Connect with us

ದಿನದ ಸುದ್ದಿ

ಭಾರತದ ಏಕತಾ ಮೂರ್ತಿ; ಒಂದು ಲಕ್ಷ ಮಂದಿ ವೀಕ್ಷಣೆ, 2.1 ಕೋಟಿ ರೂ. ಸಂಗ್ರಹ

Published

on

ಸುದ್ದಿದಿನ ದೆಹಲಿ: ಒಡೆದು ಹೋಗುತ್ತಿದ್ದ ಅಖಂಡ ಭಾರತವನ್ನು ಏಕೀಕರಣಗೊಳಿಸಿದ ಮಹಾನ್ ಚೇತನ ಸರ್ದಾರ್ ವಲ್ಲಭಭಾಯ್ ಪಟೇಲ್ ಕಾರ್ಯ ಸ್ಮರಣಾರ್ಥ ನಿರ್ಮಿಸಿದ ಅವರ ಏಕತಾ ಮೂರ್ತಿ ವಾರದಲ್ಲಿ ಎಷ್ಟು ಜನರು ನೋಡಿದ್ದಾರೆಂದರೆ ನೀವು ಅಚ್ಚರಿ ಪಡುತ್ತೀರಿ. ಏಕತಾ ಮೂರ್ತಿಯಿಂದ ಭಾರತದ ಹಿರಿಮೆ ವಿಶ್ವದಲ್ಲಿ ಮತ್ತಷ್ಟು ಹೆಚ್ಚಾಗುತ್ತಿದ್ದು, ಏಕತಾ ಮೂರ್ತಿ ನೋಡಲು ದೇಶ, ವಿದೇಶದಿಂದ ಸಾಗರೋಪಾದಿಯಲ್ಲಿ ಜನರು ಆಗಮಿಸುತ್ತಿದ್ದಾರೆ.

ಗುಜರಾತಿನ ನರ್ಮದಾ ಜಿಲ್ಲೆಯ ಸರ್ದಾರ್ ಸರೋವರ ಅಣೆಕಟ್ಟಿನ ಬಳಿ ನಿರ್ಮಿಸಿರುವ ಜಗತ್ತಿನ ಅತಿ ಎತ್ತರ 182 ಮೀಟರ್ ಎತ್ತರದ ಸರ್ದಾರ್ ವಲ್ಲಭಭಾಯ್ ಪಟೇಲರ ಏಕತಾ ಮೂರ್ತಿಯನ್ನು ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರು ಲೋಕಾರ್ಪಣೆ ಮಾಡಿದ್ದರು. ಅಕ್ಟೋಬರ್ 31ರಂದು ಲೋಕಾರ್ಪಣೆ ಗೊಂಡಿದ್ದ ಏಕತಾ ಮೂರ್ತಿ ಸಾರ್ವಜನಿಕವ ವೀಕ್ಷಣೆಗೆ ನವೆಂಬರ್ ಒಂದರಂದು ತೆರೆಯಲಾಯಿತು. ಶನಿವಾರದಂದು ಅಂದಾಜು 27,000ಕ್ಕೂ ಅಧಿಕ ಜನರು ವೀಕ್ಷಣೆ ಮಾಡಿದ್ದಾರೆ. ಕಳೆದ ಹತ್ತು ದಿನದಲ್ಲಿ ಅಂದಾಜು ಒಂದು ಲಕ್ಷಕ್ಕೂ ಅಧಿಕ ಪ್ರವಾಸಿಗರು ಭೇಟಿ ನೀಡಿದ್ದು, 2.1 ಕೋಟಿ ರೂ. ಸಂಗ್ರಹಗೊಂಡಿದೆ.

ಪ್ರಧಾನಿ  ನರೇಂದ್ರ ಮೋದಿ ನಿರ್ಮಿಸಿರುವ ಏಕತಾ ಮೂರ್ತಿ ಹಲವು ವಿಶೇಷಗಳಿಂದ ಕೂಡಿದೆ.

  • 182 ಮೀಟರ್ ಎತ್ತರ
  • ಸ್ಟ್ಯಾಚ್ಯು ಒಳಗೆ ಹೈಸ್ಪೀಡ್ ಲಿಫ್ಟ್
  • ಸರ್ದಾರ್ ವಲ್ಲಭಭಾಯ್ ಪಟೇಲ್ ಜೀವನ ಚರಿತ್ರೆ ಮ್ಯೂಸಿಯಂ
  • ಗ್ಯಾಲರಿ ಒಳಗೆ ಒಂದೇ ದಿನಕ್ಕೆ 5,000 ಪ್ರವೇಶ ಅವಕಾಶ
  • ಸ್ಟ್ಯಾಚ್ಯು ಒಳಗೆ 135 ಮೀಟರ್ ಎತ್ತರದಲ್ಲಿ ವ್ಯೂವರ್ಸ್ ಗ್ಯಾಲರಿ
  • ವ್ಯೂವರ್ಸ್ ಗ್ಯಾಲರಿಗೆ ಪ್ರತಿ ಸಲ 200 ಜನರಿಗೆ ಪ್ರವೇಶ
  • ಪ್ರತಿ ಸೋಮವಾರ ರಜೆ ಇರುತ್ತದೆ
  • ವಯಸ್ಕರರಿಗೆ 350, ಮಕ್ಕಳಿಗೆ (3-15 ವರ್ಷದೊಳಗಿನ) 200 ಶುಲ್ಕ

ದಿನದ ಸುದ್ದಿ

ದೇಗುಲ ವಿಷ ಪ್ರಸಾದ : ಮಹತ್ವದ ಸುಳಿವು ಲಭ್ಯ, ಸಾವಿನ ಸಂಖ್ಯೆ 14 ಕ್ಕೆ ಏರಿಕೆ ; ಪತಿ,ಪತ್ನಿ ಇಬ್ಬರೂ ಸಾವು

Published

on

ಸುದ್ದಿದಿನ ಡೆಸ್ಕ್ : ಚಾಮರಾಜನಗರ ಸುಳ್ವಾಡಿ ಮಾರಮ್ಮ ದೇಗುಲ ವಿಷ ಪ್ರಸಾದ ವಿಚಾರ ಮಹತ್ವದ ಸುಳಿವು ಲಭ್ಯವಾಗಿದ್ದು ಕಿಂಗ್ ಪಿನ್ ಗಾಗಿ ಶೋದಕಾರ್ಯನಡೆದಿದೆ. ಈ ಘಟನೆಯಲ್ಲಿ ಪ್ರಭಾವಿ ವ್ಯಕ್ತಿ ಕೈವಾಡ ಶಂಕೆ ವ್ಯಕ್ತವಾಗಿದ್ದು, ತಮಿಳುನಾಡು ಮೂಲದ ವ್ಯಕ್ತಿಗಾಗಿ ಶೋದ ಕಾರ್ಯವನ್ನು ಗಡಿಯಂಚಿನ ಗ್ರಾಮಗಳಲ್ಲಿ ರಾಜ್ಯ ಪೊಲೀಸರು ನಡೆಸಿದ್ದಾರೆ.

ಈ ಸಂಜೆವರೆಗೆ ಮತ್ತಷ್ಟು ಜನರ ಬಂಧನ ಸಾಧ್ಯತೆಯಿದ್ದು, ಬಂಧಿತರನ್ನ ನಿರಂತರ ವಿಚಾರಣೆಗೆ ಒಳಪಡಿಸಿರುವ ತನಿಖಾಧಿಕಾರಿಗಳು
ತಡ ರಾತ್ರಿ ತಮಿಳುನಾಡಿನ ಧರ್ಮಪುರಿಗೆ ತೆರಳಿರುವ ರಾಜ್ಯ ಪೊಲೀಸರ ಏಳು ತಂಡಗಳಾಗಿ ವಿವಿಧ ಆಯಾಮಗಳಲ್ಲಿ ಕಾರ್ಯಾಚರಣೆಗಿಳಿದಿವೆ.

ವಕಾಲತ್ತು ವಹಿಸದಂತೆ ವಕೀಲರ ಸಭೆ

ಅರೋಪಿಗಳ ಪರ ವಕಾಲತ್ತು ವಹಿಸದಿರುವ ಬಗ್ಗೆ ವಕೀಲರ ಸಭೆ ಇಂದು ಮದ್ಯಾಹ್ನ ನಡೆಸಲು ತೀರ್ಮಾನ ತೆಗೆದುಕೊಳ್ಳಲಾಗಿದ್ದು,ಸಂತಾಪ ಸೂಚಕ ಸಭೆಯಲ್ಲಿ ನಿರ್ಣಯ ಸಾಧ್ಯತೆ ಇದೆ‌ ಎಂದುಚಾಮರಾಜನಗರ ಜಿಲ್ಲಾ ವಕೀಲರ ಸಂಘದ ಅಧ್ಯಕ್ಷ ಇಂದೂಶೇಖರ್ ಮಾಹಿತಿ ನೀಡಿದ್ದಾರೆ.

ಸುಳ್ವಡಿ ಗ್ರಾಮದಲ್ಲಿ ವಿಷ ಪ್ರಸಾದ ಸೇವನೆ‌ ಪ್ರಕರಣ | ಮೂವರ ಸ್ಥಿತಿ ಗಂಭಿರ

ಕೆ.ಆರ್. ಆಸ್ಪತ್ರೆಯಲ್ಲಿರುವ ಮೂವರ ಸ್ಥಿತಿ ಇನ್ನೂ ಗಂಭೀರವಾಗಿದೆ.ವಿವಿಧ ಖಾಸಗಿ ಆಸ್ಪತ್ರೆಗಳಲ್ಲಿರುವ ಐವರ ಸ್ಥಿತಿಯೂ ಗಂಭೀರವಾಗಿದ್ದು,‌80ಕ್ಕೂ ಹೆಚ್ಚು ಅಸ್ವಸ್ಥರ ಆರೋಗ್ಯದಲ್ಲಿ ಸುಧಾರಣೆ ಕಂಡಿದೆ. ಹಾಗೇ 13 ಮಕ್ಕಳ ಆರೋಗ್ಯದಲ್ಲೂ ಸ್ವಲ್ಪ ಚೇತರಿಕೆ ಕಾಣುತ್ತಿದ್ದು ಐಸಿಯುನಲ್ಲೇ ವೈದ್ಯರು ಮಕ್ಕಳ ಆರೋಗ್ಯದ ಮೇಲೆ ನಿಗಾ ಇರಿಸಿದ್ದಾರೆ.

ಪತ್ನಿಯೂ ಸಾವು

ಮಾರಮ್ಮ ದೇವಿ ವಿಷ ಪ್ರಸಾದ ಪ್ರಕರಣ ಸಾವಿನ ಸಂಖ್ಯೆ ಗೆ ಮತ್ತೊಂದು ಸೇರ್ಪಡೆಯಾಗಿದೆ. ಪತಿಯನ್ನ ಹಿಂಬಾಲಿಸಿದ ಪತ್ನಿ ಮೈಲಿ ಬಾಯಿ (38) ಇಂದು ಬೆಳಗ್ಗೆ 8:45 ಕ್ಕೆ ಸಾವನ್ನಪ್ಪಿದ ದುರ್ದೈವಿಯಾಗಿದ್ದಾರೆ. ಮೈಸೂರು ಜೆಎಸ್ ಎಸ್ ಆಸ್ಪತ್ರೆ ಯಲ್ಲಿ ದಾಖಲಾಗಿದ್ದ ಮೈಲಿ ಬಾಯಿಯ ಪತಿ ಶನಿವಾರವೇ ಸಾವನ್ನಪ್ಪಿದ್ದರು. ಈ ದಂಪತಿ ಪುತ್ರಿ ಪ್ರಿಯಾ ಅಸ್ವಸ್ಥಗೊಂಡು ಈಗ ಚೇತರಿಕೆಯಲ್ಲಿದ್ದು, ಸಿಎಂ ಕುಮಾರಸ್ವಾಮಿ ಬೇಟಿ ವೇಳೆ ಸಂಪೂರ್ಣ ವಿದ್ಯಾಬ್ಯಾಸ ಕೊಡಿಸಿ ಸರ್ಕಾರಿ ನೌಕರಿ ಭರವಸೆ ನೀಡಿದ್ದರು. ಕೃಷ್ಣ ನಾಯಕ್ ಮೈಲಿ ಬಾಯಿ ದಂಪತಿಗಳಿಗೆ ಇಬ್ಬರು ಪುತ್ರಿಯರು ಒಬ್ಬ ಪುತ್ರ ಇದ್ದಾರೆ. ಕೃಷ್ಣ ನಾಯಕ್ ಮೈಲಿ ಬಾಯಿ ‌ಹನೂರು ತಾಲೋಕಿನ ಗ್ರಾಮ ಕೋಟೆಪೊದೈನಿವಾಸಿಗಳಾಗಿದ್ದಾರೆ.ಇದರೊಂದಿಗೆ ಪ್ರಕರಣದಲ್ಲಿ ಸತ್ತವರ ಸಂಖ್ಯೆ 14 ಕ್ಕೆ ಏರಿಕೆಯಾಗಿದೆ.‌ ವಿಷ ಪ್ರಸಾದ ಸೇವಿಸಿದ್ದ ಮಹಿಳೆ ಮೈಲಿ ಬಾಯಿ ಸಾವನ್ನಪ್ಪಿದ ಹಿನ್ನೆಲೆಮೈಸೂರಿನ ಜೆ.ಎಸ್.ಎಸ್ ಆಸ್ಪತ್ರೆಗೆ ಜಿಲ್ಲಾ ಉಸ್ತುವಾರಿ ಸಚಿವ ಜಿ.ಟಿ‌. ದೇವೇಗೌಡ ಭೇಟಿನೀಡಿ ಸಂಬಂಧಿಕರನ್ನು ಭೇಟಿಯಾಗಿ ಸಾಂತ್ವನ‌ ಹೇಳಿದರು.

ಸುದ್ದಿದಿನ.ಕಾಂ|ವಾಟ್ಸಾಪ್|9986715401

Continue Reading

ದಿನದ ಸುದ್ದಿ

‍ಸೈನಿಕರಿಗೆ ಸಹಕರಿಸದ ನಾಗರಿಕ

Published

on

ನಮ್ಮ ದೇಶದ ಗಡಿಯಲ್ಲಿ ಸೈನಿಕರು ಎದೆಗುಂದದೆ ವಿರಾವೇಶದಿಂದ ಹೋರಾಟ ಮಾಡಿ, ನಮ್ಮನ್ನು ರಕ್ಷಿಸುತ್ತಾರೆ. ರಕ್ಷಣೆ ಮಾಡುವ ‌ಉದ್ದೇಶದಿಂದ ಹೋರಾಟ ಮಾಡುತ್ತಾ ಪ್ರತಿದಿನವು ಒಬ್ಬರು, ಇಬ್ಬರು ವೀರಮರಣ ಹೊಂದುತ್ತಲ್ಲಿದ್ದಾರೆ.

ದೇಶದ ‌ಒಳಗೆ ಹಾಗು ಗಡಿಯಲ್ಲಿ ಸಂಭವಿಸುವ ಅವಘಡ, ‍ಅಪಘಾತಗಳಿಂದ ರಕ್ಷಿಸಲು ಮೊದಲಿಗೆ ಧಾವಿಸುವುದೆ ಸೈನಿಕರು. ಅವರಿಗೂ ಸಹ ಕುಟುಂಬವಿರುತ್ತದೆ. ಆ ಕುಟುಂಬದಿಂದ ದೂರವಿದ್ದ, ಅವರ ಪರಿವೆಯಿಲ್ಲದೆ ಜೀವನವನ್ನು ಸಾಗಿಸುತ್ತಾ, ಕಷ್ಟಕ್ಕೆ ಸಿಲುಕಿದವರೆ ತಮ್ಮ ಪರಿವಾರದ ಸದಸ್ಯರೆಂದು ಭಾವಿಸಿ ರಕ್ಷಿಸುತ್ತಾರೆ.

ಇಂತಹ ಮಹಾನ ವ್ಯಕ್ತಿಗಳ ವಿರುದ್ದ ಸಂಚು ಮಾಡುವ ಉಗ್ರರಿಗೆ ಸಹಾಯ ಮಾಡುತ್ತಾ ಸೈನಿಕರ ಮೇಲೆ ಕಲ್ಲು ತುರಾಟ, ಬೆಂಕಿಹಚ್ಚಿ ಪ್ರತಿಭಟನೆ ಮಾಡುವುದು, ಬಂದ್ ಗೆ ಕರೆ ನೀಡುವುದು ಎಷ್ಟರ ಮಟ್ಟಿಗೆ ಸರಿ?.

ಸಾರ್ವಜನಿಕರು ಹೀಗೆ ಮುಂದುವರೆಸಿದರೇ ನಮ್ಮ ದೇಶದ ಸೈನಿಕರು ತಮ್ಮ ಕೆಲಸವನ್ನು ತೊರೆದು ಹಿಂದಿರುಗಿದರೆ ಆಶ್ಚರ್ಯ ಪಡಬೇಕಾಗಿಲ್ಲ.

ಕಾಂಚನಾ ಬಸವರಾಜ ಪೂಜಾರಿ
ಪತ್ರಿಕೋದ್ಯಮ ಮತ್ತು ಸಮುಹ ಸಂವಹನ ವಿಭಾಗ
ಪ್ರಥಮ ವರ್ಷದ ವಿದ್ಯಾರ್ಥಿನಿ 
ಅಕ್ಕ ಮಹಾದೇವಿ ವಿಶ್ವವಿದ್ಯಾನಿಲಯ ತೋರವಿ
ವಿಜಯಪುರ

Continue Reading

ದಿನದ ಸುದ್ದಿ

ಯಂತ್ರಚಾಲಿತ ದ್ವಿಚಕ್ರ ವಾಹನಕ್ಕೆ ವಿಕಲಚೇತನರಿಂದ ಅರ್ಜಿ ಆಹ್ವಾನ

Published

on

ಸಾಂದರ್ಭಿಕ ಚಿತ್ರ

ಸುದ್ದಿದಿನ,ಚಿತ್ರದುರ್ಗ: ವಿಕಲಚೇತನರ ಹಾಗೂ ಹಿರಿಯ ನಾಗರಿಕರ ಸಬಲೀಕರಣ ಇಲಾಖೆಯಿಂದ 2018-19 ನೇ ಸಾಲಿಗೆ 20 ವರ್ಷ ಮೇಲ್ಪಟ್ಟು 60 ವರ್ಷದೊಳಗಿರುವ ಅರ್ಹ ದೈಹಿಕ ವಿಕಲಚೇತನರಿಂದ ಯಂತ್ರಚಾಲಿತ ದ್ವಿಚಕ್ರ (ರೆಟ್ರೋಫಿಟ್‍ಮೆಂಟ್ ಸಹಿತ) ವಾಹನಕ್ಕೆ ಅರ್ಜಿ ಆಹ್ವಾನಿಸಲಾಗಿದೆ.

ಅರ್ಜಿ ಸಲ್ಲಿಸಲು 2019 ರ ಜನವರಿ 10 ರಂದು ಕೊನೆ ದಿನವಾಗಿದೆ. ವೈದ್ಯಕೀಯ ಪ್ರಮಾಣಪತ್ರ, ಅಂಗವಿಕಲರ ಗುರುತಿನಚೀಟಿ, ನಿವಾಸಿ ದೃಢೀಕರಣ ಪತ್ರ, ಆದಾಯ,ಜಾತಿ ಪ್ರಮಾಣಪತ್ರ, ಆಧಾರ್‍ಕಾರ್ಡ್, ಚುನಾವಣಾ ಗುರುತಿನಚೀಟಿ, ಪಡಿತರಚೀಟಿ, ನಗರಸಭೆ/ಪುರಸಭೆ/ಪಟ್ಟಣ ಪಂಚಾಯಿತಿಯಿಂದ ಯಂತ್ರಚಾಲಿತ ದ್ವಿಚಕ್ರ ವಾಹನ ಪಡೆಯದೇ ಇರುವ ಬಗ್ಗೆ ದೃಢೀಕರಣಪತ್ರ, ಸೇವಾ ದೃಢೀಕರಣ ಪತ್ರ, ಫೋಟೋಗಳೊಂದಿಗೆ ದ್ವಿಪ್ರತಿಯಲ್ಲಿ ಅರ್ಜಿಯನ್ನು ಜಿಲ್ಲಾ ವಿಕಲಚೇತನರ ಹಾಗೂ ಹಿರಿಯ ನಾಗರಿಕರ ಇಲಾಖೆ, ಚಿತ್ರದುರ್ಗ ಕಚೇರಿಗೆ ಸಲ್ಲಿಸುವಂತೆ ಜಿಲ್ಲಾ ವಿಕಚೇತನರ ಕಲ್ಯಾಣಾಧಿಕಾರಿ ತಿಳಿಸಿದ್ದಾರೆ.

ಹೆಚ್ಚಿನ ಮಾಹಿತಿಗೆ ಸಹಾಯವಾಣಿ ಕೇಂದ್ರದ ದೂರವಾಣಿ ನಂ.08194-235286 ನ್ನು ಹಾಗೂ ಆಯಾ ತಾಲ್ಲೂಕಿನ ತಾಲ್ಲೂಕು ಪಂಚಾಯಿತಿಯಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ವಿವಿಧೋದ್ದೇಶ ಪುನರ್ವಸತಿ ಕಾರ್ಯಕರ್ತ(ಎಂ.ಆರ್.ಡಬ್ಲ್ಯೂ)ರನ್ನು ಸಂಪರ್ಕಿಸಬಹುದು ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.

ಸುದ್ದಿದಿನ.ಕಾಂ|ವಾಟ್ಸಾಪ್|9986715401

Continue Reading
Advertisement

Trending