Connect with us

ಸಿನಿ ಸುದ್ದಿ

ಮೈ ಮನ ಪೋಣಿಸೋ ‘ಸೂಜಿದಾರ’ ಸಿನೆಮಾ ಟೀಸರ್ ರಿಲೀಸ್ : ಟೀಸರ್ ನೋಡಿ

Published

on

ಸುದ್ದಿದಿನ ಡೆಸ್ಕ್ : ಕತೆಗಾರ ಇಂದ್ರಕುಮಾರ್ ಅವರ ಕತೆಯೊಂದನ್ನು ‘ಸೂಜಿದಾರ’ವಾಗಿ ಮೈಮನಗಳ ಪೋಣಿಸಲು ರಂಗಭೂಮಿ ಕಲಾವಿದ, ನಿರ್ದೇಶಕ ಮೌನೇಶ್ ಎಲ್ ಬಡಿಗೇರ್ ರೆಡಿಯಾಗಿದ್ದಾರೆ.

ಬಹುತೇಕ ಸಾಹಿತ್ಯದ ಸಾಂಗತ್ಯವಿರುವವರೇ ಈ ಸಿನೆಮಾ ತಂಡದಲ್ಲಿರುವುದು ವಿಶೇಷ. ಸಿನೆಮಾದ ಸ್ಟಿಲ್ಸ್ ಗಳೂ ಕೂಡಾ ನೋಡುಗರಿಗೆ ಭಿನ್ನವಾದ ಫೀಲ್ ಕೊಟ್ಟಿವೆ. ಹಾಗಾಗಿ ಈ ಸಿನೆಮಾ ಕುತೂಹಲ ಕೆರಳಿಸಿದೆ. ಜೊತೆಗೆ ಈ ಸಿನೆಮಾವು, ಸಿನೆಮಾದ ವಿಭಿನ್ನದೃಷ್ಟಿ ಕೋನದ ಪರಿಚಯವನ್ನ ಪ್ರೇಕ್ಷಕನಿಗೆ ಮಾಡಿಕೊಡಬಹುದಾ ಎಂಬ ಪ್ರಶ್ನೆಯೊಂದನ್ನು ಮುಂದಿಟ್ಟಿದೆ.

ಅಂದಹಾಗೆ ಈ ಸಿನೆಮಾದಲ್ಲಿ ಸ್ಯಾಂಡಲ್ ವುಡ್ ಕ್ವೀನ್ ಹರಿಪ್ರಿಯ ‘ ಪದ್ಮಶ್ರೀ’ ಎಂಬ ಪಾತ್ರವನ್ನು ನಿರ್ವಹಿಸಿದ್ದಾರೆ. ಇಂದು ಈ ‘ಪದ್ಮಶ್ರೀ’ ಪಾತ್ರ ಪರಿಚಯದ ಟೀಸರ್ ಬಿಡುಗಡೆಗೊಂಡಿದೆ. ಟೀಸರ್ ನೋಡಿ..

ಇನ್ನುಳಿದಂತೆ ಈ ಸಿನೆಮಾದ ಪಾತ್ರವೊಂದರಲ್ಲಿ ಅಭಿನಯಿಸಿರುವ ನಟಿ,ಬರಹಗಾರ್ತಿ,ನಿರ್ದೇಶಕಿ ಚೈತ್ರ ಕೋಟೂರ್ ಅವರು ಸಂಭಾಷಣೆ ಒದಗಿಸಿದ್ದಾರೆ. ಕತೆಗಾರ ವಿಕ್ರಂ ಹತ್ವಾರ್ ಕೂಡ ಸಿನೆಮಾ ತಂಡದಲ್ಲಿದ್ದಾರೆ. ಹಾಗೆಯೇ ಸ್ನೇಹಾ ಟಾಕೀಸ್, ಸತೀಶ್ ಪಿಚ್ಚರ್ ಹೌಸ್ ನ ಸಹಯೋಗದೊಂದಿಗೆ ಮೂಡಿಬಂದಿರುವ ಈ‌ ಸಿನೆಮಾ ಸದ್ಯದಲ್ಲೇ ಪರದೆ ಮೇಲೆ ಅರಳಲಿದೆ. ಈ ಸಿನೆಮಾಗೆ ಪ್ರೇಕ್ಷಕ ಪ್ರಭುವಿನ ತನು-ಮನ-ಧನವಿರಲಿ. ಸೂಜಿದಾರ ಮಿಲನ ಮಹೋತ್ಸವ ಕಾಣಲಿ.

ಸುದ್ದಿದಿನ.ಕಾಂ|ವಾಟ್ಸಾಪ್|9986715401

ಸಿನಿ ಸುದ್ದಿ

ಸಲ್ಲು ಭಾಯ್ ಜತೆ ‘ದಭಾಂಗ್3’ ನಲ್ಲಿ ಕಿಚ್ಚ ವಿಲನ್..!?

Published

on

ಸುದ್ದಿದಿನ ಡೆಸ್ಕ್ : ಕಿಚ್ಚ ಸುದೀಪ್ ಅಭಿನಯದ ‘ ಪೈಲ್ವಾನ್’ ಸಿನೆಮಾದ ಟೀಸರ್ ಭಾರೀ ಹವಾ ಎಬ್ಬಿಸಿದೆ. ಕಿಚ್ಚ ತನ್ನ ದೇಹವನ್ನು ಹುರಿಗೊಳಿಸಿಕೊಂಡು ಕುಸ್ತಿ ಅಖಾಡದಲ್ಲಿನ ಪಟ್ಟುಗಳನ್ನ ನೋಡಿ ಅಭಿಮಾನಿಗಳು ಹುಚ್ಚೆದ್ದಿದ್ದಾರೆ.

ಈ ಸಿನೆಮಾದ ಟೀಸರ್ ನೋಡಿ ‘ ಬಾಲಿವುಡ್ ನ ಎವರ್ಗ್ರೀನ್ ನಟ ಸಲ್ಮಾನ್ ಖಾನ್ ಕಿಚ್ಚನಿಗೆ ಪ್ರಶಂಸೆ ವ್ಯಕ್ತಪಡಿಸಿದ್ದರು. ಹಾಗೇ ಇತರ ಬಾಲಿವುಡ್ ಹಾಗೂ ಟಾಲಿವುಡ್ ಮಂದಿಯೂ ಮೆಚ್ಚುಗೆ ವ್ಯಕ್ತ ಪಡಿಸಿದ್ದರು.

ಅಂದಹಾಗೆ ಕಿಚ್ಚ ಸುದೀಪ್ ‘ ಸಲ್ಮಾನ್ ಖಾನ್’ ಅಭಿನಯದ ‘ದಭಾಂಗ್3’ ಸಿನೆಮಾದಲ್ಲಿ ಅಭಿನಯಿಸುತ್ತಾರಾ? ಎಂಬ ಪ್ರಶ್ನೆಯೊಂದಿಗೆ ಸೋಶಿಯಲ್ ಮೀಡಿಯಾದಲ್ಲಿ ಅಭಿಮಾನಿಗಳು ಚರ್ಚಿಸುತ್ತಿದ್ದಾರೆ. ಪ್ರಭುದೇವ ನಿರ್ದೇಶನದ ‘ ದಭಾಂಗ್, ದಭಾಂಗ್2’ ನಲ್ಲಿ ಅಭಿನಯಿಸಿದ್ದ ಸಲ್ಲು ಭಾಯ್ ‘ದಭಾಂಗ್3’ ನಲ್ಲೂ ಅಭಿನಯಿಸುತ್ತಿದ್ದಾರೆ.

ದಭಾಂಗ್ 3ನಲ್ಲಿ ಕಿಚ್ಚ ಸುದೀಪ್ ವಿಲನ್ ಆಗಿ ನಟಿಸುತ್ತಾರೆ ಎಂಬ ಸುದ್ದಿಯೊಂದು ಹರಿದಾಡುತ್ತಿದ್ದು, ಇನ್ನೂ ಸಿನೆಮಾತಂಡ ಯಾವುದೇ ರೀತಿಯ ಮಾಹಿತಿಯನ್ನು ಬಿಟ್ಟುಕೊಟ್ಟಿಲ್ಲ. ಅಂದುಕೊಂಡಂತೆ ಆದರೆ ಸಲ್ಲು ಭಾಯ್ ಜತೆ ಕಿಚ್ಚನ ಖದರನ್ನು ನೋಡುವ ಭಾಗ್ಯ ಕಿಚ್ಚನ ಅಭಿಮಾನಿಗಳದ್ದಾಗಲಿ.

ಸುದ್ದಿದಿನ.ಕಾಂ|ವಾಟ್ಸಾಪ್|9986715401

Continue Reading

ಸಿನಿ ಸುದ್ದಿ

‘ಗಾಳಿಪಟ 2’ ಬಗ್ಗೆ ಭಟ್ಟರ ಪತ್ರ ; ನೀವೂ ಓದಿ..!

Published

on

ಸುದ್ದಿದಿನ ಡೆಸ್ಕ್ : ಮುಂಗಾರು ಮಳೆ ಸಿನೆಮಾದ ಯಶಸ್ಸಿನ ನಂತರ ಯೋಗರಾಜ್ ಭಟ್ಟರು ‘ಗಾಳಿಪಟ’ ಸಿನೆಮಾ ಮಾಡಿ ಜನಮಾನಸದಲ್ಲಿ ಉಳಿದದ್ದು ಇತಿಹಾಸ. ಈಗ ಭಟ್ಟರು ‘ಗಾಳಿಪಟ2’ ಸಿನೆಮಾ ಮಾಡಲು ತಯಾರಿ ನಡೆಸಿದ್ದಾರೆ.

ನಿನ್ನೆಯಷ್ಟೆ ಈ ಸಿನೆಮಾದ ಕುರಿತಾಗಿ ಅಧಿಕೃತವಾಗಿ ಕಾರ್ಯಕ್ರಮ ಮಾಡಿ ಸಿನೆಮಾದ ಮಾಹಿತಿಯನ್ನು ಹಂಚಿಕೊಂಡರು. ಮೊದಲ ಗಾಳಿಪಟ ಸಿನೆಮಾದಲ್ಲಿ ಇರುವಂತೆ ಇಲ್ಲಿಯೂ ಮೂವರು ನಾಯಕರು ಇರಲಿದ್ದಾರೆ. ಶರಣ್, ಪವನ್ ಕುಮಾರ್, ರಿಷಿ ನಾಯಕರಾಗಿ ಈ ಸಿನೆಮಾದಲ್ಲಿ ನಟಿಸಲಿದ್ದಾರೆ. ನಾಯಕಿಯರಾಗಿ ಶರ್ಮಿಳಾ ಮಾಂಡ್ರೆ, ಹೊಸ ನಾಯಕಿ ಸೋನು ಆಯ್ಕೆಯಾಗಿದ್ದು ಇನ್ನು ಇಬ್ಬರು ನಾಯಕಿಯರ ತಲಾಶ್ ನಡೆದಿದೆಯಂತೆ. ಜತೆಗೇ ಈ ಸಿನೆಮಾದಲ್ಲೂ ಅನಂತನಾಗ್, ರಂಗಾಯಣರಘು ಪ್ರಮುಖ ಪಾತ್ರಗಳಲ್ಲಿ ನಟಿಸಲಿದ್ದಾರೆ.

ಅಂದಹಾಗೆ ಈ ಸಿನೆಮಾಕ್ಕೆ ಅರ್ಜುನ್ ಜನ್ಯ ಸಂಗೀತ ಸಂಯೋಜಿಸಲಿದ್ದಾರೆ. ಇದು ಜನ್ಯ ಭಟ್ಟರ ಜೊಡಿಯ ಮೊದಲ ಸಿನೆಮಾವೂ ಕೂಡ. ಉಳಿದಂತೆ ಸಾಹಿತಿ ಜಯಂತ ಕಾಯ್ಕಿಣಿ ಯವರು ಹಾಡು ಬರೆಯವುದರ ಜತೆಗೆ,‌ಸಿನೆಮಾದ ಕಥಾ ವಿಭಾಗದಲ್ಲೂ ಕೆಲಸ ಮಾಡಿದ್ದಾರೆ ಎಂದು ಭಟ್ಟರು ತಿಳಿಸಿದ್ದಾರೆ. ಹಾಗೇ ಈ ಸಿನೆಮಾ ಬಗ್ಗೆ ಬಟ್ಟರು ಪತ್ರವೊಂದನ್ನು ಬರೆದು ಮಾಹಿತಿಯನ್ನು ತಮ್ಮ ಫೇಸ್‌ಬುಕ್‌ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

ಹೀಗಿದೆ ಪತ್ರ

ಒಂದು ಪುಟ್ಟ ಪತ್ರ… ❤

Posted by Yogaraj Bhat on Saturday, 19 January 2019

Live from Gaalipata 2 launch!

Posted by Yograj Cinemas – ಯೋಗರಾಜ್ ಸಿನಿಮಾಸ್ on Friday, 18 January 2019

ಹಾರಿತು ಎರಡನೇ ಗಾಳಿಪಟ… 😍ನಿಮ್ಮೆಲ್ಲರ ಆಶೀರ್ವಾದ ನಮ್ಮ ಇಡೀ ತಂಡದ ಮೇಲಿರಲಿ 🙏#Gaalipata #OfficialPoster #PressMeet #MovieLaunch

Posted by Yogaraj Bhat on Friday, 18 January 2019

ಗಾಳಿಪಟ ಹಾರಿದ ಘಳಿಗೆ 😍

Posted by Yogaraj Bhat on Friday, 18 January 2019

ಸುದ್ದಿದಿನ.ಕಾಂ|ವಾಟ್ಸಾಪ್|9986715401

Continue Reading

ಸಿನಿ ಸುದ್ದಿ

ಜ.25ರಂದು ಶಿವಮೊಗ್ಗದಲ್ಲಿ ‘ನಟಸಾರ್ವಭೌಮ’ ಟ್ರೇಲರ್ ಬಿಡುಗಡೆ..!

Published

on

ಸುದ್ದಿದಿನ, ಡೆಸ್ಕ್ : ಇದೇ ಜನವರಿ 25 ರಂದು ನಟಸಾರ್ವಭೌಮ ಚಿತ್ರದ ಟ್ರೇಲರ್ ರನ್ನು ಅದ್ದೂರಿಯಾಗಿ ಶಿವಮೊಗ್ಗ ದಲ್ಲಿ ಬಿಡುಗಡೆ ಮಾಡಲಾಗುತ್ತಿದ್ದು, ಅದರ ಬಗ್ಗೆ ಚರ್ಚಿಸಲು ನಾಳೆ ಬೆಳಿಗ್ಗೆ 10 ಘಂಟೆಗೆ ಮಲ್ಲಿಕಾರ್ಜುನ ಚಿತ್ರಮಂದಿರದ ಹತ್ತಿರ ಸಭೆ ಸೇರಲಾಗುವುದು.

ಸಭೆಯಲ್ಲಿ ಅಭಿ ಶಿವುಅಡ್ಡ, ಪ್ರಿನ್ಸ್‌ ಮನು ಮತ್ತು
ಶಿವಮೊಗ್ಗ ದ ಟೀಮ್ ಗಳಾದ ರಾಜ್ ಡೈನಸ್ಟಿ ಶಿವಮೊಗ್ಗ(ರಿ),ಅಪ್ಪು ಅಡ್ಡ ಶಿವಮೊಗ್ಗ(ರಿ),
ಅಪ್ಪು ಯೂತ್ ಬ್ರಿಗೇಡ್ (ರಿ) ಉಪಸ್ಥಿತರಿರುತ್ತಾರೆ ಹಾಗೂ ಶಿವಮೊಗ್ಗ ರಾಜವಂಶ ಅಭಿಮಾನಿಗಳು ಬಂದು ಸಭೆಯನ್ನು ಯಶಸ್ವಿಗೊಳಿಸಬೇಕಾಗಿ ರಾಜರತ್ನ ಅಸೋಸಿಯೇಷನ್ ಶಿವಮೊಗ್ಗ ತಿಳಿಸಿದೆ.

ಸುದ್ದಿದಿನ.ಕಾಂ|ವಾಟ್ಸಾಪ್|9986715401

Continue Reading
Advertisement

Trending