Connect with us

ಸಿನಿ ಸುದ್ದಿ

ಆತ 38 ವರ್ಷದ ಬಾಲಕ; ಹೆಸರು ‘ಪಾಆ ಪಾಆ’..!

Published

on

  • ಸಿದ್ದು ಸತ್ಯಣ್ಣನವರ್

ತನ ಎತ್ತರ ತೀರಾ ಕಡಿಮೆ. ಎಷ್ಟು ಕಡಿಮೆಯೆಂದರೆ ಹೆಂಡತಿ ಪಕ್ಕ ನಿಂತರೆ, ಆಕೆಯ ಸೊಂಟಕ್ಕೆ ಬರುವಷ್ಟು. ಮುಖದಲ್ಲಿನ ವಯಸ್ಸೋ ಅದು ಎದ್ದು ಕಾಣುವುದಿಲ್ಲ. ಪಚಡಿ ಮೂಗು, ಕುಬ್ಜ ದೇಹ, ಗುಂಗುರು ಕೂದಲು, ಬಟ್ಟಲು ಕಣ್ಣು. ಅಗಲವಾದ ಮುಖದ ಈತನನ್ನ ಕಂಡರೆ ಜನ ಈಗಲೂ ಮಗು ಅಂತಲೇ ತಿಳೀತಾರೆ. ಆತ ನೈಜೀರಿಯಾದ ನಟ. ಆಫ್ರಿಕಾ ಖಂಡದ ಜನ ಆತ ನಿರ್ವಹಿಸಿದ ಪಾತ್ರವೊಂದನ್ನು ಎಷ್ಟು ಪ್ರೀತಿಸುತ್ತಾರೆಂದರೆ, ಆತನ ನಿಜನಾಮವೇ ಮರೆತು ಹೋಗುವಷ್ಟು. ಆತ ನಿರ್ವಹಿಸಿದ ಅಂತಹ ಪಾತ್ರದ ಹೆಸರು ‘ಪಾಆ ಪಾಆ‘ (Paw Paw). 2003 ರಲ್ಲಿ ಬಂದಿದ್ದ ಸಿನಿಮಾ ಅದು.

ಮೆಮೆ ಪ್ರಿಯರಿಗೆ ನಿಮಗೆ ‘ಒಶೀತಾ ಇಹೇಮಿ‘ ಗೊತ್ತಾ? ಎಂದು ಕೇಳಿ ನೋಡಿ. ಅವರು ಖಂಡಿತ ಇಲ್ಲ ಅಂತಲೇ ಉತ್ತರಿಸುತ್ತಾರೆ. ಅದೇ ಆ ಹೆಸರಿನ ವ್ಯಕ್ತಿ ಫೋಟೋ ತೋರಿಸಿದರೆ ಸಾಕು. ಖಂಡಿತ ಆಶ್ಚರ್ಯಚಕಿತರಾಗುತ್ತಾರೆ‌. ಆತನ ಹೆಸರು ಅದಾ!? ಎಂದು ಅಚ್ಚರಿಯಿಂದ ಮರುಕ್ಷಣದಲ್ಲೇ ಥಟ್ಟನೇ ನಗುತ್ತಾ ಮರುಪ್ರಶ್ನಿಸುತ್ತಾರೆ. ವಿಶ್ವದಾದ್ಯಂತ ಮೆಮೆ ಮೇಕರ್ಸ್ ಗೆ ಮತ್ತು ಮೆಮೇಸ್ ಪ್ರಿಯರಿಗೆ ಅಷ್ಟು ಹತ್ತಿರವಾದ ಹಿರಿಮೆ ‘ಒಶೀತಾ ಇಹೇಮಿ’ಯದ್ದು.

ಮತ್ತೊಂದು ಮಜವೆಂದರೆ ಈತ ಇದುವರೆಗೆ 160ಕ್ಕಿಂತ ಹೆಚ್ಚು ನೈಜಿರೀಯಾ, ಆಫ್ರಿಕಾ ಸಿನೇಮಾಗಳಲ್ಲಿ ನಟಿಸಿದ್ದಾನೆ.‌ ಈತ ಅಭಿನಯಿಸಿದ ದೃಶ್ಯಗಳು ಒಂದಲ್ಲಾ ಒಂದು ಬಗೆಯಲ್ಲಿ ಜಗತ್ತಿನ ಮೆಮೆ ಮೇಕರ್ಸ್ ಗೆ ದೊಡ್ಡ ಸರಕು. ಟ್ವೀಟ್ಟರ್ ಮತ್ತು ಫೇಸ್ಬುಕ್ ನಲ್ಲಿ ಅಶ್ಲೀಲವಲ್ಲದ, ನಗು ಉಕ್ಕಿಸುವಂತಹ 10 ಅಂತರಾಷ್ಟ್ರೀಯ ಮೆಮೇಸ್ ಗಳನ್ನು ನೀವು ಗಂಭೀರವಾಗಿ ಗಮನಿಸಿ ನೋಡಿ. ಅದರಲ್ಲಿ ಅರ್ಧಕ್ಕಿಂತ ಹೆಚ್ಚಿನದರಲ್ಲಿ ‘ಪಾಆ ಪಾಆ’ ಇರ್ತಾನೆ. ಜೊತೆಗೆ ನೈಜೀರಿಯಾದ ಅತೀ ಶ್ರೀಮಂತ ನಟರಲ್ಲಿ ಈತನ ಹೆಸರೂ ಇದೆ ಎಂದರೆ ನಂಬಲೇಬೇಕು.

21 ವಯಸ್ಸಿನವನಿದ್ದಾಗ ಈತ ನಿರ್ವಹಿಸಿದ್ದು ಸಣ್ಣ ಮಕ್ಕಳ ಪಾತ್ರಗಳನ್ನು. ಕುಳ್ಳ. ಮುಖದ ಮೇಲೆ ವಯಸ್ಸಿನ ಗೆರೆ ಕಾಣದ್ದೇ ಈತನಿಗೆ ದೊಡ್ಡ ವರವಾಯಿತು. ‘Aki na Ukwa’ ಸಿನೇಮಾ ಅನಂತರವೂ ಈತ ಅದೆಷ್ಟೋ ಸಿನಿಮಾಗಳಲ್ಲಿ ಬಾಲಕನ ಪಾತ್ರಗಳಲ್ಲೇ ನಟಿಸಿದ್ದು ಉಂಟು. ಆನಂತರ ತಿರುಗಿ ನೋಡಲಿಲ್ಲ.

ಒಶೀತಾ ಈಗ ಬರೀ ನೈಜೀರಿಯಾ ಅಲ್ಲ, ಆಫ್ರಿಕಾದ ಜೋಹಾನ್ಸಬರ್ಗ್, ಕೇಪ್ ಟೌನ್ ನಂತಹ ನಗರಗಳಲ್ಲದೆ, ನೈಜೀರಿಯಾ, ಉಗಾಂಡ, ಕೀನ್ಯಾ, ಬರ್ಮುಡಾ ದೇಶಗಳ ಯಾವುದೇ ಮಹಾನಗರಗಳಿಗೆ ಹೋದರೂ ಸಾಕು, ಈತನನ್ನು ಸಾವಿರಾರು ಜನ ಮುತ್ತಿಕೊಳ್ಳುತ್ತಾರೆ. ಅಭಿಮಾನ ತೋರುತ್ತಾರೆ. ತನ್ನದೇ ಪಯಣದ ಕುರಿತು ಈತ ಬರೆದ ‘ಇನ್ ಸ್ಪೈರ್ಡ್ 101’ ಎಂಬ ಕೃತಿ ಸಹ ಬಲು ಪ್ರಸಿದ್ಧ.

ಕೇವಲ ವಯಸ್ಸು ಮುಖದ ಮೇಲೆ ಕಾಣಿಸಲ್ಲ ಎಂಬ ಕಾರಣಕ್ಕೆ ಅವಕಾಶ ಈತನಿಗೆ ಸಿಕ್ಕಿತ್ತು. ಸಿಕ್ಕ ಅವಕಾಶವನ್ನು ಈತ ಬಳಸಿಕೊಂಡ ರೀತಿ ಅರಿವಾಗಬೇಕೆಂದರೆ ಒಂದು ಸಲ ಈತನಿರುವ ಮೆಮೆಗಳ ಮೇಲೆ ಕಣ್ಣು ಹಾಯಿಸಿ. ಯೂಟೂಬಿನಲ್ಲಿ ‘Aki na Ukwa’ ಎಂದು ಟೈಪ್ ಮಾಡಿದರೂ ಸಾಕು ಈತನ ಹಲವಾರು ವಿಡಿಯೋ ತೆರೆದುಕೊಳ್ಳುತ್ತವೆ. ನೈಜೀರಿಯಾ ಬಡರಾಷ್ಟ್ರವಿರಬಹುದು. ಆದರೆ, ಅಂತಹ ರಾಷ್ಟ್ರದಲ್ಲಿ ಈತನಿಗಿರುವ ಫ್ಯಾನ್ ಫಾಲೋವಿಂಗ್ ನಿಜಕ್ಕೂ ದಿಗಿಲುಗೊಳಿಸುವಂಥದ್ದು.

ಮೆಮೇಸ್ ಮೇಕಿಂಗ್. ಸೋಶಿಯಲ್ ಮೀಡಿಯಾಗಳು ಬೆಳೆದಂತೆ ಅದೂ ಒಂದು ಬಗೆಯ ಪ್ರತಿಭೆಯೆಂದೇ ಪರಿಗಣನೆಗೊಳಪಟ್ಟದ್ದು ಹಳೇ ಸಂಗತಿ. ನಮ್ಮಲ್ಲಿ ಅದು ಬೇರೆಯದೇ ಮಾತು. ಆದರೆ ಅಂತಹ ಮೆಮೆಗಳಿಂದಲೇ ಈ ‘ಪಾಆ ಪಾಆ’ ವಿಶ್ವ ಪ್ರಸಿದ್ಧನಾಗಿರುವುದು ಒಂದು ಬಗೆಯ ಮಾತಾದರೆ, ಈತನ ಸಂದರ್ಭೋಚಿತ ನಟನೆಯನ್ನೇ ಬಳಸಿಕೊಂಡು ಎಷ್ಟೋ ಮೆಮೆ ಮೇಕರ್ಸ್ ಪೇಜ್ ವಿಶ್ವದಾದ್ಯಂತ ಹೆಸರುವಾಸಿಯಾದವು ಎಂದರೆ ಅತಿಶಯೋಕ್ತಿ ಎನಿಸಲಾರದು.

‘ಪಾಆ ಪಾಆ’ ನಟಿಸಿದ ಯಾವುದೋ ಸೀನ್ ಯಾವುದೋ ಮೆಮೆಗೆ ಹೊಂದಿಕೆಯಾಗೇ ಆಗುತ್ತದೆ ಎಂಬಷ್ಟು ನಿಖರತೆ ಇರುವಂತಹ ದೃಶ್ಯಗಳಲ್ಲಿ ಈತ ಅಭಿನಯಿಸಿದ್ದಾನೆ. ಅದೂ ಆತನ ಅದೃಷ್ಟವೂ ಇರಬಹುದು. ಹಾಗಂತ ಆತನ ನಟನಾ ಕೌಶಲ್ಯ ಅಲ್ಲಗಳೆಯಲಾಗದಂಥದ್ದು. ತನ್ನ ಎತ್ತರವನ್ನು ಎಂದೂ ಹಿನ್ನಡೆ ಅಂದುಕೊಳ್ಳದ ಇಹೇಮಿ ಇಂದು ಕೋಟ್ಯಾಂತರ ಆಫ್ರಿಕಾ ಖಂಡದ ಯುವಕರ ಆಶಾಕಿರಣ.

2003ರಲ್ಲಿ ಈತ ನಟಿಸಿದ ‘Aki na Ukwa’ ಎಂಬ ಸಿನಿಮಾದಿಂದ ಈತನ ದೆಸೆಯೇ ಬದಲಾಯಿತು. ಈ ಸಿನೇಮಾದ ಜನಪ್ರಿಯತೆ ಈತನನ್ನ 2007ರಲ್ಲಿ ಆಫ್ರಿಕಾ ಮತ್ತು ನೈಜೀರಿಯಾದ ಯುವಕರ ಸಾಂಸ್ಕೃತಿಕ ಏಳಿಗೆಗಾಗಿ ‘Inspired movement africa’ ಎಂಬ ಸಂಘಟನೆ ಸ್ಥಾಪಿಸುವಂತೆ ಮಾಡಿತು. 2011 ರಲ್ಲಿ ನೈಜೀರಿಯಾ ಸರ್ಕಾರ ಈತನಿಗೆ ತನ್ನ ಅತ್ಯುನ್ನತ ಗೌರವ ‘ಆರ್ಡರ್ ಆಫ್ ದಿ ಫೆಡರಲ್ ರಿಪಬ್ಲಿಕ್’ ಎಂಬ ಗೌರವವನ್ನು ಸಹ ನೀಡಿತು.

ಕಂಫ್ಯೂಟರ್ ಸೈನ್ಸ್ ಜೊತೆಗೆ ಈತ ರಂಗಭೂಮಿ ಪದವೀಧರನೂ ಹೌದು. ಆದರೆ, ಅದನ್ನು ಆತ ಬಹಿರಂಗವಾಗಿ ಹೇಳಿಕೊಂಡರೂ ಎಷ್ಟೋ ವರದಿಗಳಲ್ಲಿ ಅದು ಕಂಡು ಬರುವುದೇ ಇಲ್ಲ. ನಿಮ್ಮ ಯಾವುದೇ ತೊಂದರೆ; ಟೆನ್ಷನ್ ಇರಲಿ. ನೀವೊಮ್ಮೆ ಕುತೂಹಲಿಗಳಾದರೆ ‘ಪಾಆ ಪಾಆ’ ನಿಮ್ಮನ್ನು ಸಾಕಷ್ಟು ನಗಿಸಬಲ್ಲ, ಕುಣಿಸಬಲ್ಲ. ಯಾವಾಗಲಾದರೂ ಆತನ ಮೆಮೆ ಕಂಡರೆ ಗಂಭೀರವಾಗಿ ಆತನ ಆಂಗಿಕ ಅಭಿನಯ ಹಾಗೂ ಮಾತನಾಡುವ ಶೈಲಿ ಗಮನಿಸಿ. ಖಂಡಿತ ಖುಷಿಯಾಗುತ್ತಿರಿ! ಅಷ್ಟನ್ನಂತೂ ಹೇಳಬಲ್ಲೆ.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Advertisement

ದಿನದ ಸುದ್ದಿ

ಚಿರು ಅಗಲಿ‌ ಇಂದಿಗೆ ಒಂದು ತಿಂಗಳು : ಪೂಜೆ ಸಲ್ಲಿಸಿ ಕಣ್ಣೀರಿಟ್ಟ ಕುಟುಂಬ

Published

on

ಸುದ್ದಿದಿನ,ಬೆಂಗಳೂರು: ಸ್ಯಾಂಡಲ್‍ವುಡ್ ನಟ ಚಿರಂಜೀವಿ ಸರ್ಜಾ ದೈಹಿಕವಾಗಿ ದೂರವಾಗಿ ಬುಧವಾರಕ್ಕೆ ಒಂದು ತಿಂಗಳು ಆಗಲಿದೆ. ಈ ಹಿನ್ನೆಲೆಯಲ್ಲಿ ಕುಟುಂಬ ಸದಸ್ಯರು ಕನಕಪುರದ ನೆಲಗುಳಿಯ ಫಾರ್ಮ್ ಹೌಸ್‍ಗೆ ಭೇಟಿ ಕೊಟ್ಟಿದ್ದಾರೆ.

ಚಿರಂಜೀವಿ ಸರ್ಜಾ ಅವರು ಜೂನ್ 7 ರಂದು ಹೃದಯಾಘಾತವಾಗಿ ಮೃತಪಟ್ಟಿದ್ದರು. ಸಹೋದರ ಧ್ರುವ ಸರ್ಜಾ ತಮ್ಮ ಆಸೆಯಂತೆ ಅಣ್ಣ ಚಿರಂಜೀವಿಯ ಅಂತ್ಯಕ್ರಿಯೆಯನ್ನು ಕನಕಪುರದಲ್ಲಿರುವ ನೆಲಗುಳಿಯ ಬೃಂದಾವನ ಫಾರ್ಮ್ ಹೌಸ್‍ನಲ್ಲಿ ನೆರವೇರಿಸಿದ್ದರು. ಚಿರಂಜೀವಿ ಸರ್ಜಾ ಅವರು ದೈಹಿಕವಾಗಿ ದೂರವಾಗಿ ಜುಲೈ 7ಕ್ಕೆ ಒಂದು ತಿಂಗಳು ಕಳೆಯಲಿದೆ.

ಇಂದೇ ಕುಟುಂಬ ಸದಸ್ಯರು ಫಾರ್ಮ್ ಹೌಸ್‍ಗೆ ಭೇಟಿ ಕೊಟ್ಟು ಚಿರಂಜೀವಿ ಸರ್ಜಾ ತಿಂಗಳ ಕಾರ್ಯ ಮಾಡಿದ್ದಾರೆ. ಚಿರು ಸಮಾಧಿ ಗೆ ಸೋದರ ಧ್ರುವ ಸರ್ಜಾ ಪೂಜೆ ಸಲ್ಲಿಸಿದ್ದಾರೆ. ಅಲ್ಲದೇ ಅರ್ಜುನ್ ಸರ್ಜಾ, ಮೇಘನಾ ರಾಜ್, ಚಿರು ಅಪ್ಪ, ಅಮ್ಮ ಪೂಜೆಯಲ್ಲಿ ಭಾಗಿಯಾಗಿದ್ದರು. ಈ ವೇಳೆ ಚಿರಂಜೀವಿ ಸರ್ಜಾ ಅವರನ್ನು ನೆನೆದು ಕುಟುಂಬ ಸದಸ್ಯರು ಕಣ್ಣೀರಿಟ್ಟಿದ್ದಾರೆ.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ಸಿನಿ ಸುದ್ದಿ

ಕರುನಾಡ ಚಕ್ರವರ್ತಿಯ ‘ಆನಂದ್’ ಗೆ 34 ವರ್ಷಗಳ ಸಂಭ್ರಮ

Published

on

ಸುದ್ದಿದಿನ ಡೆಸ್ಕ್ : ಮೊದಲ ಚಿತ್ರದಲ್ಲೇ ಕರ್ನಾಟಕ ಜನಮನಗೆದ್ದು ಅಣ್ಣಾವ್ರ ಮಗನಾದರೂ ಸಹ ಅದರ ಹಂಗಿಲ್ಲದೆ ತನ್ನದೇ ಆದ ಛಾಪು ಮೂಡಿಸಿ ಅಂದಿನ ಕಾಲದಲ್ಲೇ ಅಡ್ವಾನ್ಸ್ ಬುಕ್ಕಿಂಗ್ ಮಾಡಿಸಿಕೊಂಡು ಹೆಣ್ಣು ಮಕ್ಕಳ ಹೃದಯ ಕದ್ದು ಗಂಡೈಕ್ಳ ಎದೆಯೊಳಗೆ ಅಚ್ಚೆ ಹಾಕಿಸಿಕೊಂಡ ನಾಟ್ಯ ಚಕ್ರವರ್ತಿ ,ಕರುನಾಡ ಚಕ್ರವರ್ತಿ ಡಾ.ಶಿವರಾಜಕುಮಾರ್ ಎಂಬ ಅಪ್ಪಟ ದೇಶೀ ಪ್ರತಿಭೆ ಅಭಿನಯಿಸಿದ ಪ್ರಪ್ರಥಮ ಚಿತ್ರ ಆನಂದ್ ಗೆ 34 ವರ್ಷಗಳ ಸಂಭ್ರಮ. ಮನೆಲಿ ,ಆಫೀಸಲ್ಲಿ ಫ್ರೀ ಇದ್ರೆ ಈ ಸಿನಿಮಾನ ಹಾಕೊಂಡ್ ನೋಡಿ ಮುಲಾಜಿಲ್ದೆ ಫ್ಯಾನಾಗೋಯ್ತೀರ.!

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ಸಿನಿ ಸುದ್ದಿ

ಸುಶಾಂತ್ ದು ಆತ್ಮಹತ್ಯೆಯಲ್ಲ, ಅದೊಂದು ಯೋಜಿತ ಕೊಲೆ : ನಟಿ ಕಂಗನಾ ರಣಾವತ್

Published

on

ಸುದ್ದಿದಿನ,ಮುಂಬೈ: ಭಾನುವಾರ ಆತ್ಮಹತ್ಯೆ ಮಾಡಿಕೊಂಡ ನಟ ಸುಶಾಂತ್ ಸಿಂಗ್ ರಜಪೂತ್ ಅವರದ್ದು ಆತ್ಮಹತ್ಯೆ ಅಲ್ಲ ಯೋಜಿತ ಕೊಲೆ ಎಂದು ಬಾಲಿವುಡ್ ಕ್ವೀನ್ ಕಂಗನಾ ರಣಾವತ್ ಅವರು ಆರೋಪ ಮಾಡಿದ್ದಾರೆ.

ಬಾಲಿವುಡ್‍ನಲ್ಲಿ ಭಾರತದ ಮಾಜಿ ನಾಯಕ ಎಂಎಸ್ ಧೋನಿ ಅವರ ಬಯೋಗ್ರಾಪಿ ‘ಧೋನಿ’ ಸಿನಿಮಾದಲ್ಲಿ ಅಭಿನಯಿಸಿ ಭಾರತ ಕಲಾರಸಿಕರ ಮನಗೆದ್ದಿದ್ದ ಸುಶಾಂತ್ ಸಿಂಗ್ ರಜಪೂತ್, ಭಾನುವಾರ ತಮ್ಮ ನಿಸವಾದಲ್ಲೇ ಆತ್ಮಹತ್ಯೆ ಮಾಡಿಕೊಂಡು ಸಾವನ್ನಪ್ಪಿದ್ದರು. ಈಗ ಈ ವಿಚಾರವಾಗಿ ಮಾತನಾಡಿರುವ ಕಂಗನಾ ಬಾಲಿವುಡ್‍ನಲ್ಲಿ ಇರುವ ತಾರತಮ್ಯದ ಬಗ್ಗೆ ಕಿಡಿಕಾರಿದ್ದಾರೆ.

ಈ ಬಗ್ಗೆ ವಿಡಿಯೋ ಮಾಡಿರುವ ಕಂಗನಾ, ಸುಶಾಂತ್ ಸಾವಿನಿಂದ ನಮಗೆ ಬಹಳ ದುಃಖವಾಗಿದೆ. ಆದರೆ ಕೆಲವರು ಅವನ ಸಾವಲ್ಲೂ ಕೂಡ ಆಟವಾಡುತ್ತಿದ್ದಾರೆ. ಎಂಜಿನಿಯರಿಂಗ್ ನಲ್ಲಿ ಟಾಪ್ ಮಾಡಿ, ರಾಂಕ್ ಹೋಲ್ಡರ್ ಆಗಿದ್ದ ವ್ಯಕ್ತಿ ಖಿನ್ನತೆಯಿಂದ ಬಳಲಲು ಸಾಧ್ಯನಾ? ಸುಶಾಂತ್ ಲಾಸ್ಟ್ ಪೋಸ್ಟ್ ಅನ್ನು ನೋಡಿ, ಅದರಲ್ಲಿ ಸುಶಾಂತ್ ಜನರಿಗೆ ತನ್ನ ಚಿತ್ರ ನೋಡುವಂತೆ ಮನವಿ ಮಾಡಿದ್ದಾರೆ. ನನಗೆ ಗಾಡ್ ಫಾದರ್ ಇಲ್ಲ, ನನ್ನನ್ನು ಸಿನಿಮಾದಿಂದ ತೆಗೆದು ಹಾಕುತ್ತಾರೆ ಎಂದು ಬೇಡಿಕೊಂಡಿದ್ದರು ಎಂದು ಹೇಳಿದ್ದಾರೆ.

ಸುಶಾಂತ್ ಸಿನಿಮಾ ರಂಗಕ್ಕೆ ಬಂದು ಕಾಯ್ ಪೋಚೆನಂತಹ ಸಿನಿಮಾ ಮಾಡಿದ್ದಾರೆ. ಸ್ಟಾರ್ ಕಿಡ್‍ಗಳ ಡೆಬ್ಯು ಅವಾರ್ಡ್ ನೀಡುವವರು, ಸುಶಾಂತ್‍ಗೆ ಅವಾರ್ಡ್ ಯಾಕೆ ನೀಡಿಲಿಲ್ಲ. ಕೇದರ್ ನಾಥ್, ಧೋನಿ, ಚಿಚೋರೆ ರೀತಿಯ ಒಳ್ಳೆಯ ಸಿನಿಮಾ ಮಾಡಿದ್ದಾರೆ. ಗಲ್ಲಿಬಾಯ್ ರೀತಿಯ ಕೆಟ್ಟ ಸಿನಿಮಾಗಳಿಗೆ ಅವಾರ್ಡ್ ನೀಡುವ ನೀವು, ಚಿಚೋರೆ ರೀತಿಯ ಒಳ್ಳೆಯ ಸಿನಿಮಾ ಗುಡ್ ಡೈರೆಕ್ಟರ್ ಗೆ ಯಾಕೆ ಪ್ರಶಸ್ತಿ ನೀಡುವುದಿಲ್ಲ ಎಂದು ನೇರವಾಗಿಯೇ ನೆಪ್ಟೋಯಿಸಂ ಬಗ್ಗೆ ಮಾತನಾಡಿದ್ದಾರೆ.

ನಾವು ಏನೇ ಮಾಡಿದರೂ ನೀವು ಒಪ್ಪುವುದಿಲ್ಲ. ನಾನು ಕೂಡ ಒಳ್ಳೆಯ ಸಿನಿಮಾ ಮಾಡಿದ್ದೇನೆ. ನಿರ್ಮಾಣ, ನಿರ್ದೇಶನ ಮಾಡಿದ್ದೇನೆ. ನಮ್ಮ ಸಿನಿಮಾವನ್ನು ನೀವು ಯಾಕೆ ಒಪ್ಪುವುದಿಲ್ಲ. ನನ್ನ ಮೇಲೆ ಯಾಕೆ 6 ದೂರುಗಳನ್ನು ದಾಖಲಿಸಿದ್ದೀರಾ? ಒಬ್ಬ ಪತ್ರಕರ್ತ ಸುಶಾಂತ್ ಬಗ್ಗೆ ಬಹಳ ಕೆಟ್ಟದಾಗಿ ಬರೆಯುತ್ತಾನೆ. ಆತ ಖಿನ್ನತೆಗೆ ಒಳಗಾಗಿದ್ದ, ಡ್ರಗ್ಸ್ ಅಡಿಕ್ಟ್ ಎಂದು ಬರೆಯುತ್ತಾರೆ. ಯಾಕೆ ನಿಮಗೆ ಸಂಜಯ್ ದತ್ ಅವರ ಅಡಿಕ್ಷನ್ ಕ್ಯೂಟ್ ಆಗಿ ಇತ್ತಾ ಎಂದು ಖಾರವಾಗಿ ಪ್ರಶ್ನೆ ಮಾಡಿದ್ದಾರೆ.

#KanganaRanaut exposes the propaganda by industry arnd #SushantSinghRajput's tragic death &how the narrative is spun to…

Posted by Team Kangana Ranaut on Monday, June 15, 2020

ಕೆಲವರು ನನಗೂ ಸಂದೇಶ ಕಳುಹಿಸುತ್ತಾರೆ. ನಿನ್ನ ಟೈಮ್ ಸರಿಯಿಲ್ಲ ಎಂದರೆ ನೀನು ಕೂಡ ಈ ರೀತಿಯ ನಿರ್ಧಾರ ತೆಗೆದುಕೊಳ್ಳಬೇಡ ಎಂದು, ನೀವು ಯಾಕೆ ಆತ್ಮಹತ್ಯೆ ಎಂಬುದನ್ನು ನಮ್ಮ ತಲೆಗೆ ತುಂಬುತ್ತೀರಾ? ಸಮಾಜ ಸುಶಾಂತ್ ನನ್ನು ಪ್ಲಾನ್ ಮಾಡಿ ಮರ್ಡರ್ ಮಾಡಿದೆ. ಆದರೆ ಆತ ದಡ್ಡ, ಸಮಾಜ ಹೇಳಿದ್ದೇಲ್ಲವನ್ನು ನಂಬಿದ್ದ. ಸಮಾಜ ನಿನ್ನ ಕೈಯಲ್ಲಿ ಏನೂ ಮಾಡಲು ಆಗಲ್ಲ ಎಂದರೆ ಅದನ್ನು ಎದುರಿಸದೆ ಒಪ್ಪಿಕೊಂಡಿದ್ದ. ಅದೂ ಅವನು ಮಾಡಿದ ದೊಡ್ಡ ತಪ್ಪು ಎಂದು ಕಂಗನಾ ಹೇಳಿದ್ದಾರೆ.

ಸುಶಾಂತ್ ತನ್ನ ತಾಯಿ ಹೇಳಿದ್ದನ್ನು ಕೇಳಬೇಕಿತ್ತು. ಆತ ಸಮಾಜದ ಮಾತು ಕೇಳಿದ. ಸಮಾಜ ನೀನು ಕೆಲಸಕ್ಕ ಬಾರದವ, ನಿನ್ನ ಕೈಯಲ್ಲಿ ಏನೂ ಮಾಡಲು ಆಗಲ್ಲ ಎಂದು ದೂರಿತ್ತು. ಅದನ್ನು ಮನಸ್ಸಿಗೆ ತೆಗೆದುಕೊಂಡು ಸುಶಾಂತ್ ಹೀಗೆ ಮಾಡಿಕೊಂಡಿದ್ದಾನೆ. ಇತಿಹಾಸವನ್ನು ಯಾರು ಬರೆಯಲಿದ್ದಾರೆ ಎಂಬುದನ್ನು ನಾವು ತೀರ್ಮಾನ ಮಾಡಬೇಕು. ಗೂಗಲ್ ಅದನ್ನು ಬರೆದು ಇಡುತ್ತದೆ ಎಂದು ಕಂಗನಾ ಬಾಲಿವುಡ್ ವ್ಯವಸ್ಥೆಯ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಕಂಗನಾ ಈ ರೀತಿ ಬಾಲಿವುಡ್‍ನಲ್ಲಿರುವ ನೆಪ್ಟೋಯಿಸಂ ಮತ್ತು ತಾರತಮ್ಯದ ದನಿ ಎತ್ತಿರುವುದು ಇದೇ ಮೊದಲೇನಲ್ಲ. ಈ ಹಿಂದೆಯೂ ಕೂಡ ಹಲವಾರು ಬಾರಿ ಮಾತನಾಡಿದ್ದಾರೆ. ಈ ವಿಚಾರವಾಗಿ ಈ ಹಿಂದೆ ಕರಣ್ ಜೋಹರ್ ಅವರನ್ನು ಅವರದ್ದೇ ಶೋನಲ್ಲಿ ತರಾಟೆಗೆ ತೆಗೆದುಕೊಂಡಿದ್ದ ಕಂಗನಾ, ನೀವು ಸಂಕುಚಿತ ಮನಸ್ಸಿನ ಪಾತ್ರ ಮಾಡ್ತೀರಿ. ಸರ್ವಾಧಿಕಾರಿತ್ವ, ಬೇರೆಯವರ ಬಗೆಗಿನ ಕೆಳಮಟ್ಟದ ಯೋಚನೆಗಳು, ಮೂವಿ ಮಾಫಿಯಾದ ಲೀಡರ್ ಆಗಿರುತ್ತೀರಿ ಎಂದು ನೆಪ್ಟೋಯಿಸಂ ತೀಕ್ಷ್ಣವಾಗಿ ಮಾತನಾಡಿದ್ದರು.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

Trending