Connect with us

ಸಿನಿ ಸುದ್ದಿ

ಕೊಡಗು ಸಂತ್ರಸ್ತರಿಗೆ ನೆರವಾಗೋಣ: ಕ್ರೇಜಿಸ್ಟಾರ್ ರವಿಚಂದ್ರನ್

Published

on

ಸುದ್ದಿದಿನ ಡೆಸ್ಕ್: ಸಿನಿಮಾ ನಟರ ಅಭಿಮಾನಿಗಳ ಸಂಘಟನೆಗಳು ರಾಜ್ಯದಲ್ಲಿ ನೂರಾರಿವೆ. ಅವುಗಳು ಕೇವಲ ಸಿನಿಮಾ ಪ್ರಚಾರಕ್ಕೆ ಮಾತ್ರ ಸೀಮಿತವಾಗದೆ ಅತಿವೃಷ್ಠಿ ಅನಾವೃಷ್ಟಿ, ಬರಗಾಲದಿಂದ ತತ್ತರಿಸಿದ ಪ್ರದೇಶಗಳ ದತ್ತು ಪಡೆದು ಸೇವಾ ಕಾರ್ಯ ಮಾಡಬೇಕು ಎಂದು ಅಖಿಲ ಕರ್ನಾಟಕ ಕ್ರೇಜಿಸ್ಟಾರ್ ರವಿಚಂದ್ರನ್ ಅಭಿಮಾನಿಗಳ ಸಂಘದ ರಾಜ್ಯ ಉಪಾಧ್ಯಕ್ಷ ಹಾಗೂ ದಾವಣಗೆರೆ ಜಿಲ್ಲಾಧ್ಯಕ್ಷ ಎಂ.ಮನು ಹೇಳಿದರು.

ಚಿತ್ರದುರ್ಗ ನಗರದ ದುರ್ಗದ ಸಿರಿ ಹೋಟೆಲ್‍ನಲ್ಲಿ ಹಮ್ಮಿಕೊಂಡಿದ್ದ ಅಖಿಲ ಕರ್ನಾಟಕ ಕ್ರೇಜಿಸ್ಟಾರ್ ಅಭಿಮಾನಿಗಳ ಸಂಘದ ಸಭೆಯಲ್ಲಿ ಮಾತನಾಡಿ ಕೊಡಗು ಜಿಲ್ಲೆ ಜಲಪ್ರಳಯಕ್ಕೆ ಸಿಲುಕಿದಾಗ ರವಿಚಂದ್ರನ್ ಅಭಿಮಾನಿಗಳು ತೆರಳಿ ಅವರಿಗೆ ಬೇಕಾದ ಮೂಲಸೌಲಭ್ಯಗಳನ್ನು ನೀಡಿದ್ದೆವು. ಅದು ನಮ್ಮ ಸಂಘಟನೆ ಹೆಮ್ಮೆ. ನಾವು ಕೇವಲ ಖುಷಿಯನ್ನಷ್ಟೇ ಅನುಭವಿಸದೆ ಕಷ್ಟದಲ್ಲಿರುವವರನ್ನು ಕೈ ಹಿಡಿಯಬೇಕಾದುದು ನಮ್ಮ ಕರ್ತವ್ಯ ಎಂದರು.

ಕ್ರೇಜಿಸ್ಟಾರ್ ರವಿಚಂದ್ರನ್ ಅವರು ಒಂದೆಡೆ ಹಿರಿಯ ನಟರಾಗಿದ್ದರೇ ಇನ್ನೊಂದೆಡೆ ಸದಾ ಪರಿಸರ ಜಾಗೃತಿ ಮೂಡಿಸುವ ಆಲೋಚನೆ ಹೊಂದಿದ್ಧಾರೆ, ಪ್ರಾಣಿ ಪಕ್ಷಿಗಳ ಬಗ್ಗೆ ಪ್ರೀತಿ ಹೊಂದಿದ್ದು ಅವರ ಆಶಯದಂತೆ ನಾವು ನಡೆಯೋಣ. ನಮ್ಮ ಸಂಘಟನೆಗಳ ಮೂಲದ ಜನೋಪಯೋಗಿ ಕಾರ್ಯಕ್ರಮಗಳನ್ನು ಮಾಡುತ್ತಿದ್ದು ಅದು ಸಾಮಾಜಿಕವಾಗಿ ಬೆಳೆಯಬೇಕು ಎಂದರು.

ಚಿತ್ರದುರ್ಗ ಜಿಲ್ಲಾಧ್ಯಕ್ಷ ಜೆ.ಎಸ್. ಶಂಭು ಮಾತನಾಡಿ ಚಿತ್ರದುರ್ಗ ಕೋಟೆ ಐತಿಹಾಸಿಕವಾಗಿದ್ದು ಇಲ್ಲಿ ಅನೇಕ ಸಿನಿಮಾಗಳು ಚಿತ್ರೀಕರಣವಾಗಿವೆ ರವಿಚಂದ್ರನ್ ಸಾರಥ್ಯದಲ್ಲಿ ಪಡ್ಡೆಹುಲಿ ಸಿನಿಮಾ ಚಿತ್ರಿಕರಣವಾಗತ್ತಿದ್ದು ಮತ್ತು ಇದಕ್ಕಾಗಿ ಕೋಟೆಯನ್ನು ಕನ್ನಡದ ಬಾವುಟಗಳಿಂದ ಸಿಂಗಾರ ಮಾಡಿದ್ದು ಈ ಮೂಲಕ ಚಿತ್ರದುರ್ಗದ ಕೋಟೆ ನಾಡಿನ ಜನ ನೋಡುವಂತಾಗುತ್ತಿದೆ ಎಂದರು.

ಕರ್ನಾಟಕ ಯುವ ಪರಿಷತ್ತು ಅಧ್ಯಕ್ಷ ಮಾಲತೇಶ್ ಅರಸ್ ಮಾತನಾಡಿ ಇಂದು ಚಿತ್ರದುರ್ಗ ಜಿಲ್ಲೆಯಲ್ಲಿ ಮಳೆ ಇಲ್ಲದೆ ಬರ ಎದ್ದು ಕಾಣುತ್ತಿದೆ, ರೈತರು ಬೆಳೆ ಇಲ್ಲದೆ ಕಂಗಾಲಾಗಿದ್ದಾರೆ. 4 ತಾಲೂಕುಗಳನ್ನ ಮಾತ್ರ ಬರಕ್ಕೆ ಸೇರ್ಪಡೆ ಮಾಡಿದ್ದು ಇಂತಹ ವೇಳೆ ಜಿಲ್ಲೆಯ ಎಲ್ಲಾ ಸಂಘಟನೆಗಳು ಅದರಲ್ಲೂ ಸಿನಿಮಾ ನಟರ ಅಭಿಮಾನಿ ಸಂಘಟನೆಗಳು ಚಿತ್ರದುರ್ಗ ಜಿಲ್ಲೆಯನ್ನು ಪೂರ್ಣ ಬರ ಪೀಡಿತ ಜಿಲ್ಲೆ ಎಂದು ಘೋಷಣೆ ಮಾಡಲು ಸರಕಾರದ ಮೇಲೆ ಒತ್ತಡ ಹಾಕ ಬೇಕಿದೆ ಎಂದರು.

ಈ ಸಂದರ್ಭದಲ್ಲಿ ಖ್ಯಾತನಟ ರವಿಚಂದ್ರನ್ ಅವರನ್ನು ಇದೇ ವೇಳೆ ಚಿತ್ರದುರ್ಗ ಜಿಲ್ಲಾ ಘಟಕದಿಂದ ಸನ್ಮಾನಿಸಲಾಯಿತು. ಪಡ್ಡೆಹುಲಿ ಸಿನಿಮಾ ನಿರ್ಮಾಪಕ ಕೆ.ಮಂಜು, ಚಿತ್ರದುರ್ಗ ಸದಸ್ಯರಾದ ಸಂದೀಪ್, ಕುಮಾರ್, ದಾವಣಗೆರೆ ಮಾಲಾ ಹನುಮಂತಪ್ಪ, ಮಂಜುಳ, ಗೀತಾ, ಕರ್ನಾಟಕ ಯುವ ಪರಿಷತ್ತು ಪಧಾದಿಕಾರಿಗಳು ಅಖಿಲ ಕರ್ನಾಟಕ ಕ್ರೇಜಿಸ್ಟಾರ್ ರವಿಚಂದ್ರನ್ ಅಭಿಮಾನಿಗಳ ದಾವಣಗೆರೆ ಹಾಗೂ ಚಿತ್ರದುರ್ಗ ಜಿಲ್ಲಾ ಘಟಕದ ಪದಾಧಿಕಾರಿಗಳು ಭಾಗವಹಿಸಿದ್ದರು.

ಪೊಟೋ: ಖ್ಯಾತನಟ ಕ್ರೇಜಿಸ್ಟಾರ್ ವಿ.ರವಿಚಂದ್ರನ್ ಅವರನ್ನು ಚಿತ್ರದುರ್ಗ ಜಿಲ್ಲಾ ಘಟಕದಿಂದ ಸನ್ಮಾನಿಸಲಾಯಿತು. ಪಡ್ಡೆಹುಲಿ ಸಿನಿಮಾ ನಿರ್ಮಾಪಕ ಕೆ.ಮಂಜು, ದಾವಣಗೆರೆ ಜಿಲ್ಲಾಧ್ಯಕ್ಷ ಮನು, ಚಿತ್ರದುರ್ಗ ಜಿಲ್ಲಾಧ್ಯಕ್ಷ ಜೆ.ಎಸ್. ಶಂಭು, ಕರ್ನಾಟಕ ಯುವ ಪರಿಷತ್ತು ಅಧ್ಯಕ್ಷ ಮಾಲತೇಶ್ ಅರಸ್ ಇದ್ದರು.

ಸುದ್ದಿದಿನ.ಕಾಂ|ವಾಟ್ಸಾಪ್|9986715401

ಸಿನಿ ಸುದ್ದಿ

‘ಮಲೈಕಾ v/s ದೀಪಿಕಾ’ ಯಾರು ಹಿತವರು ನಮಗೆ..?

Published

on

ಟೈಟಲ್ ನೋಡಿ ಯಾಮಾರಬೇಡಿ ಸ್ವಾಮಿ. ಇದು ಬಾಲಿವುಡ್ ಬೆಡಗಿಯರ ಕ್ಯಾಟ್ ಫೈಟ್ ಗೆ ಸಂಬಂಧಿಸಿದ ಲೇಖನ ಅಲ್ಲ. ಮುಂಬೈ ನಾ ಸೋನಮ್ ಕಪೂರ್ ರ ಬರ್ತಡೇ ಪಾರ್ಟಿ ಗೆ ತನ್ನ ಗೆಳೆಯ ಅರ್ಜುನ್ ಕಪೂರ್ ರೊಂದಿಗೆ ಬಂದ ಮಲೈಕ  ಕಂಗೊಳಿಸಿದ್ದು, ಪ್ರಸಿದ್ಧ ಬಾಲಿವುಡ್ ಫ್ಯಾಷನ್ ಡಿಸೈನರ್ ರೋಹಿತ್ ಬಾಲ್ ರವರ ಆರು ಗಜದ ಶ್ವೇತಾ ವರ್ಣದ  ಸುವರ್ಣ ಗುಲ್ದಸ್ಥಾ ಸೀರೆ ಯಲ್ಲಿ. ರೆಡ್ಲಿಪ್ಸ್, ಲೂಸ್ ಹೇರ್ ಬನ್, ರೆಡ್ ಕ್ಲಚ್ನ ಕಾಂಬಿನೇಷನ್ ನಲ್ಲಿ  ವಜ್ರದ ಪುತ್ಥಳಿ ಯಂತೆ ಮಿಂಚಿದರು ಮಲೈಕಾ.

ವಿಷಯ ಇಷ್ಟೇ ಆಗಿದ್ದರೆ, ಫ್ಯಾಷನ್ ಕ್ರಿಟಿಕ್ಸ್ ಗಳ ಬಾಯಿಗೆ ಆಹಾರ ವಾಗುತ್ತಿರಲಿಲ್ಲ.. ಈ ಹಿಂದೆ ದಿಪಿಕಾ ಪಡುಕೋಣೆ ಸಹ ರೋಹಿತ್ ಬಾಲ್ ರ ಇದೇ ಶ್ವೇತ ವರ್ಣದ ಗುಲ್ದಸ್ಥಾ ಸೀರೆಯನ್ನು ರಣವೀರ್ ಸಿಂಗ್ ರ ಸಂಬಂಧಿಕರ ಮದುವೆಗೆ ಧರಿಸಿದ್ದು, ದೀಪಿಕಾ ರ ಸ್ಟೈಲ್ ಕಾಪಿ ಮಾಡಿದರಾ ಮಲೈಕಾ ಎಂಬ ಗುಸುಗುಸು ಫ್ಯಾಷನ್ ಲೋಕದಲ್ಲಿ ಎದ್ದಿದೆ.

ಅಂದಹಾಗೆ ಭಾರೀ ಚರ್ಚೆಗೆ ಗ್ರಾಸವಾಗಿರುವ ಈ ಸೀರೆಯ ಬೆಲೆ ಬರೋಬ್ಬರಿ ಒಂದುವರೆ ಲಕ್ಷ! ಇಬ್ಬರೂ ಶ್ವೇತಾಂಬರಿಯರಲ್ಲಿ ಯಾರು ಈ ದುಬಾರಿ ಸೀರೆಯಲ್ಲಿ ಹೆಚ್ಚು ಸ್ಟೈಲಿಶ್ ಆಗಿ ಕಂಡರು ಎಂಬುದನ್ನು ಕಾಮೆಂಟ್ ಮಾಡಿ.

ಚಿತ್ರಶ್ರೀ ಹರ್ಷ

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ಸಿನಿ ಸುದ್ದಿ

ಸಲ್ಲು ಭಾಯ್ ಯಶಸ್ಸಿನ ಕಿರೀಟಕ್ಕೆ ಮತ್ತೊಂದು ಗರಿ ‘ಭಾರತ್’..!

Published

on

ಕಳೆದ ವಾರ ಈದ್ ಗೆ ಬಿಡುಗಡೆ ಗೊಂದ ಸಲ್ಲು ಭಾಯ್ ರ ಬಹುನಿರೀಕ್ಷಿತ ಚಿತ್ರ “ಭಾರತ್” , ಬಿಡುಗಡೆಯಾದ ಮೂರೇ ದಿನಕ್ಕೆ ನೂರರ ಕ್ಲಬ್ ಸೇರಿದೆ. ಮೂರನೇ ದಿನವೇ 103 ಕೋಟಿ ರೂಗಳನ್ನುಗಳಿಸಿದ್ದು ಭರ್ಜರಿ ಓಪನಿಂಗ್ ಪಡೆದಿದೆ‌. ಸಲ್ಮಾನ್ ಖಾನ್, ಕತ್ರಿನಾ ಕೈಫ್ ರ ಪ್ರೇಮ ಕಹಾನಿ ದಿಲ್ ಖುಷ್ ಮಾಡಿದರೆ,  ಸುನೀಲ್ ಗ್ರೋವರ್ ರ ಅಧ್ಬುತ ಕಾಮಿಡಿ ಮತ್ತು ಸಲ್ಲು-ಸುನೀಲ್ ರ ಜುಗಲ್ ಬಂದಿ ಸೂಪರ್ ಕೂಲ್ ಎನಿಸುತ್ತದೆ.

ಅಲಿ  ಅಬ್ಬಾಸ್ ಜಾಫರ್  ನಿರ್ದೇಶಿಸಿರುವ, ದೊಡ್ಡ ತಾರಾಗಣ ಒಳಗೊಂಡಿರುವ ಈ ಚಿತ್ರದಲ್ಲಿ ಜಾಕಿ ಶ್ರಾಫ್, ವಿದ್ಯಾ ಬಾಲನ್, ನೂರ್ ಫತೇಹಲಿ ಖಾನ್, ದಿಶಾ ಪಟಾಣಿ, ಸೇರಿದಂತೆ ಹಲವಾರು ತಾರೆಯರು ಮುಖ್ಯ ಭೂಮಿಕೆಯಲ್ಲಿ ಇದ್ದಾರೆ.

ತಂದೆ ಗೆ ತಕ್ಕ ಜವಾಬ್ದಾರಿ ಯುತ ಮಗನಾಗಿ, ಸಲ್ಮಾನ್ ಖಾನ್ ರ ಅಮೋಘ ಅಭಿನಯ ಮನಸ್ಸಿಗೆ ಮುದ ನೀಡುತ್ತದೆ.70 ರ ವೃದ್ಧನಾಗಿ ತನ್ನ ಜೀವನಗಾಥೆಯನ್ನ ಮೊಮ್ಮಕ್ಕಳೊಂದಿಗೆ ಹಂಚಿಕೊಳ್ಳುವುದರಿಂದ ಶುರುವಾಗುವ ಚಿತ್ರ, ಮುಂದೆ  ಭಾರತ-ಪಾಕ್ ಗಡಿಯ ವಿಭಜನೆ ಸಮಯದ ಜನರ ನೋವು, ಕುಟುಂಬಗಳ ಮಾರಣ ಹೋಮ, ಇವೆಲ್ಲವೂ ಮನಸ್ಸಿಗೆ ನೇರವಾಗಿ ನಾಟುವಂತೆ ಚಿತ್ರಿಸಲಾಗಿದೆ.

ಹಿಂದ್ ರಾಷನ್ ಶಾಪ್ ಗಾಡಿ ಏನೆಲ್ಲಾ ಕಷ್ಟಗಳನ್ನು ಅನುಭವಿಸಬೇಕಾಗುವ ನಾಯಕ ಭಾರತ್,  ಕೂದಲೆಳೆಯ ಮೇಲೆ ಸಾಗುವ ಕಥಾಹಂದರ ಕ್ಕೆ ಸಲ್ಮಾನ್ ಖಾನ್ ರ ಅಭಿನಯವೇ ಕಥಾನಾಯಕ. 2010ರಲ್ಲಿ ಶುರುವಾಗುವ ಕಥೆ,1947,  1960 ಮತ್ತು 90ರ ದಶಕಕ್ಕೆ ಕೊಂಡೊಯ್ಯುತ್ತದೆ.

ಆಕ್ಷನ್ ಸೆಂಟಿಮೆಂಟ್ ರೊಮ್ಯಾನ್ಸ್,  ಭರಿತ ಭಾರತ್ ಪ್ರೇಕ್ಷಕರ ಮೆಚ್ಚುಗೆಗೆ ಪಾತ್ರವಾಗಿದ್ದು,ಸಲ್ಲು ಫಾನ್ಸ್ ಗೆ ರಸದೌತಣ ಉಣಬಡಿಸಿದೆ ಭಾರತ್. ನೂರ್ ಮತ್ತು ದಿಶಾ ರ ಎಂಟ್ರಿ ಪಡ್ಡೆ ಗಳ ಹಾರ್ಟಿಗೆ ಕಿಚ್ಚು ಹೆಚ್ಚಿಸಿದರೆ, ಕತ್ರಿನಾ ತಮ್ಮ ಎಂದಿನ ಅಭಿನಯದಿಂದ”ಮೇಡಮ್ ಸಾರ್” ಆಗಿ ನೆನಪಿನಲ್ಲಿ ಉಳಿಯುತ್ತಾರೆ. ದಿಶಾ ಪಟಾಣಿ ಯು “ಸ್ಲೋ ಮೋಷನ್” ಹಾಡು ಈ ವರ್ಷದ ಸೂಪರ್ ಹಿಟ್ ಹಾಡುಗಳ ಪಟ್ಟಿ ಸೇರಿದೆ.

ವಿಶಾಲ್-ಶೇಖರ್ ರೈ ಸಂಗೀತ ನಿರ್ದೇಶನ ದಿಲ್ಲಿ ಮೂಡಿಬಂದಿರುವ ಭಾರತ್ ಚಿತ್ರ ದ ಹಾಡುಗಳು ಈಗಾಗಲೇ ಬಾಲಿವುಡ್ ಹಾಡುಗಳ ಪಟ್ಟಿಯಲ್ಲಿ ಅಗ್ರಸ್ಥಾನ ಪಡೆದಿದೆ. ಸಲ್ಮಾನ್ ಖಾನ್ ರ ಯಶಸ್ಸಿನ ಕಿರೀಟಕ್ಕೆ ಭಾರತ್ ಮತ್ತೊಂದು ಗರಿ.

ಚಿತ್ರಶ್ರೀ ಹರ್ಷ

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ಸಿನಿ ಸುದ್ದಿ

‘ಪೈಲ್ವಾನ್’​ ಪೋಸ್ಟರ್ ರಿಲೀಸ್ ; ಕಿಚ್ಚನ ರಗಡ್ ಲುಕ್‌ಗೆ ಅಭಿಮಾನಿಗಳು ಫಿದಾ..!

Published

on

ಸುದ್ದಿದಿನ, ಬೆಂಗಳೂರು : ಕಿಚ್ಚ ಸುದೀಪ್​ ನಟನೆಯ ಬಹು ನಿರೀಕ್ಷಿತ ‘ಪೈಲ್ವಾನ್’​ ಚಿತ್ರದ ಪೋಸ್ಟರ್​ ರಿಲೀಸ್​ ಆಗಿದೆ. ಅದ್ಧೂರಿಯಾಗಿ ನಿರ್ಮಾಣವಾಗಿರುವ ಚಿತ್ರ, ಕನ್ನಡ ಸೇರಿದಂತೆ ಹಲವು ಭಾಷೆಗಳಲ್ಲಿ ವಿಶ್ವದಾದ್ಯಂತ ಬಿಡುಗಡೆಯಾಗಲಿದೆ. ​ಸದ್ಯ ಚಿತ್ರತಂಡ, ಚಿತ್ರದ ಮತ್ತೊಂದು ಪೋಸ್ಟರ್​ ಬಿಡುಗಡೆ ಮಾಡುವ ಮೂಲಕ ಚಿತ್ರದ ಮೇಲಿನ ನಿರೀಕ್ಷೆಯನ್ನು ಮತ್ತಷ್ಟು ಹೆಚ್ಚಿಸಿದೆ.

ವಿಶೇಷ ಅಂದ್ರೆ, ತೆಲುಗು, ತಮಿಳು, ಮಲಯಾಳಂ, ಹಿಂದಿ ಭಾಷೆಯಲ್ಲಿ ಚಿತ್ರದ ಪೋಸ್ಟರ್​ಗಳು ಬಿಡುಗಡೆಯಾಗಿವೆ. ಇನ್ನೂ ಚಿರಂಜೀವಿ, ವಿಜಯ್​ ಸೇತುಪತಿ, ಮೋಹನ್​ಲಾಲ್​, ಸುನೀಲ್​ ಶೆಟ್ಟಿ ಚಿತ್ರದ ಪೋಸ್ಟರ್​ಗಳನ್ನು ಬಿಡುಗಡೆ ಮಾಡಿ ಚಿತ್ರ ತಂಡಕ್ಕೆ ವಿಶ್​ ಮಾಡಿದ್ದಾರೆ. ಇನ್ನು, ಈ ಚಿತ್ರಕ್ಕೆ ಕೃಷ್ಣ ನಿರ್ದೇಶನವಿದ್ದು, ಅರ್ಜುನ್​ ಜನ್ಯ ಸಂಗೀತ ಸಂಯೋಜನೆ ಮಾಡಿದ್ದಾರೆ.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading
Advertisement

Trending