Connect with us

ಭಾವ ಭೈರಾಗಿ

ಇಂದು ಬೇಲೂರು ರಘನಂದನ್ ‘ಪದ್ಯ ಪ್ರಯೋಗ’ ; ಮಿಸ್ ಮಾಡ್ದೆ ಬನ್ನಿ..!

Published

on

ಬೇಲೂರು ರಘನಂದನ್ ನಾವು ಇಂದು ಸಾಹಿತ್ಯ ಕ್ಷೇತ್ರದಲ್ಲಿ ಕೇಳಿಸಿಕೊಳ್ಳುತ್ತಿರುವ ಚಿರಪರಿಚಿತ ಹೆಸರು. ಕಾವ್ಯ, ನಾಟಕ, ಮಕ್ಕಳ ಕಥೆಗಳು, ವಿಮರ್ಶೆ ಹೀಗೆ ಸಾಹಿತ್ಯದ ಹಲವೂ ಜಲದ ಒರತೆಗಳನ್ನು ತಳಸ್ಪರ್ಶಿಯಾಗಿ ಮುಟ್ಟಿ ಹೊಸದೇನನ್ನೋ ಕಟ್ಟುವ ಕುತೂಹಲ ಮತ್ತು ಜವಾಬ್ಧಾರಿಗಳಿರುವ ಮನುಷ್ಯ. ಕವಿ ಈ ಮಣ್ಣಿನ ಘಮಲನ್ನು ಉಸಿರಾಡುತ್ತಲೇ ಜೀವಂತಿಕೆಯ ಮೂಲಗಳನ್ನು ಪ್ರತಿಪಾದಿಸುವ ಶಕ್ತಿಯನ್ನು ಪಡೆದಿದ್ದಾರೆ.

ಇವರ ಸೊನ್ನೆಯಾಗುವ ಕಾಯ. ಕವನ ಸಂಕಲನ ಬಿಡುಗಡೆಗೆ ಸಿದ್ದವಾಗಿದೆ. ಒಂದು ಕವನ ಸಂಕಲನ ಬಿಡುಗಡೆಯಾಗುತ್ತದೆ ಎಂದರೇ ಮಾರ್ಮಿಕ ಮಾತುಗಳಾಡುವರೇ ಹೆಚ್ಚು. ಕಾಲ ಕಾಲಕ್ಕೆ ಸ್ಪಂದಿಸುವ ಜೀವಂತ ಕಾವ್ಯವನ್ನು ಗುರುತಿಸುವ ಪ್ರಕ್ರಿಯೇ ಕುವೆಂಪುವಿನ ನಂತರ ಸಮರ್ಪಕವಾಗಿ ನಡೆಯಲಿಲ್ಲ. ಎಂಬುದು ಲೋಕ ಸತ್ಯ. ಬೇಲೂರು ರಘನಂದನ್ ಇಪ್ಪತ್ತೊಂದನೇ ಶತಮಾನದ ಹೊಸ ಕವಿಯಾಗಿ ಹಲವು ಪ್ರಶ್ನೆಗಳನ್ನು ಹುಟ್ಟು ಹಾಕುತ್ತಲೇ ಕಾವ್ಯದ ಓದು ಮತ್ತು ಅರ್ಥಗ್ರಹಿಕೆಯ ಬಗ್ಗೆ ಇಡೀ ಕರ್ನಾಟಕದ ಯುವ ಪ್ರತಿಭೆಗಳನ್ನು ಪ್ರಭಾವಿಸುತ್ತಾ ತನ್ನೊಳಗಿನ ಕಾವ್ಯದ ನಶೆಯನ್ನಾ ಸಾಹಿತ್ಯ ಲೋಕಕ್ಕೆ ನೀಡುತ್ತಿರುವಾ ಈ ಕವಿಯ ಕಾವ್ಯವೇ ಹೊಸ ಚಿಂತನೆಗೆ ಮಾರ್ಗದರ್ಶಿಯಾಗುತ್ತದೆ.

ರಘನಂದನ್ ಅವರ ಸೊನ್ನೆಯಾಗುವ ಕಾಯ ಕವನ ಸಂಕಲನ ಸೃಷ್ಟಿಯ ಪ್ರಕ್ರಿಯಗಳನ್ನು ಹೊಸ ರೂಪಕ ಮತ್ತು ಪ್ರತಿಮೆಗಳ ಮೂಲಕ ಕಟ್ಟಲು ಪ್ರಯತ್ನಿಸುತ್ತದೆ. ಮನುಷ್ಯನ ಮನಸ್ಸು ಮತ್ತು ದೇಹದ ಗುಂಗಿನ ಹಂಗನ್ನು ಕಾವ್ಯಕ್ಕೆ ಒಗ್ಗಿಸುವ ಕಲಾತ್ಮಕತೆ ಸರಳವಾಗಿ ಕಾಣುವುದಾದರೂ ಕುತೂಹಲ ಮೂಡಿಸುತ್ತದೆ. ಕವಿ ತನ್ನ ಕಲ್ಪನೆಯ ಪಾಕದಲ್ಲಿ ಕುದಿಸಿರುವ ಅನುಭವವನ್ನು ಉಣಬಡಿಸುವ ರೀತಿಯೂ ಸೊಗಸಾಗಿದ್ದು. ಒಂದೇ ಧಾವಂತದಲ್ಲಿ ಓದಿ ಮುಗಿಸುವ ,ಓದಿದ ಮೇಲೆ ಮತ್ತೆ ಓದಿಸುವ ಜೊತೆಗೆ ಆನಂದವನ್ನು ಕಾಯ್ದುಕೊಳ್ಳುವ ಶಕ್ತಿ ಈ ಕವನಸಂಕಲನದಲ್ಲಿ ಇದೆ. ಇವರ ಪದ್ಯಗಳ ಬಗ್ಗೆ ವಿಶೇಷ ಚರ್ಚೆ ಅಗತ್ಯವಾಗಿ ನಡೆಯಬೇಕು. ಒಬ್ಬ ಶಲ್ಲಿಯನ್ನೂ ಕೀಟ್ಸನನ್ನೂ ಓದಿದ ಅನುಭವ ದೊರಕುತ್ತದೆ.

ಮಕ್ಕಳ ಕಥೆಗಳು ಅಪರೂಪವಾಗುತ್ತಿರುವ ಈ ಕಾಲಘಟ್ಟದಲ್ಲಿ ರಘುನಂದನ್ ಅವರ ಹಾರುವ ಆನೆ ಕಥೆಗಳು ಮಕ್ಕಳ ಜೀವನಕ್ಕೆ ಮೌಲ್ಯ ಮತ್ತು ಆದರ್ಶಗಳನ್ನು ತುಂಬುವ ಕಥೆಗಳಾಗಿ ಗುರುತಿಸಿಕೊಳ್ಳತ್ತವೆ. ಜೊತೆಗೆ ಮಕ್ಕಳ ಮನಸ್ಸಿನ ಬೇಸರವನ್ನು ಕಳೆಯುತ್ತವೆ. ಕವಿಗೆ ಶುಭ ಹಾರೈಸೋಣ.

( ಈ ಕೃತಿ ಬಿಡುಗಡೆಯ ದಿನ ದಿನಾಂಕ: 10/04/2019 ಸಂಧ್ಯಾಕಾಲ 5.30 ಆತ್ಮೀಯ ಸಾಹಿತ್ಯ ಪ್ರಿಯರಿಗೆ ಗೆಳಯರಿಗೆ ಪ್ರೀತಿಯ ಸ್ವಾಗತ)

ಸುದ್ದಿದಿನ.ಕಾಂ|ವಾಟ್ಸಾಪ್|9986715401

ಭಾವ ಭೈರಾಗಿ

ಕವಿತೆ | ಮೃಗಗಳಿಗಂಜಿ ಹೋದಳು..!

Published

on

  • ಟಿ.ಎಸ್. ರಾಜೇಂದ್ರ ಪ್ರಸಾದ್ ತೇಕಲವಟ್ಟಿ, ದಾವಣಗೆರೆ

ಣ್ಣೊಳಗೆ ಕಣ್ಣು ನೆಟ್ಟು ಪುಣ್ಯಕೋಟಿಯಂತೆ ಸೆರಗಲ್ಲಿ ನೋವಿನ ಮುಡಿತುಂಬ ಬಿಚ್ಚಿಟ್ಟು ಎದೆಯೊಳಗಿನ ಬೆಂಕಿಯಂತಹ ದಿಟವನು ನಡೆದು ಹೋದಳು ಅಕ್ಕನಂತೆ!

ಗುಟ್ಟುರಟ್ಟಾಗದಿರಲು ಕೈಯಲ್ಲಿ ಕೈ ಬೆಸೆದು ಮುಚ್ಚಿಟ್ಟು ಬೆರಳುಗಳಲ್ಲಿ ಬಾಷೆಯನು ಎದೆಯಲ್ಲಿ ನಿಜವನು ಬಚ್ಚಿಟ್ಟು ಮೃಗಜಲವಾಗಿ ಹರಡಿಕೊಂಡು!
ಉಳಿದುಕೊಂಡ ನೀರವ ಮೌನ ಕುಸಿದು ಕುಳಿತು
ಕಣ್ಣಲಿ ಮಂಜುಮುತ್ತಿ ಅಕ್ಷರಗಳೆಲ್ಲ ಒದ್ದೆಯಾದವು!

ಬಂಜೆಯಾದ ಅಪ್ಪ ಕಪ್ಪು ಹೇಳಿದ ಅವ್ವ ತುಪ್ಪ ಸುರಿದ ಹಗಲು ಉರುಳಾದ ಹರೆಯ ಕರುಳು ಕತ್ತರಿಸಿದ ಒಡಲು ಹೇಳಿ ಹೋಗುವಾಗ

“ಹುಟ್ಟಬಾರದು ಹೆಣ್ಣಾಗಿ.!” ನೋವಿನ ದನಿಯನ್ನು
ನೆನಪಾಗಿ ನೆಟ್ಟು ಮೃಗಗಳಿಗಂಜಿ ಹೋದಳು!

ನಂಜುಂಡೇಶ್ವರ ಕಲ್ಲಾಗಿ ಅರಳದಾಯಿತು ಮಲ್ಲಿಗೆ ಕರುವಿನ ಕೊರಳ ಕಟ್ಟಿ ಹೆತ್ತ ಕರುಳು ಮೃಗವಾಯಿತು ಕತ್ತುಕೊಟ್ಟು ದಿಗಿಲಾಗಿ ಮುತ್ತು ಬಿದ್ದು ಮಣ್ಣಾಗಿ ಮುಳ್ಳುಹೊದೆಯೊಳಗೆ ಬೆಂಕಿ ಹೊಗೆಯಾಡಿತು!

ಬರಿದಾಯಿತು ಬಯಲು
ಒಣಗಿದ ಮರದಡಿಯಲಿ ಅವಳ ಸಮಾಧಿಯ ಮೇಲೆ ಬಾಡಿಹೋದ ಹೂವುಗಳು ಬಿಕ್ಕಳಿಸುತ್ತಿದ್ದವು!

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ಭಾವ ಭೈರಾಗಿ

ಬದುಕಿನ ಬೆಳಕಾದ ನುಡಿ ‘ದೀವಟಿಗೆ’

Published

on

  • ಪರಶುರಾಮ್. ಎ

ದೀವಟಿಗೆ‘ ಎಂಬ ಕವನ ಸಂಕಲನವನ್ನು ಮೈ,ನಾ ಎಂಬ ಕಾವ್ಯ ನಾಮದಿಂದ ಮೈಸೂರಿನ ನಾರಾಯಣರವರು ಬರೆದಿರುವ ಪುಸ್ತಕ. ತಮ್ಮ ಮೊದಲ ಕವನ ಸಂಕಲನದಲ್ಲಿ ಪ್ರಬುದ್ಧ ವಿಷಯಗಳನ್ನು ತಮ್ಮದೇ ಸ್ವಂತ ಶೈಲಿಯಲ್ಲಿ ಕವನಗಳನ್ನು ಈ ಪುಸ್ತಕದ ಮೂಲಕ ಕನ್ನಡಿಗರಿಗೆ ಕಟ್ಟಿ ಕೊಟ್ಟಿದ್ದಾರೆ.

ತಮ್ಮ ಸಾಹಿತ್ಯ ಸ್ನೇಹಿತರ ಬಳಗದಿಂದ ಆಶಯ ನುಡಿಗಳಿಂದ ಪುಸ್ತಕಕ್ಕೆ ಮೆರುಗು ಸಹ ಹೆಚ್ಚಿಸಲಾಗಿದ್ದು, ಆಶಯಕಾರರ ನಂಬಿಕಸ್ಥ ಕವನಗಾರ ನಾರಾಯಣ್ ನಂಬಿಕೆ ಉಳಿಸಿಕೊಂಡಿದ್ದಾರೆ. ಈ ದೀವಟಿಗೆ ಪುಸ್ತಕದಲ್ಲಿ ಒಟ್ಟು ೮೫ ಕವನಗಳಿದ್ದು ಎಲ್ಲವೂ ಸಾಹಿತ್ತಾಸಕ್ತರ ಎದೆ ಮುಟ್ಟುವಲ್ಲಿ ಯಶಸ್ವಿಯಾಗಿದೆ. ಮೋದಕ ಪ್ರಿಯ ಗಣಪ ಎಂಬ ಭಕ್ತಿಯಿಂದ ಶುರುವಾದ ಕವನಗಳು ರಾಜಕೀಯ ವಿಡಂಬನೆ, ಕನ್ನಡ ಅಭಿಮಾನ. ಸಂಬಂಧಗಳ ಸಾರ.

ಸಮಾಜ ಪರ ಕಾಳಜಿ, ಬದುಕಿನ ನೋವು ನಲಿವು ದುಃಖ ದುಮ್ಮಾನಗಳ ಏರಿಳಿತದ ಸಮ್ಮೇಳನವಿದೆ. ಕವಿಗೆ ಕಣ್ಣಿಗೆ ಕಂಡದೆಲ್ಲವೂ ಕವಿತೆಯಾಗಲಾರದು ಹಾಗೇಯೆ ಅನುಭವಿ ಗ್ರಹಿಸಿದರೆ ಅವುಗಳನ್ನು ಹೂ ಮಾಲೆ ಕಟ್ಟುವ ರೀತಿಯಲ್ಲಿ ಪದಮಾಲೆ ವರ್ಣಮಾಲೆಯನ್ನಾಗಿಸಿದರೆ ಕವನ ಸಾರ್ಥಕ.

ವಿವೇಕದ ಈ ಹೊತ್ತಿನ ದೀವಟಿಗೆಯೇ ಆಗಿದೆ ಎನಬಹುದಾದ ತಾಕತ್ತು ಉಳ್ಳ ಪುಸ್ತಕ. ಪುಸ್ತಕದಲ್ಲಿ ಒಂದೊಂದು ಕವನಗಳು ಸಹ ತಮ್ಮ ತಾಕತ್ತಿನ ಕಳೆಯನ್ನು ಓದುಗರಿಗೆ ಅರಿವು ಮೂಡಿಸಲು ಪ್ರಯತ್ನಿಸುತ್ತದೆ. ಆ ಅರಿವನ್ನು ಕವಿ ತಮ್ಮ ಮೊನಚಾದ ಪದ ಬಳಕೆಯಿಂದ ಎಚ್ಚರಿಸುತ್ತ ಸಾಗುತ್ತಾನೆ. ನಾರಾಯಣರು ಕನ್ನಡದ ಕವಿತೆಗಳ ಮೂಲಕ ಹೊಸ ಬಗೆಯ ಕಾವ್ಯಕ್ಕೆ ಕೈ ಹಾಕಿದ್ದಾರೆಂದೆ ಹೇಳಬಹುದು.

ದೇವನಾಟ ಪದ್ಯದಲ್ಲಿ ಕವಿ
ಹಸುಳೆ ಕಂದನ ಅಗಲಿ ತಾ ಅಸುನೀಗಿಹಳಮ್ಮ ನಡುರಸ್ತೆಯಲ್ಲಿ, ಇದನೋಡಿ ಮಿಡಿಯುತಿಹರು ಜನ ತಮ್ಮ ಫೇಸ್‌ಬುಕ್ಕು, ವಾಟ್ಸಪ್ ಸ್ಟೇಟಸ್ ನಲ್ಲಿ!” ಎಂಬ ಮಾರ್ಮಿಕ ವಿಡಂಬನೆಯೊಂದಿಗೆ ನಾವು ಇನ್ನೊಬ್ಬರ ನೋವಿಗೆ ಈಗ ಹೇಗೆ ಸಂತೈಸುತ್ತಿದ್ದೇವೆ ಎಂಬ ಕುಹಕದೊಂದಿಗೆ ಕಠೋರ ಸತ್ಯವು ಇದೆ. ಒಬ್ಬ ಪ್ರೇಮಿಯ ಕನವರಿಕೆ ಇದೆ

ತುಡಿತ, ಮಿಡಿತ ಕಾತುರಗಳ ಸಮ್ಮಿಳತವಿದೆ. ಅಮ್ಮನ ಮುದ್ದಿನ ಮಗನ ಮಮಕಾರವಿದೆ, ಅಮ್ಮನಲ್ಲಿನ ದೈವತ್ವದ ಚಿಗುರಿದೆ, ಅಪ್ಪನ ಭಯಂಕರ ಗೌರವ ಸಮಭಾವಗಳಿವೆ, ಅಕ್ಕನ, ಸ್ನೇಹಿತರ ಸಲುಗೆಯ ಸಮ್ಮಿಶ್ರಿತ ಭಾವನೆಯ ನದಿ ತಳುಕಾಗಿ ಅಂಟಿದೆ. ಪದದಿಂದ ಪದಕ್ಕೆ ಎನ್ನುವ ಹಾಗೆ ಮನದಿಂದ ಮನಕ್ಕೆ ಇವರ ಕವನ ಮೊದಲ ಓದಿಗೆ ನಾಟುವಂತಿದೆ.

ಹೃದಯ ವಿಶಾಲತೆಗೆ ಸೆಲೆಬ್ರೆಟಿಯನ್ನು ಸಾಮಾನ್ಯ ಪ್ರಜೆಯಂತೆ “ಪ್ರತಿಯೊಬ್ಬರೂ ಸೆಲೆಬ್ರಿಟಿಗಳೇ ಪ್ರದರ್ಶಿಸುವ ಮೀಡಿಯಾಗಳಲ್ಲಿ ಅಲ್ಲ ತಮಗಾಗಿ ಮಿಡಿಯುವ ಹೃದಯಗಳಲ್ಲಿ” ಎಂಬ ನವೀನ ಸತ್ಯತೆಯ ಹೊಳಪು ಪುಸ್ತಕದ ಉದ್ದಕ್ಕೂ ಸಾಗುತ್ತದೆ.

ಒಟ್ಟಾರೆ ತಮ್ಮ ಚೊಚ್ಚಲ ಕವನ ಸಂಕಲನದಲ್ಲಿಯೇ ಇಷ್ಟು ಪ್ರಬುದ್ಧ ಕವನಗಳನ್ನು ಕನ್ನಡಿಗ ಓದುಗರಿಗೆ ‘ದೀವಟಿಗೆ‘ ಯಾಗಿ ಮೈ,ನಾ ಖ್ಯಾತಿಯ ನಾರಾಯಣರು ತಮ್ಮ ಕವನದ ಮೂಲಕ ಗಮನ ಸೆಳೆಯುತ್ತಾರೆ. ತಮ್ಮ ದೈಹಿಕ ಅಂಗವಿಕಲತೆಯನ್ನು ಮೆಟ್ಟಿ ನಿಂತ ಛಲಗಾರ, ಕನ್ನಡದ ಸಾಹಿತ್ಯಕ್ಕೆ ಮತ್ತಷ್ಟು ತಮ್ಮ ಕೈಲಾದ ಸಾಹಿತ್ಯ ಸೇವೆಯನ್ನು ಪೂರೈಸಲಿ ಎಂದು ಶುಭಾಶಯಗಳು ಕನ್ನಡಿಗರೆಲ್ಲರೂ ಕೋರುವ, ಇವರ ಪುಸ್ತಕ ಪಯಣ ಸಾಗಲಿ ಎಂದು ಆಶಿಸೋಣ.

ಸುದ್ದಿದಿನ.ಕಾಂ|ವಾಟ್ಸಪ್|9980346243

Continue Reading

ಭಾವ ಭೈರಾಗಿ

ಕವಿತೆ | ಜೋಳಿಗೆಯಿಲ್ಲದ ಜಂಗಮ

Published

on

Art : Carol Nelson
  • ಜಿ. ಮುದ್ದುವೀರಸ್ವಾಮಿ ಹಿರೇಮಳಲಿ, ದಾವಣಗೆರೆ

ವನು ಹುಚ್ಚ

ಮಹಾನಗರದ ಬೀದಿಗಳಲ್ಲಿ
ಅಲೆಯುತ್ತಾನೆ
ಏನನ್ನೊ ಹುಡುಕುತ್ತ

ಅಲೆದಾಟ
ನಿಂತ ನೀರಲ್ಲ
ಎಲ್ಲಿಂದಲೊ ಆರಂಭ
ಗಮ್ಯವಿರದ
ನಿಲುಗಡೆ

ಸಾಗುವ ದಾರಿಯ ಇಕ್ಕೆಲಗಳ
ಕಸ ಕಡ್ಡಿ ಖಾಲಿ ನೀರಿನ ಬಾಟಲಿ
ಹರಿದ ಚಪ್ಪಲಿ
ಎಸೆಯುತ್ತ ರಸ್ತೆ ಮಧ್ಯದಿ….

ಹೆಸರಿರದ ಮರದಡಿ ವಿಶ್ರಾಂತಿ
ಬೊಡ್ಡೆಗೊರಗಿಸಿಟ್ಟ ಹಳೆ ದೇವರ
ಪಟಗಳ ವಿಚಾರಣೆ
ದೇವರ ದೈನೇಸಿತನಕೆ
ಮರುಕ: ಚರಂಡಿ ನೀರಿನಲಿ
ಅಸಹಾಯಕ ದೇವತೆಗಳ ಮೋಕ್ಷ

ಯಾರೊ ಕೊಟ್ಟದ್ದ ತಿಂದು
ಉಳಿದದ್ದ ದಿಕ್ಕು ದಿಕ್ಕಿಗೆಸೆದು
ಗುನುಗುತ್ತ ಲಹರಿ ಬಂದಂತೆ
ಪಯಣ

ಮೂಡು ಕೆಟ್ಟರೆ ನಿಂತ
ನಿಲುವಲ್ಲೆ
ವಾಚಾಮಗೋಚರ ಬೈಗುಳ
ಶತ್ರು ಅಗೋಚರ

ಕಸದ ರಾಶಿಯಲಿ ಸಿಕ್ಕ
ಕನ್ನಡ-ಇಂಗ್ಲಿಷ್ ಪತ್ರಿಕೆ
ತುಣುಕುಗಳ ಪಾರಾಯಣ
ಮೊಗದಲಿ ಸಂತೃಪ್ತ ಹಾಸ

ಅಂಗಿಮೇಲೊಂದಂಗಿ
ಅಂಡು ಕಾಣುವ ಚಡ್ಡಿ
ಸೀಗೆ ಪೆಳೆಯಂತಹ ಗಡ್ಡ
ಬದುಕು ನಿಗೂಢ!

ಬಂದಿರುವುದೆಲ್ಲಿಂದ
ಹೋಗ ಬೇಕಿರುವುದೆಲ್ಲಿಗೆ?
ಯಾವುದರ ಹುಡುಕಾಟ
ಜೋಳಿಗೆಯಿಲ್ಲದ ಜಂಗಮ
ನಮ್ಮೊಳಗಿನ ಆತ್ಮ.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading
Advertisement

Title

ದಿನದ ಸುದ್ದಿ3 hours ago

ಬೆಳೆ ವಿಮೆ ಪಾವತಿಸಲು ಅವಧಿ ವಿಸ್ತರಣೆ

ಸುದ್ದಿದಿನ,ದಾವಣಗೆರೆ : 2020-21 ನೇ ಸಾಲಿನ ಮರುವಿನ್ಯಾಸಗೊಳಿಸಲಾದ ಹವಾಮಾನ ಆಧಾರಿತ ಬೆಳೆ ವಿಮೆ ಯೋಜನೆಯಡಿ ಮುಂಗಾರು ಮತ್ತು ಹಿಂಗಾರು ಅವಧಿಗಳಿಗೆ ವಿಮೆ ಕಟ್ಟಲು ಜುಲೈ 10 ರವರೆಗೆ...

ದಿನದ ಸುದ್ದಿ4 hours ago

ದಾವಣಗೆರೆ : ಶಿಷ್ಟಾಚಾರದಂತೆ ಅಂತ್ಯಕ್ರಿಯೆ ನಡೆಸದೇ ಇರುವ ಅಧಿಕಾರಿಗಳಿಗೆ ಕಾರಣ ಕೇಳಿ ನೋಟಿಸ್

ಸುದ್ದಿದಿನ,ದಾವಣಗೆರೆ : ಚನ್ನಗಿರಿ ತಾಲ್ಲೂಕಿನ ಕೋವಿಡ್ ರೋಗಿ ಶಿವಮೊಗ್ಗ ಮೆಗ್ಗಾನ್ ಆಸ್ಪತ್ರೆಯಲ್ಲಿ ಜೂ.17 ರಂದು ಮೃತಪಟ್ಟಿದ್ದು ರೋಗಿಯ ಅಂತ್ಯಕ್ರಿಯೆಯನ್ನು ವೈದ್ಯಕೀಯ ಶಿಷ್ಟಾಚಾರದಂತೆ ನಿರ್ವಹಿಸದೇ ಇರುವ ಬಗ್ಗೆ ಮಾಧ್ಯಮಗಳಲ್ಲಿ...

ದಿನದ ಸುದ್ದಿ4 hours ago

ದಾವಣಗೆರೆಯಲ್ಲಿ‌ 325 ಕೊರೋನಾ ಕೇಸ್, 266 ಮಂದಿ ಗುಣಮುಖ

ಸುದ್ದಿದಿನ,ದಾವಣಗೆರೆ : ಜಿಲ್ಲೆಯಲ್ಲಿ ಇಂದು 16 ಕೊರೊನಾ ಪಾಸಿಟಿವ್ ಪ್ರಕರಣಗಳು ವರದಿಯಾಗಿದ್ದು, ಒಬ್ಬರು ಸಂಪೂರ್ಣರಾಗಿ ಗುಣಮುಖರಾಗಿ ಜಿಲ್ಲಾ ನಿಗದಿತ ಕೋವಿಡ್ ಆಸ್ಪತ್ರೆಯಿಂದ ಇಂದು ಬಿಡುಗಡೆಗೊಳಿಸಲಾಗಿದೆ. ರೋಗಿ ಸಂಖ್ಯೆ...

ನಿತ್ಯ ಭವಿಷ್ಯ4 hours ago

ಮದುವೆಯ ವಿಷಯದಲ್ಲಿ ಸಮಸ್ಯೆ ಇದ್ದರೆ ಹೀಗೆ ಮಾಡಿ

ಕಾರ್ಯಸಿದ್ದಿ ಆಂಜನೇಯ ಜ್ಯೋತಿಷ್ಯಂಜ್ಯೋತಿಷ್ಯರು ಪ್ರದಾನ ತಾಂತ್ರಿಕ್ ಶ್ರೀ ಗಿರಿಧರ ಭಟ್: 9945410150 ದಿನಗಳು ಕಳೆಯುತ್ತಿರುತ್ತದೆ ಆದರೆ ಮದುವೆ ಮುಂದೂಡುತ್ತಾ ನೀವು ಸಮಸ್ಯೆ ಅನುಭವಿಸುವ ಸಾಧ್ಯತೆಗಳು ಕಾಣಬಹುದಾಗಿದೆ. ಸಮಯ...

ನಿತ್ಯ ಭವಿಷ್ಯ4 hours ago

ಗುರುವಾರದ ಭವಿಷ್ಯ | ನಿಮ್ಮ ಸರ್ವ ಸಮಸ್ಯೆಗಳ ಪರಿಹಾರ ಮತ್ತು ಮಾರ್ಗದರ್ಶನಕ್ಕಾಗಿ ಇಂದೇ ಕರೆ ಮಾಡಿ

ಶ್ರೀ ದತ್ತಾತ್ರೇಯ ಸ್ವಾಮಿಯ ಸ್ಮರಣೆ ಮಾಡುತ್ತಾ ಈ ದಿನದ ದ್ವಾದಶ ರಾಶಿ ಫಲಗಳನ್ನು ತಿಳಿಯೋಣ. ಖ್ಯಾತ ಜ್ಯೋತಿಷ್ಯರು ಗಿರಿಧರಭಟ್ ನಿಮ್ಮ ಸರ್ವ ಸಮಸ್ಯೆಗಳ ಪರಿಹಾರ ಮತ್ತು ಮಾರ್ಗದರ್ಶನಕ್ಕಾಗಿ...

ಅಂತರಂಗ17 hours ago

ಧರ್ಮ ಮರ್ಮ-08 : ನವಸಮಾಜದ ಕನಸುಗಾರರು

ಯೋಗೇಶ್ ಮಾಸ್ಟರ್ ಕ್ರಿಸ್ತನ ಮರಣಾನಂತರ ಪ್ರಾರಂಭಿಕ ಕ್ರೈಸ್ತರು ಮತ್ತು ಬಸವಣ್ಣನ ಗಡಿಪಾರಿನ ನಂತರ ಶರಣರು ಹೇಗೆ ಅಪಾರವಾದ ಕಿರುಕುಳ, ಹಿಂಸೆ ಮತ್ತು ಬಹಿಷ್ಕಾರಗಳನ್ನು ಅನುಭವಿಸಿದರು. ಅದು ಮುಸಲ್ಮಾನರಿಗೂ...

ದಿನದ ಸುದ್ದಿ21 hours ago

ದಾವಣಗೆರೆಯಲ್ಲೊಂದು ಅಮಾನವೀಯ ನಡೆ | ಕೊರೋನಾದಿಂದ ಸಾವನ್ನಪ್ಪಿದ ವ್ಯಕ್ತಿಯನ್ನು ಜೆಸಿಬಿ ಬಳಸಿ ಶವಸಂಸ್ಕಾರ : ಡಿಸಿ ನೋಟಿಸ್

ಸುದ್ದಿದಿನ,ದಾವಣಗೆರೆ :ಸತ್ತ ಮೇಲೆ ನೂರಾರು ಜನ ಮೆರವಣಿಗೆ ಮಾಡಿ ಕಳುಹಿಸಿಕೊಡಬೇಕು ಎಂದು ಪ್ರತಿಯೊಬ್ಬರದ್ದು‌ ಕೊನೆ ಆಸೆಯಾಗಿರುತ್ತೆ ಆದರೆ ಈ ಕೋವಿಡ್ ಬಂದು‌ ಸಾವನ್ನಪ್ಪಿದರೆ ಮಾತ್ರ ಯಾರು ಕೂಡ...

ದಿನದ ಸುದ್ದಿ21 hours ago

ಕೋವಿಡ್ ನಿಯಂತ್ರಣಕ್ಕೆ ಪಣತೊಟ್ಟ ಮಹಿಳಾ ಅಧಿಕಾರಿಗಳು

ಸುದ್ದಿದಿನ,ಧಾರವಾಡ : ತೊಟ್ಟಿಲು ತೂಗುವ ಕೈ ಜಗತ್ತನ್ನೇ ತೂಗಬಲ್ಲದು. ಮಹಿಳೆ ಅಬಲೆಯಲ್ಲ, ಆಕೆ ಪುರುಷನಷ್ಟೇ ಸಬಲಳು ಎಂಬುದನ್ನು ಜಿಲ್ಲೆಯ ಐವರು ಮಹಿಳಾ ವೈದ್ಯಾಧಿಕಾರಿಗಳು ಸಾಬೀತುಪಡಿಸಿದ್ದಾರೆ. ನಿರ್ಗಮಿತ ಜಿಲ್ಲಾಧಿಕಾರಿ...

ನಿತ್ಯ ಭವಿಷ್ಯ1 day ago

ದಾಂಪತ್ಯ ಕಲಹಕ್ಕೆ ಸರಳ ಪರಿಹಾರ – ಜ್ಯೋತಿಷ್ಯರು ಪ್ರಧಾನ ತಾಂತ್ರಿಕ್ ಶ್ರೀ ಗಿರಿಧರ ಭಟ್

ಕಾರ್ಯಸಿದ್ದಿ ಆಂಜನೇಯ ಜ್ಯೋತಿಷ್ಯಂಜ್ಯೋತಿಷ್ಯರು ಪ್ರದಾನ ತಾಂತ್ರಿಕ್ ಶ್ರೀ ಗಿರಿಧರ ಭಟ್: 9945410150 ನಿಮ್ಮ ಸಂಗಾತಿ ನಿಮ್ಮ ಮಾತು ಕೇಳದಿರಬಹುದು, ಇದು ನಿಮ್ಮ ಮನಸ್ಸಿಗೆ ನೋವು ತರುತ್ತದೆ. ದಾಂಪತ್ಯದಲ್ಲಿ...

ನಿತ್ಯ ಭವಿಷ್ಯ1 day ago

ಬುಧವಾರದ ಭವಿಷ್ಯ | ನಿಮ್ಮ ಸರ್ವ ಸಮಸ್ಯೆಗಳ ಪರಿಹಾರ ಮತ್ತು ಮಾರ್ಗದರ್ಶನಕ್ಕಾಗಿ ಇಂದೇ ಕರೆ ಮಾಡಿ

ಶ್ರೀ ಮಹಾ ವಿಷ್ಣು ಸ್ಮರಣೆ ಮಾಡುತ್ತಾ ಈ ದಿನದ ದ್ವಾದಶ ರಾಶಿ ಫಲಗಳನ್ನು ತಿಳಿಯೋಣ. ಖ್ಯಾತ ಜ್ಯೋತಿಷ್ಯರು ಗಿರಿಧರಭಟ್ ನಿಮ್ಮ ಸರ್ವ ಸಮಸ್ಯೆಗಳ ಪರಿಹಾರ ಮತ್ತು ಮಾರ್ಗದರ್ಶನಕ್ಕಾಗಿ...

Trending