Connect with us

ದಿನದ ಸುದ್ದಿ

ಚೈತ್ರಾ ಕುಂದಾಪುರಗೆ ಛೀಮಾರಿ ಹಾಕಿದ ಜಡ್ಜ್..!?

Published

on

ಸುದ್ದಿದಿನ ಡೆಸ್ಕ್ : ಕುಕ್ಕೆ ಸುಬ್ರಹ್ಮಣ್ಯದಲ್ಲಿ ಚೈತ್ರಾ ಕುಂದಾಪುರ ಮತ್ತು ತಂಡದ ಹಲ್ಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ, ನವೆಂಬರ್ 19ರವರೆಗೆ ಚೈತ್ರಾ ಮತ್ತು ತಂಡದ ನ್ಯಾಯಾಂಗ ಬಂಧನದ ವಿಸ್ತರಣೆಯನ್ನು ಮಾಡಿ ದ‌.ಕ ಜಿಲ್ಲೆಯ ಸುಳ್ಯ ನ್ಯಾಯಾಲಯ ಆದೇಶ ಹೊರಡಿಸಿದೆ.ಇಂದು ಚೈತ್ರಾ ಮತ್ತು ತಂಡವನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದ ಪೊಲೀಸರ ಜೊತೆಗೆ ಮಂಗಳೂರು ಜೈಲು ಅಧೀಕ್ಷಕರು ಮತ್ತು ಚಿಕಿತ್ಸೆ ನೀಡಿದ ವೈದ್ಯರು ಹಾಜರಾಗಿದ್ದರು.

ಅನಾರೋಗ್ಯದ ನೆಪವೊಡ್ಡಿ ಕಳೆದ ಶುಕ್ರವಾರ ನ್ಯಾಯಾಲಯಕ್ಕೆ ಹಾಜರಾಗದ ಚೈತ್ರಾಗೆ ಇಂದು ಕಡ್ಡಾಯವಾಗಿ ಹಾಜರುಪಡಿಸಲು ಸೂಚಿಸಿದ್ದರು ನ್ಯಾಯಾಧೀಶರು.‌ಚೈತ್ರಾ ಆರೋಗ್ಯದಲ್ಲಿ ಸಮಸ್ಯೆಯಿಲ್ಲ ಎಂದು ವೈದ್ಯರಿಂದ ನ್ಯಾಯಾಲಯಕ್ಕೆ ವರದಿ‌ ನೀಡಿದ್ದು, ಹೀಗಾಗಿ ಕೋರ್ಟ್ ಗೆ ಅಗೌರವ ಸೂಚಿಸಿದ ಹಿನ್ನೆಲೆಯಲ್ಲಿ ಚೈತ್ರಾಗೆ ಪಾಠ ಮಾಡಿದ ಜಡ್ಜ್ ಅವರು ಅನಾರೋಗ್ಯದ ಸುಳ್ಳು ನೆಪಹೇಳಿ ನ್ಯಾಯಾಲಯಕ್ಕೆ ಹಾಜರಾಗದ್ದಕ್ಕೆ ಚೈತ್ರಾಗೆ ಛೀಮಾರಿ ಹಾಕಿದರು. ಅಲ್ಲದೇ ನ್ಯಾಯಾಂಗ ಬಂಧನ ಅವಧಿ ನವೆಂಬರ್ 19ರವರೆಗೆ ವಿಸ್ತರಿಸಿ ಆದೇಶ ಹೊರಡಿಸಿದರು.

ಸುದ್ದಿದಿನ.ಕಾಂ|ವಾಟ್ಸಾಪ್|9986715401

ದಿನದ ಸುದ್ದಿ

ಮಕ್ಕಳಿಗೆ ಶ್ರಮದ ಮಹತ್ವ ಅರಿವಾಗಲು ಬಿಡಿ : ಪೋಷಕರಿಗೆ ದೊಗ್ಗಳ್ಳಿ ಗೌಡ್ರು ಪುಟ್ಟರಾಜು ಕಿವಿಮಾತು

Published

on

ಸುುದ್ದಿದಿನ, ದಾವಣಗೆರೆ : ಮಕ್ಕಳು ಕೇಳಿದ್ದನ್ನೆಲ್ಲಾ ಕೊಡಿಸಬೇಡಿ. ಅವರಿಗೆ ಕೊರತೆಯ ಮಹತ್ವ ಅರಿವಾಗಲು ಬಿಡಿ ಮತ್ತು ಪ್ರಾಮಾಣಿಕ ಪರಿಶ್ರಮದ ಮೂಲಕವೇ ಬಯಸಿದ್ದನ್ನು ಪಡೆಯುವಂತೆ ಪ್ರೇರೇಪಿಸಿ ಎಂದು ದಾವಣಗೆರೆ ಜೆ.ಎಚ್ ಪಟೇಲ್ ಕಾಲೇಜಿನ ಕಾರ್ಯದರ್ಶಿ ದೊಗ್ಗಳ್ಳಿ ಗೌಡ್ರು ಪುಟ್ಟರಾಜು ಪೋಷಕರಿಗೆ ಕಿವಿಮಾತು ಹೇಳಿದರು.

ತಾಲ್ಲೂಕಿನ ಗೋಪನಾಳು ಗ್ರಾಮದ ಶ್ರೀಮತಿ ಇಂದಿರಾಗಾಂಧಿ ಸರ್ಕಾರಿ ವಸತಿ ಶಾಲಾ ಆವರಣದಲ್ಲಿ ದಿನಾಂಕ : 19/01/2019 ರ ಸಂಜೆ 4 ಗಂಟೆಗೆ ಆಯೋಜಿಸಲಾಗಿದ್ದ 2018 – 19 ನೇ ಸಾಲಿನ ಶೈಕ್ಷಣಿಕ ಸಾಲಿನ “ ವರ್ಷೋತ್ಸವ – ಪೋಷಕರ ಹರ್ಷೋತ್ಸವ ” ಕಾರ್ಯಕ್ರಮದಲ್ಲಿ ಅವರು ಸಮಾರೋಪ ನುಡಿಗಳನ್ನಾಡಿದರು.

ಮಕ್ಕಳಿಗೆ ಬೆವರಿನ ಪಾಠ ಅರಿಯಲು ಬಿಡಿ. ಮನಸ್ಸು ಸಮಾಜಕ್ಕೆ ತೆರೆದುಕೊಂಡು ಕಷ್ಟ – ಕಾರ್ಪಣ್ಯಗಳ ತಿಳಿವಳಿಕೆ ಮೂಲಕ ಎಳೆಯರು ತಮ್ಮ ಬದುಕನ್ನು ಸ್ವಾವಲಂಬಿಯಾಗಿಸಿಕೊಳ್ಳುವ ಮುಕ್ತ ವಾತಾವರಣ ಕಲ್ಪಿಸಿಕೊಡಿ ಎಂದು ಕರೆ ನೀಡಿದರು.

ಜಾನಪದ ಪರಿಷತ್‍ನ ದಾವಣಗೆರೆ ಜಿಲ್ಲಾಧ್ಯಕ್ಷರಾದ ವಿಶ್ವನಾಥ್ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು. ವಿದ್ಯಾರ್ಥಿಗಳ ಸವಾಂಗೀಣ ವಿಕಾಸದಲ್ಲಿ ಶಿಕ್ಷಕರೊಂದಿಗೆ ಪೋಷಕರು ಮತ್ತು ಸಮಾಜ ಕೈ ಜೋಡಿಸಿದಾಗ ಅವರ ಭವಿಷ್ಯ ಭವ್ಯವಾಗುತ್ತದೆ ಎಂದರು.

ಅಧ್ಯಕ್ಷತೆ ವಹಿಸಿದ್ದ ವಸತಿ ಶಾಲೆಯ ಪ್ರಾಚಾರ್ಯರಾದ ವಿ.ಸಿ ಅಂಜಿನಪ್ಪ ವಾರ್ಷಿಕ ವರದಿ ವಾಚಿಸಿ, ತಮ್ಮ ಶಾಲಾ ವಾರ್ಷಿಕೋತ್ಸವ ಕಾರ್ಯಕ್ರಮ ಯಶಸ್ವಿಯಾಗಲು ಸಹಕರಿಸಿದ ಪೋಷಕರು, ದಾನಿಗಳು ಮತ್ತು ಶಿಕ್ಷಕರಿಗೆ ವಂದಿಸಿದರು.

ವಿಶೇಷ ಅತಿಥಿಯಾಗಿ ಪಾಲ್ಗೊಂಡಿದ್ದ ಐಗೂರು ಸರ್ಕಾರಿ ಶಾಲೆಯ ಬಡ್ತಿ ಮುಖ್ಯ ಶಿಕ್ಷಕಿ ಎಲ್ಲಮ್ಮ ಶಾನವಾಡ ಅವರು ಮಕ್ಕಳ ಪ್ರತಿಭೆ ಮತ್ತು ವ್ಯಕ್ತಿತ್ವ ವಿಕಸನದ ಕುರಿತು ಮಾತನಾಡುವ ಜೊತೆ, ಸ್ಥಳದಲ್ಲಿಯೇ ಒಂದು ಕವನ ರಚಿಸಿ ಹಾಡಿದ್ದು ವಿಶೇಷವೆನಿಸಿತು.

ಕುಬೇಂದ್ರಪ್ಪ, ಶೇಖನಾಯ್ಕ, ವೆಂಕಟೇಶ್‍ಮೂರ್ತಿ, ವೀರೇಂದ್ರ ಪಟೇಲ್, ಸಿಂದ್ಯಪ್ಪ ಸೇರಿದಂತೆ ಇತರರು ವೇದಿಕೆಯಲ್ಲಿದ್ದರು.ಸಭಾ ಕಾರ್ಯಕ್ರಮದ ನಂತರ ವಿದ್ಯಾರ್ಥಿಗಳಿಂದ ಜರುಗಿದ ವಿವಿಧ ಮನಮೋಹಕ ಸಾಂಸ್ಕøತಿಕ ಕಾರ್ಯಕ್ರಮಗಳು ನೆರೆದಿದ್ದ ಸಾವಿರಕ್ಕೂ ಹೆಚ್ಚು ಪೋಷಕರು ಮತ್ತು ಪ್ರೇಕ್ಷಕರ ಮನ ಸೂರೆಗೊಂಡವು.

Continue Reading

ದಿನದ ಸುದ್ದಿ

ಸಾಹಿತ್ಯ ಬಳಗದಿಂದ ಸಿದ್ಧಗಂಗಾ ಶ್ರೀಗಳಿಗೆ ‘ಶ್ರದ್ಧಾಂಜಲಿ’

Published

on

ಸುದ್ದಿದಿನ, ದಾವಣಗೆರೆ : ಇಲ್ಲಿನ ವಿನೋಬ ನಗರದ 3ನೇ ಮೇನ್ 8ನೇ ಕ್ರಾಸ್ ನಲ್ಲಿರುವ ಜಿಲ್ಲಾ ಚುಟುಕು ಸಾಹಿತ್ಯ ಪರಿಷತ್ ನ ಕೇಂದ್ರ ಕಚೇರಿಯಲ್ಲಿ ಇಂದು ಸಂಜೆ 6.30ಕ್ಕೆ ದಾವಣಗೆರೆಯ ಸಾಹಿತಿಗಳು ಸಭೆ ಸೇರಿ ನಡೆದಾಡುವ ದೇವರು ಸಿದ್ಧಗಂಗೆಯ ಶ್ರೀ ಶ್ರೀ ಶಿವಕುಮಾರ ಸ್ವಾಮಿಗಳ ಯೋಗ ಜೀವನ, ಕಾಯಕ ನಿಷ್ಠೆ, ಸಾಮಾಜಿಕ, ಶೈಕ್ಷಣಿಕ ಕೊಡುಗೆ ಸ್ಮರಿಸಿ ಭಾವಪೂರ್ಣ ಶ್ರದ್ಧಾಂಜಲಿ ಅರ್ಪಿಸಲಾಯಿತು.

ಶ್ರದ್ಧಾಂಜಲಿ ಸಭೆಯಲ್ಲಿ ಕವಿಗಳಾದ ರಾಜಶೇಖರ್ ಗುಂಡಗಟ್ಟಿ, ಶಿವಯೋಗಿ ಹಿರೇಮಠ್, ರಾಜೇಂದ್ರ ಪ್ರಸಾದ್ ನೀಲಗುಂದ, ಮಹಾಂತೇಶ್ ನಿಟ್ಟೂರು, ಗೀತಾ ತಿಪ್ಪೇಸ್ವಾಮಿ, ವೀರೇಶ್, ತಾರೇಶ್ ಅಣಬೇರು, ಗಂಗಾಧರ ಬಿ.ಎಲ್ ನಿಟ್ಟೂರ್, ವೀರಭದ್ರಪ್ಪ ತೆಲಗಿ, ಕೆ.ಎಂ.ಚಂದ್ರಶೇಖರಯ್ಯ ಸೇರಿದಂತೆ ಇತರರು ಹಾಜರಿದ್ದು ನುಡಿ ನಮನ ಸಲ್ಲಿಸಿದರು.

ಸುದ್ದಿದಿನ.ಕಾಂ|ವಾಟ್ಸಾಪ್|9986715401

Continue Reading

ದಿನದ ಸುದ್ದಿ

‘ಸ್ವಪ್ನದಲ್ಲಿ ಸೊರಗಿದ ಪ್ರೀತಿ’ ಕಾದಂಬರಿ ಲೋಕಾರ್ಪಣೆ

Published

on

ಸುದ್ದಿದಿನ ಡೆಸ್ಕ್ | ಸೋಮವಾರ (ಇಂದು) ಕೊಟ್ಟೂರಿನ ಪದವಿ ಪೂರ್ವ ಕಾಲೇಜಿನಲ್ಲಿ ಶ್ರೀಯುತ ಶ್ರೀಧರ್ ಅವರ ‘ಸ್ವಪ್ನದಲ್ಲಿ ಸೊರಗಿದ ಪ್ರೀತಿ’ ಎಂಬ ಕಾದಂಬರಿಯನ್ನು ವಾಯ್.ಜೆ.ಮಹಿಬೂಬ ಅವರ ಅಜಾದ ಪ್ರಕಾಶನದ ಸಹಯೋಗದಲ್ಲಿ, ಖ್ಯಾತ ಸಾಹಿತಿ ಕುಂಬಾರ ವೀರಭದ್ರಪ್ಪ ಅವರು ಲೋಕಾರ್ಪಣೆ ಮಾಡಿದರು.

ಪ್ರಾಸ್ತಾವಿಕ ನುಡಿಗಳನ್ನಾಡಿದ ಕೃತಿಕಾರ ತಾನು ಕಂಡ ನೋವು ನಲಿವು,ಅನುಭವಿಸಿದ ತೊಂದರೆಗಳ ಪ್ರತಿರೂಪವೇ ಈ ಕೃತಿ ಎಂದು ಹೇಳಿದರು.‌ ಕೃತಿ ಲೋಕಾರ್ಪಣೆ ಮಾಡಿ ಮಾತನಾಡಿದ ಕುಂಬಾರ ವೀರಭದ್ರಪ್ಪ ನವರು ಕನ್ನಡ ಲೇಖಕರು ಓದುವ ಅಭಿಯಾನ ಆರಂಭಿಸಬೇಕು. ಸಾವಿರಾರು ಕೃತಿಗಳನ್ನು ಓದಿದ ನಂತರವೇ ಬರಹ ದತ್ತ ಚಿತ್ತಹರಿಸಬೇಕು ಎಂದರು.

ಕರುನಾಡ ಹಣತೆಯ ರಾಜ್ಯಾದ್ಯಕ್ಷರಾದ ರಾಜು ಸೂಲೇನಹಳ್ಳಿ ಮಾತನಾಡಿ ಕಾದಂಬರಿ ಸುತ್ತಲಿನ ಸನ್ನಿವೇಶದ ಛಾಯೆಗಳನ್ನು ತನ್ನಲ್ಲಿ ಅಳವಡಿಸಿಕೊಂಡು ಮುಂದೆ ಸಾಗಬೇಕು ಎಂದರು.

ಚಲನಚಿತ್ರ ನಿರ್ದೇಶಕ ಮತ್ತು ಪತ್ರಕರ್ತರಾದ ರಮೇಶ್ ಸುರ್ವೆ ಮಾತನಾಡಿ, ಮಣ್ಣಿನ ಮಕ್ಕಳೆ ಚಿನ್ನದ ಬೆಳೆ ಬೆಳೆಯಲು ಶಕ್ಯರು, ಅಂತಹ ಮಣ್ಣಿನ ಗುಣವನ್ನು ತನ್ನಲ್ಲಿ ಹುದುಗಿಸಿಕೊಂಡಿರುವ ಶ್ರೀಧರ್ ಅವರು ಒಂದೊಳ್ಳೆ ಕೃತಿಯನ್ನು ಸಮಾಜ ಕ್ಕೆ ಕೊಡುಗೆಯಾಗಿ ನೀಡಿದ್ದಾರೆ ಇನ್ನೂ ಹಲವಾರು ಕೃತಿಗಳು ಸಮಾಜದ ಬದಲಾವಣೆಗಾಗಿ ರಚಿತವಾಗಲಿ ಎಂದರು.

ಈ ಸಮಾರಂಭದಲ್ಲಿ ಪದವಿ ಪೂರ್ವ ಕಾಲೇಜಿನ ಪ್ರಾಂಶುಪಾಲರಾದ ಶ್ರೀ ವೀರಭದ್ರಪ್ಪ ಅವರ ಅಧ್ಯಕ್ಷತೆವಹಿಸಿದ್ದರು. ಗೌರವ ಉಪಸ್ಥಿತಿ ಷಕೀಬ್ ಕಣದ್ಮನೆ ನವಿಲೇಹಾಳ್ ಪತ್ರಕರ್ತರು ಸುದ್ದಿದಿನ ಹಾಗೂ ವಾಯ್.ಜೆ.ಮಹಿಬೂಬ ಪ್ರಕಾಶಕರು ಅಜಾದ ಪ್ರಕಾಶನ ಸಂಸ್ಥೆ ಸಿಂದಗಿ ಉಪಸ್ಥಿತರಿದ್ದರು.

ಸುದ್ದಿದಿನ.ಕಾಂ|ವಾಟ್ಸಾಪ್|9986715401

Continue Reading
Advertisement

Trending