Connect with us

ದಿನದ ಸುದ್ದಿ

ನಿಸ್ವಾರ್ಥವೇ ದೊಡ್ಡತನದ ಸಂಕೇತ : ಪ್ರತಿಭಾ ದೊಗ್ಗಳ್ಳಿ

Published

on

ಸುದ್ದಿದಿನ,ದಾವಣಗೆರೆ : ಸಾಮಾನ್ಯ ಜ್ಞಾನ, ಚಿಕ್ಕ – ಚಿಕ್ಕ ವಿಷಯಗಳ ಬಗ್ಗೆ ಕೇಂದ್ರಿಕರಿಸುವ ಗಮನ, ನಿಸ್ವಾರ್ಥವಾಗಿ ಮಾಡುವ ಒಂದು ಸಣ್ಣ ಸೇವೆಯೂ ಸಹ ದೊಡ್ಡತನದ ಸಂಕೇತವಾಗಿದೆ. ಇಂತಹ ಗುಣಗಳನ್ನು ಮಕ್ಕಳು ಬಾಲ್ಯದಲ್ಲೇ ರೂಢಿಸಿಕೊಳ್ಳಬೇಕು ಎಂದು ದಾವಣಗೆರೆ ಜೆ.ಹೆಚ್.ಪಟೇಲ್ ಕಾಲೇಜಿನ ಪ್ರಾಂಶುಪಾಲರಾದ ಪ್ರತಿಭಾ ಪಿ ದೊಗ್ಗಳ್ಳಿ ವಿದ್ಯಾರ್ಥಿಗಳಿಗೆ ಕರೆ ನೀಡಿದರು.

ತಾಲ್ಲೂಕಿನ ಗೋಪನಾಳು ಗ್ರಾಮದ ಶ್ರೀಮತಿ ಇಂದಿರಾಗಾಂಧಿ ಸರ್ಕಾರಿ ವಸತಿ ಶಾಲೆಯಲ್ಲಿ 2018 – 19ನೇ ಸಾಲಿನ ವಿಶೇಷ ಪ್ರತಿಭಾ ಪುರಸ್ಕಾರ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ಅವರು, ಓದು – ಬರೆಹದ ಜೊತೆ ಸಾಮಾನ್ಯ ತಿಳಿವಳಿಕೆ ಹಾಗೂ ಇತರರಿಗೆ ನಿಸ್ವಾರ್ಥವಾಗಿ ಸಹಾಯ ಮಾಡುವ ಸ್ವಭಾವ ಉಳ್ಳವರನ್ನು ಸಮಾಜ ದೊಡ್ಡ ವ್ಯಕ್ತಿಗಳನ್ನಾಗಿ ಗುರುತಿಸುತ್ತದೆ ಎಂದರು.

ಮಹಾತ್ಮ ಗಾಂಧೀಜಿ, ಸ್ವಾಮೀ ವಿವೇಕಾನಂದ, ನೇತಾಜಿ ಸುಭಾಷ್ ಚಂದ್ರ ಬೋಸ್‍ರಂತೆ ತಾವು ಕೂಡ ದೊಡ್ಡ ವ್ಯಕ್ತಿಗಳಾಗಿ ಇತಿಹಾಸ ಪುಟದಲ್ಲಿ ಅಮರರಾಗಬೇಕೆಂದರೆ ವಿದ್ಯಾರ್ಥಿ ದೆಸೆಯಲ್ಲೇ ಉತ್ತಮ ಗುಣಗಳನ್ನು ಅಳವಡಿಸಿಕೊಂಡರೆ ಮಾತ್ರ ಸಾಧ್ಯ ಎಂದು ನುಡಿದರು.ನಂತರ ಪ್ರತಿಭಾ ದೊಗ್ಗಳ್ಳಿ ಅವರು, ಸದರಿ ವಸತಿ ಶಾಲೆಯ 2018-19ನೇ ಸಾಲಿನ ಸಾಧಕ ವಿದ್ಯಾರ್ಥಿಗಳಿಗೆ ತಮ್ಮ ಕಾಲೇಜಿನ ವತಿಯಿಂದ ವಿಶೇಷ ಪ್ರತಿಭಾ ಪುರಸ್ಕಾರ ನೀಡಿ ಸನ್ಮಾನಿಸಿ- ಪ್ರೋತ್ಸಾಹಿಸಿ ಶುಭ ಹಾರೈಸಿದರು.

ಅಧ್ಯಕ್ಷತೆ ವಹಿಸಿಕೊಂಡಿದ್ದ ವಸತಿ ಶಾಲೆಯ ಪ್ರಾಚಾರ್ಯರಾದ ವಿ.ಸಿ ಅಂಜಿನಪ್ಪ ಮಾತನಾಡಿ, ನಮ್ಮ ಶಾಲೆಯ ಆರ್ಥಿಕವಾಗಿ ಹಿಂದುಳಿದ ಬಡ ಪ್ರತಿಭಾವಂತ ಮಕ್ಕಳ ವಿಶೇಷ ಪ್ರತಿಭೆಯನ್ನು ಗುರುತಿಸಿ, ದಾವಣಗೆರೆಯಿಂದ ಆಗಮಿಸಿ ವಿಶೇಷ ಪುರಸ್ಕಾರ ನೀಡಿದ ಕಾರ್ಯ ಶ್ಲಾಘನೀಯ. ಇದು ಜೆ.ಹೆಚ್ ಪಟೇಲ್ ಕಾಲೇಜಿನ ಕಾರ್ಯದರ್ಶಿ ದೊಗ್ಗಳ್ಳಿ ಪುಟ್ಟರಾಜು ಮತ್ತು ಅವರ ಶ್ರೀಮತಿಯವರಾದ ಪ್ರತಿಭಾ ದೊಗ್ಗಳ್ಳಿಯವರ ಸಹೃದಯತೆ ಹಾಗೂ ಸಾಮಾಜಿಕ ಕಳಕಳಿಗೆ ಸಾಕ್ಷಿ ಎಂದು ಕೃತಜ್ಞತೆ ಅರ್ಪಿಸಿದರು.

ಕಾರ್ಯಕ್ರಮದಲ್ಲಿ 2018-19ನೇ ಶೈಕ್ಷಣಿಕ ಸಾಲಿನ ಆದರ್ಶ ವಿದ್ಯಾರ್ಥಿಗಳಾದ 6ನೇ ತರಗತಿಯ ಕು||ಜಯಮ್ಮ ಜಿ.ಎಂ ಮತ್ತು ಕು|| ಗಗನ, 7ನೇ ತರಗತಿಯ ಕು|| ರೇವಣಸಿದ್ದೇಶ್ ಎ.ಪಿ ಮತ್ತು ಕು|| ರಕ್ಷಿತಾ ಎಂ.ಹೆಚ್., ವರ್ಷದ ಪ್ರತಿಭಾವಂತ ವಿದ್ಯಾರ್ಥಿಗಳಾದ 7ನೇ ತರಗತಿಯ ಕು|| ರೇವತಿ.ಎಸ್.ಎನ್ ಹಾಗೂ 6ನೇ ತರಗತಿಯ ಕು|| ರಘು ಎನ್, ವರ್ಷದ ಸಾಂಸ್ಕøತಿಕ ವಿದ್ಯಾರ್ಥಿಯಾದ 7ನೇ ತರಗತಿಯ ಕು|| ಮಾರುತಿ ಹೆಚ್.ಟಿ., ವರ್ಷದ ಕ್ರೀಡಾ ವಿದ್ಯಾರ್ಥಿ 7ನೇ ತರಗತಿಯ ಆದರ್ಶ ಡಿ.ಕೆ., ವರ್ಷದ ಉತ್ತಮ ಯೋಗಪಟುವಾದ 7ನೇ ತರಗತಿ ಕು|| ಸೃಷ್ಟಿ ಕೆ.ಆರ್ ಹಾಗೂ ವರ್ಷದ ವಿಶೇಷ ವಿದ್ಯಾರ್ಥಿಯಾದ
7ನೇ ತರಗತಿ ಕು|| ಡಿ.ಮಂಜುನಾಥ್ ಅವರುಗಳಿಗೆ ಪುರಸ್ಕರಿಸಲಾಯಿತು.

ಸುದ್ದಿದಿನ.ಕಾಂ|ವಾಟ್ಸಾಪ್|9986715401

ದಿನದ ಸುದ್ದಿ

ಮಕ್ಕಳಿಗೆ ಶ್ರಮದ ಮಹತ್ವ ಅರಿವಾಗಲು ಬಿಡಿ : ಪೋಷಕರಿಗೆ ದೊಗ್ಗಳ್ಳಿ ಗೌಡ್ರು ಪುಟ್ಟರಾಜು ಕಿವಿಮಾತು

Published

on

ಸುುದ್ದಿದಿನ, ದಾವಣಗೆರೆ : ಮಕ್ಕಳು ಕೇಳಿದ್ದನ್ನೆಲ್ಲಾ ಕೊಡಿಸಬೇಡಿ. ಅವರಿಗೆ ಕೊರತೆಯ ಮಹತ್ವ ಅರಿವಾಗಲು ಬಿಡಿ ಮತ್ತು ಪ್ರಾಮಾಣಿಕ ಪರಿಶ್ರಮದ ಮೂಲಕವೇ ಬಯಸಿದ್ದನ್ನು ಪಡೆಯುವಂತೆ ಪ್ರೇರೇಪಿಸಿ ಎಂದು ದಾವಣಗೆರೆ ಜೆ.ಎಚ್ ಪಟೇಲ್ ಕಾಲೇಜಿನ ಕಾರ್ಯದರ್ಶಿ ದೊಗ್ಗಳ್ಳಿ ಗೌಡ್ರು ಪುಟ್ಟರಾಜು ಪೋಷಕರಿಗೆ ಕಿವಿಮಾತು ಹೇಳಿದರು.

ತಾಲ್ಲೂಕಿನ ಗೋಪನಾಳು ಗ್ರಾಮದ ಶ್ರೀಮತಿ ಇಂದಿರಾಗಾಂಧಿ ಸರ್ಕಾರಿ ವಸತಿ ಶಾಲಾ ಆವರಣದಲ್ಲಿ ದಿನಾಂಕ : 19/01/2019 ರ ಸಂಜೆ 4 ಗಂಟೆಗೆ ಆಯೋಜಿಸಲಾಗಿದ್ದ 2018 – 19 ನೇ ಸಾಲಿನ ಶೈಕ್ಷಣಿಕ ಸಾಲಿನ “ ವರ್ಷೋತ್ಸವ – ಪೋಷಕರ ಹರ್ಷೋತ್ಸವ ” ಕಾರ್ಯಕ್ರಮದಲ್ಲಿ ಅವರು ಸಮಾರೋಪ ನುಡಿಗಳನ್ನಾಡಿದರು.

ಮಕ್ಕಳಿಗೆ ಬೆವರಿನ ಪಾಠ ಅರಿಯಲು ಬಿಡಿ. ಮನಸ್ಸು ಸಮಾಜಕ್ಕೆ ತೆರೆದುಕೊಂಡು ಕಷ್ಟ – ಕಾರ್ಪಣ್ಯಗಳ ತಿಳಿವಳಿಕೆ ಮೂಲಕ ಎಳೆಯರು ತಮ್ಮ ಬದುಕನ್ನು ಸ್ವಾವಲಂಬಿಯಾಗಿಸಿಕೊಳ್ಳುವ ಮುಕ್ತ ವಾತಾವರಣ ಕಲ್ಪಿಸಿಕೊಡಿ ಎಂದು ಕರೆ ನೀಡಿದರು.

ಜಾನಪದ ಪರಿಷತ್‍ನ ದಾವಣಗೆರೆ ಜಿಲ್ಲಾಧ್ಯಕ್ಷರಾದ ವಿಶ್ವನಾಥ್ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು. ವಿದ್ಯಾರ್ಥಿಗಳ ಸವಾಂಗೀಣ ವಿಕಾಸದಲ್ಲಿ ಶಿಕ್ಷಕರೊಂದಿಗೆ ಪೋಷಕರು ಮತ್ತು ಸಮಾಜ ಕೈ ಜೋಡಿಸಿದಾಗ ಅವರ ಭವಿಷ್ಯ ಭವ್ಯವಾಗುತ್ತದೆ ಎಂದರು.

ಅಧ್ಯಕ್ಷತೆ ವಹಿಸಿದ್ದ ವಸತಿ ಶಾಲೆಯ ಪ್ರಾಚಾರ್ಯರಾದ ವಿ.ಸಿ ಅಂಜಿನಪ್ಪ ವಾರ್ಷಿಕ ವರದಿ ವಾಚಿಸಿ, ತಮ್ಮ ಶಾಲಾ ವಾರ್ಷಿಕೋತ್ಸವ ಕಾರ್ಯಕ್ರಮ ಯಶಸ್ವಿಯಾಗಲು ಸಹಕರಿಸಿದ ಪೋಷಕರು, ದಾನಿಗಳು ಮತ್ತು ಶಿಕ್ಷಕರಿಗೆ ವಂದಿಸಿದರು.

ವಿಶೇಷ ಅತಿಥಿಯಾಗಿ ಪಾಲ್ಗೊಂಡಿದ್ದ ಐಗೂರು ಸರ್ಕಾರಿ ಶಾಲೆಯ ಬಡ್ತಿ ಮುಖ್ಯ ಶಿಕ್ಷಕಿ ಎಲ್ಲಮ್ಮ ಶಾನವಾಡ ಅವರು ಮಕ್ಕಳ ಪ್ರತಿಭೆ ಮತ್ತು ವ್ಯಕ್ತಿತ್ವ ವಿಕಸನದ ಕುರಿತು ಮಾತನಾಡುವ ಜೊತೆ, ಸ್ಥಳದಲ್ಲಿಯೇ ಒಂದು ಕವನ ರಚಿಸಿ ಹಾಡಿದ್ದು ವಿಶೇಷವೆನಿಸಿತು.

ಕುಬೇಂದ್ರಪ್ಪ, ಶೇಖನಾಯ್ಕ, ವೆಂಕಟೇಶ್‍ಮೂರ್ತಿ, ವೀರೇಂದ್ರ ಪಟೇಲ್, ಸಿಂದ್ಯಪ್ಪ ಸೇರಿದಂತೆ ಇತರರು ವೇದಿಕೆಯಲ್ಲಿದ್ದರು.ಸಭಾ ಕಾರ್ಯಕ್ರಮದ ನಂತರ ವಿದ್ಯಾರ್ಥಿಗಳಿಂದ ಜರುಗಿದ ವಿವಿಧ ಮನಮೋಹಕ ಸಾಂಸ್ಕøತಿಕ ಕಾರ್ಯಕ್ರಮಗಳು ನೆರೆದಿದ್ದ ಸಾವಿರಕ್ಕೂ ಹೆಚ್ಚು ಪೋಷಕರು ಮತ್ತು ಪ್ರೇಕ್ಷಕರ ಮನ ಸೂರೆಗೊಂಡವು.

Continue Reading

ದಿನದ ಸುದ್ದಿ

ಸಾಹಿತ್ಯ ಬಳಗದಿಂದ ಸಿದ್ಧಗಂಗಾ ಶ್ರೀಗಳಿಗೆ ‘ಶ್ರದ್ಧಾಂಜಲಿ’

Published

on

ಸುದ್ದಿದಿನ, ದಾವಣಗೆರೆ : ಇಲ್ಲಿನ ವಿನೋಬ ನಗರದ 3ನೇ ಮೇನ್ 8ನೇ ಕ್ರಾಸ್ ನಲ್ಲಿರುವ ಜಿಲ್ಲಾ ಚುಟುಕು ಸಾಹಿತ್ಯ ಪರಿಷತ್ ನ ಕೇಂದ್ರ ಕಚೇರಿಯಲ್ಲಿ ಇಂದು ಸಂಜೆ 6.30ಕ್ಕೆ ದಾವಣಗೆರೆಯ ಸಾಹಿತಿಗಳು ಸಭೆ ಸೇರಿ ನಡೆದಾಡುವ ದೇವರು ಸಿದ್ಧಗಂಗೆಯ ಶ್ರೀ ಶ್ರೀ ಶಿವಕುಮಾರ ಸ್ವಾಮಿಗಳ ಯೋಗ ಜೀವನ, ಕಾಯಕ ನಿಷ್ಠೆ, ಸಾಮಾಜಿಕ, ಶೈಕ್ಷಣಿಕ ಕೊಡುಗೆ ಸ್ಮರಿಸಿ ಭಾವಪೂರ್ಣ ಶ್ರದ್ಧಾಂಜಲಿ ಅರ್ಪಿಸಲಾಯಿತು.

ಶ್ರದ್ಧಾಂಜಲಿ ಸಭೆಯಲ್ಲಿ ಕವಿಗಳಾದ ರಾಜಶೇಖರ್ ಗುಂಡಗಟ್ಟಿ, ಶಿವಯೋಗಿ ಹಿರೇಮಠ್, ರಾಜೇಂದ್ರ ಪ್ರಸಾದ್ ನೀಲಗುಂದ, ಮಹಾಂತೇಶ್ ನಿಟ್ಟೂರು, ಗೀತಾ ತಿಪ್ಪೇಸ್ವಾಮಿ, ವೀರೇಶ್, ತಾರೇಶ್ ಅಣಬೇರು, ಗಂಗಾಧರ ಬಿ.ಎಲ್ ನಿಟ್ಟೂರ್, ವೀರಭದ್ರಪ್ಪ ತೆಲಗಿ, ಕೆ.ಎಂ.ಚಂದ್ರಶೇಖರಯ್ಯ ಸೇರಿದಂತೆ ಇತರರು ಹಾಜರಿದ್ದು ನುಡಿ ನಮನ ಸಲ್ಲಿಸಿದರು.

ಸುದ್ದಿದಿನ.ಕಾಂ|ವಾಟ್ಸಾಪ್|9986715401

Continue Reading

ದಿನದ ಸುದ್ದಿ

‘ಸ್ವಪ್ನದಲ್ಲಿ ಸೊರಗಿದ ಪ್ರೀತಿ’ ಕಾದಂಬರಿ ಲೋಕಾರ್ಪಣೆ

Published

on

ಸುದ್ದಿದಿನ ಡೆಸ್ಕ್ | ಸೋಮವಾರ (ಇಂದು) ಕೊಟ್ಟೂರಿನ ಪದವಿ ಪೂರ್ವ ಕಾಲೇಜಿನಲ್ಲಿ ಶ್ರೀಯುತ ಶ್ರೀಧರ್ ಅವರ ‘ಸ್ವಪ್ನದಲ್ಲಿ ಸೊರಗಿದ ಪ್ರೀತಿ’ ಎಂಬ ಕಾದಂಬರಿಯನ್ನು ವಾಯ್.ಜೆ.ಮಹಿಬೂಬ ಅವರ ಅಜಾದ ಪ್ರಕಾಶನದ ಸಹಯೋಗದಲ್ಲಿ, ಖ್ಯಾತ ಸಾಹಿತಿ ಕುಂಬಾರ ವೀರಭದ್ರಪ್ಪ ಅವರು ಲೋಕಾರ್ಪಣೆ ಮಾಡಿದರು.

ಪ್ರಾಸ್ತಾವಿಕ ನುಡಿಗಳನ್ನಾಡಿದ ಕೃತಿಕಾರ ತಾನು ಕಂಡ ನೋವು ನಲಿವು,ಅನುಭವಿಸಿದ ತೊಂದರೆಗಳ ಪ್ರತಿರೂಪವೇ ಈ ಕೃತಿ ಎಂದು ಹೇಳಿದರು.‌ ಕೃತಿ ಲೋಕಾರ್ಪಣೆ ಮಾಡಿ ಮಾತನಾಡಿದ ಕುಂಬಾರ ವೀರಭದ್ರಪ್ಪ ನವರು ಕನ್ನಡ ಲೇಖಕರು ಓದುವ ಅಭಿಯಾನ ಆರಂಭಿಸಬೇಕು. ಸಾವಿರಾರು ಕೃತಿಗಳನ್ನು ಓದಿದ ನಂತರವೇ ಬರಹ ದತ್ತ ಚಿತ್ತಹರಿಸಬೇಕು ಎಂದರು.

ಕರುನಾಡ ಹಣತೆಯ ರಾಜ್ಯಾದ್ಯಕ್ಷರಾದ ರಾಜು ಸೂಲೇನಹಳ್ಳಿ ಮಾತನಾಡಿ ಕಾದಂಬರಿ ಸುತ್ತಲಿನ ಸನ್ನಿವೇಶದ ಛಾಯೆಗಳನ್ನು ತನ್ನಲ್ಲಿ ಅಳವಡಿಸಿಕೊಂಡು ಮುಂದೆ ಸಾಗಬೇಕು ಎಂದರು.

ಚಲನಚಿತ್ರ ನಿರ್ದೇಶಕ ಮತ್ತು ಪತ್ರಕರ್ತರಾದ ರಮೇಶ್ ಸುರ್ವೆ ಮಾತನಾಡಿ, ಮಣ್ಣಿನ ಮಕ್ಕಳೆ ಚಿನ್ನದ ಬೆಳೆ ಬೆಳೆಯಲು ಶಕ್ಯರು, ಅಂತಹ ಮಣ್ಣಿನ ಗುಣವನ್ನು ತನ್ನಲ್ಲಿ ಹುದುಗಿಸಿಕೊಂಡಿರುವ ಶ್ರೀಧರ್ ಅವರು ಒಂದೊಳ್ಳೆ ಕೃತಿಯನ್ನು ಸಮಾಜ ಕ್ಕೆ ಕೊಡುಗೆಯಾಗಿ ನೀಡಿದ್ದಾರೆ ಇನ್ನೂ ಹಲವಾರು ಕೃತಿಗಳು ಸಮಾಜದ ಬದಲಾವಣೆಗಾಗಿ ರಚಿತವಾಗಲಿ ಎಂದರು.

ಈ ಸಮಾರಂಭದಲ್ಲಿ ಪದವಿ ಪೂರ್ವ ಕಾಲೇಜಿನ ಪ್ರಾಂಶುಪಾಲರಾದ ಶ್ರೀ ವೀರಭದ್ರಪ್ಪ ಅವರ ಅಧ್ಯಕ್ಷತೆವಹಿಸಿದ್ದರು. ಗೌರವ ಉಪಸ್ಥಿತಿ ಷಕೀಬ್ ಕಣದ್ಮನೆ ನವಿಲೇಹಾಳ್ ಪತ್ರಕರ್ತರು ಸುದ್ದಿದಿನ ಹಾಗೂ ವಾಯ್.ಜೆ.ಮಹಿಬೂಬ ಪ್ರಕಾಶಕರು ಅಜಾದ ಪ್ರಕಾಶನ ಸಂಸ್ಥೆ ಸಿಂದಗಿ ಉಪಸ್ಥಿತರಿದ್ದರು.

ಸುದ್ದಿದಿನ.ಕಾಂ|ವಾಟ್ಸಾಪ್|9986715401

Continue Reading
Advertisement

Trending