Connect with us

ಅಂತರಂಗ

‘ವೀಕೆಂಡ್ ವಿತ್ ರಮೇಶ್’ ಕಾರ್ಯಕ್ರಮದಲ್ಲಿ ಕವಿ ಡಾ. ಸಿದ್ದಲಿಂಗಯ್ಯ ನವರು ಬರಲಿ

Published

on

ಆತ್ಮೀಯರೇ,

ವಾರ ಪೂರ್ತಿ ದುಡಿದು ವಾರದ ಕೊನೆಯಲ್ಲಿ ದಣಿದಿದ್ದವರು ಆರಾಮ ಮತ್ತು ಜೊತೆಗೆ ಮನರಂಜನೆ ಬಯಸುವುದು ಸಹಜ. ಅಂತೆಯೇ ಆ ಆರಾಮಕ್ಕೆ ಕನ್ನಡದ ಎರಡು ಸುಪ್ರದಿದ್ಧ ಟಿ.ವಿ.ಮಾದ್ಯಮದವರು ನಾ ಮುಂದು ತಾ ಮುಂದು ಎಂದು ಮನರಂಜನೆಯನ್ನು ನೀಡುತ್ತಿರುವುದು ಶ್ಲಾಘನೀಯ. ಅವುಗಳು ಜೀ ಕನ್ನಡ ಮತ್ತು ಕಲರ್ಸ್ ಕನ್ನಡ. ಮಾನವನ ಆಯಾಸಕ್ಕೆ ಸಂಗೀತ ಮತ್ತು ನಗು ಎರಡೂ ಔಷಧಿ ಇದ್ದಂತೆ ಎಂಬುದು ದೊಡ್ಡವರ ಮಾತು. ಅದರಂತೇ ಈ ಎರಡು ವಾಹಿನಿಗಳು ಅದನ್ನು ಅಚ್ಚುಕಟ್ಟಾಗಿ ಮಾಡುತ್ತಿವೆ. ಅದರಲ್ಲಿ ಪ್ರಮುಖವಾಗಿ Zee ಕನ್ನಡ ವಾಹಿನಿಯು ಮನರಂಜನೆಯ ಆಗರವಾಗಿದೆ. ಒಂದರ ಹಿಂದೊಂದು ವಿಭಿನ್ನ, ವಿನೂತನ ಕಾರ್ಯಕ್ರಮಗಳನ್ನು ಪ್ರೇಕ್ಷಕರಿಗೆ ನಿಡುತ್ತಲೇ ಬಂದಿದೆ. ಅಂಥವುಗಳಲ್ಲಿ ಇತ್ತೀಚಿಗೆ ಜನಪ್ರಿಯವಾದ ಮಲೆ ಮಹದೇಶ್ವರ ಸ್ವಾಮಿಯ ಕುರಿತಾದ ಉಘೇ ಉಘೇ ಮಾದೇಶ್ವರ ಧಾರಾವಾಹಿಯು ಅತ್ಯದ್ಭುತವಾಗಿ ಮೂಡಿ ಬರುತ್ತಿದೆ. ಅದರಷ್ಟೇ ಜನಪ್ರಿಯತೆಯನ್ನು ಹೊಂದಿರುವ ಉನ್ನೊಂದು ಕಾರ್ಯಕ್ರಮ ವೀಕ್ ಎಂಡ್ ವಿತ್ ರಮೇಶ್.

ಈ ವೀಕ್ ಎಂಡ್ ವಿತ್ ರಮೇಶ್ ಕಾರ್ಯಕ್ರಮದ ಉದ್ದೇಶ ವಿವಿಧ ಕ್ಷೇತ್ರಗಳಲ್ಲಿ ಅಂದರೆ, ಕಲೆ, ಸಾಹಿತ್ಯ, ನಾಟಕ, ಸಿನಿಮಾ, ಪತ್ರಿಕೋದ್ಯಮ, ವಿಜ್ಞಾನ, ಸಮಾಜ ಸೇವಕರು, ವ್ಯವಸಾಯ, ಜಾನಪದ, ಸಾಮಾಜಿಕ ಚಿಂತಕರು, ಇನ್ನೂ ಅನೇಕ ಕ್ಷೇತ್ರಗಳಿವೆ. ಈ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದವರನ್ನು ಹುಡುಕಿ ಹೆಕ್ಕಿ ತೆಗೆದು ಅವರ ಬಾಲ್ಯ, ಯೌವ್ವನದ ದಿನಗಳನ್ನ ಮತ್ತು ಅವರ ಸಾಧನೆಗಳನ್ನ ಎಳೆಎಳೆಯಾಗಿ ಬಿಚ್ಚಿ ಅವರಿಂದಲೇ ಹೇಳಿಸಿ ಸಾಧನೆಗಾಗಿ ಅವರು ಪಟ್ಟ ಕಷ್ಟಗಳು, ನೋವುಗಳನ್ನು ಮನಮುಟ್ಟುವಂತೆ ಕರ್ನಾಟಕದ ಮನೆಮನೆಗೂ ತಲುಪಿಸುವುದು. ಮತ್ತು ಅವರಿಗೆ ಗೌರವ ಸಲ್ಲಿಸುವುದು. ಈ ಕಾಯಕವನ್ನು ನಟ, ನಿರೂಪಕ, ನಿರ್ದೇಶಕ ರಮೇಶ್ ಅರವಿಂದ್ ರವರು ಬಹಳ ಸೊಗಸಾಗಿ ಮಾಡುತ್ತಿದ್ದಾರೆ. ನಾವು ಕುತೂಹಲದಿಂದ ಈ ಕಾರ್ಯಕ್ರಮವನ್ನು ಮೊದಲನೇ ಋತುವಿನಿಂದ ಈ ನಾಲ್ಕನೇ ಋತುವಿನವರೆಗೂ ನೋಡುತ್ತಲೇ ಬಂದಿದ್ದೇವೆ. ಇಲ್ಲಿ ಬೇರೆ ಬೇರೆ ಕ್ಷೇತ್ರಗಳಿಗಿಂತ ಬರೀ ಸಿನಿಮಾ ಲೋಕದವರನ್ನೇ ಹೆಚ್ಚಾಗಿ ತೋರಿಸಲಾಗುತ್ತಿದೆ.ಇದು ನಮಗೆ ಬೇಸರ ತಂದಿದೆ. ಬೆರಳಣಿಕೆಯಷ್ಟು ಮಾತ್ರ ಉಳಿದ ಕ್ಷೇತ್ರಗಳ ಸಾಧಕರನ್ನು ಪರಿಚಯಿಸಲಾಗುತ್ತಿದೆ.

ಇದೇ ವಾಹಿನಿಯಲ್ಲಿ ಮೂಡಿ ಬರುತ್ತಿದ್ದ ಇನ್ನೊಂದು ಜನಪ್ರಿಯ ಕಾರ್ಯಕ್ರಮ ಮಕ್ಕಳ “ಡ್ರಾಮಾ ಜೂನಿಯರ್ಸ್ “. ಇಲ್ಲೂ ಕೂಡ ವಿವಿಧ ರಂಗದ ಸಾಧಕರನ್ನು ಕರೆಯಿಸಿ ಮಕ್ಕಳಿಂದ ಅವರ ಜೀವನ ಮತ್ತು ಸಾಧನೆಗೆ ಪೂರಕವೇನು..? ಎಲ್ಲವನ್ನೂ ಬಹಳ ಅಚ್ಚುಕಟ್ಟಾಗಿ ಪಾತ್ರಗಳ ಮೂಲಕ ಮಾಡಿ ತೋರಿಸಿ ನಂತರ ಅವರನ್ನು ವೇದಿಕೆಯ ಮೇಲೆ ಕರೆದು ಗೌರವ ಸಮರ್ಪಣೆ ಮಾಡುತ್ತಿದ್ದರು. ಅಂತ ಸಾಧನೆಗಳನ್ನು ಮಾಡಿದ ಅದೆಷ್ಟೋ ಮಂದಿ ನಮ್ಮ ಕರ್ನಾಟಕದಲ್ಲಿ ಇದ್ದಾರೆ. ಅಂಥವರನ್ನು ಹುಡುಕಿ ತರಲೇಬೇಕೇ ಹೊರತು ಬರೀ ಸಿನಿಮಾ ನಾಯಕ ನಾಯಕಿಯೆನ್ನು ಕರೆದು ತಂದು ತಮ್ಮ ಟಿ.ಆರ್.ಪಿ ಯನ್ನು ಹೆಚ್ಚಿಸಿಕೊಳ್ಳುತ್ತಿದ್ದಾರೆ. ಸಿನಿಮಾದವರು ಅವರಿಗಾಗಿಯೇ ದುಡಿದವರು.
ಅವರಿಂದ ಸಾಮಾಜಿಕವಾಗಿ, ಶೈಕ್ಷಣಿಕವಾಗಿ, ಆರ್ಥಿಕವಾಗಿ ಸಮಾಜಕ್ಕೆ ಯಾವುದೇ ರೀತಿಯ ಹೆಚ್ಚಿನ ಕೊಡುಗೆ ಬಂದಿಲ್ಲ. ದೇಶಕ್ಕಾಗಿ ದುಡಿದವರು, ನಾಡಿಗಾಗಿ ದುಡಿದವರು , ಜನರಿಗಾಗಿ ಬದುಕುವವರು ಬಹಳಷ್ಟಿದ್ದಾರೆ. ಅಂಥವರ ಜೀವನ ಚರಿತ್ರೆಗಳನ್ನು ತಿಳಿಸಿದರೆ ಸ್ಪೂರ್ತಿ ಪಡೆದು ಅದೆಷ್ಟೋ ಜನರು ಬದಲಾಗಬಹುದು. ಮನರಂಜನೆ ಒಂದೇ ಮಾನದಂಡವಾದರೆ ಈ ಕಾರ್ಯಕ್ರಮಕ್ಕೆ ಅರ್ಥವೇ ಇರುವುದಿಲ್ಲ.

ಸಾಹಿತ್ಯಲೋಕದಲ್ಲಿ ಹೆಸರು ಮಾಡಿ ಪ್ರಖ್ಯಾತಿಯಾದವರು ನಮ್ಮ ಕರ್ನಾಟಕದಲ್ಲಿ ಬಹಳಷ್ಟಿದ್ದಾರೆ. ಅವರಲ್ಲಿ ಕಳೆದ ಒಂದು ಋತುವಿನಲ್ಲಿ ಜಯಂತ್ ಕಾಯ್ಕಿಣಿ ಮತ್ತು ಜ್ಞಾನಪೀಠ ಪ್ರಶಸ್ತಿ ಪುರಸ್ಕೃತ ಡಾ!! ಚಂದ್ರಶೇಖರ ಕಂಬಾರ ರವರನ್ನು ಕರೆಸಿದ್ದು ತುಂಬಾ ಸಂತೋಷದ ವಿಷಯ. ಹಾಗೆಯೇ ಇನ್ನೂ ಅನೇಕ ಮಹನೀಯರುಗಳು ಸಾಹಿತ್ಯಲೋಕಕ್ಕೆ ತಮ್ಮದೇ ಆದ ಕೊಡುಗಡಯನ್ನು ನೀಡಿ ಕನ್ನಡವನ್ನು ಶ್ರೀಮಂತಗೊಳಿಸಿದ್ದಾರೆ. ಅಂಥವರಲ್ಲಿ ದಲಿತ ಕವಿ ಎಂದೇ ಪ್ರಖ್ಯಾತಿಯಾದವರು ಕವಿ ಡಾ!! ಸಿದ್ದಲಿಂಗಯ್ಯನವರು.ಇವರ ಕೊಡುಗೆ ಸಾಹಿತ್ಯ ಲೋಕಕ್ಕೆ ಮತ್ತು ಸಮಾಜಕ್ಕೆ ಸಾಕಷ್ಟಿದೆ. ಸಮಾನತೆ ಮತ್ತು ಭಾತೃತ್ವತೆ ಇವರ ಗುರಿಯಾಗಿತ್ತು. ಇವರು ಅನುಭವಿಸಿದ ನೋವು ಕಷ್ಟಗಳು ಮತ್ತು ದಲಿತರ ಪರ ಮಾಡಿದ ಕ್ರಾಂತಿಗಳು ಯಾವುದೇ ಮಾನವನಿಗೆ ಸ್ಪೂರ್ತಿದಾಯಕವಾದದ್ದು. ಈ ಋತುವಿನಲ್ಲಾಗಲೀ ಅಥವಾ ಮುಂದಿನ ಋತುವಿನಲ್ಲಾಗಲಿ ಅವರನ್ನು ಕರೆಯಿಸಿ ಅವರು ಈ ಸಮಾಜದಲ್ಲಿ ಅನುಭವಿಸಿದ ಕಷ್ಟಗಳು ಮತ್ತು ಸಾಹಿತ್ಯಕ್ಕೆ ಅವರ ಕೊಡುಗಳೇನು ಎಂಬುದನ್ನು ತಿಳಿಸಿಕೊಡಬೇಕಾಗಿ ಕೇಳಿಕೊಳ್ಳುತ್ತೇವೆ.

ಈ ನಾಲ್ಕನೇ ಋತುವಿನ ಕಾರ್ಯಕ್ರಮದ ಮೊದಲಿಗರಾಗಿ ಬಂದಿದ್ದ ಧರ್ಮಸ್ಥಳದ ಪೀಠಾಧಿಕಾರಿಗಳಾದ ಶ್ರೀ ಡಾ.ವೀರೇಂದ್ರ ಹೆಗಡೆಯವರನ್ನು ಕರೆಸಿ, ಅವರ ಜೀವನ ಚರಿತ್ರೆ, ಸಾಧನೆ, ಸಾಮಾಜಿಕ ಕಳಕಳಿ, ತ್ರಿವಿಧ ದಾಸೋಹಗಳ ಬಗ್ಗೆ ತಿಳಿಸಿದ್ದು ಸಮಾಜಕ್ಕೆ ಒಂದು ಮಾದರಿಯಾಗಿತ್ತು. ಆಗಿದ್ದಾರೆ ಕೂಡ. ನಂತರದ ಅತಿಥಿಗಳಲ್ಲಿ ಅವರ ವೈಯಕ್ತಿಕ ಸಾಧನೆಗಳಿತ್ತೇ ಹೊರತು ಅವರಿಂದ ಸಮಾಜಕ್ಕೆ ಯಾವುದೇ ರೀತಿಯ ವಿಷಯ ತಲುಪುವಂತಿರಲಿಲ್ಲ. ಇನ್ನು ಮುಂದಾದರೂ ಒಳ್ಳೆಯ ಸಾಧಕರನ್ನು ಹುಡುಕಿ, ಅವರ ಸಾಧನೆಗಳಿಂದ, ಮಾತುಗಳಿಂದ ಭವಿಷ್ಯದಲ್ಲಿ ನೆಲೆಯಾಗುಂತ ಕಾರ್ಯಕ್ರಮವಾಗಲಿ ಎಂಬುದೇ ನಮ್ಮ ಆಶಯ.

ಮಹದೇವ್ ಬಿಳುಗಲಿ
9611339024

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Advertisement

ಅಂತರಂಗ

ಧರ್ಮ ಮರ್ಮ-02 : ದೈವಿಕತೆಯ ಸೃಷ್ಟಿ

Published

on

  • ಯೋಗೇಶ್ ಮಾಸ್ಟರ್

ನಾಸ್ತಿಕ ಧೋರಣೆಯ ಧರ್ಮಗಳಿದ್ದರೂ ಅದಕ್ಕಿಂತ ಪುರಾತನವಾದ ಧರ್ಮಗಳಲ್ಲಿ ದೇವರೇ ಧಾರ್ಮಿಕ ಕೇಂದ್ರ. ಅವನ ಶಕ್ತಿ, ಅವನ ಸೃಷ್ಟಿ, ಅವನ ಒಲವು, ಅವನ ನಿಲುವು, ಅವನ ಕೋಪ, ಕಟ್ಟಕಡೆಗೆ ಮನುಷ್ಯನ ಮೇಲೆ ಅವನ ಪ್ರಭಾವ ಮತ್ತು ನಿಯಂತ್ರಣವೇ ಧಾರ್ಮಿಕತೆಯ ಪ್ರಾರಂಭ. ಬೌದ್ಧ ಧರ್ಮವೂ ಸೇರಿದಂತೆ ಹಲವಾರು ನಿರೀಶ್ವರವಾದದ ಅಂದರೆ ದೇವರನ್ನು ಕೇಂದ್ರವಾಗಿಟ್ಟುಕೊಳ್ಳದ ಧರ್ಮಗಳಿವೆ.

ಆದರೆ ಧಾರ್ಮಿಕತೆ ಎಂದಕೂಡಲೇ ದೇವರನ್ನು ಕೇಂದ್ರವಾಗಿರಿಸಿಕೊಳ್ಳುವುದು ರೂಢಿಯಾಗಿದೆ. ಅಬ್ರಹಾಮನ ಧರ್ಮವೇ ಮೊದಲಾಗಿ 1844ರಲ್ಲಿ ಹುಟ್ಟಿರುವ ಬಹಾಯಿಯವರೆಗೂ ಹಲವು ಧರ್ಮದವರೆಗೂ ದೇವರೇ ಕೇಂದ್ರ.

ಆದಿಮ ಕಾಲದಲ್ಲಿ ಯಾವ ಧರ್ಮಗಳೂ ಇರಲಿಲ್ಲ. ಬೇಟೆಯಾಡುತ್ತಿದ್ದ ಅಲೆಮಾರಿ ಗುಂಪುಗಳ, ಹಣ್ಣು ಕಾಯಿಗಳನ್ನು ಆಯುವ ಬುಡಕಟ್ಟುಗಳು, ನಂತರ ಕೃಷಿಯನ್ನು ಪ್ರಾರಂಭಿಸಿ ಮನುಷ್ಯ ನೆಲೆ ನಿಲ್ಲಲು ಪ್ರಾರಂಭಿಸಿದ ಮೇಲೂ ಧರ್ಮಗಳ ಕಲ್ಪನೆಗಳೇ ಇರಲಿಲ್ಲ. ಆದರೆ ದೇವರ ಪರಿಕಲ್ಪನೆ ಹುಟ್ಟಿತ್ತು. ಧರ್ಮಕ್ಕಿಂತ ದೇವರು ಹಳತು ಎಂಬುದು ನಿಜ.

ಧರ್ಮದ ಕೇಂದ್ರವನ್ನಾಗಿ ದೇವರನ್ನು ಹೊಂದಿದ್ದರೂ ದೇವರಿಗಾಗಿ ಧರ್ಮವು ಹುಟ್ಟಿದ್ದಲ್ಲ. ಈಗ ನಾವು ನೋಡುತ್ತಿರುವ ಎಲ್ಲಾ ಸ್ಥಾಪಿತ ಧರ್ಮಗಳೂ ಕೂಡ ಆಯಾ ಕಾಲದ ಸಾಮಾಜಿಕ ಮತ್ತು ಸಾಂಸ್ಕೃತಿಕ ಸಂಘರ್ಷಗಳ ಫಲವೇ ಆಗಿವೆ. ಹಿಂದೂ ಧರ್ಮ ಮಾತ್ರ ಈ ಪಟ್ಟಿಗೆ ಸೇರುವುದಿಲ್ಲ. ಏಕೆಂದರೆ ಹಿಂದೂ ಧರ್ಮವು ಸ್ಥಾಪಿತ ಧರ್ಮವಲ್ಲ. ಅದೊಂದು ವಿಕಸಿತ ಧರ್ಮ.

ಸಾಮಾಜಿಕ ಮತ್ತು ಸಾಂಸ್ಕೃತಿಕ ಬೆಳವಣಿಗೆಯ ಪ್ರಕ್ರಿಯೆಯಲ್ಲಿ ವಿಕಾಸವಾಗುತ್ತಾ ಬಂದ ಜೀವನ ಪದ್ಧತಿಯು ಆಧ್ಯಾತ್ಮವೇ ಮೊದಲಾದ ಅನೇಕ ಅಂಶಗಳನ್ನು ತನ್ನದಾಗಿಸಿಕೊಂಡು ಧರ್ಮವೆಂದು ಕರೆಯಿಸಿಕೊಳ್ಳಲ್ಪಟ್ಟಿತು. ಇದರ ವಿಕಾಸದ ಪ್ರಕ್ರಿಯೆಯ ಬಗ್ಗೆ ಮುಂದೆ ವಿವರವಾಗಿ ನೋಡುತ್ತೇವೆ. ಈಗ ಸಧ್ಯಕ್ಕೆ ದೇವರ ಕಡೆ ತಿರುಗೋಣ.

ಆದಿ ದೇವರು

ಬೈಬಲ್ಲಿನ ಆದಿಕಾಂಡ ದೇವರು ತನ್ನ ರೂಪದಂತೆ ಪ್ರತಿರೂಪವಾಗಿ ಮನುಷ್ಯನನ್ನು ಸೃಷ್ಟಿ ಮಾಡಿದ ಎಂದು ಹೇಳುತ್ತದೆ. ಅದು ಬ್ಯಾಬಿಲೋನದ ಮಿಥಾಲಜಿಯಿಂದ ಎರವಲು ಪಡೆದಿರುವ ಕತೆ. ಅದೇನೇ ಇರಲಿ, ವಾಸ್ತವವೆಂದರೆ ಮನುಷ್ಯ ತನ್ನ ರೂಪದ ಪ್ರತಿರೂಪವಾಗಿ ದೇವರನ್ನು ಸೃಷ್ಟಿಸಿದ್ದು. ದೇವರು ಎನ್ನುವ ಪರಿಕಲ್ಪನೆಯೇ ಒಂದು ಬಗೆಯ ಭಾವುಕತೆಯಿಂದ ಅಥವಾ ಭಾವಾವೇಶದಿಂದ ಉಂಟಾಗಿರುವ ಮಾನವ ಸೃಷ್ಟಿಯೇ ಹೊರತು ಪ್ರಾಕೃತಿಕವಾಗಿಯಾಗಲಿ, ವೈಜ್ಞಾನಿಕವಾಗಿಯಾಗಲಿ ಎಂದಿಗೂ ಪ್ರಕಟಗೊಂಡಿರುವಂತಹ ಒಂದು ಪ್ರಾಯೋಗಿಕ ಸತ್ಯವೇನಲ್ಲ.

ಆದರೆ, ಯಾರಿಂದಲೇ ಆಗಲಿ, ಹೇಗೇ ಆಗಲಿ, ಆಗ ಸೃಷ್ಟಿಯಾದ ಈ ಪರಿಕಲ್ಪನೆಯು ಇಷ್ಟು ಬೃಹದ್ರೂಪ ತಾಳುವುದೆಂದು ಯಾರಿಗಾದರೂ ಕಲ್ಪನೆ ಇರಲಿಲ್ಲ. ಕೆಲವರಲ್ಲಿ ಅದೊಂದು ಮುಗ್ಧತೆಯ ಭಾವುಕ ಅಭಿವ್ಯಕ್ತತೆಯಾದರೆ ಮತ್ತೂ ಕೆಲವರಲ್ಲಿ ದಡ್ಡತನದ ವಿತಂಡವಾದದ ಪ್ರಕಟಣೆ ಮತ್ತು ಹಟಸಾಧನೆ.
ದೇವರೆಂಬ ಪರಿಕಲ್ಪನೆಯು ಹುಟ್ಟುವ ಮೂಲವೂ ಒಂದೇ ಏನು ಆಗಿರಲಿಲ್ಲ. ವಿವಿಧ ಸ್ಥಳಗಳಲ್ಲಿ, ವಿವಿಧ ಪ್ರೇರಣೆಗಳಿಂದ, ವಿವಿಧ ರೀತಿಯ ಅತಿಮಾನುಷವಾದಂತಹ ಪರಿಕಲ್ಪನೆಗಳಿಂದ ಮೊಳೆದವು.

ಪ್ರಕೃತಿಯ ವಿಸ್ಮಯಗಳಿಗೆ ಬೆರಗಾಗಿ, ಅಥವಾ ಪ್ರಕೃತಿಯ ರುದ್ರ ಸ್ವಭಾವಕ್ಕೆ ಹೆದರಿ ಅತಿಮಾನುಷಶಕ್ತಿಯೆಂದು ಗುರುತಿಸಿ ಹೆದರಿದರೆ ಅಥವಾ ಗೌರವಿಸಿದರೆ, ಸೃಷ್ಟಿಯಲ್ಲಿ ಹುಟ್ಟುವ ಪ್ರಕ್ರಿಯೆ ಮತ್ತು ಸಾಯುವ ಅನಿವಾರ್ಯತೆಗಳನ್ನು ಗಮನಿಸುತ್ತಾ ಅವುಗಳ ಬೇಧಿಸಲಾಗದ ರಹಸ್ಯಗಳನ್ನು ಅನುಸರಿಸಲು ಯತ್ನಿಸುತ್ತಾ ದೈವತ್ವದ ಪರಿಕಲ್ಪನೆಗೆ ತಗುಲಿಕೊಂಡರು.

ಕೆಲವೊಂದು ಸಂಸ್ಕೃತಿಗಳಲ್ಲಂತೂ ಸತ್ತ ಪಿತೃಗಳ ಆರಾಧನೆಯೇ ಕ್ರಮೇಣ ದೇವರ ಪರಿಕಲ್ಪನೆ ಗಟ್ಟಿಗೊಳ್ಳಲು ಸಾಧ್ಯವಾಯಿತು. ಅವುಗಳೆಲ್ಲಾ ನಂತರದ ದಿನಗಳಲ್ಲಿ ವಿವಿಧ ಸಂಸ್ಕೃತಿಗಳು ಪರಸ್ಪರ ಪರಿಚಯವಾದಂತೆಲ್ಲಾ ತಮ್ಮ ಪರಿಕಲ್ಪನೆಗೂ ಮತ್ತು ಇತರರ ಪರಿಕಲ್ಪನೆಗೂ ಸಾಮ್ಯತೆಗಳನ್ನು ಗುರುತಿಸಿಕೊಳ್ಳುತ್ತಾ ಅದನ್ನು ಏಕರೂಪದಲ್ಲಿ ಗ್ರಹಿಸಲಾರಂಭಿಸಿದರು. ಅದನ್ನೇ ಈಗ ನಾವು ಒಟ್ಟಾರೆ ದೇವರೆನ್ನಲು ಸಾಧ್ಯವಾಗುತ್ತಿದೆ.

ಆರ್ಯರಲ್ಲಿ ದೇವರ ಕಲ್ಪನೆಗಳ ಸಾಧ್ಯತೆ

ಅಲೆಮಾರಿಗಳಾಗಿದ್ದ ಆರ್ಯ ಬುಡಕಟ್ಟುಗಳು ಸ್ಥಳದಿಂದ ಸ್ಥಳಕ್ಕೆ ಚಲಿಸುವಾಗ ಅವರ ಮುಖ್ಯ ಗಮನಕ್ಕೆ ಮತ್ತು ಗೌರವಕ್ಕೆ ಬರುತ್ತಿದ್ದದ್ದು ಪ್ರಕೃತಿಯ ನೇರ ಕೊಡುಗೆಗಳು. ಭೂಮಿ, ಸೂರ್ಯ, ಚಂದ್ರ, ಗಾಳಿ, ನೀರು, ಅಗ್ನಿ ಇತ್ಯಾದಿ ಪ್ರಕೃತಿಯ ಕೊಡುಗೆಗಳ ಉಪಯುಕ್ತತೆಗೆ ಪ್ರಶಂಸಾರೂಪವಾಗಿ ಸ್ತುತಿಗಳನ್ನು ಮಾಡುತ್ತಾ, ಆರ್ಯ ಕವಿಗಳು ಅವುಗಳನ್ನು ಪ್ರತಿಮಾರೂಪದಲ್ಲಿಯೂ ಕೂಡ ಕಾಣುತ್ತಾ ಸಂವಹನ ನಡೆಸಲು ಯತ್ನಿಸಿದರು.

ಇವುಗಳೆಲ್ಲವೂ ರೂಪಕಗಳೇ ಹೊರತು, ಅವರಿಗೂ ಇವನ್ನು ಅದಕ್ಕಿಂತ ಹೆಚ್ಚಾಗಿ ಅರ್ಥೈಸಲು ಸಾಧ್ಯವಿರಲಿಲ್ಲ. ಅವರಿಗಿರುವ ಅನೇಕ ನಂಬುಗೆಗಳಂತೆ, ಆಕಾಶವೆಂಬುದು ಮೊಗಚಿ ಹಾಕಿದ ಬುಟ್ಟಿಯಂತೆ ಭೂಮಿಯ ಮೇಲಿದೆ, ಭೂಮಿಯು ಚಪ್ಪಟೆಯಾಗಿದೆ ಎಂದು ನಂಬುವಂತೆ, ಜೊತೆಗೆ ಪಿತು ಎಂಬ ಆಹಾರದ ದೇವನನ್ನು ಕಂಡುಕೊಂಡಿದ್ದಂತೆ, ಅನೇಕ ಇತರ ಅಗತ್ಯ ವಸ್ತುಗಳಿಗೆ ಮತ್ತು ಗುಣಗಳಿಗೆ ದೈವತ್ವವನ್ನು ಆರೋಪಿಸುತ್ತಿದ್ದದ್ದು ಗೌರವದಿಂದಲೇ ಹೊರತು, ಅದಕ್ಕೂ ತಮ್ಮಂತೆ ಮನಸ್ಸು, ಭಾವನೆ, ಕ್ರೋಧಾ, ಒಲವು ಇತ್ಯಾದಿ ಮಾನವ ರೀತಿಯ ಗುಣಗಳಿವೆ ಎಂತಲ್ಲ.

ಆದರೆ, ಆರ್ಯರು ಒಂದೆಡೆ ನೆಲೆ ನಿಲ್ಲಲು ಯತ್ನಿಸುತ್ತಿದ್ದಂತೆ, ಕೊಂಚ ಮಟ್ಟಿಗೆ ಅಲೆದಾಟದ ಪಾಡು ಕ್ಷೀಣಿಸುತ್ತಿದ್ದಂತೆ, ತಮ್ಮ ಪರಿಕಲ್ಪನೆಗಳನ್ನು ಮತ್ತಷ್ಟು ಬಲಗೊಳಿಸತೊಡಗಿದ್ದರು. ಯಾವುದೇ ಪರಿಕಲ್ಪನೆಯ ಜನಕರು ತಮಗಿಂತ ಬುದ್ಧಿಮತ್ತೆಯಲ್ಲಿ, ವೈಚಾರಿಕ ಶಕ್ತಿಯಲ್ಲಿ ಕಡಿಮೆಯಿರುವವರಿಗೆ ತಮ್ಮ ವಿಚಾರವನ್ನು ತಲುಪಿಸಲು ಹೋದಾಗ, ಅವರಿಗಾಗುವ ಅರ್ಥಗ್ರಹಣವಾಗಲಿ, ರಸಾನುಭವವಾಗಲಿ ಪೂರ್ಣವಾಗಿ ಆಗುವುದಿಲ್ಲ.

ತಮಗೆ ಅಷ್ಟು ಮೇದಾವಂತಿಕೆ ಇಲ್ಲವೆಂದು ಒಪ್ಪಿಕೊಳ್ಳುವ ಮುಗ್ಧರು ನೇರವಾಗಿ, ಅಕ್ಷರಶಃ ಬುದ್ಧಿವಂತರ ಅಥವಾ ಪರಿಕಲ್ಪನೆಯ ಹರಿಕಾರರ ವಿಷಯವನ್ನು ಒಪ್ಪಿಕೊಳ್ಳುತ್ತಾರೆ. ಅವರ ಸ್ವೀಕೃತಿಯು ಆ ಪರಿಕಲ್ಪನೆಯ ಸಾಕಾರಭಾವವನ್ನೇ ಹೊಂದಿರುತ್ತದೆ. ಅದಕ್ಕಿಂತ ಆಚೆಗೆ ಆಲೋಚಿಸಲು ಅವರಿಗೆ ಬಹುಶಃ ಸಾಧ್ಯವಿರುವುದಿಲ್ಲ. ಅಂಥ ಮುಗ್ಧರು ಒಂದು ಬಗೆಯಲ್ಲಿ ಇಂತಹ ಪರಿಕಲ್ಪನೆಗಳನ್ನು ಕೊಂಡೊಯ್ಯುತ್ತಿದ್ದರೆ, ಮೂರ್ಖರು ಅಥವಾ ಕಿಲಾಡಿ ಬುದ್ಧಿವಂತರು ಅದೇ ಪರಿಕಲ್ಪನೆಗಳನ್ನು ಮತ್ತೊಂದು ಬಗೆಯಲ್ಲಿ ಸಾಮಾನ್ಯರಲ್ಲಿ ಹರಡುವರು.

ಅದೇನೇ ಇರಲಿ, ಪ್ರಕೃತಿಯ ಅದ್ಭುತಗಳನ್ನು ಕಂಡ, ಅದರ ಅಪ್ರತಿಮವಾದ ವರದಾನಗಳನ್ನು ಮನಗಂಡ ಆರ್ಯ ದಾರ್ಶನಿಕರು ಮತ್ತು ಕವಿಗಳು ತಮ್ಮ ಕೃತಿಗಳಲ್ಲಿ ಅವನ್ನು ರೂಪಿಸಿದರು. ಈ ಎಲ್ಲಾ ಪ್ರಾಕೃತಿಕ ಅದ್ಭುತಗಳು ಶಕ್ತಿಗಳೆಂದೂ ಮತ್ತು ಶಕ್ತಿಗಳಿಂದ ಹೊರಡುವ ರಸಭಾವಗಳೆಂದೂ ಮನಗಂಡಿದ್ದರು. ಶಕ್ತಿಗಳ ಸ್ವರೂಪವನ್ನು ಮತ್ತು ರಸಗುಣವನ್ನು ಇತರೇ ವಸ್ತುಗಳಲ್ಲಿ ಅಥವಾ ವ್ಯಕ್ತಿಗಳಲ್ಲೂ ಹುಡುಕುವ ಅಥವಾ ಆಕಸ್ಮಿಕವಾಗಿ ಕಾಣುವ ಅಥವಾ ಗುರುತಿಸುವ ಶೋಧನೆಗಳೂ, ಜಿಜ್ಞಾಸುಪೂರ್ಣವಾದ ಅನ್ವೇಷಣೆಯನ್ನೂ ಮಾಡುತ್ತಿದ್ದರು.

ಆಗಲೇ ಅವರು ಕಂಡುಕೊಂಡ ಒಂದು ಅದ್ಭುತ ವಿಷಯವೆಂದರೆ, ವ್ಯಕ್ತಿಯಲ್ಲಿಯೂ ಒಂದು ಪ್ರಮಾಣದಲ್ಲಿ ಪ್ರಕೃತಿಯ ಶಕ್ತಿಯು ಅಂಶವಿದ್ದು ಅಥವಾ ಗ್ರಹಿಕೆಯಿದ್ದು, ಅವು ಕಾಲದೊಂದಿಗೆ ಹೆಚ್ಚುವುದು, ಅಥವಾ ಗಮನಿಸುವಂತಹ (ಧ್ಯಾನ) ಕ್ರಿಯೆಯಿಂದ ಅವುಗಳ ಗುಣಶಕ್ತಿಯು ಪ್ರಕಟವಾಗುವುದು ಎಂಬುದು. ಈ ಅರಿವೇ ವ್ಯಕ್ತಿಯನ್ನು ದೇವರನ್ನಾಗಿಸುವ ಪ್ರಕ್ರಿಯೆಗೆ, ಯೋಗ, ಧಾರಣ ಇತ್ಯಾದಿಗಳಾದ ತಂತ್ರ ಸಾಧನೆಗಳಿಗೂ ಪ್ರೇರಣೆಯಾಯಿತು.

ರಸವಿದ್ಯೆ ಮತ್ತು ದೇವವಿದ್ಯೆ

ಸಾಧಾರಣವಾದ ಲೋಹವನ್ನು ಚಿನ್ನವನ್ನಾಗಿಸುವ ರಸವಿದ್ಯೆಯನ್ನು ನೆನೆಪಿಸಿಕೊಂಡರೆ, ಮನುಷ್ಯನಿಗೂ ಅವನಿಗಿರುವ ಗುಣಶಕ್ತಿಯನ್ನು ಆಧರಿಸಿ ದೈವತ್ವಕ್ಕೇರಿಸುವ ಪ್ರಕ್ರಿಯೆ ಅಥವಾ ಆ ಬಗೆಯ ಆಲೋಚನೆಗಳು, ಪರಿಕಲ್ಪನೆಗಳು ಅರ್ಥವಾಗುತ್ತದೆ.

ಇದೇ ಮುಂದುವರಿದಂತೆ ತನ್ನನ್ನು ತಾನು ಹಾಗೆ ಪ್ರಕೃತಿಯ ಶಕ್ತಿಗಳಿಗೆ ಗುರುತಿಸಿಕೊಂಡವನು ಅಥವಾ ಗುರುತಿಸಲ್ಪಟ್ಟಂತಹ ಮಾನವನು ವಿಶೇಷವೆಂದು ಮಾನ್ಯವಾಗಿದ್ದೇ ಅಲ್ಲದೇ ಅವನ ವೈಯಕ್ತಿಕ ಗುಣಸ್ವಾಭಾವಗಳ ಮುಖೇನ ಇತರರೊಂದಿಗೆ ವ್ಯವಹರಿಸಬಹುದಾದ ಸಂಗತಿಗಳನ್ನು ಸಾಕ್ಷೀಕರಿಸಿದವರು ಅವನ್ನೂ ದಾಖಲು ಮಾಡತೊಡಗಿರುವ ಸಾಧ್ಯತೆಗಳು ಉಂಟು. ಹಾಗೆಯೇ ಅಲ್ಪಪ್ರಮಾಣಗಳಲ್ಲಿ ಗುರುತಿಸಲ್ಪಟ್ಟ ಅಂತಹ ಗುಣಸ್ವಭಾವಗಳು ಮತ್ತಷ್ಟು ಶಕ್ತಿಶಾಲಿಯಾಗಲೆಂದು ಯಾಗ ಯಜ್ಞ, ಮಂತ್ರ-ತಂತ್ರಗಳ ಮೂಲಕ ಉದ್ದೀಪನಗೊಳಿಸುವ ಯತ್ನಗಳೂ ಕೂಡ ನಡೆಯತೊಡಗಿದವು.

ತಾಂತ್ರಿಕತೆಯಲ್ಲಿ ಶಕ್ತಿಯ ಉದ್ದೀಪನಕ್ಕೆ ಗಮನೀಯವಾದ ಸ್ಥಾನವಿದೆ. ಅಂತಹ ಸೈದ್ಧಾಂತಿಕ ವಿಚಾರಗಳಿಂದ ಮತ್ತು ತಾಂತ್ರಿಕ ಆಚರಣೆಗಳಿಂದ ಮುಂದೆ ಪುರೋಹಿತರು, ತಾವದನ್ನು ನಂಬಲಿ ಬಿಡಲಿ, ಇತರರ ಮೇಲೆ ಅತ್ಯಂತ ಪರಿಣಾಮಕಾರಿಯಾಗಿ ಬಳಸಿದರು.

ಆಚಾರಗಳು ವಿಚಾರಗಳನ್ನು ಗೌರವಿಸುವ ಸಂಕೇತಗಳಾಗಿ ಮುಂದುವರಿದವು. ಹಾಗೂ ನಂಬುಗೆಗಳು ಪರಿಕಲ್ಪನೆಗಳನ್ನು ನಿಜವಾಗಿಸುವ ಪ್ರಯತ್ನಗಳು ಅಥವಾ ಗೌರವಿಸುವ ಸಂಕೇತಗಳು. ಹಾಗಾಗಿ ಸೌಜನ್ಯದ ನೆಲೆಯಿಂದ ಒಪ್ಪಿಕೊಂಡಂತಹ ಅನೇಕ ವಿಚಾರಗಳು ಇಂದು ಬೃಹದಾಕಾರವಾಗಿ ಬೆಳೆದು ಮೂಲ ಭಾವನೆಗಳನ್ನೇ ಕದಡಿಬಿಟ್ಟಿವೆ.

ಆರ್ಯ ಮತ್ತು ದ್ರಾವಿಡ ದೇವರುಗಳು

ಭಾರತದಲ್ಲಿ ದ್ರಾವಿಡರೇ ಮೊದಲಾದ ಮೂಲನಿವಾಸಿಗಳು ಪ್ರಕೃತಿಯ ಆರಾಧಕರಾಗಿದ್ದು, ನಿಸರ್ಗದ ಮಕ್ಕಳಾಗಿದ್ದ ಅರಣ್ಯಕರು ಮತ್ತು ರೈತರು ಶವಸಂಸ್ಕಾರವನ್ನು ಭೂಮಿಯಲ್ಲಿ ಮಾಡುತ್ತಿದ್ದರು. ಅವರ ಮೃತ ಹಿರಿಯರ ಅಥವಾ ಇತರರ ಮರಣಾನಂತರದ ಅತಿಭೌತಿಕ ಶಕ್ತಿಯನ್ನು ಕಲ್ಪಿಸಿಕೊಂಡವರು ತಮ್ಮ ಪಿತೃಗಳನ್ನು ಗೌರವಿಸುತ್ತಿದ್ದರು. ತಮ್ಮ ಮೇಲಿನ ಪ್ರೇಮ ಮತ್ತು ಅನುರಾಗ ಅಥವಾ ಸೆಳೆತದಿಂದಾಗಿ ಮೃತರು ದೈಹಿಕವಾಗಿ ದೂರಾದರೂ, ಭಾವನಾತ್ಮಕವಾಗಿ, ಮಾನಸಿಕವಾಗಿ, ಚೇತನಾರೂಪದಲ್ಲಿ ತಮ್ಮನ್ನು ಸಮೀಪಿಸುತ್ತಾರೆ ಅಥವಾ ತಮ್ಮೊಡನೆ ಇರುತ್ತಾರೆ ಎಂದು ನಂಬಲು ಭಾವನಾತ್ಮಕವಾದ ನಿಲುವೇ ಕಾರಣವಾಗಿತ್ತು.

ಹಾಗಾಗಿ ತಮ್ಮ ಪರಿಕಲ್ಪನೆಯ ದೈವಗಳಿಗೆ, ಶಕ್ತಿಗಳಿಗೆ ತಾವು ಕಂಡಿದ್ದ ಮೃತರ ಕೋಪ, ಒಲವು, ಆಸೆ, ಅಸೂಯೆ, ಅನುರಾಗ ಇತ್ಯಾದಿ ಗುಣಗಳನ್ನೂ ಆರೋಪಿಸುತ್ತಿದ್ದರು.

ದೇವರ ಬಗೆಗಿನ ದ್ರಾವಿಡರ ಮತ್ತು ಆರ್ಯರ ಎರಡೂ ಬಗೆಯ ಪರಿಕಲ್ಪನೆಗಳು ಸಂಸ್ಕೃತಿಗಳು ಮತ್ತು ಜೀವನ ಶೈಲಿಗಳು ವಿಲೀನವಾದ ರೀತಿಯಲ್ಲಿಯೇ ವಿಲೀನವಾಗಿ ಇಂದು ನಾವು ಕ್ರೋಧಾವಿಷ್ಟವಾಗಿ ಶಾಪ ಕೊಡುವ ದೇವರನ್ನೂ, ಸ್ತುತಿಗೆ ಒಲಿದು, ಒಲವಿಗೆ ಮಣಿದು ವರ ಕೊಡುವಂತಹ ದೇವರನ್ನೂ ಕಾಣುತ್ತಿದ್ದೇವೆ. ಆದರೆ ಆರ್ಯರ ಅಥವಾ ದ್ರಾವಿಡ ಪರಿಕಲ್ಪನೆಯ ದೇವರ ವಿಚಾರದಲ್ಲಿ ಗಮನಿಸುವಾಗ ಮೂಲದಲ್ಲಿ ಗೋಚರವಾಗುವುದು ಮಾನವಾತೀತವಾದ ‘ಚೈತನ್ಯ’ ಎಂಬ ಅರ್ಥೈಸುವಿಕೆ.

ಮಾನವಾತೀತವಾಗಿರುವ ಕಾರಣದಿಂದ ಮಾನವರೂಪಕ್ಕೆ ಇಳಿಯುವ ಸಾಧ್ಯತೆಯೂ ಕೂಡ ತೀರಾ ಸಹಜ. ಇರಲಿ, ಚೈತನ್ಯ ಎಂಬ ಅಂಶದ ಮುಖೇನ ನೋಡಿದರೆ, ದೇವರೆನ್ನುವ ಪರಿಕಲ್ಪನೆಯು ಶಾಪ ಕೊಡುವಷ್ಟು ಕ್ರೂರ ಕಲ್ಪನೆಯಿಂದಲೂ, ವರ ಕೊಡುವಷ್ಟು ಅಹಂಕಾರದ ಕಲ್ಪನೆಯಿಂದಲೂ ದೂರವಾಗುತ್ತದೆ. ವಾಸ್ತವವಾಗಿ ಅದು ಮನುಷ್ಯ ಸಹಜವಾದ ಮೋಹ, ಕ್ರೋಧಾದಿ ವಿಷಯಗಳಿಗೆ ಅತೀತವಾದ ನಿರ್ಮನಸ್ಸಿನ ಸ್ಥಿತಿ, ನಿರ್ಭಾವದ ಸ್ಥಿತಿಯಾದ ಪ್ರಕೃತಿಯ ಶಕ್ತಿಗೆ ತೆರೆದುಕೊಳ್ಳುತ್ತದೆ.
ಗಮನಿಸಿ, ಸೂರ್ಯನ ಬೆಳಕು ಪಸರಿಸುತ್ತದೆ. ಅದಕ್ಕೆ ಎಲ್ಲೆಲ್ಲಿ ಅವಕಾಶಗಳಿರುತ್ತದೆಯೋ ಅಲ್ಲೆಲ್ಲಾ ತನ್ನ ಕಿರಣಗಳನ್ನು ಬೀರುತ್ತದೆ.

ಅದಕ್ಕೆ ಇದು ಸುಂದರವಾದ ವಸ್ತು, ಇದನ್ನು ಚೆನ್ನಾಗಿ ಬೆಳಗಿಸಬೇಕೆಂದೋ ಅಥವಾ ಇದು ಕುರೂಪವಾದ ವಸ್ತು ಇದನ್ನು ಕಾಣಿಸುವುದು ಬೇಡವೆಂದೋ ಆಲೋಚನೆಗಳನ್ನು ಮಾಡದೇ ಅವಕಾಶಾನುಗುಣವಾಗಿ ತನ್ನ ಪ್ರಕಾಶವನ್ನು ಚೆಲ್ಲುತ್ತದೆ. ಹಾಗೆಯೇ ಮಳೆಯೂ ಕೂಡ ಸುಂದರವಾದ ಹೂಗಳನ್ನು ನೀಡುವ ಎಂದು ಹೂಗಿಡಗಳ ಮೇಲೆ ಮಾತ್ರ ಸುರಿದು, ಮುಳ್ಳುಗಳು ಇರುವಂತಹ ಗಿಡಗಳ ಮೇಲೆ ಸುರಿಯದೇ ಇರುವುದಿಲ್ಲ. ಅಂದರೆ, ಚೈತನ್ಯವೆನ್ನುವುದು ನಿಷ್ಪಕ್ಷಪಾತವಾದ, ನಿರ್ಭಾವುಕವಾದ, ನಿರ್ವ್ಯಾಮೋಹಿಯಾದ ಗುಣವೆನ್ನುವುದು ಸ್ಪಷ್ಟವಾಗುವುದು.

ಹಾಗಾದರೆ, ದೇವರೆಂಬ ಶಕ್ತಿ, ಚೈತನ್ಯಕ್ಕೆ ಶಾಪ ಕೊಡುವ, ವರ ಕೊಡುವ, ಮುನಿಯುವ, ಒಲಿಯುವ, ನಲಿಯುವ ಗುಣಗಳು ಹೇಗೆ ಬಂತೆಂದು ಮೇಲೆ ವಿಚಾರ ಮಾಡಿದ ರೀತಿಯನ್ನು ಗಮನಿಸಿದರೆ ತಿಳಿಯುವುದು.

ದೇವರು ಎಂದು ಹಿಂದೂ ಧರ್ಮದಲ್ಲಿ ಯಾರನ್ನೆಲ್ಲಾ ಕರೆಯುವರೋ ಹಾಗೆ ಹಿಂದೆ ವೈದಿಕರಲ್ಲೇ ಕರೆಯುತ್ತಿರಲಿಲ್ಲ. ಅವರ ದೇವರುಗಳೇ ಬೇರೆ ಇದ್ದರು. ಹಾಗೆಯೇ ಯಹೂದಿ, ಕ್ರೈಸ್ತ, ಇಸ್ಲಾಂ ರೀತಿಯ ಏಕದೇವೋಪಾಸನೆಯ ದೇವರು ಹಿಂದೂ ಧರ್ಮದ ದೇವರುಗಳ ರೀತಿಯಲ್ಲ. ಹಾಗಾಗಿ ಹಿಂದೂ ಧರ್ಮದಲ್ಲಿ ದೇವರುಗಳ ಕುರಿತಾಗಿ ಹಲವಾರು ಪೌರಾಣಿಕ ಕತೆಗಳಿರುತ್ತವೆ. ಆದರೆ ದೇವರನ್ನು ಮಾನವ ರೂಪದಲ್ಲಿ ನೋಡದ ಕ್ರೈಸ್ತ ಮತ್ತು ಇಸ್ಲಾಂ ಧರ್ಮದಂತಹ ಏಕ ದೇವೋಪಾಸನೆಯ ಧರ್ಮಗಳಲ್ಲಿ ದೇವರಿಗೆ ಮಡದಿ ಮಕ್ಕಳು ಸಂಸಾರಗಳು ಇರುವುದಿಲ್ಲ.

ಅವರಲ್ಲಿ ಮಿಥ್ ಇಲ್ಲವೆಂದೇನಿಲ್ಲ. ಅಗಾಧವಾಗಿಯೇ ಇವೆ. ಆದರೆ ಈ ಮಾದರಿಯದಲ್ಲ. ಯೆಹೂದರ ದೇವರಿಗೂ ಹಿಂದೂ ಧರ್ಮದ ದೇವರಿಗೆ ಬಂದಂತೆ ಕೋಪ ಬರುತ್ತದೆ, ಖುಷಿಯಾಗುತ್ತದೆ. ಆದರೆ ಹೆಂಡತಿ ಮಕ್ಕಳು ಇರುವುದಿಲ್ಲ ಅಷ್ಟೇ. ದೇವರ ಪ್ರೊಜೆಕ್ಷನ್ ಬೇರೆ ರೀತಿಯದ್ದಾಗಿರುತ್ತದೆ. ಏನೇ ಆಗಲಿ, ಧರ್ಮವನ್ನು ತಿಳಿಯಬೇಕಾದರೆ ದೇವರ ಉಗಮದ ಬಗ್ಗೆ ಕಿಂಚಿತ್ತು ಪರಿಚಯ ಇರಬೇಕು.

(ಮುಂದುವರಿಯುತ್ತದೆ)

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ಅಂತರಂಗ

ಧರ್ಮ ಮರ್ಮ-01: ಭಾರತದಲ್ಲಿ ಧರ್ಮದ ಸ್ವರೂಪ

Published

on

  • ಯೋಗೇಶ್ ಮಾಸ್ಟರ್

ಭಾರತದಲ್ಲಿ ಸದಾ ಗೊಂದಲಕ್ಕೊಳಗಾಗುವ ಅನೇಕ ವಿಷಯಗಳಲ್ಲಿ ಧರ್ಮವೂ ಒಂದು. ಸಹಜವಾಗಿ ಗೊಂದಲ ಎಂದರೇನೇ ಸ್ಪಷ್ಟತೆ ಇಲ್ಲ ಎಂದು ಅರ್ಥ. ಬೇರೆ ದೇಶಗಳಲ್ಲಿಯೂ ಕೂಡಾ ಧರ್ಮದ ಆಚರಣೆಗಳ ಬಗ್ಗೆ ಗೊಂದಲಗಳಿವೆ, ಸಂಘರ್ಷಗಳಿವೆ. ಆದರೆ ನಮ್ಮ ದೇಶದಲ್ಲಿ ಧರ್ಮ ಎನ್ನುವುದು ಬೇರೆ ದೇಶದವರಿಗಿಂತ ಹೆಚ್ಚು ವ್ಯಾಪಕವಾಗಿ ಮತ್ತು ವಿಸ್ತಾರವಾಗಿ ಅರ್ಥೈಸಲು ಸಾಧ್ಯವಿರುವುದರಿಂದ ಗೊಂದಲಗಳು ಹೆಚ್ಚಾಗಿವೆ.

ಹೌದು, ನಮ್ಮ ದೇಶದಲ್ಲಿ ಧರ್ಮದ ವಿಷಯವಾಗಿಯೂ ಒಂದು ಸಾಮಾನ್ಯ ಸ್ಪಷ್ಟತೆ ಇಲ್ಲ. ಭಾರತದ ಮಟ್ಟಿಗೆ ಧರ್ಮವನ್ನು ಅರ್ಥ ಮಾಡಿಕೊಳ್ಳುವುದು ಅಷ್ಟೇನೂ ದೊಡ್ಡ ವಿಷಯವೂ ಅಲ್ಲ ಮತ್ತು ಸಂಕೀರ್ಣವೂ ಅಲ್ಲ. ಒಂದು ಪದವನ್ನು ವಿವಿಧ ಬಳಕೆಗಳಲ್ಲಿ ಬೇರೆ ಬೇರೆ ಅರ್ಥವನ್ನು ಪಡೆದುಕೊಳ್ಳುತ್ತವೆ ಎಂಬುದರ ಗಮನ ನಮಗಿರಬೇಕು.

ಕಾಯು’ ಎಂಬ ಸರಳ ಪದವನ್ನು “ನಾನು ನನ್ನ ಸರದಿಗಾಗಿ ಕಾಯುತ್ತಿದ್ದೇನೆ” ಮತ್ತು “ಒಲೆಯ ಮೇಲೆ ನೀರು ಕಾಯುತ್ತಿದೆ” ಎಂಬ ಎರಡು ಬೇರೆ ಬೇರೆ ಅರ್ಥಗಳಲ್ಲಿ ಬಳಕೆ ಮಾಡುವಂತೆ ಧರ್ಮ ಎಂಬ ಪದದ ಬಳಕೆಯೂ ಕೂಡಾ ಭಿನ್ನ ಅರ್ಥಗಳಲ್ಲಿ ಬಳಕೆ ಮಾಡುತ್ತೇವೆ.

ಪದ ಬಳಕೆಯ ಕಾಳಜಿ

40ರಿಂದ 70ರ ದಶಕದವರೆಗೂ ಕೆಲವರನ್ನು ಹೊರತುಪಡಿಸಿ ಬಹಳಷ್ಟು ಬರಹಗಾರರು ಎಚ್ಚರಿಕೆಯಿಂದ ಧರ್ಮದ ಪದವನ್ನು ದೇಶೀಯವಾಗಿ ಅಂದರೆ ಭಾರತೀಯ ಅರ್ಥದಲ್ಲಿಯೇ ಬಳಸುತ್ತಿದ್ದರು. ಅವರು ‘ಧರ್ಮ’ ಮತ್ತು ‘ಮತ’ ಎಂದು ಉಪಯೋಗಿಸುತ್ತಿದ್ದ ಎರಡು ಪದಗಳಲ್ಲಿ ಸ್ಪಷ್ಟತೆ ಇತ್ತು. ಇಂಗ್ಲೀಷಿನಲ್ಲಿ ರಿಲೀಜಿಯನ್ ಎಂಬ ಪದಕ್ಕೆ ಧರ್ಮ ಎಂಬುದನ್ನು ಬಳಸುತ್ತಿರಲಿಲ್ಲ. ಬದಲಾಗಿ ಮತ ಎಂದು ಬಳಸುತ್ತಿದ್ದರು. ಇನ್ನೂ ಸರಳವಾಗಿ ಪದ್ಧತಿ ಎಂದೂ ಹೇಳುತ್ತಿದ್ದರು.

ಆದರೆ ರಿಲೀಜಿಯನ್ ಎಂದು ಇಂಗ್ಲೀಷಿನಲ್ಲಿ ಹೇಳುವ ಪದಕ್ಕೂ, ಭಾರತೀಯರು ಧರ್ಮ ಎನ್ನುವ ಪದಕ್ಕೂ ವ್ಯತ್ಯಾಸವಿದೆ ಎಂಬುದು ಸ್ಪಷ್ಟವಾಗಿತ್ತು. ಎರಡೂ ಒಂದೇ ಆಗಿರಲಿಲ್ಲ. ನಂತರ ಕೆಲವು ಬರಹಗಾರರು ಮತ ಎಂಬ ಪದವು ಬಹಳ ಲಘುವಾಗಿದೆ ಅನ್ನಿಸುವುದರಿಂದ ಮತದ ಬದಲು ಧರ್ಮ ಎಂದು ಬಳಸತೊಡಗಿದರು. ಇದರಿಂದಾಗಿ ಇಸ್ಲಾಮ್ ಮತ, ಕ್ರೈಸ್ತ ಮತ, ಬೌದ್ಧ ಮತಗಳ ಬದಲಿಗೆ ಧರ್ಮ ಎಂದು ಬಳಸತೊಡಗಿದರು.

ಅಲ್ಲಿಂದೀಚೆಗೆ ಅದು ಹೆಚ್ಚು ವ್ಯಾಪಕವೂ ಆಗ ತೊಡಗಿ ಭಾರತೀಯ ಅಥವಾ ದೇಸೀ ಅರ್ಥದ ಧರ್ಮವು ಮತವೆಂಬ ಪದದ ಬದಲಿಗೆ ಉಪಯೋಗಿಸತೊಡಗಿದರು. ಇದರಿಂದಾಗಿ ಪ್ರಾಚೀನ ಭಾರತೀಯ ಬರಹಗಳಲ್ಲಿದ್ದ ಧರ್ಮ ಎಂಬ ಪದವನ್ನು ಮತವೆಂಬ ಅರ್ಥದಲ್ಲಿ ಅರ್ಥೈಸತೊಡಗಿದ್ದರಿಂದ ಅನರ್ಥಗಳಾಗ ತೊಡಗಿದವು. ಏಕೆಂದರೆ ಯಾವ ಧರ್ಮ ಎಂಬ ಪದದ ಅರ್ಥವು ಅಜ್ಞಾತವೂ ಮತ್ತು ಸೂಕ್ಷ್ಮವೂ ಆಗಿದ್ದ ಸ್ವಭಾವ ಎಂಬ ಅರ್ಥದಲ್ಲಿ ಬಳಸುತ್ತಿದ್ದರೋ ಅದನ್ನು ಸ್ಥಾಪಿತ ಮತಕ್ಕೆ ಹೆಸರಿಸಲು ಪ್ರಾರಂಭಿಸಿ ಅದರ ಅರ್ಥ ಮರೆತುಹೋಯಿತು.

ಆದರೂ ಕಂಗಾಲಾಗುವ ಅಗತ್ಯವೇನೂ ಇಲ್ಲ. ಭಾಷೆಗಳಲ್ಲಿ ಪದಗಳು ಕಾಲದಿಂದ ಕಾಲಕ್ಕೆ ಅರ್ಥವನ್ನು ಬದಲಾಯಿಸಿಕೊಳ್ಳುವ, ಮತ್ತೊಂದಕ್ಕೆ ಬಳಕೆಯಾಗುವ ಸ್ವಭಾವವೂ ಉಂಟು. ಹಾಗಾಗಿ ಧರ್ಮ ಎಂಬ ಒಂದೇ ಪದವನ್ನು ಎರಡು ಅರ್ಥಗಳಿಗೆ ಬಳಸಲಾಗುತ್ತಿದೆ ಎಂಬ ಎಚ್ಚರಿಕೆಯನ್ನು ಹೊಂದಿದ್ದು ಪ್ರಾಚೀನ ಗ್ರಂಥಗಳನ್ನು, ಇತರ ಪಠ್ಯಗಳನ್ನು ಓದುವಾಗ ಯಾವ ಅರ್ಥದಲ್ಲಿ ಅವನ್ನು ಬಳಸಿದ್ದಾರೆ ಎಂಬ ಅರಿವು ಇರಬೇಕಷ್ಟೇ.

ಪ್ರಭುತ್ವಮು ಎಂದು ತೆಲುಗಿನವರು ಉಪಯೋಗಿಸುವ ಪದ ಕನ್ನಡದಲ್ಲಿ ಸರ್ಕಾರ ಎಂದಾಗುತ್ತದೆ. ಆದರೆ ಪ್ರಭುತ್ವದ ಪದ ಕನ್ನಡದಲ್ಲಿಯೂ ಇದೆ. ಆದರೆ ನಾವು ಅದನ್ನು ಸರ್ಕಾರ ಎಂಬ ಅರ್ಥದಲ್ಲಿ ಬಳಸುವುದಿಲ್ಲ. ರಾಜರ ಅಧಿಕಾರದ ಅರ್ಥದಲ್ಲಿ ಬಳಸುತ್ತೇವೆ. ಹಾಗೆಯೇ ಉತ್ತರ ಭಾರತದ ಕೆಲವು ರಾಜ್ಯಗಳರಲ್ಲಿ ಸರಕಾರ್ ಎಂದು ಬಳಸುವ ಪದವು ಯಜಮಾನ, ಒಡೆಯ ಎಂಬ ಅರ್ಥದಲ್ಲಿ ಬಳಸುತ್ತಾರೆ. ಆದರೆ ನಮಗೆ ಅದು ರಾಜಕೀಯ ವ್ಯವಸ್ಥೆಯ ಸರ್ಕಾರವಾಗಿ ಮಾತ್ರವೇ ಬಳಕೆಯಾಗುತ್ತದೆ.

ಯಜಮಾನ ಅಥವಾ ದಣಿ ಎಂಬ ಪದಗಳಿಗೆ ಬದಲಾಗಿ ನಾವು ಸರಕಾರ ಎಂಬ ಪದವನ್ನು ಬಳಸುವುದಿಲ್ಲ. ಸಂಸ್ಕೃತ ಪದಗಳು ಭಾರತದ ಬಹುತೇಕ ಭಾಷೆಗಳಲ್ಲಿ ಬೆರೆತುಹೋದರೂ ಅವುಗಳನ್ನು ಬಳಸುವಾಗ ಅವರ ಪ್ರಾದೇಶಿಕ ಪ್ರಭಾವಗಳು ಇರುತ್ತಿದ್ದವು. ಆ ಪ್ರಯೋಗಗಳ ಹಿಂದೆ ಕಾರಣಗಳೇನೇ ಇದ್ದರೂ ಅರ್ಥ ವ್ಯತ್ಯಾಸ ಇದ್ದುದಂತೂ ನಿಜ. ಹೀಗೆಯೇ ಧರ್ಮವನ್ನೂ ಕನಿಷ್ಟಪಕ್ಷ ನಮ್ಮ ಕನ್ನಡದ ಹಿರಿಯರು ಬರೆಯುತ್ತಿದ್ದ ಪುಸ್ತಕಗಳಲ್ಲಿ ಎಚ್ಚರಿಕೆಯಿಂದ ಬಳಸುತ್ತಿದ್ದರು. ಸಂಸ್ಕೃತದಲ್ಲಾಗಲಿ ಅಥವಾ ಕನ್ನಡದಲ್ಲಾಗಲಿ ಧರ್ಮದ ಅರ್ಥಕ್ಕೆ ಬಹಳ ಸ್ಪಷ್ಟತೆ ಇತ್ತು.

ರೂಢಿ ದೋಷ

ನಮ್ಮ ರೂಢಿಗೊಳಿಸಿಕೊಂಡಿರುವ ಒಂದು ದೊಡ್ಡ ದೋಷವೆಂದರೆ ಸರಳ ಮತ್ತು ನೇರವಾಗಿರುವ ವಿಷಯಗಳನ್ನು ಸಂಕೀರ್ಣಗೊಳಿಸಿಕೊಳ್ಳುವುದು. ಯಾವುದು ಸಾಮಾನ್ಯ ತಿಳುವಳಿಕೆಗೆ ಎಟುಕುವುದಿಲ್ಲವೋ ಅದು ಮಹತ್ವವಾದುದು, ಬಹಳ ಮೌಲ್ಯವುಳ್ಳದ್ದು, ಬಹಳ ಉನ್ನತವಾದದ್ದು ಎಂಬ ಭ್ರಮೆಯನ್ನು ಹುಟ್ಟಿಸಿರುವುದು. ಅದು ಬರಿಯ ಭ್ರಮೆಯು ಮಾತ್ರವಲ್ಲ ಮಾನವನ ಸಂವಹನ ಕ್ರಮಕ್ಕೆ ಮಾಡುವ ದ್ರೋಹವೂ ಹೌದು. ನಾನು ಹೇಳುವುದು ನಿಮಗೆ ಅರ್ಥವಾಗಬೇಕು. ನಿಮ್ಮ ತಿಳುವಳಿಕೆಗೆ ನಿಲುಕಬೇಕು. ಆಗ ನಾನು ಹೇಳುವ ಕೆಲಸದಲ್ಲಿ ಯಶಸ್ವಿಯಾಗಿದ್ದೇನೆ ಎಂದು ಅರ್ಥ.

ಅದು ಬಿಟ್ಟು, ನಾನು ನಿಮ್ಮ ಶಬ್ಧಭಂಡಾರದಲ್ಲಿ ಇಲ್ಲದಿರುವಂತಹ, ಹುಡುಕಿದರೂ ಅರ್ಥ ಸಿಗದಂತಹ ಮಹಾ ಪಾಂಡಿತ್ಯದ ಶಬ್ಧಗಳನ್ನು ಉಪಯೋಗಿಸಿ, ನಿಮಗೆ ನಾನು ನಿಮ್ಮ ತಿಳುವಳಿಕೆಗೆ ನಿಲುಕದಂತವನಾದರೆ ಅದು ನನ್ನ ವೈಫಲ್ಯ. ಏನೋ ಸ್ವಲ್ಪ ಪ್ರಾದೇಶಿಕ ಭಾಷಾ ಪ್ರಯೋಗಗಳಿಂದ ಒಂದಷ್ಟು ಪದಗಳು ಆಚೀಚೆ ಆಗಬಹುದು. ಆದರೆ ನನ್ನ ತಿಳುವಳಿಕೆಗೆ ನಿಲುಕದ್ದು ಎಂದು ಅವನ್ನು ಉನ್ನತೀಕರಿಸಿ, ಅರಿಯದವರು ಪಾಮರರು ಎಂಬ ಭ್ರಮೆ ಹುಟ್ಟಿಸಿದ ಕಾರಣದಿಂದಲೇ ಅಪವ್ಯಾಖ್ಯಾನಗಳು ಅಂದರೆ ಇರುವ ಅರ್ಥವನ್ನು ಬಿಟ್ಟು ಬೇರೇನೇನೋ ವಿವರಣೆಗಳು ಹುಟ್ಟಿರುವವು.

ಧರ್ಮದ ಪಾವಿತ್ರ್ಯದ ವ್ಯಾಪ್ತಿ

ಧರ್ಮದ ವಿವರಣೆಯಲ್ಲಿಯೂ ಕೂಡಾ ಹಾಗೇ ಆಗಿವೆ. ಅದೇನೋ ಅತ್ಯಂತ ಶ್ರದ್ಧೆಗೆ, ಬದ್ಧತೆಗೆ, ಪಾವಿತ್ರ್ಯತೆಗೆ ಸಂಬಂಧಿಸಿದ್ದು, ದೇವರನ್ನು ಸಮೀಪಿಸುವುದಕ್ಕೆ ಇರುವುದು ಎಂಬ ಭ್ರಮೆ ಇದೆ ಅಥವಾ ಧರ್ಮ ಎಂದ ಕೂಡಲೇ ಹಾಗಾಡುತ್ತಾರೆ. ಅದರಲ್ಲೂ ಭಾರತೀಯರ ವಿಷಯದಲ್ಲಂತೂ ಧರ್ಮ ಎಂಬುದು ಪವಿತ್ರತೆಗೂ, ದೇವರಿಗೂ, ಶ್ರದ್ಧೆಗೂ ಸಂಬಂಧಿಸಿದ್ದಲ್ಲ. ಬಹಳ ಸರಳವಾಗಿ ಧರ್ಮವನ್ನು ಅರ್ಥ ಮಾಡಿಕೊಳ್ಳುತ್ತಾ ಹೋಗೋಣ.

ಬಂಡೆ ಗಟ್ಟಿಯಾಗಿರುವುದು ಅದರ ಗುಣ, ನೀರಿಗೆ ಹರಿಯುವ ಗುಣ, ಗಾಳಿಗೆ ಬೀಸುವಂತಹ ಸಹಜ ಗುಣವಿದೆ ಹಾಗೆಯೇ ಬೆಂಕಿಗೆ ಸುಡುವ ಸ್ವಭಾವ ಇದೆ ಎಂದರೆ ಅರ್ಥವಾಗುತ್ತದೆ. ಹಾಗೆಯೇ ಕಾಠಿಣ್ಯವು ಬಂಡೆಯ ಧರ್ಮ, ಹರಿಯುವುದು ನೀರಿನ ಧರ್ಮ, ಬೀಸುವುದು ಗಾಳಿಯ ಧರ್ಮ, ಸುಡುವುದು ಬೆಂಕಿಯ ಧರ್ಮ ಎಂದರೂ ಅರ್ಥವಾಯಿತಲ್ಲವೇ? ಅಂದರೆ ಯಾವುದೇ ಒಂದರ ಮೂಲ ಅಥವಾ ಪ್ರಮುಖವಾದ ಸ್ವಭಾವವೇ ಧರ್ಮ.

ಧರ್ಮ ಶಬ್ದವು ಸಂಸ್ಕೃತದ ‘ಧೃ’ ಎಂಬ ಮೂಲದಿಂದ ಬಂದಿದೆ. ‘ಧೃ’ ಎಂದರೆ ಧಾರಣ ಮಾಡು ಅಥವಾ ಧರಿಸು, ಎತ್ತಿ ಹಿಡಿ ಅಥವಾ ಬೆಂಬಲಿಸು ಎಂದರ್ಥ. ಇದು ಪ್ರಾರಂಭದ ಪಾಠ. “ಧಾರಣಾತ್ ಧರ್ಮ ಇತ್ಯಾಹುಃ ಧರ್ಮೋ ಧಾರಯತಿ ಪ್ರಜಾಃ” ಎಂದು ಮಹಾಭಾರತದ ಕರ್ಣಪರ್ವದಲ್ಲಿ ಯಾವುದು ಇನ್ನೊಂದನ್ನು ಎತ್ತಿ ಹಿಡಿಯುವುದೋ, ಅಥವಾ ಇನ್ನೊಂದಕ್ಕೆ ಆಧಾರವಾಗಿ ಅದನ್ನು ರಕ್ಷಿಸುವುದೋ ಅದು ಧರ್ಮ ಎನಿಸಿಕೊಳ್ಳುತ್ತದೆ.

ಹೀಗೆಂದು ಕೃಷ್ಣ ಅರ್ಜುನನಿಗೆ ಧರ್ಮ ಎಂದು ವಿವರಿಸಲು ಯತ್ನಿಸುತ್ತಾನೆ. ಅದೇ ರೀತಿಯಲ್ಲಿ ಭಗವತ್ಗೀತೆಯಲ್ಲಿ “ಶ್ರೇಯಾನ್ ಸ್ವಧರ್ಮೋ ವಿಗುಣಃ ಪರಧರ್ಮಾತ್ ಸ್ವನುಷ್ಠಿತಾತ್” ಎನ್ನುತ್ತಾ ಬೇರೆ ಧರ್ಮವನ್ನು ಚೆನ್ನಾಗಿ ಮಾಡುವುದಕ್ಕಿಂತ ತನ್ನ ಧರ್ಮವು ವಿಗುಣವಾಗಿದ್ದರೂ (ಪರರ ದೃಷ್ಟಿಯಲ್ಲಿ) ಅದೇ ಶ್ರೇಯಸ್ಕರ ಎನ್ನುತ್ತಾ “ಸ್ವಧರ್ಮೇ ನಿಧನಂ ಶ್ರೇಯಃ ಪರಧರ್ಮೋ ಭಯಾವಹಃ” ನಿನ್ನದೇ ಧರ್ಮದಲ್ಲಿ ಸತ್ತರೂ ಅದು ಮೇಲು, ಪರಧರ್ಮ ಅದಕ್ಕಿಂತ ಭಯಂಕರವಾದುದು ಎಂದೂ ಹೇಳುತ್ತಾನೆ.

ಭಗವತ್ಗೀತೆಯಲ್ಲಿ ಧರ್ಮವೆಂದರೆ ವ್ಯಕ್ತಿ ಅಥವಾ ವಸ್ತುವಿನ ಸ್ವಭಾವದಂತೆ ತೋರಿದರೆ, ಕರ್ಣಪರ್ವದಲ್ಲಿ ಕರ್ತವ್ಯದಂತೆ ತೋರುತ್ತದೆ. ಭಗವತ್ಗೀತೆಯ ಧರ್ಮವನ್ನೂ ಕರ್ತವ್ಯವೆಂದೂ ಕೂಡಾ ಅರ್ಥೈಸಬಹುದು. ಆದರೆ ಒಂದು ವಿಷಯ ನೆನಪಿಡಬೇಕು. ಮಹಾಭಾರತದ ಯಾವುದೋ ಒಂದು ಉಲ್ಲೇಖಿತ ಸಾಲನ್ನು ಹಿಡಿದುಕೊಂಡು ಸುಭಾಷಿತದ ರೀತಿಯಲ್ಲಿ ಅಥವಾ ಧಾರ್ಮಿಕ ಸೂತ್ರದ ರೀತಿಯಲ್ಲಿ ಶಾಸನವನ್ನಾಗಿ ಮಾಡಿಕೊಳ್ಳಬಾರದು.

ಏಕೆಂದರೆ ಮಹಾಭಾರತದಲ್ಲಿ ನೂರಾರು ಪಾತ್ರಗಳು ಬರುತ್ತವೆ. ಎಲ್ಲಾ ಪಾತ್ರಗಳೂ ತಮ್ಮ ತಮ್ಮ ಧೋರಣೆಯನ್ನು, ಮನೋಭಾವವನ್ನು, ಮನಸ್ಥಿತಿಗಳನ್ನು ವ್ಯಕ್ತಪಡಿಸುವಂತೆ ಧರ್ಮವನ್ನೂ ಕೂಡಾ ನಾನಾ ರೀತಿಯಲ್ಲಿ ಸಮಯ ಸನ್ನಿವೇಶಕ್ಕೆ ತಕ್ಕಂತೆ ವಿವರಿಸುತ್ತಾ ಹೋಗುತ್ತಾರೆ. ವ್ಯಾಸ, ಜನಮೇಜಯ, ಭೀಷ್ಮ, ವಿದುರ, ಕೃಷ್ಣ, ಧುರ್ಯೋದನ, ದೃತರಾಷ್ಟ್ರ, ಗಾಂಧಾರಿ, ಕುಂತಿ, ಮಾದ್ರಿ, ಧರ್ಮರಾಯ; ಹೀಗೆ ಹಲವಾರು ಪಾತ್ರಗಳು ಅನೇಕ ವಿಷಯಗಳನ್ನು ತಮ್ಮದೇ ಆದ ರೀತಿಯಲ್ಲಿ, ತಾವು ಗ್ರಹಿಸಿದಂತೆ, ತಾವು ನಂಬಿದಂತೆ, ತಮ್ಮ ಸಿದ್ಧಾಂತದಂತೆ, ತಮ್ಮ ಅನುಭವಕ್ಕೆ ತಕ್ಕಂತೆ ವಿವರಿಸುತ್ತಾ ಹೋಗುತ್ತಾರೆ.

ಮಹಾಭಾರತ ಯಾವುದೇ ಒಂದು ಸಿದ್ಧಾಂತವನ್ನು ಸ್ಪಷ್ಟ ಪಡಿಸಲು, ನೀತಿ ಹೇಳಲು ನಿಲ್ಲುವುದಿಲ್ಲ. ಆದರೆ ಧರ್ಮವನ್ನೇ ಕೇಂದ್ರವಾಗಿಟ್ಟುಕೊಳ್ಳುತ್ತದೆ. ಧರ್ಮವನ್ನು ಎತ್ತಿ ಹಿಡಿಯುತ್ತದೆ. ಪ್ರತ್ಯಕ್ಷವಾಗಿ ಮತ್ತು ಪರೋಕ್ಷವಾಗಿ ಧರ್ಮದ ಕೇಂದ್ರ ಮತ್ತು ಕರ್ಮದ ಚಕ್ರವನ್ನೇ ಎಲ್ಲಾ ಪಾತ್ರಗಳ ಜೊತೆಜೊತೆಯಾಗಿ ಹೋಗುತ್ತಿರುತ್ತದೆ.
ಇಷ್ಟೆಲ್ಲಾ ಆದರೂ ಮಹಾಭಾರತ ಧಾರ್ಮಿಕತೆಯ ಕತೆಯಲ್ಲ. ಇದರಲ್ಲಿ ಬದ್ಧತೆ, ಶ್ರದ್ಧೆ ಎಲ್ಲವನ್ನೂ ಕೋರಲಾಗುತ್ತದೆ.

ಆದರೆ ಯಾವುದೋ ಸ್ಥಾಪಿತ ಧರ್ಮದ ಸಾಂಪ್ರದಾಯಿಕ ಆಚರಣೆಯ ರೀತಿಯಲ್ಲಿ ಅಂದರೆ ರಿಲೀಜಿಯಸ್ ಪ್ರಾಕ್ಟೀಸ್ ರೀತಿಯದಲ್ಲ. ವ್ಯಕ್ತಿಧರ್ಮ, ಪ್ರಕೃತಿಧರ್ಮ, ಪರಿವಾರಿಕ ಅಥವಾ ಕುಟುಂಬ ಧರ್ಮ, ಸಮಾಜಧರ್ಮ, ವೃತ್ತಿಧರ್ಮ, ಮನೋಧರ್ಮ, ರಾಜಧರ್ಮ, ಕಾಲಧರ್ಮ ಅಥವಾ ಯುಗಧರ್ಮ, ವರ್ಣಧರ್ಮ, ಆಪತ್ಧರ್ಮ, ಆಶ್ರಮಧರ್ಮ; ಹೀಗೆ ಅನೇಕಾನೇಕ ಧರ್ಮಗಳ ಚಹರೆಗಳನ್ನು, ಚಟುವಟಿಕೆಗಳನ್ನು, ಚರ್ಚೆಗಳನ್ನು ಗುರುತಿಸಬಹುದು.

ಇನ್ನೂ ಮುಂದುವರಿದು ಆಪತ್ಕಾಲೇ ನಾಸ್ತಿ ಧರ್ಮ ಎಂತಲೂ ಎನ್ನುವುದು. ಅಂದರೆ ಪ್ರಾಣ ಹೋಗುವಂತಹ ಕೆಟ್ಟ ಸಂದರ್ಭ ಒದಗಿದರೆ ಯಾವ ಧರ್ಮವನ್ನು ಬಿಟ್ಟು ನಿನ್ನ ಪ್ರಾಣವನ್ನು ಉಳಿಸಿಕೋ ಎಂಬಂತಹ ಕಿವಿ ಮಾತು. ಇದನ್ನೇ ಆಪತ್ಧರ್ಮ ಎಂದುಕೊಳ್ಳೋಣ. ಒಟ್ಟಿನಲ್ಲಿ ಧರ್ಮ ಎಂಬ ಪದದ ಹಿಂದೆ ಜೋಡುಪದವಾಗಿ ಬಂದಿರುವ ಪದಗಳನ್ನೆಲ್ಲಾ ನೋಡಿದರೆ, ಧರ್ಮ ಎಂಬುದು ಸ್ಥಿರವೂ ಹೌದು, ಚರವೂ ಹೌದು ಎಂದಾಗುತ್ತದೆ. ಸ್ಥಿರವಾಗಿರುವುದು ಯಾವ ಧರ್ಮ ಮತ್ತು ಚರವಾಗಿರುವುದು ಯಾವ ಧರ್ಮ ಎಂಬುದನ್ನು ಗಮನಿಸಬೇಕು.

ಒಟ್ಟಾರೆ ಸಧ್ಯಕ್ಕೆ ಧರ್ಮವನ್ನು ಮೂರು ರೀತಿಯಲ್ಲಿ ಅರ್ಥ ಮಾಡಿಕೊಳ್ಳೋಣ. ಆಗ ಇನ್ನು ಮುಂದೆ ನಾವು ಪ್ರಯಾಣ ಮಾಡಲಿರುವ ದೇಶ ವಿದೇಶಗಳ ಧರ್ಮಗಳನ್ನೆಲ್ಲಾ ಅರ್ಥ ಮಾಡಿಕೊಳ್ಳಲು ಸಾಧ್ಯವಾಗುತ್ತದೆ.

ಧರ್ಮ ಎಂದರೆ ಒಂದು ವಸ್ತು ಅಥವಾ ಜೀವದ ಸ್ವಾಭಾವಿಕ ಗುಣವೆಂಬುದು ಸ್ಥಿರ ಧರ್ಮ ಎನ್ನಬಹುದು. ಅದೇನಾದರೂ ಬದಲಾಗದು. ನೈಸರ್ಗಿಕವಾಗಿ ಪ್ರಾಕೃತಿಕವಾಗಿ ಇರುವಂತಹ ಗುಣ ಸ್ವಭಾವ. ನಮ್ಮ ಹಿರಿಯರು ಹೇಳುತ್ತಿದ್ದರು, “ಅವನು ಎಷ್ಟು ತಿಂದರೂ ದಪ್ಪಗಾಗುವುದಿಲ್ಲ. ಅದು ಅವನ ಶರೀರ ಧರ್ಮ!” ಅವನು ಇರುವುದೇ ಹಾಗೇ ಎನ್ನುವುದಕ್ಕೆ ಹಾಗೆನ್ನುತ್ತಿದ್ದರು.

ಶರೀರ ಪ್ರಕೃತಿ ಅಥವಾ ಶರೀರಧರ್ಮ ಎಂಬುದನ್ನು ಸಮಾರ್ಥಕ ಪದಗಳಾಗಿ ಬಳಸುತ್ತಿದ್ದರು. ಅದು ಸ್ಥಿರವಾಗಿರುವ ಧರ್ಮ. ಇದು “ಅವರವರ ಮನೋಧರ್ಮಕ್ಕೆ ತಕ್ಕಂತೆ ನಡೆದುಕೊಳ್ಳುತ್ತಾರೆ” ಎನ್ನುವ ಮಾತಿನಲ್ಲಿಯೂ ಧರ್ಮ ಎನ್ನುವುದನ್ನು ಗಮನಿಸಿ. ಅವರವರ ಸಹಜ ಸ್ವಭಾವ ಎನ್ನುವುದಕ್ಕೆ ಸೂಚಿಸುತ್ತಾರೆ.

ಅದೇ ರೀತಿ ವೃತ್ತಿಧರ್ಮ, ಕುಟುಂಬಧರ್ಮ, ಆಶ್ರಮಧರ್ಮ, ಇತ್ಯಾದಿಗಳನ್ನು ಗಮನಿಸಿದರೆ ಧರ್ಮ ಎಂದರೆ ಕರ್ತವ್ಯ ಎಂಬ ಅರ್ಥ ಬರುತ್ತದೆ. ನಾನು ಮಡಿವಾಳನಾಗಿ ವೃತ್ತಿಯನ್ನು ಮಾಡುವಾಗ ನನ್ನ ಕೆಲಸದಲ್ಲಿ ಯಾವ ಯಾವ ಕರ್ತವ್ಯಗಳಿಗೆ ಬದ್ಧನಾಗಿರಬೇಕು ಎಂಬುದನ್ನು ನೋಡಬೇಕು. ಅದು ನನ್ನ ವೃತ್ತಿಧರ್ಮ. ಕುಟುಂಬದ ಒಂದು ಪಾತ್ರವನ್ನು ನಿರ್ವಹಣೆ ಮಾಡುವಾಗ ಆ ಪಾತ್ರದ ಕರ್ತವ್ಯಕ್ಕೆ ಬದ್ಧನಾಗಿ ಅದನ್ನು ನೆರವೇರುವಂತೆ ನೋಡಿಕೊಳ್ಳುವುದು ನನ್ನ ಧರ್ಮವನ್ನು ಪಾಲನೆ ಮಾಡಿದಂತೆ.

ಹಾಗೆಯೇ ಪ್ರಕೃತಿಧರ್ಮ, ಯುಗಧರ್ಮ, ಸಮಾಜಧರ್ಮ; ಇತ್ಯಾದಿಗಳಲ್ಲಿ ಧರ್ಮವನ್ನು ‘ಕ್ರಮ’ ಎಂದು ಅರ್ಥ ಮಾಡಿಕೊಳ್ಳಬೇಕು. ಪ್ರಕೃತಿಯಲ್ಲಿ ಋತುಧರ್ಮವಿದೆ. ಅದಕ್ಕೆ ಅನುಸಾರವಾಗಿ ಋತುಗಳು ಕಾಲಕಾಲಕ್ಕೆ ಬರುತ್ತವೆ ಹೋಗುತ್ತವೆ. ಒಂದು ಕ್ರಮವನ್ನು ಅನುಸರಿಸುತ್ತವೆ. ಇದು ಸಹಜವಾಗಿ ಆಗುವುದು. ಯುಗಧರ್ಮ ಅಥವಾ ಕಾಲಧರ್ಮದಲ್ಲಿ ಬದಲಾದ ಕಾಲಕ್ಕೆ ಅನುಗುಣವಾಗಿ, ಆ ಕಾಲದ ಪರಿಸ್ಥಿತಿ, ರೀತಿ ನೀತಿಗಳನ್ನು ನೋಡಿಕೊಂಡು ನಮ್ಮ ನಡೆಯ ಕ್ರಮವನ್ನು ಬದಲಿಸಿಕೊಳ್ಳಬೇಕು. ಇದು ನಾವು ಗ್ರಹಿಸಿ ಕಾಲದ ಪರಿಸ್ಥಿತಿಗೆ ಹೊಂದಿಕೊಳ್ಳುವ ಮೂಲಕ ಕ್ರಮವನ್ನು ರೂಪಿಸಿಕೊಳ್ಳುವುದು.

ಸಮಾಜ ಎಲ್ಲರೂ ಒಟ್ಟಾಗಿ ಬಾಳುವಂತಹ ಒಂದು ಸಾಂಘಿಕ ವ್ಯವಸ್ಥೆ. ವ್ಯಕ್ತಿಗಳ ಮನೋಭಾವ, ಮನೋಭಿಲಾಷೆ, ನಿರಾಶೆ, ಒಲವು, ನಿಲುವುಗಳಲ್ಲಿ ಬಹಳಷ್ಟು ವ್ಯತ್ಯಾಸಗಳಿರುತ್ತವೆ. ಹಾಗಿದ್ದರೂ ನಾವು ಸಂಘಜೀವಿಗಳಾದ್ದರಿಂದ ವ್ಯವಸ್ಥೆಯಲ್ಲಿ ಒಂದು ಕ್ರಮವನ್ನು ರೂಪಿಸಲಾಗಿರುತ್ತದೆ.

ಏನೇ ಸಂಘರ್ಷ, ಸಂಕಟ, ಸಂತೋಷ ಎದುರಾಗುವಂತಹ ಸನ್ನಿವೇಶಗಳಿದ್ದರೂ ಇಡೀ ಸಮಾಜ ಅಥವಾ ಸಮುದಾಯದ ವ್ಯವಸ್ಥೆಯು ಕುಸಿಯದಿರುವಂತೆ, ಅದು ನಾಶಗೊಳ್ಳದಿರುವಂತೆ ನೋಡಿಕೊಳ್ಳಲು ಒಂದು ಕ್ರಮವನ್ನು ರೂಪಿಸಿದೆ. ಅದನ್ನು ಅನುಸರಿಸುವ ಕರ್ತವ್ಯವೂ ವ್ಯಕ್ತಿಗಳದ್ದಾಗಿರುತ್ತದೆ. ಅದು ಒಬ್ಬನ ಧರ್ಮ. ಸಮಾಜಕ್ಕೊಂದು ಧರ್ಮ ಅಂದರೆ ಕ್ರಮ. ಸಮಾಜದಲ್ಲಿ ಬಾಳಿ ಬದುಕಲು ಆ ಕ್ರಮವನ್ನು ಪಾಲಿಸಲು ವ್ಯಕ್ತಿಗೆ ಧರ್ಮ, ಅಂದರೆ ಕರ್ತವ್ಯ.

ಒಟ್ಟಾರೆ, ಧರ್ಮ ಎಂದರೆ ಮೂರು ಅರ್ಥಗಳಲ್ಲಿ ಸ್ಥೂಲವಾಗಿ ತಿಳಿದುಕೊಳ್ಳೋಣ. ಒಂದು ಸ್ವಾಭಾವಿಕ ಗುಣ, ಎರಡನೆಯದು ಕರ್ತವ್ಯ ಮತ್ತು ಮೂರನೆಯದು ಕ್ರಮ. ಇಷ್ಟನ್ನು ತಿಳಿದುಕೊಂಡರೆ ನಮಗೆ ವಿಶ್ವದಲ್ಲಿ ಧರ್ಮಗಳ ವಿಷಯದಲ್ಲಿ ಉಂಟಾಗಿರುವ ಗೊಂದಲಗಳು, ಗಲಾಟೆಗಳು, ಸಂಘರ್ಷಗಳು, ಸಂಕಟಗಳು ಎಲ್ಲಾ ಅರ್ಥವಾಗುತ್ತವೆ. ಬಹಳ ಮುಖ್ಯವಾಗಿ ಧರ್ಮವನ್ನು ಏನೆಂದು ಅರ್ಥ ಮಾಡಿಕೊಳ್ಳಬೇಕಿತ್ತು, ಹೇಗೆಂದು ಅರ್ಥ ಮಾಡಿಕೊಂಡಿದ್ದಾರೆ ಎಂದು ತಿಳಿಯುತ್ತದೆ. ಅಥವಾ ಏನೆಂದೂ ಅರ್ಥವೇ ಆಗಿಲ್ಲ ಎಂದಾದರೂ ಅರ್ಥವಾಗುತ್ತದೆ.

ಧರ್ಮವನ್ನು ಸಾಮಾಜಿಕವಾಗಿ, ತಾತ್ವಿಕವಾಗಿ, ಆಧ್ಯಾತ್ಮಿಕವಾಗಿ, ಸಾಂಸ್ಕೃತಿಕವಾಗಿ, ಮಾನಸಿಕವಾಗಿ, ನೈತಿಕವಾಗಿ ಮತ್ತು ರಾಜಕೀಯವಾಗಿ ಅರ್ಥ ಮಾಡಿಕೊಳ್ಳಲು ಹೋದಾಗ ಸಮಾಜದಲ್ಲಿ ನಡೆಯುತ್ತಿರುವ ಧಾರ್ಮಿಕ ದೊಂಬಿಗಳು, ಅವುಗಳನ್ನು ನಡೆಸುತ್ತಿರುವ ಝ್ಹೋಂಬಿಗಳು ಕೂಡಾ ಅರ್ಥವಾಗುತ್ತಾರೆ.

(ಮುಂದುವರಿಯುತ್ತದೆ)

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ಅಂತರಂಗ

ವರ್ಣಭೇದ, ಧರ್ಮಭೇದ, ಜಾತಿಬೇಧದ ವಿರುದ್ಧ ಒಂದಾಗೋಣ ನಾವೆಲ್ಲಾ..!

Published

on

  • ಕ್ರಾಂತಿರಾಜ್ ಒಡೆಯರ್ ಎಂ,ಸಹಾಯಕ ಪ್ರಾಧ್ಯಾಪಕರು,ವ್ಯವಹಾರ ನಿರ್ವಹಣಾ ವಿಭಾಗ,ಸೇಪಿಯೆಂಟ್ ಕಾಲೇಜು,ಮೈಸೂರು

ಇಂದು ಇಡೀ ಅಮೇರಿಕಾ ದೇಶ ಒಟ್ಟಾಗಿ ನಿಂತಿದೆ. ಜಾರ್ಜ್ ಫ್ಲಾಯ್ಡ್ ಎಂಬ ಆಫ್ರಿಕನ್ – ಅಮೆರಿಕನ್ ವ್ಯಕ್ತಿ ಮೆಟಾಪೊಲಿಸ್ ಪ್ರಾಂತ್ಯದ ಪೊಲೀಸ್ ಅಧಿಕಾರಿಯಿಂದ ಅಮಾನುಷವಾಗಿ ಕೊಲ್ಲಲ್ಪಟ್ಟಿದ್ದು, ಇದನ್ನು ವಿರೋಧಿಸಿ ಅಮೆರಿಕಾದ ಎಲ್ಲಾ ವರ್ಣೀಯರು ಸರ್ಕಾರದ ವಿರುದ್ಧ ಪ್ರತಿಭಟನೆಯನ್ನು ಸಾರಿ, ಮೃತ ಜಾರ್ಜ್ ಫ್ಲಾಯ್ಡ್ ಗೆ ನ್ಯಾಯ ಕೊಡಿಸಲು  ಪಣತೊಟ್ಟಿದ್ದಾರೆ.

ಅಮೇರಿಕಾ ದೇಶದಲ್ಲಿ ಇಂದು ಆಗುತ್ತಿರುವ ಪ್ರತಿಭಟನೆಗಳನ್ನು ಮಾಧ್ಯಮಗಳಲ್ಲಿ ನೋಡುತ್ತಾ ಇದ್ದೆ. ಒಂದು ಕಡೆ ವ್ಯವಸ್ಥೆಯ ಬಗ್ಗೆ ಕೆಟ್ಟ ಕೋಪ. ಮತ್ತೊಂದೆಡೆ ಜಾರ್ಜ್ ಫ್ಲಾಯ್ಡ್ ನಂತೆ ಭೇದವನ್ನು ಅನುಭವಿಸುತ್ತಿರುವವರನ್ನು ನೆನೆದು ಕಣ್ಣಲ್ಲಿ ನೀರು.

ನೆನ್ನೆ ನನ್ನ ಸ್ನೇಹಿತರೊಬ್ಬರಿಗೆ ಬಾಡಿಗೆ ಮನೆ ಹುಡುಕುತ್ತಿದ್ದ ಸಂದರ್ಭ. ಮನೆಯ ಮುಂದೆ “ಮನೆ ಬಾಡಿಗೆಗೆ ಇದೆ. ಸಂಪರ್ಕಿಸಿ” ಎಂಬ ಬೋರ್ಡು. ನಮೂದಿಸಿದ್ದ ಫೋನ್ ನಂಬರಿಗೆ ಕರೆ ಮಾಡಿದಾಗ ಆ ಮನೆಯ ಮಾಲೀಕರೊಡನೆ ನೆಡೆದ ಸಂಭಾಷಣೆ.

ನಾನು: ಸರ್ ನಮಸ್ಕಾರ. ನಿಮ್ಮ ಮನೆ ಬಾಡಿಗೆಗೆ ಇದೆ ಅಂತ ಬೋರ್ಡ್ ಹಾಕಿದೆ. ನಮ್ಮ ಸ್ನೇಹಿತರೊಬ್ಬರಿಗೆ ಬೇಕಾಗಿತ್ತು. ಅವರು ಜಿಲ್ಲಾ ಪಂಚಾಯತ್ ಅಲ್ಲಿ ಆಫೀಸರ್ ಆಗಿದ್ದಾರೆ. ಎಷ್ಟು ಸರ್ ಬಾಡಿಗೆ.

ಮನೆಯ ಮಾಲೀಕ: ಬಾಡಿಗೆ 15000. ಮೊದಲು ಮನೆ ನೋಡಿ. ಇಷ್ಟ ಆದರೆ ಬಾಡಿಗೆ ಮಾತನಾಡುವ.

ನಾನು: ಸರಿ ಸರ್. ಹಾಗಾದ್ರೆ ಎಷ್ಟೋತ್ತಿಗೆ ಬರ್ಲಿ ಮನೆ ನೋಡೋಕೆ! ಮನೆ ಕೀ ಯಾರ ಹತ್ತಿರ  ಇದೆ!

ಮನೆಯ ಮಾಲೀಕ: ಸರ್ ನೀವು ವೇಜ್ಜೋ ನಾನ್ ವೇಜ್ಜೊ!

ನಾನು: ನಾನ್ ವೆಜ್ಜು ಸರ್.

ಮನೆಯ ಮಾಲೀಕ: ನಾವು ವೆಜ್ ಅವರಿಗೆ ಕೊಡೋಣ ಅನ್ಕೊಂಡಿದ್ವಿ. ಅವರನ್ನೇ ಪ್ರಿಫರ್ ಮಾಡೋದು.

ನಾನು: ಪ್ರಾಬ್ಲಮ್ ಇಲ್ಲ ಸರ್. ನಿಮ್ಮ ಇಷ್ಟ. ನಾವು ಬೇರೆ ಮನೆ ನೋಡ್ಕೋತೀವಿ. ಥ್ಯಾಂಕ್ ಯು.

ಮನೆಯ ಮಾಲೀಕ: ಸರ್, ನಾನ್ ವೆಜ್ ಅವರಾದ್ರೂ ಒಕೆ. ನೀವು ಗೌಡರಾ ಅಥವಾ!

ನಾನು: ಇಲ್ಲ ಸರ್. ನಾವು ಅವರಲ್ಲ.

ಮನೆಯ ಮಾಲೀಕ: ಮತ್ತೆ ಯಾರು!

ನಾನು: ನಾವು ಗೌಡ್ರಲ್ಲ.

ಮನೆಯ ಮಾಲೀಕ: ಸರ್, ನಾವು ವೆಜ್ ಅವರನ್ನ ಪ್ರಿಫರ್ ಮಾಡ್ತಾ ಇದೀವಿ. ಸಾರಿ.

ನಾನು: ನೀವು ವೆಜ್ ಅವರನ್ನೇ ಪ್ರಿಫರ್ ಮಾಡ್ತಾ ಇದ್ರೆ, ನೀವು ಗೌಡ್ರ ಅಂತ ಯಾಕೆ ಕೇಳಿದ್ದು! ಸರಿ ಬಿಡಿ. ಧನ್ಯವಾದಗಳು.

ನಾವು ನೆನ್ನೆ ನೋಡಿದ ಬಾಡಿಗೆ ಮನೆಯ ಮಾಲೀಕರೆಲ್ಲರದ್ದೂ ಇದೇ ಚಾಳಿ. “ನಾವು ನಾನ್ ವೆಜ್ ಅವರಿಗೆ ಮನೆ ಕೊಡೋದಿಲ್ಲ”.

ದೇಶ ಆರ್ಥಿಕವಾಗಿ ಎಷ್ಟು ಅಭಿವೃದ್ಧಿ  ಹೊಂದಿದರೆ ಏನಂತೆ! ಯಾವ ದೇಶದ ಜನರು ವರ್ಣಭೇದ, ಧರ್ಮಭೇದ, ಜಾತಿಭೇದದಂಥ ಪದ್ದತಿಗಳನ್ನು ಎಲ್ಲಿಯವರೆಗೆ ಆಚರಣೆ ಮಾಡುತ್ತಿರುತ್ತಾರೋ ಹಾಗೂ ಒಂದು ದೇಶವಾಗಿ ನಾವು ಎಲ್ಲಿಯವರೆಗೆ ಜನರಿಗೆ ಅಭಿವೃದ್ಧಿಯ ಜೊತೆಗೆ  ತಾರತಮ್ಯ ಹೋಗಲಾಡಿಸುವ ಶಿಕ್ಷಣ ಕೊಡುವುದಿಲ್ಲವೋ, ಅಂತಹ ದೇಶ ಎಷ್ಟೇ ಅಭಿವೃದ್ಧಿ  ಹೊಂದಿದರೂ ಸತ್ತಂತೆ.

ಜಾರ್ಜ್ ಫ್ಲಾಯ್ಡ್ ಗೆ ಆದ ಅನ್ಯಾಯ ಖಂಡಿಸಲು ಹಾಗು ವರ್ಣಬೇದವನ್ನು ಖಂಡಿಸಲು ಅಮೆರಿಕಾದ ಜನರೆಲ್ಲರೂ ಹೇಗೆ ಜೊತೆಯಾಗಿ ನಿಂತಿದ್ದಾರೋ ಹಾಗೆ ನಮ್ಮ ದೇಶದಲ್ಲೂ ಸಾಮಾಜಿಕ ಭೇದವನ್ನು ಖಂಡಿಸಲು ಜಾತಿ ಧರ್ಮ ವರ್ಣವನ್ನು ಮೀರಿ ಎಲ್ಲರೂ ಒಗ್ಗಟ್ಟಾಗಿ ನಿಲ್ಲಬೇಕು ಎಂಬುದು ನನ್ನ ಆಶಯ.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading
Advertisement

Title

ಕ್ರೀಡೆ2 hours ago

ಹರಪನಹಳ್ಳಿ | ಫೀಸ್ ಕಟ್ಟಲು ಹಣ‌ ಕೊಡದ್ದಕ್ಕೆ ರಾಷ್ಟ್ರೀಯ ಕಬ್ಬಡ್ಡಿ ಕ್ರೀಡಾಪಟು ಗಾಯತ್ರಿ ಆತ್ಮಹತ್ಯೆ

ಸುದ್ದಿದಿನ,ಹರಪನಹಳ್ಳಿ: ದಾವಣಗೆರೆ ಜಿಲ್ಲೆಯ, ಹರಪನಹಳ್ಳಿ ತಾಲೂಕಿನ ಕೊಂಗನಹೊಸೂರು ಗ್ರಾಮ ರಾಷ್ಟ್ರೀಯ ಕಬ್ಬಡ್ಡಿ ಕ್ರೀಡಾ ಪಟು ಹಾಗೂ ಬಿಎಸ್ಸಿ ವಿದ್ಯಾರ್ಥಿನಿ ಯೊಬ್ಬಳು ಶುಲ್ಕ ಪಾವತಿಗೆ ಬೇಗ ಹಣ ನೀಡಲಿಲ್ಲ...

ದಿನದ ಸುದ್ದಿ2 hours ago

ದಾವಣಗೆರೆ | ಜಿ.ಪಂ ನೂತನ ಉಪಾಧ್ಯಕ್ಷರಾಗಿ ಸಾಕಮ್ಮ ಬಿ.ಎಸ್. ಅವಿರೋಧ ಆಯ್ಕೆ

ಸುದ್ದಿದಿನ,ದಾವಣಗೆರೆ : ಜಿಲ್ಲಾ ಪಂಚಾಯತ್ ನೂತನ ಉಪಾಧ್ಯಕ್ಷರಾಗಿ ಚನ್ನಗಿರಿ ತಾಲ್ಲೂಕಿನ ಕೋಗಲೂರು ಕ್ಷೇತ್ರದ ಸಾಕಮ್ಮ ಗಂಗಾಧರ ನಾಯ್ಕ್ ಅವಿರೋಧವಾಗಿ ಆಯ್ಕೆಯಾದರು. ಜಿಲ್ಲಾ ಪಂಚಾಯತ್‍ನ ಮುಖ್ಯ ಸಭಾಂಗಣದಲ್ಲಿ ಶನಿವಾರ...

ದಿನದ ಸುದ್ದಿ3 hours ago

ದಾವಣಗೆರೆ | ಎಸ್.ಎಸ್.ಎಲ್.ಸಿ ವಿದ್ಯಾರ್ಥಿಗಳ ಗೊಂದಲ ಪರಿಹಾರಕ್ಕೆ ಸಹಾಯವಾಣಿ : ಕರೆಮಾಡಿ

ಸುದ್ದಿದಿನ,ದಾವಣಗೆರೆ : ಕೊರೊನಾ ಸೋಂಕು ವ್ಯಾಪಕವಾಗಿ ಹರಡುತ್ತಿರುವ ಹಿನ್ನಲೆ ಮಾರ್ಚ್‍ನಲ್ಲಿ ನಡೆಯಬೇಕಿದ್ದ ಎಸ್.ಎಸ್.ಎಲ್.ಸಿ ಪರೀಕ್ಷೆಗಳನ್ನು ಸರ್ಕಾರ ಜೂ 25 ರಿಂದ ಜುಲೈ 4 ರವರೆಗೆ ನಡೆಸಲು ತಿರ್ಮಾನಿಸಿದ್ದು,...

ದಿನದ ಸುದ್ದಿ3 hours ago

ದಾವಣಗೆರೆ | ದೀನದಯಾಳ್ ಅಂತ್ಯೋದಯ-ರಾಷ್ಟ್ರೀಯ ನಗರ ಜೀವನೋಪಾಯ ಯೋಜನೆಯಡಿ ಸಾಲ ಸೌಲಭ್ಯಕ್ಕೆ ಅರ್ಜಿ ಆಹ್ವಾನ

ಸುದ್ದಿದಿನ,ದಾವಣಗೆರೆ : ದೀನದಯಾಳ್ ಅಂತ್ಯೋದಯ ಯೋಜನೆ-ರಾಷ್ಟ್ರೀಯ ನಗರ ಜೀವನೋಪಾಯ ಯೋಜನೆಯಡಿ 2020-21 ನೇ ಸಾಲಿಗೆ ಸ್ವಯಂ ಉದ್ಯೋಗ ಕಾರ್ಯಕ್ರಮದಡಿ ಸಾಲ ಸೌಲಭ್ಯಕ್ಕೆ ಅರ್ಜಿ ಆಹ್ವಾನಿಸಲಾಗಿದೆ. ಸ್ವಯಂ ಉದ್ಯೋಗ...

ದಿನದ ಸುದ್ದಿ3 hours ago

ನಾಳೆಯಿಂದ ಮೈಸೂರು ಮೃಗಾಲಯ ಲಾಕ್ ಓಪನ್..!

ಸುದ್ದಿದಿನ,ಮೈಸೂರು: ಕೋವಿಡ್-19 ರ ಸೋಂಕು ಹರಡುವಿಕೆಯನ್ನು ನಿಯಂತ್ರಿಸುವ ಸಲುವಾಗಿ ಕೇಂದ್ರ-ರಾಜ್ಯ ಸರ್ಕಾರಗಳ ನಿರ್ದೇಶನದನ್ವಯ ಮುಚ್ಚಲ್ಪಟ್ಟಿದ್ದ ಕರ್ನಾಟಕ ಮೃಗಾಲಯ ಪ್ರಾಧಿಕಾರದ ವ್ಯಾಪ್ತಿಯ ಎಲ್ಲಾ ಮೃಗಾಲಯಗಳನ್ನು ಲಾಕ್‍ಡೌನ್ ಸಡಿಲಿಕೆಯ ಹಿನ್ನೆಲೆಯಲ್ಲಿ...

ದಿನದ ಸುದ್ದಿ4 hours ago

ನಿಮ್ಮ ಕನಸಿನ ಸಾರಿಗೆ ಪುನರಾರಂಭ : ಬಸ್ ಹತ್ತಲು ಹಂಜರಿಯಬೇಡಿ

ಸುದ್ದಿದಿನ,ದಾವಣಗೆರೆ : ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ ನಿಮ್ಮ ಕನಸಿನ ಸಾರಿಗೆಯೂ ಸಹ ಹಲವು ದಿನಗಳ ಲಾಕೌಡೌನ್ ನಿಂದ ಸ್ಥಬ್ಬವಾಗಿತ್ತು. ಆದರೆ ಇದೀಗ ಮತ್ತೆ ನಿಮ್ಮ...

ಲೈಫ್ ಸ್ಟೈಲ್4 hours ago

ಪತಿಯ ಪರಸ್ತ್ರೀ ಸಹವಾಸ ಬಿಡಿಸಬೇಕೇ? ಹೀಗೆ ಮಾಡಿ

ಜ್ಯೋತಿಷ್ಯರು ಪ್ರದಾನ ತಾಂತ್ರಿಕ್ ಶ್ರೀ ಗಿರಿಧರ ಭಟ್ :9945410150 ನಿಮ್ಮ ಸುಂದರ ದಾಂಪತ್ಯ ಜೀವನದಲ್ಲಿ ಕೆಲವರು ಮಧ್ಯಪ್ರವೇಶಿಸಿ ವಿಷ ಕಾರುತ್ತಾರೆ. ಏಕೆಂದರೆ ಅವರ ಜೀವನಕ್ಕಾಗಿ ಅಥವಾ ಇಚ್ಛೆಗಾಗಿ...

ಲೈಫ್ ಸ್ಟೈಲ್4 hours ago

ಭಾನುವಾರದ ಭವಿಷ್ಯ | ವಿದ್ಯೆ, ಉದ್ಯೋಗ, ವ್ಯಾಪಾರ, ವ್ಯವಹಾರ, ಪ್ರೇಮ ವಿಷಯ, ದಾಂಪತ್ಯ, ಕೌಟುಂಬಿಕ ಕಲಹದಂತ ಕಠಿಣ ಸಮಸ್ಯೆಗಳಿಗೆ ಪರಿಹಾರ ಶತಸಿದ್ಧ : ಇಂದೇ ಕರೆಮಾಡಿ

ಶ್ರೀ ನರಸಿಂಹ ಸ್ವಾಮಿ ಸ್ಮರಣೆಯನ್ನು ಮಾಡುತ್ತಾ ಈ ದಿನದ ರಾಶಿಗಳ ಶುಭಾಶುಭಫಲಗಳನ್ನು ತಿಳಿಯೋಣ. ಜ್ಯೋತಿಷ್ಯರು ಪ್ರಧಾನ ತಾಂತ್ರಿಕ್ ಶ್ರೀ ಗಿರಿಧರ ಭಟ್ ನಿಮ್ಮ ಸಮಸ್ಯೆಗಳಾದ ವಿದ್ಯೆ, ಉದ್ಯೋಗ,...

ಅಂತರಂಗ5 hours ago

ಧರ್ಮ ಮರ್ಮ-02 : ದೈವಿಕತೆಯ ಸೃಷ್ಟಿ

ಯೋಗೇಶ್ ಮಾಸ್ಟರ್ ನಾಸ್ತಿಕ ಧೋರಣೆಯ ಧರ್ಮಗಳಿದ್ದರೂ ಅದಕ್ಕಿಂತ ಪುರಾತನವಾದ ಧರ್ಮಗಳಲ್ಲಿ ದೇವರೇ ಧಾರ್ಮಿಕ ಕೇಂದ್ರ. ಅವನ ಶಕ್ತಿ, ಅವನ ಸೃಷ್ಟಿ, ಅವನ ಒಲವು, ಅವನ ನಿಲುವು, ಅವನ...

ದಿನದ ಸುದ್ದಿ1 day ago

ಖಾಸಗಿ ಅನುದಾನಿತ ಪಿಯು ಕಾಲೇಜು ಉಪನ್ಯಾಸಕರಿಗೆ ಸಿಹಿ ಸುದ್ದಿ ನೀಡಿದ್ರು ಶಿಕ್ಷಣ‌ ಸಚಿವ..!

ಸುದ್ದಿದಿನ,ಬೆಂಗಳೂರು:ವೇತನದ ನಿರೀಕ್ಷೆಯಲ್ಲಿರುವ ಖಾಸಗಿ ಅನುದಾನಿತ ಪದವಿ ಪೂರ್ವ ಕಾಲೇಜುಗಳ ಉಪನ್ಯಾಸಕರಿಗೆ ರಾಜ್ಯ ಸರ್ಕಾರವು ಭರ್ಜರಿ ಸಿಹಿಸುದ್ದಿ ನೀಡಿದ್ದು, ವೇತನಕ್ಕಾಗಿ ರಾಜ್ಯ ಸರ್ಕಾರ 143.37 ಕೋಟಿ ರೂ. ಬಿಡುಗಡೆ...

Trending