Connect with us

ಲೈಫ್ ಸ್ಟೈಲ್

ಮಹಿಳೆಯರಲ್ಲಿ ಹೃದಯಾಘಾತ..!

Published

on

ಧುನಿಕ ಸಮಾಜದಲ್ಲಿ ಮಹಿಳೆಯರು ಪುರುಷರಿಗಿಂತ ಹತ್ತು ವರ್ಷ (ವಯಸ್ಸಿನಲ್ಲಿ) ಹೆಚ್ಚು ಕಾಲ ಬದುಕುತ್ತಿದ್ದಾರೆ. ಆದರೆ ವಯಸ್ಸು ಮುಂದುವರಿದಂತೆಲ್ಲಾ ಹೃದಯಾಘಾತಗಳು ಸ್ತ್ರೀ ಪುರುಷರಿಬ್ಬರಲೂ ಹೆಚ್ಚಿನ ಸಂಖ್ಯೆಯಲ್ಲಿ ಕಂಡುಬರುವುದಾದರೂ, ಮಹಿಳೆಯರಲ್ಲಿ ಪುರುಷರಿಗಿಂತ 10 ವರ್ಷಗಳ ವಯಸ್ಸಿನ ನಂತರ ಹೆಚ್ಚು ಸಂಖ್ಯೆಯಲ್ಲಿ ಕಂಡುಬರುವುವು. ಇದಕ್ಕೆ ಕಾರಣ ಮಹಿಳೆಯರಲ್ಲಿನ ಸ್ತ್ರೀ ಹಾರ್ಮೋನುಗಳು ಹೃದಯಾಘಾತಗಳು ಉಂಟಾಗದಂತೆ ಮಾಡುವವು. ಮಹಿಳೆಯರು ಮಧುಮೇಹ ರೋಗ ಮತ್ತು ಮುಟ್ಟು ನಿಲ್ಲುವಿಕೆಯಂತಹ ನೈಸರ್ಗಿಕ ಕಾರಣಗಳಿಂದಲೂ, ಈ ಪ್ರಕೃತಿ ದತ್ತವಾದ ರಕ್ಷಣೆಯನ್ನು ಕಳೆದುಲಲಕೊಳ್ಳುವರು.

ಮಹಿಳೆಯರಲ್ಲಿಯೂ ಉದರ ಭಾಗದಲ್ಲಿ ಕೊಬ್ಬಿನ ಶೇಕರಣೆಯು ಹೃದಯಾಘಾತಗಳಿಗೆ ಮುಖ್ಯ ಕಾರಣವಾಗುವುದು 18 ರಿಂದ 20 ವರ್ಷವಯಸ್ಸು ದಾಟಿದ ಮಹಿಳೆಯರಲ್ಲಿ ದೇಹದ ತೂಕವು 7 ರಿಂದ 11 ರಷ್ಟು ಕಿಲೋಗ್ರಾಂ ಹೆಚ್ಚಿದಲ್ಲಿ ಅವರ ಮಧ್ಯವಯಸ್ಸಿನಲ್ಲಿ ಹೃದಯಾಘಾತಗಳು ಸಂಭವಿಸುವುದು ಅಂಜಿಕೆ ಸ್ವಭಾವದ ಖಿನ್ನ ಮಾನಸಿಕ ರೋಗದ ಮಹಿಳೆಯರಲ್ಲಿ ಮತ್ತು ಸಾಮಾಜಿಕ ಬೆಂಬಲ ದೊರಕದಿರುವ ಮಹಿಳೆಯರಲ್ಲಿ ಹೃದಯಾಘಾತಗಳು ಹೆಚ್ಚಿನ ಸಂಖ್ಯೆಯಲ್ಲಿ ಕಂಡುಬರುವುದು ಎಂದು ಇನ್ನೊಂದು ಅಧ್ಯಯನದಿಂದ ತಿಳಿದಿಬಂದದೆ.

45 ವರ್ಷ ವಯಸ್ಸಿನ ನಂತರ ಮಹಿಳೆಯರಲ್ಲಿ ರಕ್ತದೊತ್ತಡವು ಪುರುಷರಿಗಿಂತ ಹೆಚ್ಚು ತ್ವರಿತವಾಗಿ ಮೇಲಕ್ಕೇರುವುದು. ಅಧಿಕ ರಕ್ತದೊತ್ತಡವು ಪುರುಷರಲ್ಲಿ ಹೃದಯಾಘಾತಗಳನ್ನು 3 ಪಾಲು ಹೆಚ್ಚಿಸುವುದಾದರೆ ಮಹಿಳೆಯರಲ್ಲಿ 4 ಪಾಲು ಹೆಚ್ಚಿಸುವುದು, ಮಧುಮೇಹ ರೋಗವು ಪುರುಷರಲ್ಲಿ ಹೃದಯಾಘಾತಗಳನ್ನು 2 ರಿಂದ 3 ರಷ್ಟು ಹೆಚ್ಚಿಸುವುದಾದರೆ ಮಹಿಳೆಯರಲ್ಲಿ 3 ರಿಂದ 7ರಷ್ಟು ಹೃದಯಾಘಾತಗಳು ಮರುಕಳಿಸುವ ಸಂಭವಗಳೂ ಹೆಚ್ಚಾಗಿರುವುದು. 45 ವರ್ಷಗಳಿಗೂ ಕಡಿಮೆ ವಯಸ್ಸಿನ ಮಹಿಳೆಯರಲ್ಲಿ ರಕ್ತದ ಕೊಲೆಸ್ಟ್ರಾಲ್ ಕೊಬ್ಬಿನ ಮಟ್ಟವು ಅದೇ ವಯಸ್ಸಿನ ಪುರುಷರಿಗಿಂತ ಶೇಕಡ 10 ಮಿ.ಗ್ರಾಂ.ನಷ್ಟು ಕಡಿಮೆಯಾಗಿಯೂ, 65 ವರ್ಷ ವಯಸ್ಸಿನ ನಂತರ ಶೇಕಡ 10 ಮಿ.ಗ್ರಾಂ.ನಷ್ಟು ಹೆಚ್ಚಾಗಿಯೂ ಇರುವುದಾಗಿ ಕಂಡುಬಂದಿದೆ.

ರಕ್ತದಲ್ಲಿ ಹೆಚ್ಚಿನ ಮಟ್ಟದ ಎಲ್ ಡಿಎಲ್ ಕೊಲೆಸ್ಟ್ರಾಲ್ ಹೃದಯಾಘಾತಕ್ಕೊಂದು ಮುಖ್ಯ ಕಾರಣ. ಮಹಿಳೆಯರಲ್ಲಿ 40 ವರ್ಷ ವಯಸ್ಸಿನ ನಂತರ ಪ್ರತಿ ವರ್ಷವೊಂದರಲ್ಲಿ ಎಲ್ ಡಿಎಲ್ ಕೊಲೆಸ್ಟರಾಲ್ ಶೇಕಡ 2 ಮಿ.ಗ್ರಾಂ. ನಂತೆ 60 ವರ್ಷ ವಯಸ್ಸಿನವರೆಗೂ ಮೇಲೇರುವುದು. ಸಾಮಾನ್ಯವಾಗಿ ಮಹಿಳೆಯರಲ್ಲಿ ಮುಟ್ಟು ನಿಲ್ಲುವ ಮುನ್ನ ಎಚ್ ಡಿಎಲ್ ಕೊಲೆಸ್ಟ್ರಾಲ್ (ಉತ್ತಮ ಕೊಲೆಸ್ಟ್ರಾಲ್) ಮಟ್ಟವು ಪುರುಷರಿಗಿಂತ 10ಮಿ.ಗ್ರಾಂ. ಹೆಚ್ಚಾಗಿರುವುದು. ರಕ್ತದ ಎಚ್ ಡಿಎಲ್ ಮಟ್ಟವು ಒಂದು ಜನಾಂಗದಿಂದ ಇನ್ನೊಂದು ಜನಾಂಗದಲ್ಲಿ ಬಹಳಷ್ಟು ಭಿನ್ನವಾಗಿರುವುದು. ಭಾರತದೇಶದ ಬುಡಕಟ್ಟಿನ ಮಹಿಳೆಯರಲ್ಲಿ ಎಚ್ ಡಿಎಲ್ ಮಟ್ಟವು ಚೀನಾ ಮತ್ತು ಜಪಾನ್ ದೇಶದ ಜನರಿಗಿಂತ ಕಡಿಮೆ ಮಟ್ಟದಲ್ಲಿರುವುದು.

ಭಾರತೀಯ ಮಹಿಳೆಯರಲ್ಲಿ ಹೆಚ್ಚು ಸಂಖ್ಯೆಯಲ್ಲಿ ಕಂಡುಬರುವ ಹೃದಯಾಘಾತಗಳಿಗೆ ಇದೂ ಒಂದು ಕಾರಣವೆಂದು ಹೇಳಲಾಗಿದೆ. ರಕ್ತದಲ್ಲಿ ಹೆಚ್ಚಿದ ಕೊಲೆಸ್ಟ್ರಾಲ್ ಮಟ್ಟವು ಹೃದಯಾಘಾತಗಳಿಗೆ ಕಾರಣವಾಗುವುದಾದರೂ ಕೊಲೆಸ್ಟ್ರಾಲ್ ಮತ್ತು ಎಚ್ ಡಿಎಲ್ ಅನುಪಾತದ ಸೂಚ್ಯಂಕವು ಹೆಚ್ಚು ಅರ್ಥಗರ್ಭಿತವಾದುದು. ಈ ಸೂಚ್ಯಂಕ ಸಂಖ್ಯೆಗೆ ಅನುಗುಣವಾಗಿ (ಹೆಚ್ಚಿದಂತೆ) ಹೃದಯಾಘಾತಗಳು ಮೇಲೇರುವುವು. ಭಾರತ ದೇಶದ ಮಹಿಳೆಯರಲ್ಲಿ ರಕ್ತದಲ್ಲಿ ಎಚ್ ಡಿಎಲ್ ಮಟ್ಟವು ಕಡಿಮೆಯಾಗಿರುವುದರಿಂದ ಈ ಅನುಪಾತದ ಸೂಚ್ಯಂಕವು ಹೆಚ್ಚಿರುವುದು. ಸಾಮಾನ್ಯವಾಗಿರಬೇಕಾದ ಕೊಲೆಸ್ಟ್ರಾಲ್ ಎಚ್ ಡಿಎಲ್ ಅನುಪಾತದ ಸೂಚ್ಯಂಕ 4. ಈ ಸಂಖ್ಯೆಗೂ ಕಡಿಮೆಯಿರುವುದು ಉತ್ತಮ.

ಮಹಿಳೆಯರಲ್ಲಿ ಹೃದಯಾಘಾತಗಳಿಗೆ ದೇಹದಲ್ಲಿನ ಲೈಪೊಪ್ರೋಟೀನ್-ಎ ಒಂದು ಮುಖ್ಯ ಕಾರಣವಾಗಿರುವುದು. ಸ್ತ್ರೀ ಹಾರ್ಮೋನ್ ಗಳು ದೇಹದಲ್ಲಿನ ಲೈಪೊಪ್ರೋಟೀನ್-ಎ ಮಟ್ಟವನ್ನು ತಗ್ಗಿಸುವುವು. ಮುಟ್ಟು ನಿಂತ ನಂತರ ದೇಹದಲ್ಲಿ ಲೈಪೊಪ್ರೋಟೀನ್-ಎ ಶೇಕಡ 10 ರಷ್ಟು ಹೆಚ್ಚುವುದು. ದೇಹದಲ್ಲಿ ಮೇಲಕ್ಕೇರಿದ ಹೋಮೊಸಿಸ್ಟೀನ್ ಹೃದಯಾಘಾತಗಳಿಗೆ ಕಾರಣವಾಗುವುದು. ಇದರ ಜೊತೆಗೆ ಲೈಪೊಪ್ರೋಟೀನ್-ಎ ಅಂಶವೂ ಜಾಸ್ತಿಯಾಗಿದ್ದಲ್ಲಿ ಹೃದಯಾಘಾತಗಳು ಅನೇಕ ಪುಟ್ಟು ಹೆಚ್ಚುವುವು.
ಮಹಿಳೆಯರಲ್ಲಿ ಹೃದಯಬೇನೆ ಮತ್ತು ಹೃದಯಾಘಾತಗಳಿಗೆ ಅಧಿಕ ರಕ್ತದೊತ್ತಡ, ಮಧುಮೇಹ ರೋಗ, ರಕ್ತದಲ್ಲಿ ಹೆಚ್ಚಿದ ಕೊಲೆಸ್ಟ್ರಾಲ್ ಮತ್ತು ಟ್ರೈಗ್ಲಿಸರೈಡ್, ಕುಗ್ಗಿದ ಎಚ್ ಡಿಎಲ್ ಮಟ್ಟಗಳು ಮತ್ತು ಲೈಪೊಪ್ರೋಟೀನ್-ಎ ಕಾರಣವಾಗಿರುವುದಾದರೂ, ಭಾರತ ದೇಶದ ಮಹಿಳೆಯರಲ್ಲಿ ಪಾಶ್ಚಿಮಾತ್ಯ ದೇಶದ ಮಹಿಳೆಯರಿಗಿಂತ ಅಧಿಕ ರಕ್ತದೊತ್ತಡ, ರಕ್ತದಲ್ಲಿ ಹೆಚ್ಚದ ಕೊಲೆಸ್ಟ್ರಾಲ್ ಕೊಬ್ಬು ಅವರಲ್ಲಿ ಧೂಮಪಾನ ಚಟ ಇಲ್ಲದಿದ್ದರೂ, ಮಧುಮೇಹ ರೋಗ, ಬೊಜ್ಜುದೇಹ,ರಕ್ತದಲ್ಲಿ ಹೆಚ್ಚಿದ ಟ್ರೈಗ್ಲಿಸರೈಡ್ ಮಟ್ಟ ಮತ್ತು ತಗ್ಗಿದ ಎಚ್ ಡಿಎಲ್ ಮಟ್ಟ ಭಾರತ ದೇಶದ ಮಹಿಳೆಯರಲ್ಲಿ ಹೆಚ್ಚಾಗಿ ಕಂಡುಬರುವುವು. ಹೀಗಾಗಿ ಭಾರತೀಯರಾಗಿರುವುದೇ (ಅನುವಂಶೀಯತೆ) ಹೃದಯಾಘಾತಗಳಿಗೆ ಒಂದು ಮುಖ್ಯ ಕಾರಣ ಎಂದು ಹೇಳಲಾಗಿದೆ.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

ಲೈಫ್ ಸ್ಟೈಲ್

ಪಕ್ಷಿ ಪರಿಚಯ | ಬೇಲಿ ಚಟಕ

Published

on

ಫೋಟೋ : ಭಗವತಿ‌ ಎಂ.ಅರ್ / ಗಂಡು ಬೇಲಿ ಚಟಕ

ಬೇಲಿ ಚಟಕವು (Pied Bush chat) ಗುಬ್ಬಚ್ಚಿಯಂತೆಯೇ ಸಣ್ಣ ಗಾತ್ರದ ಪಕ್ಷಿ. ಸಾಮಾನ್ಯವಾಗಿ ಬೇಲಿಗಳಲ್ಲಿ ಕುರುಚಲು ಗಿಡಗಳಿರುವ ಕಡೆ, ಬಾಲ ಕುಣಿಸುತ್ತಾ ಓಡಾಡುತ್ತಿರುತ್ತವೆ. ಮುಳ್ಳುಗಿಡಗಳ ತುದಿಯಲ್ಲಿ, ವಿರಳ ರೆಂಬೆಗಳಿರುವ ಗಿಡದ ತುದಿಯಲ್ಲಿ ಕೂತು ಬಾಲ ಕುಣಿಸುತ್ತಾ ಅತ್ತೀಂದಿತ್ತ ತಲೆಯನ್ನು ಅಲ್ಲಾಡಿಸುತ್ತಾ ಚಿಟಗುಡುತ್ತದೆ. ಸದಾ ಟುವಟಿಕೆಯಿಂದಿರುವ ಹಕ್ಕಿ ಇದು. ಇವೂ ಕೂಡ ಕೀಟಾಹಾರಿ ಹಕ್ಕಿಗಳ ಸಾಲಿಗೆ ಸೇರುತ್ತವೆ. ಹಾಗಾಗಿಯೇ ಪೊದೆಗಳಿರುವಲ್ಲಿ, ಹೆಚ್ಚಾಗಿ ನೆಲದ ಮೇಲೆ ಆಹಾರ ಹುಡುಕುತ್ತಾ ಇರುತ್ತವೆ.

ಹೆಣ್ಣು ಬೇಲಿ ಚಟಕ

ಗಂಡು ಬೇಲಿಚಟಕದ ಮೈಯ ಹೆಚ್ಚು ಭಾಗ ಕಪ್ಪು ಬಣ್ಣದಾಗಿದ್ದು, ರೆಕ್ಕೆಯ ಮೇಲೆ, ಕೆಳ ಹೊಟ್ಟೆಯ ಭಾಗ ಬಿಳಿಯ ಬಣ್ಣದಾಗಿರುತ್ತವೆ. ನೋಡಲು ಸಪೂರವಾಗಿದ್ದು, ಮೋಟು ಬಾಲ ಹೊಂದಿದೆ. ಪಕ್ಷಿ ಲೋಕದಲ್ಲಿ ಸಾಮಾನ್ಯವಾಗಿ ಗಂಡುಗಳೇ ಹೆಚ್ಚು ಸುಂದರ. ಆದರೆ ಹೆಣ್ಣು ಬೇಲಿಚಟಕವು ಗಂಡಿಗಿಂತ ನೋಡಲು ಮುದ್ದಾಗಿರುತ್ತವೆ.ಮೈ ಪೂರಾ ಕಂದು ಬಣ್ಣದಾಗಿದ್ದು, ಬಾಲದ ಭಾಗ ಇಟ್ಟಿಗೆಯ ಬಣ್ಣವಿರುತ್ತದೆ. ಸಾಮಾನ್ಯವಾಗಿ ಸಿಗುವ ಈ ಹಕ್ಕಿ ಎನ್ನುವ ಕಾರಣಕ್ಕೆ ಬಹುತೇಕರ, ಛಾಯಾಗ್ರಾಹಕರ ಅವಜ್ಞೆಗೆ ಗುರಿಯಾಗಿರುವ ಇವು ತನ್ನ ಪಾಡಿಗೆ ಊರೂರು ತಿರುಗುತ್ತಾ ಇರುತ್ತವೆ!

ಭಗವತಿ ಎಂ.ಆರ್
ಛಾಯಾಗ್ರಾಹಕಿ, ಕವಯಿತ್ರಿ

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ಲೈಫ್ ಸ್ಟೈಲ್

ಗಣೇಶ ಬಂದ ನೈಲ್ ಆರ್ಟ್ ಅಲ್ಲೂ ಕ್ರಿಯೇಟಿವಿಟಿ ಕಂಡ..!

Published

on

ಗಣೇಶ ಹಬ್ಬದ ಸಡಗರದಲ್ಲಿ ಮೈಮರೆತಿರರುವ ಹೆಂಗಳೆಯರ ಸಂಭ್ರಮ ಕ್ಕೆ ಸಾಥ್ ನೀಡಲು ಈ ಬಾರಿ ವಿಶೇಷ ನೈಲ್ ಆರ್ಟ್ ಒಂದು ಗರಿಗೆದರಿದೆ. ಗಣೇಶ ಹಬ್ಬದ ಸಂಭ್ರಮಾಚರಣೆ ಮತ್ತಷ್ಟು ರಂಗು ತುಂಬಲು”ಗಣೇಶ ನೈಲ್ ಆರ್ಟ್” ಸೋಷಿಯಲ್ ಮೀಡಿಯಾ ದಲ್ಲಿ ವೈರಲ್ ಆಗಿದೆ.

ಪ್ರತಿ ಹಬ್ಬಕ್ಕೂ ಒಂದೊಂದು ಬಗೆಯ ಹೊಸ ಟ್ರೆಂಡ್ ಸೃಷ್ಟಿಸುವ ನೈಲ್ ಆರ್ಟ್ ತಗ್ಙರು, ಗಣೇಶ ಸ್ಟಿಕರ್ ಬಳಸಿ ಹೊಸಾ ನೈಲ್ ಆರ್ಟ್ ಟ್ರೆಂಡ್ ಮಾಡಿದ್ದಾರೆ.

ಮಕ್ಕಳು, ಕಾಲೇಜು ಕನ್ಯೆಯರು, ಮಹಿಳೆಯರು ಸೇರಿದಂತೆ ಎಲ್ಲಾ ವಯೋಮಾನದವರಿಗೂ ಒಪ್ಪುವಂತಿದ್ದು, ಮಾರುಕಟ್ಟೆಯಲ್ಲಿ ಈ ಗಣೇಶ ನೈಲ್ ಆರ್ಟ್ ಭಾರೀ ಬೇಡಿಕೆ ಗಿಟ್ಟಿಸಿಕೊಂಡಿದೆ. ನಿಮ್ಮ ಫೇವರಿಟ್ ನೈಲ್ ಕಲರ್ಗೆ ಮ್ಯಾಚ್ ಆಗುವ ಗಣೇಶ ಸ್ಟಿಕರ್ ಬಳಸಿ ಗಣೇಶ ಚತುರ್ಥಿ ಸಂಭ್ರಮ ಕ್ಕೆ ನಿಮ್ಮ ಕ್ರಿಯಾತ್ಮಕತೆಯ ಲೇಪನ ನೀಡಿ.

ಕೇವಲ ಸ್ಟಿಕರ್ಗಷ್ಟೇ ಸೀಮಿತವಾಗಿರದೆ, ನೈಲ್ ಆರ್ಟ್ ಪೆನ್ ಮೂಲಕ, ವಿಫ್ನ ನಿವಾರಕ  ಗಣೇಶನ ಹಲವಾರು ಭಂಗಿಗಳಲನ್ನು ಕಣ್ಣು ಕೋರೈಸುವ ರೀತಿಯಲ್ಲಿ ರಚಿಸಲಾಗಿದೆ.

ಚಿತ್ರಶ್ರೀ ಹರ್ಷ

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ಲೈಫ್ ಸ್ಟೈಲ್

ಕ್ಷಮೆಯ ಹಬ್ಬ- ಪರ್ಯುಶನ್ ಪರ್ವ

Published

on

ಯಾರೂ ಪರಿಪೂರ್ಣರಲ್ಲ” ಎಂಬುದು ಬಹಳ ಹಳೆಯ ಮಾತು ಮತ್ತು ಈ ಭೂಮಿಯಲ್ಲಿರುವ ಎಲ್ಲರಿಗೂ ಅನ್ವಯಿಸುತ್ತದೆ. ಪ್ರತಿಯೊಂದು ಪ್ರಾಣಿಯು ಕೆಲವು ತಪ್ಪುಗಳನ್ನು ಮಾಡುತ್ತದೆ ಆದರೆ, ಅವರನ್ನು ಕ್ಷಮಿಸುವ ಒಂದು ಮಹಾಶಕ್ತಿ ಬೇಕು, ಅದು ಅವರ ಜೀವನವನ್ನು ಸರಿಯಾದ ಹಾದಿಯಲ್ಲಿ ಸಾಗಿಸಲು ಮತ್ತೊಂದು ಅವಕಾಶವನ್ನು ನೀಡುತ್ತದೆ. ನಾವು, ಮಾನವರು ತಪ್ಪುಗಳನ್ನು ಮಾಡುವ ಸಾಧ್ಯತೆ ಹೆಚ್ಚು. ನಮ್ಮ ಆಲೋಚನೆಗಳು, ಮಾತುಗಳು ಮತ್ತು ಕಾರ್ಯಗಳಿಂದ ನಾವು ಇತರರನ್ನು ನೋಯಿಸುತ್ತೇವೆ. ನಮ್ಮ ಸ್ನೇಹಿತರು ಮತ್ತು ಪ್ರೀತಿಪಾತ್ರರೊಂದಿಗಿನ ವಿವಾದಗಳಿಗೆ ಕಾರಣವಾಗುವ ಮತ್ತೊಂದು ಕಾರಣವೆಂದರೆ ಸ್ವಯಂ ಪ್ರಜ್ಞೆ. ಸ್ವಯಂ ಪ್ರಜ್ಞೆಯು ಕ್ಷಮೆಯನ್ನು ಕೇಳುವುದರಿಂದ ಮತ್ತು ಇತರರನ್ನು ಕ್ಷಮಿಸುವುದರಿಂದ ನಮ್ಮನ್ನು ಹಿಡಿದಿಡುತ್ತದೆ.

ಪರ್ಯುಶನ್ ಪರ್ವವನ್ನು ಪ್ರತಿವರ್ಷ ಜೈನ ಸಮುದಾಯದ ಸದಸ್ಯರು ಆಧ್ಯಾತ್ಮಿಕ ಉನ್ನತಿ ಮತ್ತು ಸ್ವಯಂ ಶುದ್ಧೀಕರಣಕ್ಕಾಗಿ ಆಚರಿಸುತ್ತಾರೆ. ಈ ಹಬ್ಬವು ಅವರ ಇಡೀ ವರ್ಷದ ಅತ್ಯಂತ ಪವಿತ್ರ ಹಬ್ಬವಾಗಿದೆ. ಇನ್ನಷ್ಟು ತಿಳಿಯಲು ಮುಂದೆ ಓದಿ.

*“ಸಂವತ್ಸರಿ”* ಎಂಬುದು ಕ್ಷಮೆಯ ಹಬ್ಬವಾಗಿದೆ, ಇದನ್ನು ಜೈನರು ಪರ್ಯೂಷನ ಕೊನೆಯ ದಿನದಂದು ಆಚರಿಸುತ್ತಾರೆ. ಈ ದಿನವು ‘ಸಂವತ್ಸರ್ / ಪರಿಯುಶನ್’ ಧಾರ್ಮಿಕ ಅವಧಿಯ ನಂತರ ಬರುತ್ತದೆ. ‘ಸಂವತ್ಸರ್’ ಅವಧಿಯು 50 ದಿನಗಳ ನಂತರ ಮತ್ತು ಚತುರ್ಮಾಸ್ [ನಾಲ್ಕು ತಿಂಗಳ] ಅವಧಿ ಮುಗಿಯುವ 70 ದಿನಗಳ ಮೊದಲು ಬರುತ್ತದೆ. ಕೆಲವೊಮ್ಮೆ ‘ಸಂವತ್ಸರ್’ 49 ದಿನಗಳ ನಂತರ ಮತ್ತು ‘ಚತುರ್ಮಾಸ್’ ಮುಚ್ಚುವ 71 ದಿನಗಳ ಮೊದಲು ಬದಲಾಗಬಹುದು.

ಶ್ವೇತಾಂಬರ್ ಜೈನರು ಎಂಟು ದಿನಗಳ ಅವಧಿಯಲ್ಲಿ ಪರಿಯುಶನ್ ಪರ್ವವನ್ನು ಆಚರಿಸುತ್ತಾರೆ ಮತ್ತು ಕೊನೆಯ ದಿನವನ್ನು “ಸಂವತ್ಸರಿ” ಎಂದು ಆಚರಿಸಲಾಗುತ್ತದೆ. ಜೈನರು ಈ ಶುಭ ದಿನದಂದು ವಿಶ್ವದ ಎಲ್ಲಾ ಜೀವಿಗಳಿಂದ ಕ್ಷಮೆ ಕೋರುತ್ತಾರೆ, ಅವರ ಆಲೋಚನೆಗಳಿಂದಾಗಲಿ, ಪದಗಳು ಅಥವಾ ಕ್ರಿಯೆಗಳಿಂದ ಆದ ತಪ್ಪುಗಳಿಗೆ *“ಮಿಚಾಮಿ ದುಕ್ಕಡಮ್”* ಎಂಬ ಮಾತನ್ನು ಉಚ್ಚರಿಸುವ ಮೂಲಕ ಕ್ಷಮೆ ಕೋರುತ್ತಾರೆ . “ಮಿಚಾಮಿ ದುಕ್ಕಡಮ್” ಎಂಬುದು ಪ್ರಾಚೀನ ಪ್ರಕೃತಿ ನುಡಿಗಟ್ಟು, ಇದರ ಅರ್ಥ “ನಾನು ನಿಮ್ಮ ಕ್ಷಮೆ ಯಾಚಿಸುತ್ತೇನೆ”. ಜನರು ತಮ್ಮ ಸ್ನೇಹಿತರು ಮತ್ತು ಸಂಬಂಧಿಕರನ್ನು ಭೇಟಿ ಮಾಡಿ “ಮಿಚಾಮಿ ದುಕ್ಕಡಮ್” ಹೇಳುತ್ತಾರೆ ಮತ್ತು “ಸಂವತ್ಸರಿ” ಯ ಈ ದಿನವನ್ನು ಯಾವುದೇ ಖಾಸಗಿ ವಿವಾದ ಅಥವಾ ಜಗಳವನ್ನು ತೆಗೆದುಕೊಳ್ಳಲಾಗುವುದಿಲ್ಲ ಎಂದು ಪ್ರತಿಜ್ಞೆ ಮಾಡುತ್ತಾರೆ.

ಭಗವಾನ್ ಮಹಾವೀರರು ಹೇಳಿದ್ದಾರೆ

*खामेमि सव्वे जीवा, सव्वे जीवा खमंतु मे।*
*मित्तिमे सव्व भुएस्‌ वैरं ममझं न केणई।*

– ಅಂದರೆ, ನನಗೆ ಎಲ್ಲ ಜೀವಿಗಳೊಂದಿಗೆ ಸ್ನೇಹವಿದೆ, ನಾನು ಯಾರನ್ನೂ ದ್ವೇಷಿಸುವುದಿಲ್ಲ. ಈ ವಾಕ್ಯ ಸಹಜವಾಗಿ ಸಾಂಪ್ರದಾಯಿಕವಾಗಿದೆ, ಆದರೆ ವಿಶೇಷ ಉದ್ದೇಶವನ್ನು ಹೊಂದಿದೆ. ಇದರ ಪ್ರಕಾರ, ಕ್ಷಮೆಯಾಚಿಸುವುದಕ್ಕಿಂತ ಕ್ಷಮೆ ಮುಖ್ಯವಾಗಿದೆ.
ಕೊನೆಯಲ್ಲಿ ನಾನು-

‘ಜೈನ ಸಂವತ್ಸರಿಯ ಈ ಧಾರ್ಮಿಕ ಘಟನೆಯ ಕುರಿತು, ನನ್ನ ಕ್ರಿಯೆ, ನನ್ನ ಮಾತು ಅಥವಾ ನನ್ನ ಆಲೋಚನೆಯಿಂದ ನಾನು ನಿಮಗೆ ಯಾವುದೇ ರೀತಿಯಲ್ಲಿ ತಿಳಿದಿದ್ದು ಅಥವಾ ತಿಳಿಯದೆ ನೋಯಿಸಿದ್ದರೆ ನಾನು ಎಲ್ಲದಕ್ಕೂ ಕ್ಷಮೆಯಾಚಿಸುತ್ತೇನೆ – ಮಿಚಾಮಿ ದುಕ್ಕಡಮ್’.

ಮನನ್ ಜೈನ್
ಸರ್ ಎಂ.ವಿ. ಪಿಯು ಕಾಲೇಜು
ದಾವಣಗೆರೆ

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading
Advertisement

Trending