Connect with us

ಅಂತರಂಗ

ಕಪ್ಪು-ಬಿಳಿ ಅಮೆರಿಕನ್ನರ ನಡುವಿನ ಅಸಮಾನತೆ

Published

on

  • ನಾಗರಾಜ ನಂಜುಂಡಯ್ಯ

1983 ರಿಂದ 2016 ರ ನಡುವೆ, ಕಪ್ಪು ಅಮೆರಿಕನ್ನರ ಕುಟುಂಬದ ಸರಾಸರಿ ಸಂಪತ್ತು ಅರ್ಧಕ್ಕಿಂತಲೂ ಹೆಚ್ಚು ಇಳಿಕೆಯನ್ನು ಕಂಡಿದೆ. ಆದರೆ, ಇದೇ ಸಮಯದಲ್ಲಿ ಬಿಳಿ ಅಮೆರಿಕನ್ ಕುಟುಂಬದ ಸರಾಸರಿ ಸಂಪತ್ತು, ಶೇ.33 ರಷ್ಟು ಹೆಚ್ಚಾಗಿದೆ. 2017ರಲ್ಲಿ ಪ್ಯೂ (ಪಿ.ಇ.ಡಬ್ಲ್ಯೂ) ಅಧ್ಯಯನ ಸರಾಸರಿ ಬಿಳಿಯ ಕುಟುಂಬಗಳ ಆದಾಯ ಕರಿಯ ಕುಟುಂಬಗಳ ಆದಾಯದ 10 ಪಟ್ಟು ಎಂದಿದೆ. ಈ ಹಿನ್ನೆಲೆಯಲ್ಲಿ ಗುಲಾಮಗಿರಿ ಪ್ರಾರಂಭವಾಗಿ 400 ವರ್ಷಗಳ ಆಚರಣೆಯ ಸುತ್ತ ಈ ಕುರಿತು ತೀವ್ರ ರಾಜಕೀಯ ಚರ್ಚೆ ಆರಂಭವಾಗಿದೆ. 2014ರಲ್ಲೇ 250 ವರ್ಷಗಳ ಗುಲಾಮಗಿರಿಗೆ ಕರಿಯರಿಗೆ ಪರಿಹಾರ ಒದಗಿಸಬೇಕು ಎಂದು ವಾದಿಸುವ ತಾ ನೆಹಿಸಿ ಕೋಟ್ಸ್ ಎನ್ನುವವರ ವರದಿ ಪ್ರಕಟವಾಯಿತು. ಡೆಮೊಕ್ರಾಟಿಕ್ ಅಧ್ಯಕ್ಷೀಯ ಅಭ್ಯರ್ಥಿ ಸೆನೆಟರ್ ಕೊರಿ ಬುಕರ್ ಕರಿಯರಿಗೆ ಪರಿಹಾರ ಒದಗಿಸುವ ಬಗ್ಗೆ ಒಂದು ಮಸೂದೆಯನ್ನು ಮಂಡಿಸಿದ್ದಾರೆ. ಇತರ ಡೆಮೊಕ್ರಾಟಿಕ್ ಅಧ್ಯಕ್ಷೀಯ ಅಭ್ಯರ್ಥಿಗಳಾದ ಎಲಿಜಬೆತ್ ವಾರೆನ್ ಮತ್ತು ಬರ್ನಿ ಸ್ಯಾಂಡರ್ಸ್ ಅದನ್ನು ಬೆಂಬಲಿಸಿ, ತಮ್ಮ ಪ್ರಣಾಳಿಕೆಯಲ್ಲಿ ಸೇರಿಸಿಕೊಂಡಿದ್ದಾರೆ.

ನಾನೂರು ವರ್ಷಗಳ ಹಿಂದೆ, ಅಂದರೆ, 1619ರ ಆಗಸ್ಟ್ ತಿಂಗಳಲ್ಲಿ 20 ಸೆರೆಯಾಳುಗಳನ್ನು ಹೊತ್ತ ಹಡಗು ಆಫ್ರ್ರಿಕಾದಿಂದ ವರ್ಜೀನಿಯಾದ ಹಡಗುದಾಣದಲ್ಲಿ ಬಂದು ನಿಂತಿತು. ಮುಂದೆ ಇದೇ ಅಮೆರಿಕಾದ ಗುಲಾಮಗಿರಿಯ ಉಗಮಕ್ಕೆ ಕಾರಣವಾಯಿತು. ಆದರೆ, 1620 ರಲ್ಲಿ “ಮೇ” ಫ್ಲವರ್” ಹಡಗಿನಲ್ಲಿ, ಬಂದಿಳಿದ 102 ಪ್ರಯಾಣಿಕರ ಆಗಮನವನ್ನೇ ಈಗಲೂ ಯುಎಸ್ ನ ಗುಲಾಮಗಿರಿ ಪದ್ದತಿಯ ಆರಂಭವೆಂದೇ ಬಹಳಷ್ಟು ಅಮೆರಿಕನ್ನರಿಗೆ ಪರಿಚಯಿಸಲಾಗಿದೆ. ಆದರೆ, ಇದಕ್ಕೆ ಒಂದು ವರ್ಷದ ಹಿಂದೆಯೇ 20 ಆಪ್ರಿಕನ್ನರನ್ನು ಅವರ ಇಚ್ಛೆಗೆ ವಿರುದ್ಧವಾಗಿ ಅಪಹರಿಸಿ ತಂದು, ಅಂದು ಅಮೆರಿಕಾವನ್ನು ವಸಾಹತು ಮಾಡಿಕೊಂಡಿದ್ದ ಬ್ರಿಟಿಷರಿಗೆ ಒಪ್ಪಿಸಿದ್ದೇ ಗುಲಾಮ ಪದ್ದತಿಗೆ ಮೂಲ ಕಾರಣವಾಯಿತು ಎಂಬುದು ವಾಸ್ತವತೆ.

ಅಮೆರಿಕಾದ ಬಂಡವಾಳಶಾಹಿ ಆರ್ಥಿಕತೆಯ ಸೃಷ್ಟಿಗೆ ಗುಲಾಮರ ಶ್ರಮವೇ ಬೆನ್ನೆಲುಬು ಎಂದರೆ ಅತಿಶಯೋಕ್ತಿಯಾಗಲಾರದು. ಇಂದು ಅಮೆರಿಕಾವು ವಿಶ್ವದ ಪ್ರಮುಖ ಆರ್ಥಿಕತೆಯಾಗಿ ಬೆಳೆಯಲು ಮತ್ತು ಉಳಿಯಲು ಅವಕಾಶ ಮಾಡಿಕೊಟ್ಟಿದ್ದೆ ಈ ಗುಲಾಮರ ಶ್ರಮ. ಆದರೆ, ಈ ಆಫ್ರಿಕನ್ ಗುಲಾಮ ಕಾರ್ಮಿಕರಿಗೆ ಅವರ ಪಾಲಿನ ಸಂಪತ್ತನ್ನು ಮಾತ್ರ ಸೂಕ್ತವಾಗಿ ಇಲ್ಲಿಯವರೆವಿಗೂ ಪಾವತಿಸಲೇ ಇಲ್ಲವೆಂಬುದು ಕೂಡ ಅಷ್ಟೆ ಸತ್ಯ. ಆದಾಗ್ಯೂ, ಅಮೆರಿಕದ ಆರ್ಥಿಕತೆ, ಈಗಲೂ ಹೆಚ್ಚಾಗಿ ಇವರ ಕೆಲಸದ ಮೇಲೆಯೇ ಹೆಚ್ಚಾಗಿ ಅವಲಂಬಿತವಾಗಿದೆ ಎಂಬುದು ವಾಸ್ತವ.

ಪ್ರಸ್ತುತ ಸಂಪತ್ತಿನ ವಿಭಜನೆಯಲ್ಲಿ ಅಪಾರ ಜನಾಂಗೀಯ ಅಸಮಾನತೆಯನ್ನು ಕಾಣಬಹುದು. ಕಳೆದ ನಾಲ್ಕು ವರ್ಷಗಳಿಂದೀಚೆಗೆ ಈ ಸಂಪತ್ತಿನ ಜನಾಂಗೀಯ ವ್ಯತ್ಯಾಸ ಮತ್ತಷ್ಟು ಹೆಚ್ಚಾಗಿರುವುದು ಮತ್ತು ಅದರ ಮುಂದುವರಿದ ಪ್ರವೃತ್ತಿಗಳು ಅಸಮಾನತೆಯ ಅಂತರದ ವಿಸ್ತರಣೆಯನ್ನು ಇನ್ನೂ ಪ್ರತಿಬಿಂಬಿಸುತ್ತಲೇ ಇವೆ.

ಶೇ.37 ಕರಿಯ ಕುಟುಂಬಗಳ ಸಂಪತ್ತು ನಕಾರಾತ್ಮಕ !

ಜನವರಿ 15, 2019 ರಂದು ಡಾ. ಮಾರ್ಟಿನ್ ಲೂಥರ್ ಕಿಂಗ್( ಜೂನಿಯರ್)ರವರ 90 ನೇ ಜನ್ಮ ದಿನದ ಪ್ರಯುಕ್ತ “ಇನ್ಸ್ಟಿಟ್ಯೂಟ್ ಫಾರ್ ಪಾಲಿಸಿ ಸ್ಟಡೀಸ್” ನಡೆಸಿದ ಒಂದು ಸಮೀಕ್ಷೆಯ ವರದಿಯು ” ಅಮೆರಿಕದ ಸಂಪತ್ತು ಬಿಳಿ ಅಮೆರಿಕನ್ನರ ಕುಟುಂಬಗಳಲ್ಲಿ ಹೇಗೆ ಹೆಚ್ಚು ಸಾಂದ್ರೀಕರಿಸಿದೆ ಮತ್ತು ಕಪ್ಪು ಆಪ್ರಿಕನ್ ಕುಟುಂಬಗಳ ಸಂಪತ್ತಿನ ಪಾಲನ್ನು ಹೇಗೆ ವಂಚಿಸಲಾಗಿದೆ” ಎಂಬ ವಾಸ್ತವ ಚಿತ್ರಣವನ್ನು ಹೊರ ಹಾಕಿದೆ.

ಮಾರ್ಟಿನ್ ಲೂಥರ್ ಕಿಂಗ್ (ಜೂನಿಯರ್) ಕರಿಯರ ಮಾನವೀಯ ಹಕ್ಕುಗಳಿಗಾಗಿ ಜೀವನ ಪಯರ್ಂತ ಹೋರಾಟ ನಡೆಸಿದವರು. ಕೊನೆಗೆ ಇವರು ಕೊಲ್ಲಲ್ಪಟ್ಟರು. ಕರಿಯರ ವಿರುದ್ದ ಕ್ರೌರ್ಯಕ್ಕೆ ಮಾರ್ಟಿನ್ನರ ಕೊಲೆ ಕನ್ನಡಿ ಹಿಡಿದ ಹಾಗೆ.

ವಸಾಹತುಶಾಹಿಯಿಂದ ವಿಮುಕ್ತಿಗೊಂಡು ಯು.ಎಸ್. ಹೊಸದಾಗಿ ಸ್ಥಾಪನೆಯಾದ ನಂತರ, ಸುಮಾರು 250 ವರ್ಷಗಳ ಕಾಲ ಅವ್ಯಾಹತವಾಗಿ ನಡೆದಿದ್ದ ಗುಲಾಮಗಿರಿಯು ಅಧಿಕೃತವಾಗಿ 1865ರಲ್ಲಿ ಕೊನೆಗೊಂಡಿತು. ಆದರೆ ಕರಿಯರ ವಿರುದ್ಧ ಅಸಮಾನತೆಯ ಆಚರಣೆಯ ಕ್ರೌರ್ಯಗಳನ್ನು – ಜಿಮ್ ಕ್ರೌ ಕಾನೂನು, ರೆಡ್ ಲೈನಿಂಗ್ ಹಾಗೂ ವ್ಯಾಪಕ ಬಂಧÀನಗಳು – ಮುಂತಾದ ಅನೇಕ ಸಾರ್ವಜನಿಕ ನೀತಿಗಳ ಮೂಲಕ ಮುಂದುವರಿಸಲಾಯಿತು.

1983 ರಿಂದ 2016 ರ ನಡುವೆ, ಕಪ್ಪು ಅಮೆರಿಕನ್ನರ ಕುಟುಂಬದ ಸರಾಸರಿ ಸಂಪತ್ತು ಅರ್ಧಕ್ಕಿಂತಲೂ ಹೆಚ್ಚು ಇಳಿಕೆಯನ್ನು ಕಂಡಿದೆ. ಆದರೆ, ಇದೇ ಸಮಯದಲ್ಲಿ ಬಿಳಿ ಅಮೆರಿಕನ್ ಕುಟುಂಬದ ಸರಾಸರಿ ಸಂಪತ್ತು, ಶೇ.33 ರಷ್ಟು ಹೆಚ್ಚಾಗಿರುವುದನ್ನು ಈ ವರದಿ ದಾಖಲಿಸಿದೆ. ಇದು ಆಪ್ರಿಕನ್ ಅಮೆರಿಕನ್ ರಿಂದ ಮತ್ತು ಇತರೆ ದೇಶಗಳಿಂದ ವಲಸೆ ಬಂದು ನೆಲೆಸಿರುವ ಬಡ ಕಾರ್ಮಿಕರ ಶ್ರಮದಿಂದ ಯುಎಸ್ ನ ಆರ್ಥಿಕ ಅಭಿವೃದ್ಧಿ ವೃದ್ದಿಯಾಗುತ್ತಿರುವುದನ್ನು ಪ್ರತಿ ಬಿಂಬಿಸುತ್ತದೆ ಎಂದು ವರದಿಯು ಪ್ರಸ್ತಾಪಿಸಿದೆ. ಕಪ್ಪು ಅಮೆರಿಕನ್ನರ ಸಂಪತ್ತು ಕುಸಿಯುತ್ತಿರುವ ಈ ವರ್ಷಗಳಲ್ಲೇ, ಒಂದು ಕೋಟಿ ಡಾಲರುಗಳಿಗಿಂತ ಹೆಚ್ಚು ಸಂಪತ್ತು ಇರುವ ಕುಟುಂಬಗಳ ಸಂಖ್ಯೆ 8.56 ಪಟ್ಟು ಹೆಚ್ಚಳವಾಗಿದೆ. ಇದರ ಪರಿಣಾಮದಿಂದಾಗಿ, ಇನ್ನೊಂದು ತುದಿಯಲ್ಲಿ ಈಗ ಶೇ.37 ರಷ್ಟು ಕಪ್ಪು ಕುಟುಂಬಗಳ ಸರಾಸರಿ ಸಂಪತ್ತು ಶೂನ್ಯ ಅಥವಾ ನಕಾರಾತ್ಮಕವಾಗಿದೆ (ಅಂದರೆ ಅವರ ಆಸ್ತಿಗಿಂತ ಹೆಚ್ಚು ಸಾಲ ಇದೆ) ಎನ್ನಲಾಗಿದೆ. ಶೇ.15 ರಷ್ಟು ಬಿಳಿ ಅಮೆರಿಕನ್ನರ ಕುಟಂಬಗಳು ಮಾತ್ರ ಈ ಸ್ಥಿತಿಯಲ್ಲಿವೆ.

ಸಂಪತ್ತಿನ ಈ ವಿಷಮ ಜನಾಂಗೀಯ ವಿಭಜನೆಯು ಎಲ್ಲಾ ಅಮೆರಿಕನ್ನರ ಮೇಲೆ ಹಾಗೂ ಒಟ್ಟಾರೆ ಯಾಗಿ ಅಮೆರಿಕಾದ ಆರ್ಥಿಕತೆಯ ಮೇಲೆಯೂ ಗಾಡವಾದ ದುಷ್ಪರಿಣಾಮ ಬೀರಿದೆ. ಕಪ್ಪು ಜನಸಂಖ್ಯೆ ಹೆಚ್ಚಾದಂತೆ ಅಮೆರಿಕದ ಕುಟುಂಬಗಳ ಸರಾಸರಿ ಸಂಪತ್ತು ಕೂಡ ಕುಸಿದಿದೆ. 1983ರಲ್ಲಿ 84,111 ಡಾಲರ್ ಇದ್ದ ಸರಾಸರಿ ಸಂಪತ್ತು 2016ರಲ್ಲಿ 81,704 ಡಾಲರಿಗೆ ಕುಸಿದಿದೆ. 1983ರಲ್ಲಿ 6 ಅಮೆರಿಕನ್ ಕುಟುಂಬಗಳಲ್ಲಿ 1 ಕುಟುಂಬ ನಕಾರಾತ್ಮಕ ಸಂಪತ್ತು ಅನುಭವಿಸುತ್ತಿದ್ದು, 2016ರಲ್ಲಿ 5 ಕುಟುಂಬಗಳಲ್ಲಿ 1 ಕುಟುಂಬ ಆ ಸ್ಥಿತಿಯಲ್ಲಿದೆ. ಹಾಗೆಯೇ, ಕರಿಯರ ಸಂಪತ್ತಿನ ಸವೆತದ ಸುತ್ತ ಅನೇಕ ರೀತಿಯ ಚರ್ಚೆಗಳು ನಡೆಯುತ್ತಿವೆ. ಈ ಚರ್ಚೆಗಳು ಕರಿಯರ ಸೋಮಾರಿತನ, ಶಿಕ್ಷಣದಲ್ಲಿ ಹಿಂದುಳಿದಿರುವಿಕೆ ಮತ್ತು ನಿರಾಸಕ್ತಿ, ಕೆಲಸದ ಮತ್ತು ಇತರ ನೈತಿಕತೆಯ ಅಭಾವದ ಸುತ್ತ ಗಿರಕಿ ಹೊಡೆಯುತ್ತವೆ. ಅಂದರೆ ಜಗತ್ತಿನ ಎಲ್ಲೆಡೆಗೆ ಆಗುವಂತೆ ದಮನಿತರ ಶೋಚನೀಯ ಪರಿಸ್ಥಿತಿಗೆ ಅವರೇ ಕಾರಣ ಎನ್ನುವ ಸಾಮಾನ್ಯ ಉಳ್ಳವರ ಕಥನ. ಇದು ಮಿಥ್ಯೆ ಎಂದು ಹಲವು ಅಧ್ಯಯನಗಳು ತೋರಿಸುತ್ತವೆ. ಕಾಲೇಜು ಶಿಕ್ಷಣ ಪಡೆದ ಕರಿಯ ಕುಟುಂಬಗಳು ಹೈಸ್ಕೂಲ್ ಶಿಕ್ಷಣ ಪಡೆದ ಬಿಳಿಯ ಕುಟುಂಬಗಳಿಗಿಂತ ಕಡಿಮೆ ಸರಾಸರಿ ಸಂಪತ್ತು ಹೊಂದಿವೆ. ಏಕ-ಪೋಷಕ ಬಿಳಿ ಕುಟುಂಬಗಳು, ಕರಿಯ ದ್ವಿ-ಪೋಷಕ ಕುಟುಂಬಕ್ಕಿಂತ ಎರಡು ಪಟ್ಟು ಹೆಚ್ಚು ಶ್ರೀಮಂತರಾಗಿದ್ದಾರೆ.

ಒಟ್ಟಾರೆಯಾಗಿ, ಕರಿಯ-ಬಿಳಿಯ ಕುಟುಂಬಗಳ ಸಂಪತ್ತಿನ ಅಂತರ ಕರಿಯರ ವೈಯಕ್ತಿಕ ಗುಣಲಕ್ಷಣಗಳಿಂದಾಗಿ ಅಲ್ಲ. ಗುಲಾಮಗಿರಿ ಪ್ರಾರಂಭವಾಗಿ 400 ವರ್ಷಗಳಲ್ಲಿ ಕರಿಯ ಅಮೆರಿಕನ್ನರಿಗೆ ಸಂಪನ್ಮೂಲಗಳನ್ನು ನಿರಂತರವಾಗಿ ನಿರಾಕರಿಸಿರುವುದು ಕಾರಣ ಎಂದು ಈ ವರದಿಯಲ್ಲಿ ಗುರುತಿಸಿಲಾಗಿದೆ. ಮೊದಲ ಗುಲಾಮರನ್ನು ಆಪ್ರಿಕಾದಿಂದ ಒತ್ತಾಯಪೂರ್ವಕವಾಗಿ ಅಪಹರಿಸಿಕೊಂಡು ಬಂದದ್ದು, ಅವರಿಂದ ಅಮ್ಯೂಲ್ಯವಾದ ಶ್ರಮವನ್ನು ಉಚಿತವಾಗಿ ಮಾಡಿಸಿಕೊಳ್ಳಲೆಂದೆ’ ಎಂದು ಇನ್ಸ್ಟಿಟ್ಯೂಟ್ ಫಾರ್ ಪಾಲಿಸಿ ಸ್ಟಡೀಸ್ ತನ್ನ ವರದಿಯಲ್ಲಿ ಒತ್ತಿ ಹೇಳಿದೆ. ಉದ್ಯೋಗ, ಆದಾಯ, ಮನೆ ಮಾಲಿಕತ್ವ, ಷೇರ್ ಮಾಲಿಕತ್ವ, ಉದ್ಯಮ ಶೀಲತೆ ಮತ್ತು ಇತರೆ ಎಲ್ಲಾ ಆರ್ಥಿಕ ಸೂಚಕಗಳು ಸಂಪತ್ತಿನ ವಿಷಮ ಜನಾಂಗೀಯ ವಿಭಜನೆಯನ್ನು ಸ್ಪಷ್ಟವಾಗಿ ತೋರಿಸುತ್ತವೆ.

ಈ ಜನಾಂಗೀಯ ವಿಭಜನೆಯನ್ನು ನಿಜವಾದ ಅರ್ಥದಲ್ಲಿ ನಿವಾರಿಸಲು, ಐತಿಹಾಸಿಕವಾಗಿ ಬಿಳಿ ಅಮೆರಿಕನ್ ಸಮುದಾಯಗಳು ಸ್ವಾಧೀನ ಪಡಿಸಿಕೊಂಡಿರುವ ಬೃಹತ್ ಸಂಪತ್ತಿನ್ನಷ್ಟೇ ದೊಡ್ಡ ಪ್ರಮಾಣದಲ್ಲಿ ಕರಿಯ ಸಮುದಾಯಗಳಿಗೆ ಪರಿಹಾರ ಒದಗಿಸಬೇಕು ಅಥವಾ ಸಂಪತ್ತಿನ ವರ್ಗಾವಣೆ/ಹೂಡಿಕೆ ಮಾಡಬೇಕು. ಈ ನಿಟ್ಟಿನಲ್ಲಿ ಎಲ್ಲರನ್ನೂ ಒಳಗೊಂಡ ಆಮೂಲಾಗ್ರ ಸಂರಚನಾತ್ಮಕ ಬದಲಾವಣೆಯ ಕ್ರಮಗಳನ್ನು ಕೈಗೊಳ್ಳಬೇಕು. ಇದಕ್ಕೆ ದೃಢವಾದ ರಾಜಕೀಯ ಇಚ್ಛಾಶÀಕ್ತಿ ಇರಬೇಕಾಗುತ್ತದೆ. ಆಗ ಮಾತ್ರ ಆಫ್ರಿಕನ್ ಅಮೆರಿಕನ್ ರಿಗೆ ಅಂತಿಮವಾಗಿ ನ್ಯಾಯ ಒದಗಿಸಲು ಸಾಧ್ಯ. 400 ವರ್ಷಗಳ ಗುಲಾಮಗಿರಿಯ ಪರಿಣಾಮಗಳನ್ನು ತಾತ್ಕಾಲಿಕ ಬ್ಯಾಂಡ್-ಏಡ್ ಗಳು ನಿವಾರಿಸಲು ಸಾಧ್ಯವಿಲ್ಲ, ಎಂದು ವರದಿ ಹೇಳುತ್ತದೆ. “ಈ ದೇಶದಲ್ಲಿ ಅಮೆರಿಕನ್ನರು ಎಂದರೆ ಬಿಳಿಯರು ಮಾತ್ರ, ಉಳಿದವರು ಗುಲಾಮರು ಅಷ್ಟೇ” ಎಂಬ ಪ್ರಸಿದ್ಧ ಕರಿಯ ಲೇಖಕಿ ಟೋನಿ ಮಾರಿಸನ್ ಅವರ ಮಾತು ಸದ್ಯಕ್ಕಂತೂ ಸತ್ಯವೆನಿಸುತ್ತದೆ.

ಈ ಹಿನ್ನೆಲೆಯಲ್ಲಿ ಗುಲಾಮಗಿರಿಯ ಪ್ರಾರಂಭವಾಗಿ 400 ವರ್ಷಗಳ ಆಚರಣೆಯ ಸುತ್ತ ಈ ಕುರಿತು ತೀವ್ರ ರಾಜಕೀಯ ಚರ್ಚೆ ಆರಂಭವಾಗಿದೆ. 2014ರಲ್ಲೇ 250 ವರ್ಷಗಳ ಗುಲಾಮಗಿರಿಗೆ ಕರಿಯರಿಗೆ ಪರಿಹಾರ ಒದಗಿಸಬೇಕು ಎಂದು ವಾದಿಸುವ ತಾ ನೆಹಿಸಿ ಕೋಟ್ಸ್ ಎನ್ನುವವರ ವರದಿ ಪ್ರಕಟವಾಯಿತು. 2017ರಲ್ಲಿ ಪ್ಯೂ (ಪಿ.ಇ.ಡಬ್ಲ್ಯೂ) ಅಧ್ಯಯನ ಸರಾಸರಿ ಬಿಳಿಯ ಕುಟುಂಬಗಳ ಆದಾಯ ಕರಿಯ ಕುಟುಂಬಗಳ ಆದಾಯದ 10 ಪಟ್ಟು ಎಂದಿದೆ. ಡೆಮೊಕ್ರಾಟಿಕ್ ಅಧ್ಯಕ್ಷೀಯ ಅಭ್ಯರ್ಥಿ ಸೆನೆಟರ್ ಕೊರಿ ಬುಕರ್ ಕರಿಯರಿಗೆ ಪರಿಹಾರ ಒದಗಿಸುವ ಬಗ್ಗೆ ಒಂದು ಮಸೂದೆಯನ್ನು ಮಂಡಿಸಿದ್ದಾರೆ. ಇತರ ಡೆಮೊಕ್ರಾಟಿಕ್ ಅಧ್ಯಕ್ಷೀಯ ಅಭ್ಯರ್ಥಿಗಳಾದ ಎಲಿಜಬೆತ್ ವಾರೆನ್ ಮತ್ತು ಬರ್ನಿ ಸ್ಯಾಂಡರ್ಸ್ ಅದನ್ನು ಬೆಂಬಲಿಸಿ, ತಮ್ಮ ಪ್ರಣಾಳಿಕೆಯಲ್ಲಿ ಸೇರಿಸಿಕೊಂಡಿದ್ದಾರೆ.

ಅಮೆರಿಕದ ಗುಲಾಮಗಿರಿಯ ಸ್ಥೂಲ ಚರಿತ್ರೆ

1619 : ವರ್ಜೀನಿಯಾಕ್ಕೆ 20 ಆಫ್ರಿಕರನ್ನು ಹೊತ್ತ ಹಡಗಿನ ಆಗಮನ; ಡಚ್ ವ್ಯಾಪಾರಿಯಿಂದ ಅವರನ್ನು ಗುಲಾಮರಾಗಿ ಮಾರಾಟ; ಗುಲಾಮಗಿರಿಯ ಆರಂಭ.

1619-1810 : ಆಫ್ರಿಕನ್ನರನ್ನು ಅಪಹರಿಸಿ ಅಟ್ಲಾಂಟಿಕ್ ಸಾಗರದ ಮೇಲೆ ಹಡಗಿನಲ್ಲಿ ಸಾಗಾಣಿಕೆ ಮಾಡಿ ಗುಲಾಮರಾಗಿ ಅಮೆರಿಕದಲ್ಲಿ ಮಾರಾಟ ಮಾಡುವ ವಾಪಾರ ಮುಂದುವರೆಯಿತು. 1700 ರಲ್ಲಿ ಹತ್ತು ಸಾವಿರದಷ್ಟಿದ್ದ ಗುಲಾಮರ ಸಂಖ್ಯೆ, 1760 ಹೊತ್ತಿಗೆ 2 ಲಕ್ಷಕ್ಕೆ ಹತ್ತಿರವಾಗಿ, 1810ರ ಹೊತ್ತಿಗೆ 3 ಲಕ್ಷ ದಾಟಿತ್ತು.

1661 : ಮೇರಿಲ್ಯಾಂಡಿನಲ್ಲಿ ಕರಿಯ ಗುಲಾಮರು ಮತ್ತು ಬಿಳಿಯರ ನಡುವೆ ಮದುವೆ ನಿಷೇಧಿಸುವ ಮೊದಲ ಕಾನೂನು: ಮುಂದೆ ಇಂತಹ ಕಾನೂನುಗಳು ಹೆಚ್ಚಿನ ಉತ್ತರ ಅಮೆರಿಕದ ಬ್ರ್ರಿಟಿಷ್ ವಸಾಹತುಗಳಲ್ಲಿ ಬಂದವು.

1960ರಲ್ಲೂ ಇನ್ನೂ ಯು.ಎಸ್. ನ 20 ರಾಜ್ಯಗಳಲ್ಲಿ ಇಂತಹ ಕಾನೂನುಗಳು ಇದ್ದವು. 2000ದಲ್ಲಿ ಅಲಬಾಮಾ ಇಂತಹ ಕಾನೂನು ತೆಗೆದು ಹಾಕಿದ ಕೊನೆಯ ರಾಜ್ಯವಾಯಿತು.

1776-1790 : ‘ಮಾನವರೆಲ್ಲ ಹುಟ್ಟಿನಿಂದ ಸಮಾನರು’ ಎಂದ ಅಮೆರಿಕನ್ ಸ್ವಾತಂತ್ರ್ಯ ಘೋಷಣೆ ಕರಿಯ ಗುಲಾಮರಿಗೆ ¯ಗಾವಾಗಲಿಲ್ಲ. ಗುಲಾಮರ ಸಾಗಾಣಿಕೆ ಮುಂದುವರೆಯಿತು, ಅದರಲ್ಲೂ ವಿಶೇಷವಾಗಿ ದಕ್ಷಿಣದ ಹತ್ತಿ ಬೆಳೆಯುವ ಪ್ರಾಂತ್ಯಗಳಲ್ಲಿ ದೊಡ್ಡ ಸಂಖ್ಯೆಯ ಕರಿಯ ಗುಲಾಮರನ್ನು ನೆಲೆಸಲಾಯಿತು. 1790 ಜನಗಣತಿಯ ಪ್ರಕಾರ ಇಂತಹ 3 ಪ್ರಾಂತ್ಯಗ¼ಲ್ಲಿ ಕರಿಯ ಗುಲಾಮರ ಸಂಖ್ಯೆ 18 ಲಕ್ಷ ದಾಟಿತ್ತು. ಆ ಪ್ರಾಂತ್ಯಗಳ ಒಟ್ಟು ಜನಸಂಖ್ಯೆಯ ಅರ್ಧಕ್ಕಿಂತಲೂ ಹೆಚ್ಚಿತ್ತು.

1808 : 18ನೇ ಶತಮಾನದಲ್ಲಿ ಬ್ರಿಟಿಷರು ನಡೆಸಿದ ವ್ಯಾಪಕ ಆಫ್ರಿಕನ್ ಗುಲಾಮರ ವ್ಯಾಪಾರದಲ್ಲಿ 6 ಲಕ್ಷ ಕರಿಯರನ್ನು ಅಮೆರಿಕಾಕ್ಕೆ ಸಾಗಿಸಲಾಯತು. 1808ರಲ್ಲಿ ಗುಲಾಮರ ವ್ಯಾಪಾರವನ್ನು (ಗುಲಾಮಗಿರಿಯನ್ನಲ್ಲ, ಗುಲಾಮರ ವ್ಯಾಪಾರವನ್ನು ಮಾತ್ರ) ನಿಷೇಧಿಸುವ ವರೆಗೆ ಅದು ಭಾರಿ ಪ್ರಮಾಣದಲ್ಲಿ ಮುಂದುವರೆಯಿತು.

1860 : ಕರಿಯ ಗುಲಾಮರು ಮತ್ತು ಅವರ ಸಂತತಿಯೆಲ್ಲಾ ಸೇರಿ 1860ರ ಜನಗಣತಿಯ ಹೊತ್ತಿಗೆ ಕರಿಯರ ಸಂಖ್ಯೆ 40 ಲಕ್ಷಕ್ಕೆ (ಒಟ್ಟು ಜನಸಂಖ್ಯೆಯ ಶೇ. 13) ಏರಿತ್ತು.

1865-68 : ಅಮೆರಿಕದ ಆಂತರಿಕ ಯುದ್ಧದಲ್ಲಿ ಗುಲಾಮಗಿರಿ ಸಹ ಒಂದು ವಿಷಯವಾಗಿತ್ತು. ಆದರೆ ಅದೇ ಮುಖ್ಯವಾಗಿರಲಿಲ್ಲ. ದಕ್ಷಿಣದ ಪ್ರಾಂತ್ಯಗಳ ಪ್ರತ್ಯೇಕತೆ ಮುಖ್ಯ ವಿಷಯವಾಗಿತ್ತು. ಆದರೆ ಯುದ್ಧ ನಂತರ ಕರಿಯರ ಮೇಲಿದ್ದ ಹಲವು ನಿರ್ಬಂಧಗಳನ್ನು ಸಡಿಲಿಸಲಾಯಿತು. ಅಮೆರಿಕದಲ್ಲಿ ಆಗ ನೆಲೆಸಿದ್ದ ಮತ್ತು ಅಲ್ಲೇ ಹುಟ್ಟಿದ್ದ ಕರಿಯರಿಗೆ ನಾಗರಿಕ ಹಕ್ಕು ಕೊಡಲಾಯಿತು.

1870–1964 : ಜಿಮ್ ಕ್ರೋ ಕಾನೂನುಗಳು ಎಂದು ಕರೆಯಲಾಗುವ ಕಾನೂನುಗಳು ಹೆಚ್ಚಿನ ದಕ್ಷಿಣದ ಪ್ರಾಂತ್ಯಗಳಲ್ಲಿ ಜಾರಿಗೆ ಬಂತು. ಎಲ್ಲಾ ಸಾರ್ವಜನಿಕ ಸ್ಥಳಗಳಲ್ಲಿ ಕರಿಯರು ಮತ್ತು ಬಿಳಿಯರು ಒಟ್ಟಿಗೆ ಇರುವಂತಿಲ್ಲ ಎಂಬುದು ಈ ಕಾನೂನುಗಳ ಸಾರಾಂಶ. ಇದರ ಪ್ರಕಾರವೇ ಸಾರ್ವಜನಿಕ ಸಾರಿಗೆಯಲ್ಲಿ, ಹೊಟೆಲುಗಳಲ್ಲಿ ಎಲ್ಲೆಲ್ಲೂ ಕರಿಯರನ್ನು ಪ್ರತ್ಯೇಕಿಸಲಾಗಿತ್ತು. ಇಂತಹ ಒಂದಲ್ಲ ಒಂದು ಕಾನೂನು ಒಂದಲ್ಲ ಒಂದು ಪ್ರಾಂತ್ಯದಲ್ಲಿ 1964ರವರೆಗೂ ಜಾರಿಯಲ್ಲಿದ್ದವು. 1958ರಲ್ಲಷ್ಟೇ ಯು.ಎಸ್. ಮಿಲಿಟರಿಯಲ್ಲಿ ಕರಿಯರ ಪ್ರತ್ಯೇಕ ಘಟಕಗಳನ್ನು ವಿಸರ್ಜಿಸಲಾಯಿತು. ಹಲವು ದಕ್ಷಿಣದ ಪ್ರಾಂತ್ಯಗಳಲ್ಲಿ ಒಂದಲ್ಲ ಒಂದು ಕಾರಣ ಕೊಟ್ಟು ಕರಿಯರ ಮತದಾನದ ಹಕ್ಕನ್ನು ಮೊಟಕುಗೊಳಿಸಲಾಗುತ್ತಿತ್ತು. ಈಗಲೂ ಅದು ಕೆಲವು ಪ್ರಾಂತ್ಯಗಳಲ್ಲಿ ಹೊಸ ರೂಪಗಳಲ್ಲಿ ಮುಂದುವರೆದಿದೆ.

(ಈ ವಾರದ ಜನಶಕ್ತಿ ವಾರಪತ್ರಿಕೆಯಲ್ಲಿ ಪ್ರಕಟವಾದ ಲೇಖನ)

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

ಅಂತರಂಗ

ಅರಿಮೆಯ ಅರಿವಿರಲಿ-6 : ಮಗಳೆಂಬ ಸವತಿ

Published

on

Art by Evan Hauton
  • ಯೋಗೇಶ್ ಮಾಸ್ಟರ್

ಸಾಮಾನ್ಯವಾಗಿ ಅಕ್ಕ ತಂಗಿಯರಲ್ಲಿ ಇರುವಂತಹ ಸಂಘರ್ಷದ ಅತಿರೇಕವು ಅಣ್ಣ ತಂಗಿಯಲ್ಲಿ ಅಥವಾ ಅಕ್ಕ ತಮ್ಮನಲ್ಲಿ ಇಲ್ಲದಿರುವುದಕ್ಕೆ ಕಾರಣವು ಬರಿಯ ವ್ಯಕ್ತಿಗತ ವರ್ತನೆಗಳೇ ಅಥವಾ ಮನುಷ್ಯನ ಮಾನಸಿಕ ಸಂರಚನೆಯೇ?

ಅಮ್ಮ ಮತ್ತು ಮಗಳಲ್ಲಿ ಇರುವಂತಹ ಸಂಘರ್ಷವು ದೂರು ಪ್ರತಿದೂರುಗಳು ತಂದೆ ಮಗಳಲ್ಲಿ ಇಲ್ಲವೇ ಇಲ್ಲವೆನ್ನುವಷ್ಟು ಕಡಿಮೆ ಎಂಬುದು ತಂದೆಗೆ ಮಗಳ ಮೇಲೆ ಹೆಚ್ಚು ಮಮತೆಯೇ? ತಾಯಿಗಿಲ್ಲವೇ? ‌ಈಗಾಗಲೇ ಈಡಿಪಸ್ ಕಾಂಪ್ಲೆಕ್ಸ್ ಅಥವಾ ತಾಯಿಯರಿಮೆಯನ್ನು ತಿಳಿದವರಿಗೆ ಇದನ್ನು ತಿಳಿಯುವುದು ಅಷ್ಟೇನೂ ಕಷ್ಟವಲ್ಲ.

ಈಡಿಪಸ್ ಕಾಂಪ್ಲೆಕ್ಸ್ ಅಥವಾ ತಾಯರಿಮೆಯಂತೆಯೇ ತಂದೆಯರಿಮೆಯೂ ಕೂಡಾ ಇದೆ. ಮನೋವಿಜ್ಞಾನಿ ಕಾರ್ಲ್ ಜಂಗ್ ವಿಶದಪಡಿಸಿದ ಆ ಅರಿಮೆಯಾದ ಇಲೆಕ್ಟ್ರಾ ಕಾಂಪ್ಲೆಕ್ಸಿಗೂ ಒಂದು ಕತೆಯಿದೆ. ಹೆಣ್ಣು ಮಗುವೊಂದು ತನ್ನ ತಂದೆಯೊಡನೆ ಆಪ್ತತೆ ಅಥವಾ ಆತ್ಮೀಯತೆಗಳಿಸಲು ತನ್ನ ತಾಯಿಯೊಂದಿಗೆ ಹೊಂದಬಹುದಾದ ಮನೋಲೈಂಗಿಕ ಸಂಘರ್ಷವನ್ನು ಇಲೆಕ್ಟ್ರಾ ಕಾಂಪ್ಲೆಕ್ಸ್ ಎಂದು ಹೆಸರಿಸುತ್ತಾರೆ.

ಗ್ರೀಕ್ ನಾಟಕಕಾರ ಸಾಫೋಕ್ಲಿಸ್ ಬರೆದ ಇಲೆಕ್ಟ್ರಾ ದುರಂತ ನಾಟಕದಲ್ಲಿ ಇಲೆಕ್ಟ್ರಾ ಓರ್ವ ರಾಜಕುಮಾರಿ. ಸೇಡು ಮತ್ತು ಹಟದ ಕಾರಣ ತನ್ನ ಸೋದರನನ್ನೇ ತನ್ನ ತಾಯಿಯ ವಿರುದ್ಧ ಪ್ರಚೋದಿಸಿ ಕೊಲ್ಲುವಂತೆ ಮಾಡುತ್ತಾಳೆ. ಅವಳಿಗೆ ಅವಳ ತಂದೆಯ ಮೇಲೆ ಪ್ರೇಮ. ನಾಟಕೀಯ ತಿರುವುಗಳಿರುವ ಇದೊಂದು ದುರಂತ ಕತೆ. ಆದರೆ ಸಾಮಾನ್ಯವಾಗಿ ತಂದೆಯ ಮೇಲಿನ ಮಗಳೊಬ್ಬಳ ಕಡುವ್ಯಾಮೋಹವನ್ನು ಸಂಕೇತಿಸಲು ಇಲೆಕ್ಟ್ರಾ ಕಾಂಪ್ಲೆಕ್ಸ್ ಎಂದು ಕರೆಯಲಾಗಿದೆ.

ಎಷ್ಟೋ ಸಲ ಮಗಳ ಅಂಟಿಕೆಯನ್ನು ತಂದೆ ಸಹಜ ಪ್ರೀತಿಯೆಂದೂ, ಮಗನ ಗಾಢವಾದ ಅವಲಂಬನವನ್ನು ತಾಯಿ ಶಿಶುಸಹಜವೆಂದೂ ಮಕ್ಕಳ ಕಡು ವ್ಯಾಮೋಹವನ್ನು ಅಥವಾ ಲೈಂಗಿಕ ಸೆಳೆತವನ್ನು ನಿರ್ಲಕ್ಷಿಸಿಬಿಡುವರು. ಒಂದು ವೇಳೆ ತಿಳಿದರೂ ಅದನ್ನು ಆಡಲಾರರು, ಕೆಲವೊಮ್ಮೆ ಮಕ್ಕಳಲ್ಲಿ ಅಂತಹುದೆಲ್ಲಾ ಇರುವುದಿಲ್ಲ, ತಾವೇ ತಪ್ಪಾಗಿ ತಿಳಿದಿರಬಹುದು ಎಂದು ಸುಮ್ಮನಾಗಿಬಿಡಬಹುದು. ಮತ್ತೂ ಕೆಲವೊಮ್ಮೆ ಇಂತದ್ದನ್ನೆಲ್ಲಾ ಹಗರಣ ಮಾಡಬಾರದು ಎಂದೂ ಸುಮ್ಮನಾಗಿಬಿಡುವರು.

ಸಮಸ್ಯೆ ಎಂದರೆ, ತಾಯಿಗೆ ತನ್ನ ಪುಟ್ಟ ಮಗನು ತನ್ನೊಡನೆ ಕಡು ವ್ಯಾಮೋಹವನ್ನು ಹೊಂದಿರುವಾಗ ಒಂದು ವೇಳೆ ತನ್ನ ಲೈಂಗಿಕ ವಾಂಛೆಯನ್ನು ತೋರಿದಾಗ, ಆ ವಿಷಯವನ್ನು ತನ್ನ ಗಂಡನಿಗೆ ತಿಳಿಸಿದರೆ ಶಿಕ್ಷಿಸಬಹುದೆಂಬ ಭಯದಿಂದ ಸುಮ್ಮನಾಗಿಬಿಡುತ್ತಾಳೆ. ಅದೇ ರೀತಿ ತಂದೆಯೂ ಕೂಡಾ, ತನ್ನೊಂದಿಗೆ ತನ್ನ ಮಗಳು ಹೊಂದಿರುವ ಸಲುಗೆಯಲ್ಲಿ ಸರಸದ ಆಸೆಯಿದೆ ಎಂದು ತಿಳಿದರೂ ಅದು ಬೇರೆ ಯಾರಿಗೂ ಗೊತ್ತಾಗಿಲ್ಲ. ನಾನೂ ಗೊತ್ತು ಮಾಡುವುದು ಬೇಡ. ಅದಕ್ಕೆ ಇಂಬು ಕೊಡದಿದ್ದರಾಯಿತು ಎಂದು ಸುಮ್ಮನಾಗಿಬಿಡುತ್ತಾನೆ.

ಏಕೆಂದರೆ ಒಂದು ವೇಳೆ ತಾಯಿಗೆ ತಿಳಿದರೆ ಅವಳು ತಮ್ಮಿಬ್ಬರ ಅನ್ಯೋನ್ಯತೆಯನ್ನು ತುಂಡರಿಸುತ್ತಾಳೆ ಎಂಬ ಭಯ ಅವನಿಗೆ. ಅವನಿಗೂ ಅವನ ಮಗಳ ಆಪ್ತತೆ ಹಿತವಾಗಿರುತ್ತದೆ. ಆದರೆ ಆ ಆಪ್ತತೆಯಲ್ಲಿ ಲೈಂಗಿಕತೆಯ ವಾಸನೆ ಕಂಡಾಗ ಅವನಿಗೆ ಇರಿಸುಮುರಿಸಾಗುತ್ತದೆ. ಇದಕ್ಕೆ ತುಂಬಾ ತಲೆಕೆಡಿಸಿಕೊಳ್ಳುವಷ್ಟಿಲ್ಲ. ಎಳೆಯ ಮಕ್ಕಳಿಗೆ ಸಮಾಜವು ಕಟ್ಟಿಕೊಟ್ಟಿರುವ ಶಿಷ್ಟ ಸಂಬಂಧಗಳ ಗುರುತು ಪರಿಚಯ ಇಲ್ಲದಿರುವುದು ಒಂದು ಕಾರಣವಾದರೆ, ಅವರು ನೈಸರ್ಗಿಕವಾಗಿ ಪಶುಗಳಂತೆ ತಮ್ಮ ಪ್ರವೃತ್ತಿಗಳನ್ನು ತೋರಿಸುತ್ತಾರೆ ಅಷ್ಟೇ. ಆದರೆ ಸಾಮಾಜಿಕ ತರಬೇತಿಗೆ ಅವರು ಒಳಪಡುತ್ತಿದ್ದಂತೆ ಸಮಾಜದಲ್ಲಿ ಸ್ಥಾಪಿತವಾಗಿರುವ ಅಥವಾ ಒಪ್ಪಿತವಾಗಿರುವ ಲೈಂಗಿಕ ನಿರೀಕ್ಷೆಗೆ ಅನುಗುಣವಾಗಿ ನಡೆಯುವ ರೂಢಿಯನ್ನು ಮಾಡಿಕೊಳ್ಳುತ್ತದೆ.

ಮೂರರಿಂದ ಆರು ವರ್ಷದವರಷ್ಟು ಸಣ್ಣ ಮಕ್ಕಳಾಗಿದ್ದಾಗಲೇ ಕಾಣುವವು ಈ ಈಡಿಪಸ್ ಮತ್ತು ಇಲೆಕ್ಟ್ರಾ ಕಾಂಪ್ಲೆಕ್ಸ್‍ಗಳು. ಈ ಎರಡೂ ಅರಿಮೆಗಳ ವಿಷಯದಲ್ಲಿ ತಂದೆ ಮತ್ತು ತಾಯಿ ಇಬ್ಬರೂ ಇದರ ಅರಿವು ಇದ್ದು ಹೊಣೆಗಾರಿಕೆಯಿಂದ ತಮಗೆ ಜೋತು ಬೀಳುವ ಮಕ್ಕಳ ಬಗ್ಗೆ ಎಚ್ಚರಿಕೆಯಿಂದ ವರ್ತಿಸಬೇಕು. ಇಲ್ಲವಾದರೆ ಭಾವನಾತ್ಮಕವಾಗಿಯೋ, ಮೋಹಪರವಶರಾಗಿಯೋ ವಿವೇಚನೆಯಿಲ್ಲದೇ ವರ್ತಿಸಿದರೆ ಮುಂದಿನ ದಿನಗಳಲ್ಲಿ ಸಂಬಂಧಗಳು ಹಳಸುತ್ತವೆ. ಎಂತೆಂತಹ ಪ್ರಸಂಗಗಳನ್ನು ಎದುರಿಸಬೇಕಾಗುವುದೆಂದು ಹೇಳಲಾಗುವುದಿಲ್ಲ.

ಸಿಗ್ಮಂಡ್ ಫ್ರಾಯ್ಡ್ ಹೇಳುವಂತೆ ಹೆಣ್ಣು ಮಗುವಿಗೆ ತನ್ನ ತಂದೆ ಇರುವ ಶಿಶ್ನವು ತನಗಿಲ್ಲವೆಂದು ಅಸೂಯೆ ಪಡುತ್ತಾಳೆಂದೂ ಅದಕ್ಕೆ ಶಿಶ್ನಾಸೂಯೆ ಎಂದೂ ಹೆಸರಿಸುತ್ತಾನೆ. ಇದೇ ಕಾರಣಕ್ಕೆ ಅವಳು ತಂದೆಯೊಡನೆ ಆತ್ಮೀಯತೆಯಿಂದ ಸಖ್ಯವನ್ನು ಬೆಳೆಸಿಕೊಳ್ಳುತ್ತಾಳೆ. ಜೊತೆಗೆ ತನ್ನ ತಂದೆ ತನ್ನ ತಾಯಿಯ ಜೊತೆಗಿನ ಸರಸ ಸಂಬಂಧವನ್ನು ಸಹಿಸಲಾರದೇ ಹೋಗುತ್ತಾಳೆ. ಕೆಲವು ಹೆಣ್ಣು ಮಕ್ಕಳಂತೂ ತಮ್ಮ ತಾಯಂದಿರಿಗೆ ಸವತಿ ಕಾಟವನ್ನೇ ಕೊಡುತ್ತಾರೆ. ಇದು ತಾತ್ಕಾಲಿಕ. ಏಕೆಂದರೆ ವಯಸ್ಸಾದಂತೆ ಅವರಿಗೆ ತಮ್ಮ ಲೈಂಗಿಕ ಗುರುತಿನ ಬಗ್ಗೆ ಸರಿಯಾದ ಅರಿಮೆ ಉಂಟಾಗುತ್ತದೆ ಮತ್ತು ಬಾಲ್ಯದಲ್ಲಿ ಅದರ ಬಗ್ಗೆ ತಮಗಿದ್ದ ಒಲವನ್ನೂ ಮತ್ತು ಗೊಂದಲವನ್ನೂ ಕ್ರಮೇಣ ಇಲ್ಲವಾಗಿಸಿಕೊಳ್ಳುತ್ತಾರೆ.ಸಮಾಜದಲ್ಲಿ ಇರುವಂತಹ ಸಾಂಪ್ರದಾಯಿಕವಾದ ಲೈಂಗಿಕ ಗುರುತುಗಳ ಹೊಣೆಗಾರಿಕೆಯನ್ನು ರೂಢಿಸಿಕೊಳ್ಳುತ್ತಾರೆ.

ಒಂದು ವೇಳೆ ಪೋಷಕರು ಮೋಹಪರವಶವಾಗಿ ಮಗುವಿನ ಶಿಶ್ನಾಸೂಯೆಯ ಅವಧಿಯಲ್ಲಿ ಮಕ್ಕಳಿಗೆ ಸ್ಪಂದಿಸಿದರೆ, ಮಗುವು ಅದರಿಂದ ಹೊರಗೆ ಬರದೇ ಹೋಗಬಹುದು. ತನ್ನ ಜೋತುಬೀಳುವಿಕೆಯನ್ನು ಗಟ್ಟಿಗೊಳಿಸಿಕೊಂಡು ಅದನ್ನೇ ತನ್ನ ಪ್ರಧಾನ ಲೈಂಗಿಕಾಸಕ್ತಿಯನ್ನಾಗಿಯೂ ಕೂಡಾ ಮುಂದುವರಿಸಿಕೊಳ್ಳಬಹುದು.ಆದರೆ ಈ ಶಿಶ್ನಾಸೂಯೆಯ ವಾದವನ್ನು ನವೀನ ಮನಶಾಸ್ತ್ರಜ್ಞರು ಒಪ್ಪುವುದಿಲ್ಲ. ಮತ್ತೆ ಕೆಲವರು ಇದು ಅವಾಸ್ತವದ ವಾದ ಎಂದು ಸಾರಾಸಗಟಾಗಿ ತಿರಸ್ಕರಿಸುತ್ತಾರೆ. ಆದರೆ, ಅಷ್ಟೂ ತಿರಸ್ಕರಿಸುವ ಬದಲು ವಿಷಯವನ್ನು ತಿಳಿದಿದ್ದು ಗಮನಿಸುವುದರಿಂದ ಮತ್ತು ಗಮನಕ್ಕೆ ಬಂದಾಗ ಪ್ರಜ್ಞೆಯಿಂದ ವರ್ತಿಸುವುದರಲ್ಲಿ ಹಾನಿಯೇನೂ ಇಲ್ಲ.

ಲೈಂಗಿಕ ವಿಷಯಗಳಲ್ಲಿ ಇರುವಂತಹ ಮಡಿವಂತಿಕೆ ಮತ್ತು ಸಾಮಾಜಿಕ ಅಪಖ್ಯಾತಿಯ ಹಿಂಜರಿಕೆಯಿಂದಾಗಿ ಬಹುಪಾಲು ಜನರು ಇಂತವನ್ನು ಒಪ್ಪುವುದಿರಲಿ, ಕೇಳಲೂ ಇಷ್ಟ ಪಡುವುದಿಲ್ಲ. ಆದರೆ ನಾನು ಕಂಡಂತಹ ಕೆಲವು ವ್ಯಕ್ತಿಗತ ಸಂಬಂಧಗಳಲ್ಲಿ ಇಂತಹ ಪ್ರಕರಣಗಳನ್ನು ಕಂಡಿದ್ದೇನೆ. ತನ್ನ ತಂದೆಯಂತಹ ಪ್ರಿಯತಮನನ್ನು ಹೆಣ್ಣು ಬಯಸುವುದು, ತನ್ನ ತಾಯಿಯ ಛಾಯೆಯನ್ನು ಪ್ರಿಯತಮೆಯಲ್ಲಿ ಗಂಡು ಬಯಸುವುದು ಕೂಡಾ ಮಾಸಿದ ಈಡಿಪಸ್ ಮತ್ತು ಇಲೆಕ್ಟ್ರಾ ಕಾಂಪ್ಲೆಕ್ಸ್‍ಗಳ ಪ್ರಭಾವಗಳೇ ಎಂದು ಅನಿಸುತ್ತದೆ.

ತಂದೆಯರಿಮೆ ಅಥವಾ ಇಲೆಕ್ಟ್ರಾ ಕಾಂಪ್ಲೆಕ್ಸ್‍ಗಳು ಸಾಮಾನ್ಯವಾಗಿ ಹೆಣ್ಣು ಮಕ್ಕಳು ತಮ್ಮ ತಾಯಿಯರ ಬಗ್ಗೆ ದೂರುತ್ತಿರುತ್ತಿರುವುದರಲ್ಲಿ ಕಾಣುತ್ತಿರುತ್ತದೆ. “ನಾನು ಏನು ಮಾಡಿದರೂ ತಪ್ಪನ್ನು ಕಂಡು ಹಿಡಿಯುತ್ತಾರೆ. ನನ್ನ ಸಾಧನೆ ಬಗ್ಗೆ ಹೆಮ್ಮೆ ಪಡುವುದಿಲ್ಲ. ಏನಾದರೂ ಕೇಳಿದರೆ ನಿಮ್ಮ ಅಪ್ಪನ್ನ ಕೇಳು ಎಂದು ವ್ಯಂಗ್ಯವಾಗಿ ಹೇಳುತ್ತಾರೆ” ಇತ್ಯಾದಿ. ಗಮನಿಸಿದವರಿಗೆ ಗೋಚರಿಸುವ ಕೆಲವು ವಿಷಯಗಳಿವೆ. ಕೆಲವು ತಾಯಂದಿರಿಗೆ ಮದುವೆಯಾದ ತನ್ನ ಮಗಳಿಗಿಂತ ಅಳಿಯನ ಮೇಲೆ ಪ್ರೀತಿ ಹೆಚ್ಚು. ಮಗಳು ಮತ್ತು ಅಳಿಯನ ನಡುವೆ ಜಗಳ ಬಂದಾಗ ಅತ್ತೆ ಅಳಿಯನ ಪಕ್ಷವಹಿಸುತ್ತಾಳೆ. “ನಾನು ಅವಳನ್ನು ಇವತ್ತು ನೋಡುತ್ತಿಲ್ಲ. ಅವಳು ಮೊದಲಿಂದಲೂ ಹಾಗೆಯೇ” ಎನ್ನುತ್ತಾಳೆ.

ಇನ್ನೂ ಕೆಲವು ಪ್ರಕರಣಗಳಲ್ಲಿ ಸೊಸೆಯಂದಿರು ವಿಧವೆ ಅತ್ತೆಯಿಂದ ಹೆಚ್ಚು ಕಿರುಕುಳಗಳನ್ನು ಅನುಭವಿಸುತ್ತಾರೆ. ಇದಕ್ಕೆ ಕಾರಣ ಬಿಡಿಸಿ ಹೇಳಬೇಕಿಲ್ಲ. ಈಡಿಪಸ್ಸೇ ಆಗಲಿ ಅಥವಾ ಇಲೆಕ್ಟ್ರಾ ಕಾಂಪ್ಲೆಕ್ಸೇ ಆಗಲಿ, ಅವು ಮಕ್ಕಳಲ್ಲಿ ಕಂಡು ಬಂದಾಗ ಅಲ್ಲಿ ಸಂಯಮ ವಹಿಸಬೇಕಾದವರು ಮತ್ತು ಪ್ರಜ್ಞಾವಂತಿಕೆಯಿಂದ ವರ್ತಿಸಬೇಕಾದವರು ಹಿರಿಯರು. ಮಕ್ಕಳಲ್ಲಿ ಅಂತಹ ಅರಿಮೆಗಳನ್ನು ಕಂಡರೆ ಅದು ಸಹಜವೂ ಮತ್ತು ನೈಸರ್ಗಿಕವೂ ಆಗಿದ್ದು ಮಾನಸಿಕವಾಗಿ ಆರೋಗ್ಯ ಕೆಟ್ಟಿರುವುದೇನಲ್ಲ.

ಆದರೆ ಹಿರಿಯರೇನಾದರೂ ಅನಾರೋಗ್ಯಕರವಾದ ಮನಸ್ಥಿತಿಯನ್ನು ಹೊಂದಿದ್ದಲ್ಲಿ ಮಗುವಿಗೆ ಸಮಸ್ಯೆಯಾಗುತ್ತದೆ. ಅದೂ ಕೂಡಾ ಅನಾರೋಗ್ಯಕರವಾದಂತಹ ಮನೋಭಾವವನ್ನು ಹೊಂದುವುದಕ್ಕೆ ಆಸ್ಪದವಾಗುತ್ತದೆ. ಯಾವಾಗಲೂ ಅಷ್ಟೇ, ಲೈಂಗಿಕ ಭಾವನೆಗಳು ಸಹಜವಾಗಿ ಮೂಡುವುದು ಆರೋಗ್ಯಕರವೇ ಆಗಿರುತ್ತದೆ. ಆದರೆ ಅದನ್ನು ವಿಕೃತಗೊಳಿಸಿಕೊಳ್ಳುವುದು ಮನುಷ್ಯನ ಅನಿಯಂತ್ರಿತ ಮನಸ್ಸಿನ ದುಡುಕಿನ ತುಡುಗುತನವೇ ಆಗಿರುತ್ತದೆ.

(ಮುಂದುವರಿಯುವುದು)

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ಅಂತರಂಗ

ಅರಿಮೆಯ ಅರಿವಿರಲಿ-5 : ಮನೋಲೈಂಗಿಕ ಸಂಘರ್ಷಗಳು

Published

on

Jocasta and Oedipus
  • ಯೋಗೇಶ್ ಮಾಸ್ಟರ್

ಗನು ತಾಯಿಯ ಜೊತೆಗೆ ಹೊಂದಿರುವಂತಹ ಅತಿಯಾದ ವ್ಯಾಮೋಹದ ಕತೆಗಳನ್ನೆಲ್ಲಾ ಮಾತೃಪ್ರೇಮವೆಂದು ಕರೆಯುತ್ತೇವೆ. ಹಾಗೆಯೇ ಮಗಳು ತಂದೆಯನ್ನು ಹುಚ್ಚಳಂತೆ ಹಚ್ಚಿಕೊಂಡಿದ್ದರೆ ಪಿತೃಪ್ರೇಮ ಅಪಾರವಾಗಿದೆ ಎನ್ನುತ್ತೇವೆ. ಅನ್ನೋಣ ತಪ್ಪೇನಿಲ್ಲ. ಆದರೆ ಮಗುವಿಗೆ ಸಾಮಾನ್ಯವಾಗಿ ತನ್ನ ವಿರುದ್ಧಲಿಂಗಿಯ ಪೋಷಕರೊಡನೆ ಪ್ರೀತಿ ಅಥವಾ ವಾತ್ಸಲ್ಯವು ಕೊಂಚ ಹೆಚ್ಚೇ ಇರುತ್ತದೆ. ತಂದೆಯೂ ಕೂಡಾ ಮಗಳನ್ನು ಹೆಚ್ಚು ಲಾಲಿಸಿದರೆ, ತಾಯಿ ಮಗನನ್ನು ಹೆಚ್ಚು ತಲೆಯ ಮೇಲೆ ಹೊತ್ತು ತಿರುಗುತ್ತಾಳೆ. ಅದೇ ರೀತಿ ಸಂಘರ್ಷಗಳು ಕೂಡಾ ಮಗಳಿಗೆ ಹೆಚ್ಚು ತಕರಾರು ಇರುವುದು ತಾಯಿಯ ಜೊತೆಗೆ. ಮಗಳ ಮೇಲಿನ ದೂರುಗಳ ಪಟ್ಟಿ ತಾಯಿಗೆ ಸಾಮಾನ್ಯವಾಗಿ ದೊಡ್ಡದಿರುತ್ತದೆ.

ಹಾಗೆಯೇ ಮಗನನ್ನು ಶಿಸ್ತಿಗೊಳಪಡಿಸಲು ತಂದೆ ಹೆಚ್ಚು ನಿಷ್ಟುರವಾಗಿರುತ್ತಾರೆ. ಕಾಠಿಣ್ಯ ತೋರುತ್ತಾನೆ. ಅದೇ ಕಠೋರ ಮತ್ತು ನಿಷ್ಟುರ ಧೋರಣೆ ಮಗಳ ವಿಷಯದಲ್ಲಿರುವುದಿಲ್ಲ. ಮಗಳೂ ಹಾಗೆಯೇ, ಅಮ್ಮನ ಕಂಡರೆ ಭಯವಿದ್ದರೂ ಅಥವಾ ಅವಳು ಬೈಯುತ್ತಾಳೆ ಅಥವಾ ಹೊಡೆಯುತ್ತಾಳೆ ಎಂಬ ಅಂಜಿಕೆ ಇದ್ದರೂ ಅವಳ ಜೊತೆಗೆ ವರ್ತಿಸುವಾಗ ಒರಟುತನ ಪ್ರದರ್ಶಿಸುತ್ತಾಳೆ.

ಎದುರು ಜವಾಬು ಕೊಡುತ್ತಾಳೆ. ಸಂಘರ್ಷವನ್ನು ಹೆಚ್ಚಿಸಿಕೊಳ್ಳುತ್ತಾಳೆ. ಅದೇ ತನ್ನ ಬೈಯದ, ಹೊಡೆಯದ ತಂದೆಯ ಜೊತೆಗೆ ಅಕ್ಕರೆಯನ್ನೇ ತೋರುತ್ತಾಳೆ. ಎದುರು ವಾದಿಸುವುದು ಇಲ್ಲವೇ ಇಲ್ಲ ಎನ್ನಿಸುವಷ್ಟು ತೀರಾ ಕಡಿಮೆ. ಅವನ ಕಂಡರೆ ಭಯವಿರುವುದಿಲ್ಲ. ಭಯಪಡುವುದು ತೀರಾ ಅಪರೂಪಕ್ಕೆ. ತೀರಾ ಭಯವಿದೆ ಎಂದರೆ ಅಪ್ಪನಲ್ಲಿ ಕೆಲವು ಕ್ರೌರ್ಯ ಅಥವಾ ಹಿಂಸೆಯ ವರ್ತನೆಗಳನ್ನು ಪುನರಾವರ್ತಿತವಾಗಿ ಕಾಣುತ್ತಿರಬೇಕು.

ಈಡಿಪಸ್ ಕಾಂಪ್ಲೆಕ್ಸ್

ಈಡಿಪಸ್ ಕಾಂಪ್ಲೆಕ್ಸ್ ಎಂದರೆ ತಾಯರಿಮೆ ಎಂದು ಸರಳವಾಗಿ ಹೇಳಬಹುದು. ಶಿಶುವೊಂದು ತನ್ನ ಎಳೆತನದಲ್ಲಿ ತನ್ನ ತಾಯಿಯಿಂದ ಸಂಪೂರ್ಣ ಗಮನವನ್ನೂ ಮತ್ತು ಪ್ರೇಮವನ್ನೂ ತನಗಾಗಿ ಬಯಸುವುದು. ಅದರಲ್ಲೂ ಅದು ಗಂಡು ಮಗುವಾಗಿದ್ದು, ತಾಯಿಯ ಸಾಮಿಪ್ಯ ಮತ್ತು ಸ್ಪರ್ಷವನ್ನು ಗಾಢವಾಗಿ ಬಯಸುತ್ತಾ ತಂದೆಯ ಅಧಿಕಾರಯುತ ಮಧ್ಯ ಪ್ರವೇಶವನ್ನು ಧಿಕ್ಕರಿಸುವುದಕ್ಕೆ ತಾಯರಿಮೆ ಅಥವಾ ಈಡಿಪಸ್ ಕಾಂಪ್ಲೆಕ್ಸ್ ಎನ್ನುವುದು.
ಸಿಗ್ಮಂಡ್ ಫ್ರಾಯ್ಡ್, ಜರ್ಮನಿಯ ಮನಶಾಸ್ತ್ರಜ್ಞ ಈ ವಿಚಾರ ಸರಣಿಯನ್ನು ತಾತ್ವಿಕವಾಗಿ ಮುಂದಿಟ್ಟು ಶಾಸ್ತ್ರೀಯವಾಗಿ ಮಂಡಿಸಿದರು.

ಈ ಥಿಯರಿಗೆ ಅವರು ಈಡಿಪಸ್ ಎಂಬ ಗ್ರೀಕ್ ಪಾತ್ರದಿಂದ ಗುರುತಿಸಲು ಕಾರಣವಿದೆ.
ಆ ಈಡಿಪಸ್ ಕತೆಯೇನೆಂದರೆ; ಲೇಯಾಸ್ ಎಂಬುವನು ತಿಬೀಸ್ ರಾಜ. ಅವನ ರಾಣಿ ಜೊಕಾಸ್ಟಾ. ಅವರಿಗೆ ಹುಟ್ಟುವ ಮಗುವು ಅವನನ್ನು ಕೊಲ್ಲುತ್ತದೆ ಎಂಬ ಭವಿಷ್ಯವಾಣಿಯನ್ನು ಕೇಳಿ ಅದನ್ನು ಕೊಲ್ಲಲು ಲೇಯಾಸ್ ಕಳುಹಿಸುತ್ತಾನೆ. ಕಟುಕರ ಹೃದಯದಲ್ಲೂ ಹುಟ್ಟಿದ ಅನುಕಂಪದಿಂದಾಗಿ ಮಗುವು ಸಾಯದೇ ಕುರುಬನೊಬ್ಬನ ಪಾಲಾಗುತ್ತದೆ. ಆ ಕುರುಬನಿಂದ ಕೊರಿಂತ್ ಎಂಬ ರಾಜ್ಯದ ರಾಜ ಪಾಲಿಬಸ್ ಮತ್ತು ಅವನ ಹೆಂಡತಿ ಮಗುವನ್ನು ದತ್ತು ಪಡೆದು ತಮ್ಮದೇ ಮಗುವಿನಂತೆ ಸಾಕುತ್ತಾರೆ. ಅವರಿಗೆ ಈ ಮಗುವು ಲೇಯಾಸ್ ಮತ್ತು ಜೊಕಾಸ್ಟಾ ದಂಪತಿಗಳ ಮಗುವೆಂದು ತಿಳಿದಿರುವುದಿಲ್ಲ. ಆ ಮಗುವೇ ಈಡಿಪಸ್.

ಈಡಿಪಸ್ ಬೆಳೆದಂತೆ ತನ್ನ ಅಧ್ಯಯನದ ಪ್ರವಾಸದಲ್ಲಿ ತಿಬೀಸ್‍ಗೆ ಹೋಗುತ್ತಾನೆ. ಅಲ್ಲಿ ಹುಟ್ಟುವ ಜಗಳವೊಂದರಿಂದಾಗಿ ಲೇಯಾಸನನ್ನು ಕೊಲ್ಲುತ್ತಾನೆ. ಅಲ್ಲಿಯೇ ರಾಜ್ಯಕ್ಕೆ ಉಪದ್ರವಕಾರಿಯಾಗಿದ್ದ ಸಿಂಹನಾರಿ ಅಥವಾ ಸ್ಪಿಂಕ್ಸ್ ಕೇಳುವ ಒಗಟನ್ನು ಸರಿಯಾಗಿ ಈಡಿಪಸ್ ಬಿಡಿಸಿ ಉತ್ತರ ಹೇಳುತ್ತಾನೆ. ಇದರಿಂದ ಸಿಂಹನಾರಿ ತನ್ನನ್ನು ತಾನು ಕೊಂದುಕೊಂಡು ತಿಬೀಸ್ ಸಮಸ್ಯೆಯಿಂದ ಮುಕ್ತವಾಗುತ್ತದೆ. ಅವನೇ ತಿಬೀಸ್ ರಾಜನೂ ಆಗುತ್ತಾನೆ. ಲೇಯಾಸನ ಹೆಂಡತಿಯಾಗಿದ್ದು ವಿಧವೆಯಾದ ಜೊಕಾಸ್ಟಾಳನ್ನು ಈಡಿಪಸ್ ಗೆದ್ದರಸರ ವಾಡಿಕೆಯಂತೆ ಮದುವೆಯಾಗುತ್ತಾನೆ. ಅವರಿಬ್ಬರಿಗೆ ನಾಲ್ವರು ಮಕ್ಕಳು ಹುಟ್ಟುತ್ತಾರೆ. ನಂತರ ಮುಂದೆ ಯಾವಾಗಲೋ ಜೊಕಾಸ್ಟಾಗೆ ತಾನು ತನ್ನ ಮಗನನ್ನೇ ಮದುವೆಯಾದ ವಿಷಯ ತಿಳಿಯುತ್ತದೆ.

ಇದರಿಂದ ಮನನೊಂದು ನೇಣು ಹಾಕಿಕೊಂಡು ಸಾಯುತ್ತಾಳೆ. ಈ ಗ್ರೀಕಿನ ಜನಪದ ಕತೆಯಲ್ಲಿ ಈಡಿಪಸ್‍ಗೆ ತನ್ನ ತಾಯಿ ಎಂದು ತಿಳಿಯದೇ ಜೊಕಾಸ್ಟಾಳನ್ನು ಮೋಹಿಸುತ್ತಾನೆ ಮತ್ತು ಮದುವೆಯಾಗುತ್ತಾನೆ. ಈ ಕತೆಯ ನಾಯಕನ ಅರಿವಿಲ್ಲದೆ ತಾಯಿಯನ್ನು ಮದುವೆಯಾಗುವ ಪ್ರಕರಣವನ್ನೇ ಸಾಂಕೇತಿಕವಾಗಿ ಸಿಗ್ಮಂಡ್ ಫ್ರಾಯ್ಡ್ ಈ ಅರಿಮೆಯನ್ನು ಈಡಿಪಸ್ ಕಾಂಪ್ಲೆಕ್ಸ್ ಎಂದು ಹೆಸರಿಸುತ್ತಾರೆ. ಅವರ ಅನೇಕಾನೇಕ ವಿವಾದಾತ್ಮಕ ವಿಷಯ ಮಂಡನೆಗಳಲ್ಲಿ ಇದೂ ಒಂದು.
ಆದರೆ ಸಿಗ್ಮಂಡ್ ಫ್ರಾಯ್ಡ್‍ಗೆ ನಮ್ಮ ಭಾರತೀಯ ಪುರಾಣಗಳಲ್ಲಿನ ದೈವಿಕ ಪಾತ್ರವಾದ ಗಣಪತಿಯ ಬಗ್ಗೆ ತಿಳಿದಿರಲಿಲ್ಲವೆನಿಸುತ್ತದೆ. ತಾಯಿಯ ಗಾಢ ಪ್ರೇಮಕ್ಕೆ ಒಳಗಾದ ಮಗನು ಅವಳ ಖಾಸಗೀತನಕ್ಕೂ ತಂದೆಯ ಅಧಿಕಾರಯುತವಾದ ಪ್ರವೇಶವನ್ನು ತಡೆಯುವ ತಾಯರಿಮೆಯ ಸರಿಯಾದ ಉದಾಹರಣೆ ಗಣಪತಿಯ ಕತೆಯಲ್ಲಿ ಸಿಗುತ್ತದೆ.

ಶಿವನು ತಾನು ಪಾರ್ವತಿಯ ಗಂಡನೆಂಬ ಅಧಿಕಾರವನ್ನು ಪಾರ್ವತಿ ಎಂಬ ತಾಯಿಯ ಮಗನಾದ ಗಣಪತಿಯು ಒಪ್ಪುವುದಿಲ್ಲ. ಬದಲಾಗಿ ತಾಯಿಯ ಅಪ್ಪಣೆ ಎಂಬ ಕಾರಣದಿಂದ ಶಿವನನ್ನು ತಡೆಯುವಲ್ಲಿ ಪಟ್ಟು ಹಿಡಿಯುತ್ತಾನೆ. ಸಾಲದಕ್ಕೆ ತಂದೆ ಮತ್ತು ಮಗನ ಸಂಘರ್ಷಕ್ಕೆ ಶಿವ ಮತ್ತು ಗಣಪತಿಯ ಹೋರಾಟವು ಉದಾಹರಣೆಯಾಗುತ್ತದೆ. ಗಣಪತಿ ಎಂಬ ಮಗನಿಗೆ ಪಾರ್ವತಿ ಎಂಬ ತಾಯಿಯು ಸ್ನಾನ ಮಾಡುವಂತಹ ಖಾಸಗೀತನದ ಸಮಯದಲ್ಲಿ ಶಿವನೆಂಬ ತಂದೆಯನ್ನು ಪ್ರವೇಶಗೊಡದೇ ಹೋಗುವ ಪ್ರಸಂಗವು ತಾಯರಿಮೆಗೆ ಹೇಳಿ ಮಾಡಿಸಿದ ಉದಾಹರಣೆಯಾಗಿದೆ. ಈಡಿಪಸ್‍ಗಾದರೂ ಅವಳು ತನ್ನ ತಾಯೆಂದು ಅರಿವಿರುವುದಿಲ್ಲ.

ತಾನು ಕೊಲ್ಲುವ ರಾಜನು ತನ್ನ ತಂದೆ ಎಂದೂ ಅರಿವಿರುವುದಿಲ್ಲ. ಆದರೆ ಗಣಪನರಿಮೆಯಲ್ಲಿ ಗಣಪತಿಗೆ ತನ್ನ ತಾಯಿ ಎಂಬ ಅರಿವಿತ್ತು ಮತ್ತು ನಂತರ ತಾನು ಗಂಡನೆಂಬ ಅಹಂಕಾರದಿಂದ ಒಳಗೆ ಹೋಗುವವನು ತನ್ನ ತಾಯಿಯ ಪತಿ ಅಥವಾ ತನ್ನ ತಂದೆಯೆಂಬ ಅರಿವೂ ಇತ್ತು. ಆದರೆ ಆ ತಂದೆಯ ಅಧಿಕಾರಯುತವಾದ ಪ್ರವೇಶವು ತಾಯಿಯ ಖಾಸಗೀತನದಲ್ಲಿ ಅತಿಕ್ರಮ ಪ್ರವೇಶವೆಂದೇ ಮಗನ ಪ್ರತಿಭಟನೆಯಾದ್ದರಿಂದ ತಾಯರಿಮೆಗೆ ಗಣಪತಿಯ ಉದಾಹರಣೆ ಈಡಿಪಸ್‍ಗಿಂತ ಹೆಚ್ಚು ಸೂಕ್ತವಾಗುತ್ತದೆ.

ಇನ್ನು ಪ್ರಪಂಚದ ಇತಿಹಾಸದಲ್ಲಿ ತಂದೆ ಮತ್ತು ಮಗನ ಸಂಘರ್ಷದ ಅನೇಕಾನೇಕ ಸಂಗತಿಗಳು ದಾಖಲಾಗಿವೆ.ಮಗಧ ಸಾಮ್ರಾಜ್ಯವನ್ನು ಆಳಿದ ಬಿಂಬಿಸಾರ (ಕ್ರಿಸ್ತಪೂರ್ವ 546-494) ಮತ್ತು ಅವರ ಮಗ ಅಜಾತಶತ್ರು ನಡುವೆ ಮೂಡಿದ ಮನಸ್ತಾಪ ತೀವ್ರತರವಾದಂತಹ ಸಂಘರ್ಷಗಳಿಗೆ ಎಡೆ ಮಾಡಿಕೊಟ್ಟಿತ್ತು. ತಾಯಿಗೆ ಮೆದುಹೃದಯದವನಾಗಿದ್ದ ಅಮೋಘವರ್ಷ ತನ್ನ ತಂದೆಯನ್ನು ಕಾರಾಗೃಹದಲ್ಲಿರಿಸಿದ್ದಾಗ ಕದ್ದು ಉಪಚರಿಸುತ್ತಿದ್ದಳೆಂದು ಕೋಪಗೊಂಡು ಅವಳನ್ನೂ ತಂದೆಯೊಂದಿಗೆ ಬಂಧಿಸಿದ. ಪರಿಸ್ಥಿತಿಗಳು ವಿಕೋಪಕ್ಕೆ ತಿರುಗಿ ಕೊನೆಗೆ ತನ್ನ ತಂದೆ ತಾಯಿಯನ್ನು ಕೊಲ್ಲಿಸಿದ. ಅರಿಮೆಯೇ ಮೊದಲಾದ ಮಾನಸಿಕ ಸಮಸ್ಯೆಗಳು ಗಾಢವಾದರೆ, ಮಿತಿ ಮೀರಿದರೆ ಯಾರೂ ಏನೂ ಮಾಡಲಾಗದು ಎಂಬುವುದಕ್ಕೆ ಇದೊಂದು ಉದಾಹರಣೆ. ಬಿಂಬಿಸಾರ ಬುದ್ಧನ ಶಿಷ್ಯನೂ, ಪೋಷಕನೂ, ಸ್ನೇಹಿತನೂ ಆಗಿದ್ದ. ಬುದ್ಧನ ತಂಗುವಿಕೆಗೆ ಮತ್ತು ಬೋಧನೆಗೆ ಅನುವಾಗುವಂತೆ ವೇಣುವನವನ್ನು ಬಿಟ್ಟುಕೊಟ್ಟಿದ್ದ. ಸಾವಿರಾರು ಜನರು ಸೇರುತ್ತಿದ್ದರು.

ಆದರೆ ಬುದ್ಧನ ಕಸಿನ್ ದೇವದತ್ತ ಬುದ್ಧನ ಬಗ್ಗೆಗಿದ್ದ ತನ್ನ ದಾಯಾದಿ ಮತ್ಸರದಿಂದ ಅಜಾತಶತ್ರುವಿನೊಂದಿಗೆ ಸೇರಿಕೊಂಡು ತನ್ನ ವೈರ ಸಾಧನೆಗೆ ಪೂರಕವಾಗುವಂತೆ ಅಮೋಘವರ್ಷ ತನ್ನ ತಂದೆಯ ವಿರುದ್ಧ ಕತ್ತಿ ಮಸೆಯುವಂತೆ ಮಾಡಿದ. ಬುದ್ಧನ ಸಾಂಗತ್ಯಕ್ಕೆ, ವರ್ಚಸ್ಸಿಗೆ ಬಿಂಬಿಸಾರನನ್ನು ಅಜಾತಶತ್ರುವಿನಿಂದ ಕಾಪಾಡಲು ಆಗಲಿಲ್ಲ. ಬುದ್ಧನ ಚರಿತ್ರೆಯಲ್ಲಿ ಕರುಳು ಹಿಂಡುವ ದುರಂತವಿದು.

ರಾಷ್ಟ್ರಕೂಟರ ದೊರೆ ಅಮೋಘವರ್ಷ ನೃಪತುಂಗ (ಕ್ರಿಸ್ತಶಕ 800 ರಿಂದ 878) ಮತ್ತು ಅವರ ಮಗ ಎರಡನೆಯ ಕೃಷ್ಣನ ಜೊತೆ ಮನಸ್ತಾಪ ಮತ್ತು ಸಂಘರ್ಷಗಳಿದ್ದು ಕುಟುಂಬ ಮತ್ತು ರಾಜಕಾರಣವೆರಡರಲ್ಲೂ ಅದರ ನೆರಳು ಬಿದ್ದಿತ್ತು. ಮೊಗಲ್ ಸಾಮ್ರಾಟ ಅಕ್ಬರ್ ಮತ್ತು ಅವನ ಮಗ ಸಲೀಂ (ಜಹಂಗೀರ್) ನಡುವಿನ ಮನಸ್ತಾಪಗಳು ಮತ್ತು ಸಂಘರ್ಷಗಳು ಅತಿರೇಕಕ್ಕೆ ಮುಟ್ಟಿ 1599ರಲ್ಲಿ ತಂದೆಯ ವಿರುದ್ಧ ದಂಗೆ ಎದ್ದಿದ್ದ. ಅವರಿಬ್ಬರ ಸಂಘರ್ಷಗಳು ನಿಜಕ್ಕೂ ಯಾವುದೇ ಮನೆಯೊಂದರಲ್ಲಿ ತಂದೆ ಮಗನ ನಡುವಿನ ಮನಸ್ತಾಪಗಳಂತೆ ವಿಧವಿಧವಾದ ಸನ್ನಿವೇಶಗಳಿಂದ, ವ್ಯಕ್ತಿಗಳಿಂದಾಗುತ್ತಾ ಹೋಗುತ್ತವೆ.

1657ರಲ್ಲಿ ಷಾಜಹಾನ್‍ನನ್ನು ಬಂಧಿಸಿದ ಔರಂಗಜೇಬ್ ತಂದೆಯ ವಿರುದ್ಧ ತನ್ನ ಭಿನ್ನತೆಯನ್ನು ಸ್ಪಷ್ಟಪಡಿಸಿದ್ದ.
ಬಿಜಾಪುರದ ಮಹ್ಮದ್ ಆದಿಲ್ ಶಾ ಮತ್ತು ಅವನ ಎರಡನೆಯ ಮಗ ಅಲಿ ಆದಿಲ್ ಶಾ (ಆಳ್ವಿಕೆ 1656 ರಿಂದ 1672) ನಡುವಿನ ಪೈಪೋಟಿ ಮತ್ತು ಮನಸ್ತಾಪವು ಬೇರೊಂದು ರೀತಿಯಲ್ಲಿ ನಮಗೆ ಸ್ಮಾರಕವಾಗಿ ನಿಂತಿದೆ. ಮಹ್ಮದ್ ಆದಿಲ್ ಶಾ ಗೋಳಗುಮ್ಮಟವನ್ನು ಕಟ್ಟಿಸಿದ. ತಂದೆಯ ಮೇಲಿನ ಸ್ಪರ್ಧೆಗೆ ಅಲಿ ಅದಕ್ಕಿಂತಲೂ ಉನ್ನತವಾದ ಕಟ್ಟಡವಾದ ಅಲಿರೋಜಾ ಕಟ್ಟಿಸಲು ಪ್ರಾರಂಭಿಸಿದ.

ಆದರೆ, ಕೆಲಸವು ಪೂರ್ತಿಯಾಗದೇ ಬಾರಾ ಕಮಾನ್ ಆಗಿ ಉಳಿಯಿತು. ತಂದೆಯ ವಿರುದ್ಧವಾಗಿ ಹೂಡಿದ ಸ್ಪರ್ಧೆಯಲ್ಲಿ ಅಲಿ ವಿಜಯಿಯಾಗಲಿಲ್ಲ. ಅವನ ಸೋಲಿನ ಸ್ಮಾರಕವಾಗಿ ಬಾರಾಕಮಾನ್ ನಿಂತಿದೆ. ಒಂದು ವೇಳೆ ಅದು ಪೂರ್ಣಗೊಂಡಿದ್ದರೆ ವಿಶ್ವದಲ್ಲಿಯೇ ಅದೂ ಒಂದು ಅತ್ಯದ್ಭುತವಾದ ಕಟ್ಟಡವಾಗಿ ನಿಂತಿರುತ್ತಿತ್ತು. ಮನುಷ್ಯನ ಮನಸ್ಸಿರುವವರಿಗೆಲ್ಲಾ ಒಂದಲ್ಲಾ ಒಂದು ಮಾನಸಿಕ ಸಮಸ್ಯೆಗಳು ಇದ್ದೇ ಇರುತ್ತವೆ ಮೂಗಿರುವವರಿಗೆ ನೆಗಡಿ ತಪ್ಪದಂತೆ. ನೆಗಡಿಗಾದರೂ ಔಷಧಿ ಇಲ್ಲವೇನೋ ಆದರೆ ಮನೋರೋಗಕ್ಕೆ ಮದ್ದಿದೆ.

(ಮುಂದುವರಿಯುವುದು)

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ಅಂತರಂಗ

ಅರಿಮೆಯ ಅರಿವಿರಲಿ-4 : ಒಳಗತ್ತಲ ಕಳ್ಳರು

Published

on

Art by Muhmmed Salah
  • ಯೋಗೇಶ್ ಮಾಸ್ಟರ್

ಅಡ್ಡಗಾಲಾಗುವ ಅರಿಮೆಗಳು

ದೊಂದು ಮಗು. ಇತರ ಎಲ್ಲಾ ಮಕ್ಕಳು ಸಂತೋಷದಿಂದ ಕುಣಿದುಕೊಂಡು ಆಡುವಾಗ ತಾನೂ ಹಾಗೆಯೇ ಹೋಗಿ ಕುಣಿಯಬೇಕು ಎಂದು ಆಸೆ ಪಡುತ್ತದೆ. ಆದರೆ ಅದಕ್ಕೆ ಹಾಗೆ ಕುಣಿಯಲು ಕಾಲೂ ಬಾರದು, ಕೂಗಲು ದನಿಯೂ ಏರದು.

ಕೆಲವೊಮ್ಮೆ ಯಾವುದೋ ಮದುವೆಯೋ ಅಥವಾ ಅಣ್ಣಮ್ಮನ ಉತ್ಸವದಲ್ಲೋ ಗೆಳೆಯರು ಟಪ್ಪಾಂಗೋಚಿ ಸ್ಟೆಪ್ಸ್ ಹಾಕುತ್ತಿರುತ್ತಾರೆ. ಅವರೊಂದಿಗೆ ಮನಸಾರೆ ಕೂಗುತ್ತಾ ನಲಿಯುತ್ತಾ ಕುಣಿಯುವ ಎಂದು ಎನಿಸುತ್ತದೆ. ಅಲ್ಲಿ ಎಲ್ಲಾ ಆಹ್ವಾನಿಸುವವರೇ ಇರುತ್ತಾರೆ. ಆದರೆ ಕೆಲವರಿಗೋ ಕಾಲು ಮುನ್ನಡೆಯದು, ಕೈಗಳು ಮೇಲೇಳದು, ಕುಣಿಯಲಾಗದು. ಕೆಲವರು ಅದ್ಯಾವುದೋ ಸಭೆಯಲ್ಲಿ ಭಾಷಣ ಮಾಡಲು ಎಲ್ಲಾ ಸಿದ್ಧತೆಗಳನ್ನು ಮಾಡಿಕೊಂಡಿರುತ್ತಾರೆ. ಮುಖ್ಯ ಅಂಶಗಳ ಪಟ್ಟಿ ಕೈಯಲ್ಲಿರುತ್ತದೆ.

ಆದರೆ ಸಭೆಯಲ್ಲಿ, ವೇದಿಕೆಯ ಮೇಲೆ ಜನಗಳ ಮುಂದೆ ಕೈಗಳು ನಡುಗುತ್ತಿರುತ್ತವೆ, ಗಂಟಲು ಒಣಗುತ್ತದೆ, ಧ್ವನಿ ಹೊರಡದು, ಬೆವರು ತೊಟ್ಟಿಕ್ಕುತ್ತಿರುತ್ತದೆ, ಹೊಟ್ಟೆಯಲ್ಲಿ ತೊಳೆಸಿದಂತೆ ಆಗುತ್ತಿರುತ್ತದೆ, ಹೇಳಬೇಕಾದುದನ್ನು ಹೇಳದೇ ‘ಬೆಬೆಬೆಬೆ’ ಎನ್ನುತ್ತಾ ವೇದಿಕೆಯಿಂದ ಕೆಳಕ್ಕಿಳಿದರೆ ಸಾಕು ಎಂದು ಏನೋ ಒಂದಷ್ಟು ವದರಿ ಓಡಿಬಂದಿರುತ್ತಾರೆ. ಕೆಲವರು ಎಷ್ಟು ಸ್ವಾತಂತ್ರ್ಯವಿದ್ದರೂ ದೀನರಾಗಿಯೇ ವರ್ತಿಸಿದರೆ, ನಿರ್ಬಂಧವಿರುವ ಕಡೆಯಲ್ಲೂ ಕೆಲವರು ಠಾಕುಠೀಕಾಗಿ ಕಾರುಬಾರು ಮಾಡುತ್ತಿರುತ್ತಾರೆ.

ಹೀಗೆ ಹಲವು ಬಗೆಯ ವ್ಯಕ್ತಿಗಳನ್ನು ನೋಡುತ್ತಿರುತ್ತೇವೆ. ಅವನೆಷ್ಟೇ ಚೆನ್ನಾಗಿರುವ ಉತ್ಪಾದನೆಗಳನ್ನು ಮಾಡಿದರೂ ಹಿಂಜರಿಕೆಯಲ್ಲೇ ಪ್ರಚಾರ ಮಾಡದೇ ಹಿಂದುಳಿದು ನಷ್ಟಕ್ಕೊಳಗಾಗುತ್ತಾನೆ. ಯಾವ ಗಟ್ಟಿ ಮತ್ತು ಶಕ್ತ ಉತ್ಪಾದನೆಯಲ್ಲದಿದ್ದರೂ ನಾಜೂಕಾಗಿ ಪ್ರಚಾರ ಮಾಡಿಕೊಂಡು ಗಟ್ಟಿದನಿಯಿಂದ ನೀವಿದನ್ನು ಹೊಂದಲೇ ಬೇಕು ಎಂದು ತಾಕೀತು ಮಾಡುತ್ತಾ ಮತ್ತೊಬ್ಬ ಯಶಸ್ಸನ್ನು ಕಾಣುತ್ತಾನೆ. ಇವೆಲ್ಲಾ ಏಕಾಗುತ್ತದೆ? ಅವರವರ ಹಣೆಬರಹ ಎಂದುಬಿಡಬೇಡಿ.ಅವರವರ ಮನೋಬರಹವೆನ್ನಿ.

ಟೀ ಶರ್ಟ್, ಜೀನ್ಸ್; ಎಂತದ್ದೋ ಬಟ್ಟೆ ಹಾಕಿಕೊಂಡಿರುವ ಈ ಯೋಗೇಶನನ್ನು ನೀವು ಹೊರಗೆ ನೋಡುತ್ತಿದ್ದೀರಿ. ಆದರೆ, ಬೆತ್ತಲಾಗಿರುವ ಅನೇಕಾನೇಕ ಯೋಗೇಶರು ಈ ಬಟ್ಟೆತೊಟ್ಟಿರುವ ಯೋಗೇಶನೊಳಗೆ ಇರುತ್ತಾರೆ.
ಒಬ್ಬ ವ್ಯಕ್ತಿಯ ಮನಸ್ಸಿನೊಳಗೆ, ಒಳಗತ್ತಲಿನಲ್ಲಿ ಎಂತೆಂತಹ ಅದೇ ವ್ಯಕ್ತಿಗಳು ಅಡಗಿಕೊಂಡಿರುತ್ತಾರೆ ಗೊತ್ತೋ! ಕಾಮುಕ, ಸ್ವಾರ್ಥಿ, ಕ್ರೂರಿ, ದೀನ, ಮೋಸಗಾರ, ರಸಿಕ, ಸರಸಿ, ವಿರಹಿ, ಕೊಲೆಗಾರ, ಪ್ರೇಮಿ, ಪೋಷಕ, ಕರುಣಿ, ದುಃಖಿ, ಆನಂದಿ; ಹೀಗೆ ಹಲವಾರು ವ್ಯಕ್ತಿಗಳುಅವಿಸಿಟ್ಟುಕೊಂಡಿರುತ್ತಾರೆ.

ಅವರಲ್ಲಿ ಕೆಲವರು ಬಲಿಷ್ಟರು, ಕೆಲವರು ದುರ್ಬಲರು, ಮತ್ತೆ ಕೆಲವರು ಶಿಶುಗಳು. ಅವರವರಿಗೆ ಅವರದೇ ಸ್ವಭಾವಗಳು, ಅವರವರ ಸ್ವಭಾವಕ್ಕೆ ಹೊರಗಿನ ಜಗತ್ತಿಗೆ ಕಾಣುವ ಸ್ಥೂಲವ್ಯಕ್ತಿಯನ್ನು ಆಡಿಸಲು ಯತ್ನಿಸುತ್ತಾರೆ.

ನೆನಪಿರಲಿ, ಕಣ್ಣಿಗೆ ಕಾಣದ ಮೇಲೆಲ್ಲೋ ಇರುವ ಒಬ್ಬ ಸೂತ್ರಧಾರನ ಇಚ್ಚೆಯಂತೆ ಪಾತ್ರಧಾರಿಯು ವರ್ತಿಸುವುದಲ್ಲ. ಒಳಗಿರುವ ಅನೇಕ ಸೂತ್ರಧಾರರ ಸ್ವಭಾವಕ್ಕೆ ತಕ್ಕಂತೆ ಲೋಕ ಕಾಣುವ, ಸಮಾಜದಲ್ಲಿರುವ ಒಬ್ಬ ಪಾತ್ರಧಾರಿಯು ವರ್ತಿಸುವುದು!
ತಾನೊಂದು ಬಗೆದರೆ ಮಾನವ, ಬೇರೊಂದು ಬಗೆವುದು ದೈವ ಎನ್ನುತ್ತಾರಲ್ಲಾ, ಈ ವಾಕ್ಯವನ್ನು ಸ್ವಲ್ಪ ಸರಿಪಡಿಸಿಕೊಳ್ಳಬೇಕು. ತಾನೊಂದು ಬಗೆದರೆ ಬೇರೊಂದು ಬಗೆವುದು ನಮ್ಮ ಅರಿಮೆಗಳು. ಇನ್‍ಸ್ಟಾಲ್ ಆಗಿರುವ ಸಾಫ್ಟ್‍ವೇರ್‍ಗಳ ಪ್ರಕಾರ ಪ್ರೊಗ್ರಾಮ್‍ಗಳು ನಡೆಯುತ್ತಿರುತ್ತವೆ. ಇನ್‍ಸ್ಟಾಲ್ ಆಗಿರುವ ನಾವು ಎಷ್ಟೋ ವಿಷಯಗಳ ಬಗ್ಗೆ ಜಾಗೃತರಾಗಿ ತೊಡಗಿಕೊಳ್ಳಲು ಬಯಸಿದರೂ ತೊಡರುಗಾಲಾಗುವವು ನಮ್ಮದೇ ‘ಮೊದಲು ಇನ್‍ಸ್ಟಾಲ್ ಆಗಿರುವ ಸಾಫ್ಟ್‍ವೇರ್‍ಗಳು’ ಅಥವಾ ಅರಿಮೆಗಳು.

ಒಳಗತ್ತಲಿನ ಕಾಮುಕ

ನಮ್ಮ ದೇಶದಲ್ಲಿ ಲೈಂಗಿಕತೆಯ ಬಗ್ಗೆ ಸೋಗಿನ ಮನೋಭಾವವಿದೆ. ಅದರ ಬಗ್ಗೆ ಅಭಿಪ್ರಾಯಗಳನ್ನು ಪ್ರಕಟಿಸುವಲ್ಲಿ ಅಪ್ರಮಾಣಿಕತೆ ಇದೆ. ಇನ್ನು ಆಲೋಚನೆಗಳೋ ಅನಾರೋಗ್ಯದ ಪರಮಾವಧಿಯಲ್ಲಿವೆ. ಹಾಗಾಗಿ, ಒಬ್ಬ ಸಾಮಾನ್ಯ ಭಾರತೀಯನ ಒಳಗತ್ತಲೆಯಲ್ಲಿರುವ ಕಾಮುಕನಿಗೆ ಲೈಂಗಿಕತೆಯನ್ನು ಅರ್ಥ ಮಾಡಿಕೊಳ್ಳಲು ಬಹಳ ಕಷ್ಟ. ಅವನಿಗೆ ಪ್ರೇಮವೆಂದರೂ ಕಾಮವೇ, ಲೈಂಗಿಕತೆ ಎಂದರೂ ಕಾಮವೇ, ದಾಂಪತ್ಯವೆಂದರೂ ಕಾಮವೇ, ಮಗುವೆಂದರೂ ಕಾಮದ ಫಲವೇ, ವ್ಯಕ್ತಿಗಳಿಬ್ಬರ ಏಕಾಂತ ಎಂದರೂ ಕಾಮವೇ, ಗಂಡು ಹೆಣ್ಣಿನ ಸ್ನೇಹವೆಂದರೂ ಕಾಮವೇ; ಹೀಗೆ ಎಲ್ಲವೂ ಕಾಮುಕತೆಯದೇ ಆಗಿರುತ್ತದೆ. ಇಲ್ಲೇ ಸಮಸ್ಯೆ ಇರುವುದು. ಪ್ರೇಮ, ಲೈಂಗಿಕತೆ, ದಾಂಪತ್ಯ, ಏಕಾಂತ, ಸ್ನೇಹ, ಮಗು; ಇವು ಯಾವುದಕ್ಕೂ ಕಾಮಕ್ಕೆ ಯಾವ ಸಂಬಂಧವೂ ಇಲ್ಲ. ಆದರೆ ವ್ಯಕ್ತಿಯ ಒಳಗತ್ತಲಲ್ಲಿರುವ ಕಾಮುಕ ಯಾವುದನ್ನಾದರೂ ಕಾಮಕ್ಕೆಳೆಸಬಹುದು. ಲೈಂಗಿಕಾಂಗಗಳಲ್ಲಿ ಕಾಮುಕತೆ ಇಲ್ಲ.

ವ್ಯಕ್ತಿಯೊಳಗಿನ ಕಾಮುಕನು ಯಾವುದನ್ನಾದರೂ ತನ್ನ ಕಾಮುಕತೆಗೆ ವಸ್ತುವನ್ನಾಗಿ ಮಾಡಿಕೊಳ್ಳಬಹುದು. ನಮ್ಮಲ್ಲಿ ಪ್ರತಿಯೊಬ್ಬರೂ ಕಾಮುಕತೆಯು ಬಳಸಿಕೊಂಡ ಲೈಂಗಿಕಕ್ರಿಯೆಯಿಂದಲೇ ಹುಟ್ಟಿರುವುದು. ಯಾರೊಬ್ಬರ ತಂದೆ ತಾಯಿ ಅದೆಷ್ಟೇ ಸಾಧು ಸಂತರಂತಹ ಜೀವನ ಮಾಡುತ್ತಿದ್ದರೂ ಅವರಿಗೆ ಮಗು ಹುಟ್ಟಿದೆ ಎಂದರೆ ಶಾರೀರಿಕವಾಗಿ ಲೈಂಗಿಕಕ್ರಿಯೆಯೂ, ಮನೋಭಾವುಕವಾಗಿ ಕಾಮುಕತೆಯೂ ಅಲ್ಲಿತ್ತು ಎಂದೇ ಅರ್ಥ.

ನಮ್ಮ ಹುಟ್ಟಿನ ಮೂಲವೇ ಲೈಂಗಿಕತೆಯೂ ಮತ್ತು ಕಾಮುಕತೆಯೂ ಆಗಿರುವುದರಿಂದ ಸಹಜವಾಗಿ, ಪ್ರಕೃತಿ ಸಹಜವಾಗಿ, ನಮ್ಮಲ್ಲಿರುವ ಮೂಲ ಪ್ರವೃತ್ತಿ ಲೈಂಗಿಕತೆಯ ಮೂಲಕ ಕಾಮುಕತೆಯ ವಾಂಛೆಯನ್ನು ಪೂರೈಸಿಕೊಳ್ಳಲು ಯತ್ನಿಸುತ್ತದೆ.

ಆದರೆ, ಸಮಾಜವು ಕಾಮುಕತೆಯನ್ನು ನಿಗ್ರಹಿಸುವ ಭರದಲ್ಲಿ ಲೈಂಗಿಕತೆಗೂ ಕಡಿವಾಣ ಹಾಕಿರುವ ಕಾರಣ ವ್ಯಕ್ತಿಗಳಲ್ಲಿ ಮನೋಲೈಂಗಿಕ ಸಂಘರ್ಷಗಳು ಉಂಟಾಗುತ್ತವೆ. ವ್ಯಕ್ತಿಗಳಲ್ಲಿನ ಬಹುಪಾಲು ಸಮಸ್ಯೆಗಳು ಮನೋಲೈಂಗಿಕ ಸಂಘರ್ಷಗಳಿಂದಲೇ ಉಂಟಾಗಿರುವುದು. ನೈಸರ್ಗಿಕವಾಗಿರುವ ಲೈಂಗಿಕತೆ ಬೇಕು, ಆದರೆ ಸಾಮಾಜಿಕವಾಗಿ ಕಾಮುಕತೆಯನ್ನು ದಮನಿಸಬೇಕು. ಹಾಗಾಗಿಯೇ ಸಂಘರ್ಷ. ಈ ಲೈಂಗಿಕತೆಯ ಮತ್ತು ಕಾಮುಕತೆಯ ನಡುವಿನ ಭಿನ್ನತೆ ಮತ್ತು ಸಂಬಂಧ ಸೂಕ್ಷ್ಮಗಳ ಅರಿವು ಇಲ್ಲದಿರುವ ಕಾರಣವು ಅರಿಮೆಗಳನ್ನು ಹೊಂದುವಂತೆ ಮಾಡುತ್ತವೆ. ಒಳಗತ್ತಲಿನ ಕಳ್ಳರು ಹೊರಗೆ ಕನ್ನ ಹಾಕುತ್ತಿರುತ್ತಾರೆ. ಆಗ ಹೊರಗೆ ಕಾಣುವ ವ್ಯಕ್ತಿಯನ್ನೇ ಕಳ್ಳ ಎನ್ನುತ್ತೀರಿ.

(ಮುಂದುವರಿಯುವುದು)

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading
Advertisement

Title

ಲೈಫ್ ಸ್ಟೈಲ್19 mins ago

ಟ್ರೆಂಡ್ ಆಗುತ್ತಿದೆ ಫಂಕೀ ಫೇಸ್ ಮಾಸ್ಕ್ ಫ್ಯಾಷನ್..!

ಚಿತ್ರಶ್ರೀ ಹರ್ಷ ಜಗತ್ತಿನಲ್ಲಿ ಕರೋನ ಭೀತಿ ಮನೆ ಮಡಿದ್ದು,  ಜನರಲ್ಲಿ ಆತಂಕ ಸೃಷ್ಟಿಸಿರುವುದು ಒಂದೆಡೆ ಆದರೆ, ಜನರ ದಿನನಿತ್ಯದ ಜೀವನೋಪಾಯಕ್ಕೆ ಪೆಟ್ಟು ಬಿದ್ದಿರುವುದೂ ಅಷ್ಟೇ ನಿಜ.ಕಾಲೇಜು-ಕಛೇರಿಗಳಿಗೆ ತೆರಳುವವರಂತೂ...

ಲೈಫ್ ಸ್ಟೈಲ್1 hour ago

ಉತ್ತರ ಕರ್ನಾಟಕದ ಸ್ಪೆಷಲ್ ‘ಬದನೇಕಾಯಿ ಎಣ್ಣೆಗಾಯಿ’ ಮಾಡೋದು ಹೀಗೆ ನೋಡಿ..!

ಶಶಿಕಲಾ ‌ಸುನೀಲ್ ಬೇಕಾಗುವ ಸಾಮಗ್ರಿಗಳು ಗುಂಡು ಬದನೇಕಾಯಿ – 8 ಈರುಳ್ಳಿ – 2 ಮೀಡಿಯಂ ಗಾತ್ರ ಹಸಿಮೆಣಸಿನಕಾಯಿ – 4 ಒಣ ಕೊಬ್ಬರಿ – 1...

ಅಂತರಂಗ2 hours ago

ಅರಿಮೆಯ ಅರಿವಿರಲಿ-6 : ಮಗಳೆಂಬ ಸವತಿ

ಯೋಗೇಶ್ ಮಾಸ್ಟರ್ ಸಾಮಾನ್ಯವಾಗಿ ಅಕ್ಕ ತಂಗಿಯರಲ್ಲಿ ಇರುವಂತಹ ಸಂಘರ್ಷದ ಅತಿರೇಕವು ಅಣ್ಣ ತಂಗಿಯಲ್ಲಿ ಅಥವಾ ಅಕ್ಕ ತಮ್ಮನಲ್ಲಿ ಇಲ್ಲದಿರುವುದಕ್ಕೆ ಕಾರಣವು ಬರಿಯ ವ್ಯಕ್ತಿಗತ ವರ್ತನೆಗಳೇ ಅಥವಾ ಮನುಷ್ಯನ...

ದಿನದ ಸುದ್ದಿ19 hours ago

ಉಡುಪಿ | ಜಿಲ್ಲೆಯಲ್ಲಿ ಮೀನು, ಮಾಂಸ ನಿರ್ಬಂದಿಸಿಲ್ಲ : ಜಿಲ್ಲಾಧಿಕಾರಿ

ಸುದ್ದಿದಿನ,ಉಡುಪಿ : ಜಿಲ್ಲೆಯಲ್ಲಿ ಮೀನು ಹಿಡಿಯುವುದು ಹಾಗೂ ಮಾರಾಟ ಮಾಡುವುದನ್ನು ನಿರ್ಬಂದಿಸಿಲ್ಲ, ಅದರೆ ಗುಂಪು ಗುಂಪಾಗಿ ಮೀನುಗಾರಿಕೆ ಮಾಡುವುದು ಹಾಗೂ ಮಾರಾಟ ಮಾಡುವುದಕ್ಕೆ ನಿರ್ಭಂದವಿದೆ, ಆದರೆ ಸಾಂಪ್ರದಾಯಿಕ...

ಲೈಫ್ ಸ್ಟೈಲ್20 hours ago

ಸೋಷಿಯಲ್ ಮೀಡಿಯಾದಲ್ಲಿ ಸಂಚಲನ ಸೃಷ್ಟಿಸಿದೆ ನಾರಿಯರ ಸ್ಯಾರೀ ಚಾಲೆಂಜ್..!

ಚಿತ್ರಶ್ರೀ ಹರ್ಷ ಕೊರೋನ ವೈರಾಣುವಿನ ಭೀತಿಯಿಂದಾಗಿಕೊಳ್ಳುವ ಇಡೀ ವಿಶ್ವವೇ ಲಾಕ್ಡೌನ್ ಆಗಿದೆ. ಈ ಹಿನ್ನೆಲೆಯಲ್ಲಿ ಇಡೀ ಫ್ಯಾಷನ್ ಲೋಕದ ಹುರುಪು ಉತ್ಸಾಹ ಕೂಡ ಕೊಂಚ ಹಿಂದೆ ಸರಿದಿರುವ...

ನೆಲದನಿ21 hours ago

ಕೊರೊನಾ ಕಲಿಸಿದ ಅಸ್ಪೃಶ್ಯತೆ ಪಾಠ

ಚೀನಾದಲ್ಲಿ ಜನ್ಮತಳೆದ ಅಮೂರ್ತ ಸ್ವರೂಪದ ವೈರಸೊಂದು ಅಲ್ಲಿ ಸಾವಿರಾರು ಜನರನ್ನು ಬಲಿ ತೆಗೆದುಕೊಂಡು, ಇಂದು ತನ್ನ ಶಕ್ತಿ ಮತ್ತು ಸಾಮಥ್ರ್ಯದಿಂದಾಗಿ ಜಗತ್ತಿನ ವಿವಿಧ ರಾಷ್ಟ್ರಗಳಿಗೆ ಲಗ್ಗೆಯಿಟ್ಟಿದೆ. ವಿಶ್ವದಲ್ಲಿ...

ಅಂತರಂಗ21 hours ago

ಅರಿಮೆಯ ಅರಿವಿರಲಿ-5 : ಮನೋಲೈಂಗಿಕ ಸಂಘರ್ಷಗಳು

ಯೋಗೇಶ್ ಮಾಸ್ಟರ್ ಮಗನು ತಾಯಿಯ ಜೊತೆಗೆ ಹೊಂದಿರುವಂತಹ ಅತಿಯಾದ ವ್ಯಾಮೋಹದ ಕತೆಗಳನ್ನೆಲ್ಲಾ ಮಾತೃಪ್ರೇಮವೆಂದು ಕರೆಯುತ್ತೇವೆ. ಹಾಗೆಯೇ ಮಗಳು ತಂದೆಯನ್ನು ಹುಚ್ಚಳಂತೆ ಹಚ್ಚಿಕೊಂಡಿದ್ದರೆ ಪಿತೃಪ್ರೇಮ ಅಪಾರವಾಗಿದೆ ಎನ್ನುತ್ತೇವೆ. ಅನ್ನೋಣ...

ದಿನದ ಸುದ್ದಿ1 day ago

ಕೊಪ್ಪಳ ‌| ತಬ್ಲಿಗಿ ಜಮಾತ್‌ನಲ್ಲಿ ಭಾಗವಹಿಸಿದ್ದ ಜಿಲ್ಲೆಯ ನಾಗರಿಕರಲ್ಲಿ ಕೊರೋನಾ ಲಕ್ಷಣಗಳು ಇಲ್ಲ: ಜಿಲ್ಲಾಧಿಕಾರಿ

ಸುದ್ದಿದಿನ,ಕೊಪ್ಪಳ : ಮಾರ್ಚ್ ತಿಂಗಳಲ್ಲಿ ದೆಹಲಿಯ ಹಜರತ್ ನಿಜಾಮುದ್ದಿನ್‌ನಲ್ಲಿ ಆಯೋಜಿಸಲಾಘಿದ್ದ ತಬ್ಲಿಗಿ ಜಮಾತ್‌ನಲ್ಲಿ ಭಾಗವಹಿಸಿದ್ದ ಜಿಲ್ಲೆಯ ನಾಗರಿಕರಲ್ಲಿ ಕೊರೋನಾ ಸೋಂಕಿನ ಯಾವುದೇ ಲಕ್ಷಣಗಳು ಕಂಡುಬಂದಿಲ್ಲ ಎಂದು ಜಿಲ್ಲಾಧಿಕಾರಿ...

ದಿನದ ಸುದ್ದಿ1 day ago

ವೈದ್ಯಕೀಯ ಕ್ಷೇತ್ರದ ಉದ್ಯೋಗಿಗಳು ಕೆಲಸಕ್ಕೆ ಹಾಜರಾಗಲು ಮನವಿ

ಸುದ್ದಿದಿನ,ದಾವಣಗೆರೆ: ಜಿಲ್ಲೆಯಲ್ಲಿರುವ ಎಲ್ಲಾ ಫಾರ್ಮಾಸಿಟಿಕಲ್ಸ್, ವೈದ್ಯಕೀಯ ಸಾಧನ ಕೈಗಾರಿಕೆಗಳು ಹಾಗೂ ಬೃಹತ್ ಔಷಧ ಉದ್ಯಮ ಕೈಗಾರಿಕೆಗಳ ಉದ್ಯೋಗಿಗಳು ಈ ಕೂಡಲೇ ಕೆಲಸಕ್ಕೆ ಸ್ವಇಚ್ಚೆಯಿಂದ ಹಾಜರಾಗಬೇಕೆಂದು ಜಿಲ್ಲಾಧಿಕಾರಿಗಳು ಮನವಿ...

ದಿನದ ಸುದ್ದಿ1 day ago

ಏ.14 ರವರೆಗೆ ಮದ್ಯ ನಿಷೇಧ

ಸುದ್ದಿದಿನ,ದಾವಣಗೆರೆ : ಕೋವಿಡ್-19 ಹರಡುವಿಕೆಯನ್ನು ತಡೆಗಟ್ಟಲು ಸಾಮಾಜಿಕ ಅಂತರವನ್ನು ಕಟ್ಟುನಿಟ್ಟಾಗಿ ಕಾಯ್ದುಕೊಳ್ಳವುದು ಹಾಗೂ ಪ್ರತ್ಯೇಕ ಕ್ರಮಗಳಿಂದ ನಿಯಂತ್ರಿಸುವುದು ಅವಶ್ಯಕವಿರುವುದರಿಂದ ಜಿಲ್ಲೆಯಾದ್ಯಂತ ಕರ್ನಾಟಕ ಅಬಕಾರಿ ಕಾಯ್ದೆ 1965 ಕಲಂ...

Trending