Connect with us

ದಿನದ ಸುದ್ದಿ

ಪುಲ್ವಾಮಾ ದಾಳಿ : ಸಾವು ಗೆದ್ದು ತವರಿಗೆ ಬಂದ ‘ಯೋಧ’ನಿಗೆ ಅದ್ದೂರಿ ಸ್ವಾಗತ..!

Published

on

ಸುದ್ದಿದಿನ,ಬೀದರ್: ಪುಲ್ವಾಮಾಲ್ಲಿ ನಡೆದ ಉಗ್ರರ ದಾಳಿಯಲ್ಲಿ ಬೀದರ್​ನ ಯೋಧರೊಬ್ಬರು ಸಾವನ್ನು ಗೆದ್ದು ಬಂದಿದ್ದಾರೆ. ಭಾಲ್ಕಿ ತಾಲೂಕಿನ ಸೇವಾಲಾಲ ತಾಂಡದ ಮನೋಹರ್ ರಾಠೋಡ್ ಸಾವನ್ನು ಗೆದ್ದು ಬಂದ ಯೋಧ.

ಮನೋಹರ್ ಇಂದು ತವರೂರಿಗೆ ಆಗಮಿಸಿದ್ದು, ಮನೆಯಲ್ಲಿ ಸಂಭ್ರಮ ಮನೆ ಮಾಡಿತ್ತು.
ಪುಲ್ವಾಮಾ ದಾಳಿ ನಡೆದ ಸಂದರ್ಭದಲ್ಲಿ ಯೋಧ ಮನೋಹರ್, ಬ್ಲಾಸ್ಟ್ ಆದ ಬಸ್ಸಿನ ಹಿಂದಿನ ಬಸ್‌ನಲ್ಲೇ ಇದ್ದರು. ಸ್ಫೋಟದ ಬಳಿಕ 15 ನಿಮಿಷಗಳ ಕಾಲ ಅವರು ಮೂರ್ಛೆ ಹೋಗಿದ್ದರು. ಮೃತದೇಹಗಳ ಜೊತೆ ಯೋಧ ಮನೋಹರ್ ರಾಠೋಡ್‌ರನ್ನ ಹಾಕಲಾಗಿತ್ತು.

ನಂತರ ಅವರ ದೇಹ ಅಲುಗಾಡಿದಾಗ ಮನೋಹರ್​ ಬದುಕಿರುವುದು ಗೊತ್ತಾಗಿದೆ. ಬಳಿಕ ಅವರನ್ನು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಉಗ್ರರ ದಾಳಿಯನ್ನು ಕಣ್ಣಾರೆ ಕಂಡು ಸಾವಿನ ದವಡೆಯಿಂದ ಸಾವನ್ನೇ ಗೆದ್ದು ಬಂದಿರುವ ಯೋಧ ಮನೋಹರ್ ಇಂದು ತವರೂರಿಗೆ ಆಗಮಿಸಿದ್ರು. ಈ ವೇಳೆ ಮನೋಹರ್ ಅವರಿಗೆ ಶಾಲು ಹೋದಿಸಿ ಗೌರವಿಸಲಾಯಿತು. ಇದಕ್ಕೂ ಮುನ್ನ ಗ್ರಾಮದಲ್ಲಿ ಅದ್ಧೂರಿ ಮೆರವಣಿಗೆ ನಡೆಸಲಾಯಿತು.

ಸುದ್ದಿದಿನ.ಕಾಂ|ವಾಟ್ಸಾಪ್|9986715401

ದಿನದ ಸುದ್ದಿ

ನಿಮ್ಮ ಪ್ರಶ್ನೆಗೆ ಉತ್ತರಿಸಲು ‘ನಾಳೆ ಟ್ವಿಟರ್ ನಲ್ಲಿ ಲೈವ್’ ಬರಲಿದ್ದೇನೆ ; ಸಂವಾದದಲ್ಲಿ ಭಾಗವಹಿಸಿ : ಸಿದ್ದರಾಮಯ್ಯ

Published

on

ಸುದ್ದಿದಿನ ಡೆಸ್ಕ್ : ಲೋಕಸಭಾ ಚುನಾವಣೆ ರಂಗೇರಿರುವ ಈ‌ ಸಂಧರ್ಭದಲ್ಲಿ, ರಾಜಕೀಯವಲಯದಲ್ಲಿ ಎಲ್ಲಿಲ್ಲದ ಚಟುವಟೆಕೆ ಗರಿಗೆದರಿದೆ. ಪಕ್ಷಗಳ ನಾಯಕರು ತಮ್ಮವಿರೋಧಿ ಪಕ್ಷಗಳ ಮೇಲೆ ವಾಗ್ದಾಳಿ ನಡೆಸಿದ್ದಾರೆ.

ಈ ಚುನಾವಣಾ ಹಿನ್ನೆಲೆಯಲ್ಲಿ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ತಮ್ಮ ಟ್ವಿಟರ್ ಖಾತೆಯ ಮೂಲಕ ನಾಳೆ ಮಾರ್ಚ್ 26 (ನಾಳೆ) ನೇರ ಪ್ರಸಾರದಲ್ಲಿ ಮಾತುಕತೆ ಗೆ ಬರಲಿದ್ದೇನೆ ಎಂದು ಟ್ವೀಟ್ ಮಾಡಿದ್ದಾರೆ. ಆ ಟ್ವೀಟ್ ಹೀಗಿದೆ, “ಮಾರ್ಚ್ 26 ರಂದು ಮಧ್ಯಾಹ್ನ 2:30ಕ್ಕೆ ನಾನು ಟ್ವಿಟ್ಟರ್ ಲೈವ್‌ನಲ್ಲಿ ನಿಮ್ಮೊಂದಿಗೆ ಸಂವಾದ ನಡೆಸಲಿದ್ದೇನೆ.
ನಿಮ್ಮ ಪ್ರಶ್ನೆಗಳನ್ನು #ಸಿದ್ದರಾಮಯ್ಯನವರಿಗೆನಿಮ್ಮಪ್ರಶ್ನೆ ಎಂಬ ಹ್ಯಾಷ್‌ಟ್ಯಾಗ್‌ನೊಂದಿಗೆ ಕೇಳುವುದರ ಮೂಲಕ ಸಂವಾದದಲ್ಲಿ ಭಾಗವಹಿಸಿ.
ಧನ್ಯವಾದಗಳು” ಎಂದು ಹೇಳಿದ್ದಾರೆ.

ಸುದ್ದಿದಿನ.ಕಾಂ|ವಾಟ್ಸಾಪ್|9986715401

Continue Reading

ದಿನದ ಸುದ್ದಿ

ಶಿವಳ್ಳಿ ಕುಟುಂಬದ ಸಹೋದರನಾಗಿ ಸಂಕಷ್ಟಗಳಿಗೆ ಸ್ಪಂದಿಸುತ್ತೇನೆ : ಎಚ್.ಡಿ.ಕೆ

Published

on

ಸುದ್ದಿದಿನ, ಧಾರವಾಡ : ಸಚಿವ ಸಿ.ಎಸ್. ಶಿವಳ್ಳಿ ಅವರ ನಿಧನದ ಸುದ್ದಿ ಕೇಳಿ ಅತ್ಯಂತ ಆಘಾತವಾಗಿದೆ. ಬಡವರ ಬಗೆಗಿನ ಅವರ ಕಾಳಜಿ ನಿಜವಾದ ಜನನಾಯಕನೊಬ್ಬ ಅಳವಡಿಸಿಕೊಳ್ಳಲು ಮಾದರಿಯಾಗಿತ್ತು. ಅವರ ಕುಟುಂಬದ ಸಹೋದರನಾಗಿ ಸಂಕಷ್ಟಗಳ ನಿವಾರಣೆಗೆ ಶ್ರಮಿಸುತ್ತೇನೆ ಎಂದು ಮುಖ್ಯಮಂತ್ರಿ ಹೆಚ್.ಡಿ. ಕುಮಾರಸ್ವಾಮಿ ಅವರು ತಿಳಿಸಿದರು.

ಯರಗುಪ್ಪಿಯಲ್ಲಿ ಪೌರಾಡಳಿತ ಸಚಿವ ಸಿ.ಎಸ್.ಶಿವಳ್ಳಿ ಅವರ ಪಾರ್ಥಿವ ಶರೀರಕ್ಕೆ ಅಂತಿಮ ನಮನ ಸಲ್ಲಿಸಿ ಮಾತನಾಡಿದ ಅವರು, ಗುರುವಾರ ತಾವು ಧಾರವಾಡಕ್ಕೆ ಭೇಟಿ ನೀಡಿದ ಸಂದರ್ಭದಲ್ಲಿ ಸಂಪೂರ್ಣವಾಗಿ ಅವರು ನನ್ನೊಂದಿಗೆ ಇದ್ದರು. ಕಟ್ಟಡ ಕುಸಿತದ ಸಂತ್ರಸ್ತರ ಬಗ್ಗೆ ಮಮ್ಮಲ ಮರುಗಿದ್ದರು.ಕಿಮ್ಸ್ ಭೇಟಿಯ ಸಂದರ್ಭದಲ್ಲಿ ಆ ಸಂಸ್ಥೆಯನ್ನು ಬಹಳ ದೊಡ್ಡ ಮಟ್ಟದಲ್ಲಿ ಅಭಿವೃದ್ಧಿ ಪಡಿಸುವ ಕನಸು ವ್ಯಕ್ತಪಡಿಸಿದ್ದರು. ಶಿವಳ್ಳಿ ಅವರೊಂದಿಗೆ ಕಳೆದ ಆರೇಳು ತಿಂಗಳುಗಳಿಂದ ಬಹಳ ಆತ್ಮೀಯತೆ ಬೆಳೆದಿತ್ತು.

ಇಲ್ಲಿ ನೆರೆದ ಜನಸ್ತೋಮ ನೋಡಿ, ಅವರ ಬಗೆಗಿನ ಗೌರವ ಇಮ್ಮಡಿಯಾಗಿದೆ. ಸದಾಕಾಲ ಜನರ ಸೇವೆಗೆ ಒತ್ತು ನೀಡಿದ್ದ ಸಿ.ಎಸ್‌. ಶಿವಳ್ಳಿ ಅವರ ಕುಟುಂಬದ ಸಂಕಷ್ಟಗಳಲ್ಲಿ ಭಾಗಿಯಾಗೋಣ ಎಂದರು.

ಸುದ್ದಿದಿನ.ಕಾಂ|ವಾಟ್ಸಾಪ್|9986715401

Continue Reading

ದಿನದ ಸುದ್ದಿ

ಯಡಿಯೂರಪ್ಪ ಡೈರಿ ನಕಲಿ : ಐಟಿ ಇಲಾಖೆ ಡಿಜಿ ಸ್ಪಷ್ಟನೆ

Published

on

ಸುದ್ದಿದಿನ, ಬೆಂಗಳೂರು : ಕಾಂಗ್ರೆಸ್ ನ ವಕ್ತಾರ ರಣದೀಪ್ ಸುರ್ಜೆವಾಲಾ ಅವರು ಬಿಜೆಪಿ ರಾಜ್ಯಾಧ್ಯಕ್ಷ ಬಿಡುಗಡೆ ಮಾಡಿದ್ದ ಡೈರಿಯ ದಾಖಲೆಗಳು ನಕಲಿಯಾಗಿವೆ ಎಂದು ಆದಾಯ ತೆರಿಗೆ ಇಲಾಖೆಯ ಕರ್ನಾಟಕ ಮತ್ತು ಗೋವಾ ಡಿಜಿ ಬಿ.ಆರ್. ಬಾಲಕೃಷ್ಣನ್ ಅವರು ಇಂದು ಸುದ್ದಿಗೋಷ್ಟಿಯಲ್ಲಿ ತಿಳಿಸಿದರು.

ನಂತರ ಸುದ್ದಿಗೋಷ್ಟಿಯಲ್ಲಿ ಮಾತನಾಡಿದ ಅವರು ಪ್ರಾಥಮಿಕ ಹಮನತದ ವರದಿಯು ಹೇಳುವಂತೆ ಡೈರಿಯ ದಾಖಲೆಗಳು ನಕಲಿಯಾಗಿದ್ದು, ಅವುಗಳನ್ನು ಹೈದರಾಬಾದಿನ ವಿಧಿ ವಿಜ್ಞಾನ ಲ್ಯಾಬ್ (ಸಿ. ಎಫ್. ಎಸ್. ಎಲ್ ) ಗೆ ಕಳುಹಿಸಲಾಗಿದೆ‌ ಎಂದರು.

ಕಾಂಗ್ರೆಸ್ ಡೈರಿ ಬಿಡುಗಡೆ ಮಾಡಿದ್ದ ಸುದ್ದಿಗೋಷ್ಟಿ

ಸುದ್ದಿದಿನ.ಕಾಂ|ವಾಟ್ಸಾಪ್|9986715401

Continue Reading
Advertisement

Trending