನ್ ಕರಿ ಮೆಣಸು ಹಾಕಿ ಚಂದ್ ಕುಟ್ಟಿ ಇದ ರಿ,

ಪಾತ್ರೆ ಬಿಸಿ ಮಾಡಿ ಚಂದ್ ಎಣ್ಣಿ ಹಾಕಿ ಉದ್ದಿನಬೇಳೆ, ಕಡಲೆಬೇಳೆ(ಸಾಸಿವೆ ನಿಷೇದ ವ್ರತಕ್ಕ) ಹಾಕಿ ಕೆಂಪಗೆ ಹುರಿದು ಕರಿಬೇವು ಹಾಕಿ ಸಿಡಿಸಿ, ಕುಟ್ಟಿದ ಮಸಾಲೆ ಹಾಕಿ ಹುರಿದು 2 ಕಪ್ ನೀರು, ಕುದಿಸಿದ ಮೆಕ್ಕೆ ಜೋಳ/ಕಾರ್ನ್ ರುಚಿಗೆ ಉಪ್ಪು ಹಾಕಿ ಕುದಿಯಲು ಬಿಡಿ ರಿ

ಚಂದ್ ಕುದಿ ಮುಂದ ಹುರಿದ ರವ ಹಾಕಿ ಚಂದ ಗಂಟು ಇಲ್ಲದಾಂಗ ಕಲಸಿ, ಈಗ ಇದಕ್ಕ ಅರ್ಧ ಲೋಟ ಹಾಲು ಹಾಕಿ ಇನ್ನೊಮ್ಮೆ ಚಂದ್ ಕಲಸ್ರಿ (ಹಾಲು ಹಾಕಿದ್ರಿಂದ ಒಳ್ಳೆ ಬಣ್ಣ ಸುವಾಸನೆ, ಮೃದು ಬರುತ್ತಾ ಅದಕ್ಕ ಅಂದಿದ್ದು ರಿ ಪ restaurant style anta) 1 spoon tuppa ಸುತ್ತು ಲೂ ಚಂದ್ ಹಾಕಿ, ತಟ್ಟಿ ಮುಚ್ಚಿ ಬೆಯಲ್ ಬಿಡ್ ರಿ. ನಂತ್ರ ತಟ್ಟಿ ತೆಗೆದು ಚಂದ್ ಕಲಸಿ ಸರ್ವ್ ಮಾಡ್ರಿ,ಬಿಸಿ ಬಿಸಿ ಕಾರ್ನ್ ಉಪ್ಪಿಟ್ಟು.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ಲೈಫ್ ಸ್ಟೈಲ್

ಹುಬ್ಬೇರಿಸುವಂತೆ ಮಾಡಿದೆ, ಸುಂದರಿಯ ಬೇಬಿ ಬಂಪ್..!

Published

on

ರಡನೇ ಬಾರಿಗೆ ತಾಯಿ ಆಗುತ್ತಿರುವ ಬಾಲಿವುಡ್ ಬೆಡಗಿ ಸಮೀರಾ ರೆಡ್ಡಿ, ತಮ್ಮ ತಾಯ್ತನದ ಸೊಬಗನ್ನು ವ್ಯಕ್ತಪಡಿಸಿದ ಪರಿಚರ್ಚೆಗೆ ಕಾರಣವಾಗಿದೆ. ಈ ತುಂಬು ಗರ್ಭಿಣಯ ಅಂಡರ್ ವಾಟರ್ ಫೋಟೋ ಶೂಟ್!

https://www.instagram.com/p/BzfEeQ7nGyt/?utm_source=ig_web_button_share_sheet

ತಾಯ್ತನದ ಅತ್ಯಮೂಲ್ಯ ಕ್ಷಣಗಳನ್ನು ಮೆಲುಕು ಹಾಕಲು, ಬೇಬಿ ಬಂಪ್ ಪೋಟೋ ಶೂಟ್ ಮಾಡಿಸಲಾಗುತ್ತದೆ. ತಾಯ್ತನದ ಮೆಟ್ಟಿಲೇರಿ ನಿಂತಿರುವ ಹೆಣ್ಣಿಗೆ ಸೀಮಂತ ಶಾಸ್ತ್ರ ಮಾಡಿ ಹಾರೈಸುವುದು ಪ್ರತೀತಿ. ಆದರೆ ಇಂದಿನ ಹೈಟೆಕ್ ಯುಗದಲ್ಲಿ, “ಬೇಬಿ ಮೂನ್”, ಬೇಬಿ ಬಂಪ್ ಪೋಟೋ ಶೂಟ್, ವಿಡಿಯೋ ಆಲ್ಬಂಗಳು ಹೆಚ್ಚು ಜನಪ್ರಿಯ ಗೊಳ್ಳುತ್ತಿದೆ. ಸಿನಿ ತಾರೆಯರು, ಸೆಲಿಬ್ರಿಟಿಗಳು, ಸೇರಿದಂತೆ ಹಲವಾರು ಗರ್ಭಿಣಿಯರು ಈ ಟ್ರೆಂಡ್ ಗೆ ಆಕರ್ಷಿತರಾಗುತ್ತಿದ್ದಾರೆ.

https://www.instagram.com/p/BzfBZX-HRYn/?utm_source=ig_web_button_share_sheet

ಸಮೀರಾ ರೆಡ್ಡಿಯ ಈ ಡೇರಿಂಗ್ ಪೋಟೋ ಶೂಟ್ ಗೆ ಹಲವಾರು ಫ್ಯಾಷನ್ ಮತ್ತು ಬಾಲಿವುಡ್ ಮಂದಿ ಭೇಷ್ ಎಂದಿದ್ದಾರೆ. ಇನ್ನು ಹಲವರು ಹುಬ್ಬೇರಿಸಿ ಆಶ್ಚರ್ಯಚಕಿತರಾಗಿದ್ದಾರೆ. ವೈಬ್ರಂಟ್  ನಿಯಾನ್ ಗ್ರೀನ್, ಪಿಂಕ್ ಬಣ್ಣದ ಬಿಕಿನಿ ಯಲ್ಲಿ ತಮ್ಮ ತಾಯ್ತನವನ್ನು ಆಸ್ವಾದಿಸುವ ಸುಂದರ ಪೋಟೋಗಳು ಸೋಷಿಯಲ್ ಮೀಡಿಯಾ ದಲ್ಲಿ ಕಿಚ್ಚು ಹಚ್ಚಿದೆ. ಸಾಕ್ಷಾತ್ ಮತ್ಸ್ಯಕನ್ಯೆ ಯಂತೆ ಕಾಣುವ ಸಮೀರಾ ರೆಡ್ಡಿ ಹಸಿರು ಮತ್ತು ಕೆಂಪು ಕಾಂಬಿನೇಷನ್ ಪೋಟೋ ಆಲ್ಬಂ ಎಲ್ಲೆಲ್ಲೂ ವೈರಲ್ ಆಗಿದೆ.

ಚಿತ್ರಶ್ರೀ ಹರ್ಷ

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ಲೈಫ್ ಸ್ಟೈಲ್

ಸೆಲ್ಫೀ ಪ್ರೀಯರಿಗೆ ಸಿಹಿ ಸುದ್ದಿ, ಕಿವಿಯಲ್ಲಿ ಮಿನೀ-ಮೀ

Published

on

ಇಂದಿನ ಸ್ಮಾರ್ಟ್ ಫೋನ್ ಯುಗದಲ್ಲಿ ಸೆಲ್ಫಿ ಕ್ರೇಜ್ ಕೂಡಾ ಜೋರಾಗಿಯೇ ಇದೆ. ವಯೋಮಾನದ ಭೇದ ವಿಲ್ಲದೆ ಎಲ್ಲರೂ ಸೆಲ್ಫಿ ರೋಗಗ್ರಸ್ತರೇ.. ದಿನಕ್ಕೊಂದು ಸೆಲ್ಫಿ ಕ್ಲಿಕ್ಕಿಸಿ ಸೋಷಿಯಲ್ ಮೀಡಿಯಾ ದಲ್ಲಿ ಅಪ್ಲೋಡ್ ಮಾಡಿ ಕಾಮೆಂಟ್ ಬಾಕ್ಸ್ ಮತ್ತು ಲೈಕ್ ಬಟನ್ ಗಳತ್ತ ಕಾದು ಕೂರುವ ಸೆಲ್ಫಿ ಪ್ರಿಯರಿಗೆ ಒಂದು ಸಿಹಿ ಸುದ್ದಿ! ಇನ್ನು ಮುಂದೆ ನೀವು ಕ್ಲಿಕ್ಕಿಸಿದ ಸೆಲ್ಫಿ ನಿಮ್ಮ ಫೇವರಿಟ್ ಇಯರ್ ಆಕ್ಸಸರಿಯ ಪಟ್ಟಿ ಸೇರಿದೆ ಬಹುದು! ನಿಮ್ಮ ಸೆಲ್ಫಿ ಕೇವಲ ಸೋಷಿಯಲ್ ಮೀಡಿಯಾ ದಲ್ಲಿ ಅಪ್ಲೋಡ್ ಮಾಡಲು ಅಷ್ಟೇ ಅಲ್ಲ, ನಿಮ್ಮ ಸ್ಟೈಲ್ ಸ್ಟೇಟ್ ಮಂಟ್ ಕೂಡ ಆಗುತ್ತದೆ. ನಿಮ್ಮ ಫೇವರಿಟ್ ಸೆಲ್ಫೀ ಫೋಟೋ, ಈಗ ನಿಮ್ಮ ಕಿವಿಯ ಆಭರಣ ವಾಗಿದೆ ಮಿಂಚಿದೆ!

ನಿಮ್ಮ ಫೋಟೋ ಅಥವಾ ನಿಮ್ಮ ಪ್ರೀತಿ ಪಾತ್ರರು ಫೋಟೋ ಬೆಳಸಿ ಕಿವಿಯ ಆಭರಣಗಳು ತಯಾರಾಗುತ್ತದೆ. ಹ್ಯಾಂಗಿಂಗ್, ಸ್ಟಡ್, ಯಾವುದೇ ಆಕಾರದಲ್ಲಾದರೂ ಸೆಲ್ಫಿ ಇಯರಿಂಗ್ ಈಗ ಲಭ್ಯ.ಆನ್ ಲೈನ್ ನಲ್ಲಿ ನಿಮ್ಮ ಫೋಟೋ ಅಪ್ಲೋಡ್ ಮಾಡಿ, ಅಂಡರ್ ಮಾಡಿದರೆ ಸಾಕು, ನಿಮ್ಮ ಮನೆ ಬಾಗಿಲಿಗೆ ಈ ಸೆಲ್ಫಿ ಇಯರಿಂಗ್ ರವಾನೆ ಆಗುತ್ತದೆ.

ತಾಯಂದಿರ ದಿನ, ವ್ಯಾಲೆಂಟೈನ್ಸ್ ಡೇ, ಫಾದರ್ಸ್ ಡೇ, ಹುಟ್ಟುಹಬ್ಬ, ದಂತಹ ವಿಶೇಷ ಸಂದರ್ಭಗಳಲ್ಲಿ ಈ ಸೆಲ್ಫಿ ಇಯರಿಂಗ್ ನಿಮ್ಮ ದಿನದ ಮಹತ್ವ ಸಾರುತ್ತದೆ.ನೀವು ಸೆಲ್ಫಿ ಪ್ರಿಯರ?  ಹಾಗಾದರೆ ತಂಡ ಯಾಕೆ! ನೀವೂ  ಕೂಡ ಒಮ್ಮೆ ಈ ಸೆಲ್ಫಿ  ಇಯರಿಂಗ್ ಟ್ರೈ ಮಾಡಿ ನೋಡಿ.

ಚಿತ್ರಶ್ರೀ ಹರ್ಷ

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading
Advertisement

Trending